Путин мен Трамп Қытайға бір уақытта бара ма?

Ресей Президенті Владимир Путин 2026 жылдың мамыр айының екінші жартысында Қытайға баруы ықтимал. Бұл туралы сапарды дайындауға қатысы бар екі дереккөз «Ведомости» басылымына хабарлаған. Алдын ала жоспар бойынша, сапар 18 мамырдан кейінгі кезеңге сәйкес келуі мүмкін, алайда нақты күні әлі келісілмеген.

Қазір сапарға дайындық жүріп жатыр. Ресей сыртқы істер министрі Сергей Лавровтың Қытайға сапары кезінде екі ел басшыларының алдағы кездесулері талқыланған. Сондай-ақ Путин биыл күзде Қытайға екінші рет баруы мүмкін, бұл қараша айында өтетін АТЭС саммитімен байланысты.

Ал АҚШ Президенті Дональд Трамптың Қытайға сапары әзірге нақты расталмаған. Алдын ала мәліметтер бойынша, оның сапары 14–15 мамырға жоспарланған, бірақ кейінге шегерілуі мүмкін деген болжам бар. Сарапшылардың пікірінше, екі көшбасшының сапарлары бір-бірімен байланысты емес, дегенмен олардың бір кезеңде өтуі геосаяси тұрғыда үлкен назар аудартады.

@atamekenbusiness_silkway

Елімізде 3,7 млн тонна мұнай өнімдері өндірілді

Энергетика министрлігінің хабарлауынша, 2026 жылдың бірінші тоқсанының қорытындысы бойынша республикада мұнай өнімдерін өндіру көлемі 3,7 млн тоннаға жетті. Бұл ретте жылдық болжамды көрсеткіш 15,4 млн тонна деңгейінде белгіленген.

Өндіріс құрылымында әлеуметтік маңызы бар отын түрлері негізгі орын алады: бензин – 1,6 млн тонна, ал дизель отыны – шамамен 1,5 млн тонна.

Павлодар мұнай-химия зауытының қуаттылығын 5,5 млн тоннадан 9 млн тоннаға дейін, Шымкент зауытының қуатын 6-дан 12 млн тоннаға дейін, ал Атырау мұнай өңдеу зауытының қуатын 5,5-тен 6,7 млн тоннаға дейін ұлғайту жоспарланған.

Бізге жазылыңыз -> @atamekenbusiness_qaz

Израиль мен Ливан тікелей келіссөздер жүргізуге ниетті

Израиль мен Ливан өкілдері Вашингтонда өткен кездесудің қорытындысы бойынша тікелей келіссөздерді бастауға бағытталған қадам жасады. Тараптар 1993 жылдан бері алғаш кездесіп отыр. Келіссөздердің өтетін уақыты мен орны кейінірек келісілмек. Бұл туралы сейсенбі күні АҚШ Мемлекеттік департаменті хабарлады.

Екі сағатқа созылған келіссөздер үшжақты форматта өтті. АҚШ Израиль мен Ливан елшілерінің бұл кездесуін «тарихи кезең» деп атады. Вашингтон алдағы келіссөздерде екі елге де қолдау көрсетуге дайын. АҚШ Израильдің «Хезболлах» тарапынан жасалып жатқан шабуылдардан қорғану құқығын қолдайды. Сондай-ақ, кез келген атысты тоқтату туралы келісім екі ел үкіметтері арасында АҚШ-тың арағайындығымен жасалуы тиіс екені атап өтілді.

Бізге жазылыңыз -> @atamekenbusiness_qaz

Қайырлы таң! Күндеріңіз сәтті өтсін!

Бізге жазылыңыз -> @atamekenbusiness_qaz

Салық көп түсті, бюджет ұлғайды, енді жалақы өседі – Үкімет

Салық кодексі енгізілгелі салық көп түсіп, бюджет кірісі ұлғайды. Ұлттық қор толықты. Ендігі Үкімет жалақыны көтерудің қамына кірісті. Ар жағында зейнетақы мен жәрдемақыны да қарастыру көзделген.

Басты жаңалықтардың толық нұсқасын осы жерден көре аласыздар.

Бізге жазылыңыз -> @atamekenbusiness_qaz

Түркия мен Израиль арасындағы шиеленіс күшейді

Түркия Президенті Реджеп Тайип Эрдоган Израильге қатысты қатаң мәлімдеме жасап, қажет болған жағдайда әскери әрекетке баруы мүмкін екенін айтты. Ол Израильді палестиналықтар мен Ливан тұрғындарына қарсы әрекеттері үшін сынға алды.

Эрдоганның бұл сөзі Израиль билігінің наразылығын тудырып, саясаткерлер тарапынан өткір сынға ұшырады. Кейбірі тіпті Түркиямен дипломатиялық қатынасты үзу мәселесін көтерді. Осылайша, екі ел арасындағы саяси жағдай күрт шиеленісе түсті.

Сонымен қатар, Түркия тарапы Израиль Премьер-министрі Биньямин Нетаньяху мен бірқатар шенеунікке айып тағып отыр. Сарапшылардың пікірінше, мұндай қадамдар екі ел арасындағы қарым-қатынасты одан әрі ушықтыруы мүмкін.

@atamekenbusiness_silkway

Қасым-Жомарт Тоқаев Петер Мадьярды Мажарстандағы парламент сайлауында жеңіске жетуімен құттықтады

Мемлекет басшысы дауыс беру нәтижесі мажар халқы TISZA партиясының жетекшілері мен бағдарламасына жоғары деңгейде сенім білдіргенін көрсетіп, бұл Мажарстанның орнықты дамуын қамтамасыз ететінін атап өтті.

Президент Астананың Будапештпен стратегиялық серіктестікті нығайтуға айрықша мән беретініне тоқталып, қос халықтың игілігі үшін екіжақты ынтымақтастықты кеңейтуге дайын екенін растады.

Қасым-Жомарт Тоқаев Петер Мадьярдың аса жауапты қызметіне табыс, ал достас мажар халқына құт-береке тіледі.

Бізге жазылыңыз -> @atamekenbusiness_qaz

Доллар қымбаттады

Қазақстан қор биржасындағы сауда-саттық қорытындысы бойынша доллар бағамы 476,97 теңге болды. Бір тәулікте көк қағаз құны 1,92 теңгеге өсті.

Kurs.kz дерегінше, Астананың ақша айырбастау орындарында шетел валютасы 471 теңгеден қабылданып, 478 теңгеден сатылады. Алматыда доллар 475,21 – 477,47 теңге аралығында саудаланып жатыр.

Бізге жазылыңыз -> @atamekenbusiness_qaz

Телефон алаяқтары жаңа айлаға көшті

Ұлттық Банк телефон арқылы азаматтардың дербес деректерін қолға түсіруге тырысатын алаяқтар көбейгенін ескертеді. Қаскөйлер «несиеңіздің мәртебесі жаңартылды» деген мәтіні бар хабарлама мен сілтеме таратуға көшкен. Бірақ онда қаржы ұйымының атауы көрсетілмейді.

«Телефон иесі сілтемеге өткенде екінші деңгейлі банктің немесе микроқаржы ұйымының ресми сайты сияқты қолдан жасалған көрнекі сайтқа тап болады. Одан әрі пайдаланушыдан логин, телефон нөмірін, жеке басын куәландыратын құжат мәліметі мен банк картасының деректемелерін немесе басқа да құпия ақпаратты енгізуді сұрайды.
Кейбір жағдайларда сілтеме телефонға зиянды файлды немесе мобильді қосымшаны көшіріп жіберуі мүмкін. Ол орнатылғаннан кейін қаскөйлерге мобильді құрылғыны басқаруға немесе дербес деректерге қол жеткізуге мүмкіндік береді»,- делінген хабарламада.

Ұлттық Банк мұндай сілтемелерге өтпеуге шақырады.

Бізге жазылыңыз -> @atamekenbusiness_qaz

«ҚазТемірТранс» АҚ бұрынғы вице-президенті 5,2 млрд теңге жымқырды деген күдікке ілінді

Қаржы мониторингі агенттігі «ҚазТемірТранс» АҚ-ның бұрынғы вице-президенті Азамат Капеновке қатысты қызметтік өкілеттіктерін асыра пайдалану және ақша қаражатын жымқыру фактілері бойынша сотқа дейінгі тергеп-тексеру жүргізіп жатыр. Қазіргі уақытта оған халықаралық іздеу жарияланған. Сотпен оған қатысты «қамауда ұстау» түріндегі бұлтартпау шарасы санкцияланды.

Тергеу амалдарына сай, Азамат Капенов қызметтік жағдайын пайдалана отырып, жүк вагондарын басқару қызметтерін көрсету кезінде байланысы бар компанияларға заңсыз артықшылықтар жасаған. Салдарынан «ҚазТемірТранс» АҚ-ға 5,2 млрд теңгеден астам мөлшерде залал келтірілген.

Келтірілген залалды өтеу және заңсыз алынған активтерді қайтару мақсатында «Достық» станциясындағы терминалды сотқа дейін тәркілеу туралы өтініш жолданды. Аталған мүлік мемлекет кірісіне өткізілді.

Тергеу жалғасуда.

Бізге жазылыңыз -> @atamekenbusiness_qaz

Маркетплейстердегі тауарлардың бағасын халықтың өзі көтереді

Маркетплейстерде де баға келісімі бар. Мұндай қорытындыға Гайдар институты экономистері келген. Ресейде жүргізілген зерттеу нәтижесінде онлайн платформалардағы алгоритмдер бағаны тек сұранысқа қарап емес, тұтынушының қанша төлеуге дайын екенін есептеп қоятынын анықтаған. Салдарынан бір тауар әр адамға әртүрлі бағамен ұсынылуы мүмкін. Мамандар бұл құбылысты «үнсіз баға келісімі» деп бағалады. Яғни сатушылар өзара келіспесе де, алгоритмдер бірдей сигналдарға жауап беріп, бағаны бір деңгейге әкеледі. Мұндай жағдай Қазақстанда да байқалуы мүмкін. Себебі онлайн сауда мен бөліп төлеу көлемі қарқынды өсіп келеді.

«Түскі формат» бағдарламасының толық нұсқасын осы жерден көре аласыздар.

Бізге жазылыңыз -> @atamekenbusiness_qaz

Ең төменгі жалақы мөлшері көтеріледі

Бұл туралы ұлттық экономика бірінші вице-министрі Азамат Амрин айтты. Бірақ ведомство басшылығы қашан өсетінін нақтылай алмады.

Медианалық жалақы 302 мың теңге. Яғни, жақын арада ең төменгі жалақыны 150 мың теңгеге дейін жеткізу біздің міндетіміз. Бұл қалай жүзеге асады? Бұл қазір есептеп жатқан бюджетке байланысты болады, - деді Амрин.

Бізге жазылыңыз -> @atamekenbusiness_qaz

Ертеңнен бастап банктер мобильді аударымдар туралы салық органдарына мәлімет бере бастайды

15 сәуірден бастап банктер 2026 жылдың бірінші тоқсаны бойынша барлық мобильді аударымдар туралы толық ақпаратты салық органдарына тапсыруға міндетті. Бұл туралы Қаржы вице-министрі Ержан Біржанов айтты.

Егер бір ай ішінде сізге 100-ден астам әртүрлі адамнан ақша келіп, бұл жағдай қатарынан 3 ай қайталанса, әрі жалпы сома 1 020 000 теңгеден асса – тексеруге себеп болмақ, - деді вице-министр.

Алдымен сізге хабарлама келеді. Оған 30 жұмыс күні ішінде жауап берілу керек. Азамат аударымдардың жеке мақсатта болғанын дәлелдей алады. Болмаса жеке кәсіпкер ретінде тіркелуге міндетті.

Азаматтарға хабарлама мамыр айынан бастап жіберіле бастайды. Оны елемеу барлық банк шоттарының бұғатталуына әкелуі мүмкін.

Бізге жазылыңыз -> @atamekenbusiness_qaz

Тоқаев Алакөл, Балқаш көлдері жағалауындағы демалыс орындарын, тау туризмін қарқынды түрде дамыту жөнінде бірқатар тапсырма берді

Мемлекет басшысы Жетісу облысының әкімі Бейбіт Исабаевты қабылдады.

Бейбіт Исабаев:

Өңірге 610 млрд теңге инвестиция тартылған, бұл алдыңғы жылмен салыстырғанда 12,8 пайызға артық.

Ауыл шаруашылығы дақылдары, соның ішінде қант қызылшасы алқабы кеңейді. Ақсу және Көксу қант зауыттарының өндірістік қуатын 2 есеге арттырып, 950 мың тоннаға жеткізу жұмыстары жүргізіліп жатыр.

2027 жылға дейін құс фабрикалары, мал бордақылау алаңдары, балық және жылыжай шаруашылықтары мен басқа да жобалар бар.

➤ Инфрақұрылымды дамыту жайында мәлімет берді.

Өңірді газдандыру деңгейі 67,2 пайызға жетті. «Талдықорған – Үшарал» магистральді газ құбыры тартылып, 650 мыңнан астам тұрғыны бар 210 елді мекен көгілдір отынға қол жеткізді.

Президент Қытай Халық Республикасымен шекаралас «Достық» бекетіндегі және «Қорғас» арнайы экономикалық аймағындағы жұмыстарды тиімді ұйымдастыруды тапсырды.

Олжас Бектенов ірі көтерме базарларда тәртіп орнатуды тапсырды

Үкімет басшысының сөзінше, ол жерлерде «ұйымдасқан топтар» заңсыз әрекет етеді.

«Көкөніс, жеміс-жидек, ет және басқа да өнімдердің бағасы ешқандай негізсіз, қолдан көтеріледі. Міне, осыны нағыз делдалдық схемалар деп айтуға болады», - деді Премьер-министр.

Енді Сауда және интеграция министрлігі Ішкі істер министрлігімен, Мемлекеттік кірістер комитетімен және Бәсекелестікті қорғау агенттігімен бірге осы мәселемен айналысуы тиіс.

Бізге жазылыңыз -> @atamekenbusiness_qaz

Министрлік қазақстандықтардың жаппай шоттары бұғатталғаны үшін кешірім сұрады

Қаржы вице-министрі Ержан Біржанов ақпараттық жүйе жаңартылып жатқан сәтте жаппай шоттар бұғатталып қалғанын айтты. Бұл ведомство үшін сабақ болған. Келесіде мұндай қателік болмайтынын жеткізіп, кешірім сұрады.

Бізге жазылыңыз -> @atamekenbusiness_qaz

Бюджет кірісі 17%-ға өсті

Үкімет отырысында Қаржы министрі Мәди Такиев мемлекеттік бюджет кірістері трансферттерді есепке алмағанда 6,4 трлн теңге болғанын айтты. Бұл өткен жылмен салыстырғанда 931 млрд теңгеге артық.

Министр республикалық бюджет 102%-ға орындалып, 4,2 трлн теңге түсім қамтамасыз етілгенін жеткізді.

Кіріс бөлігіне сыртқы факторлар айтарлықтай әсер еткен. Мұнайдың орташа бағасы барреліне 80,6 доллар болған кезде экспорттық кедендік баж салығы бойынша қосымша 40,5 млрд теңге түскен. Сонымен қатар, теңгенің нығаюы (болжамдағы 540 теңгеге қарсы 1 доллар үшін 497,7 теңге) республикалық бюджет кірістерін 146 млрд теңгеге шектелген.

«Есепті кезеңде мемлекеттік қаржының тұрақтылығы қамтамасыз етіліп, барлық әлеуметтік міндеттемелер уақтылы қаржыландырылды, өңірлерге қолдау көрсетілді», – деді Такиев.

Бізге жазылыңыз -> @atamekenbusiness_qaz

��Енді халықаралық олимпиада жеңімпаздарына 6,5 млн теңгеге дейін сыйақы беріледі

Білім министрлігі мектеп оқушылары мен олардың жетекшілеріне халықаралық олимпиадалар мен ғылыми жобалар конкурстарындағы жеңістері үшін төлем ережелерін жаңартты:

�� 1 орын – 1500 АЕК (2026 жылы шамамен 6,49 млн теңге)

�� 2 орын – 1000 АЕК (шамамен 4,33 млн теңге)

�� 3 орын – 500 АЕК (шамамен 2,16 млн теңге)

Мұғалімдер де сыйақы алады. Мөлшері базалық лауазымдық айлыққа байланысты есептеледі.

�� оқушысы «алтын» алса – жалақысының 26,5 есесі

�� «күміс» үшін – 17,5 есе

�� «қола» үшін – 8,5 есе

Төлемдер жеке беріледі, бір реттік, тек ағымдағы жылғы жетістіктер үшін және Қазақстан азаматтарына арналған.

Бізге жазылыңыз -> @atamekenbusiness_qaz

Испания премьер-министрінің әйелі жемқорлық бойынша айыпталды

Испания премьер-министрі Педро Санчестің жұбайы Бегонья Гомеске екі жылға созылған тергеуден кейін сыбайлас жемқорлық бойынша айып тағылды. Бұл туралы DW агенттігі хабарлады. Сот құжатына сәйкес, 55 жастағы Гомеске өз ықпалын теріс пайдалану, бизнестегі жемқорлық, қаражатты иемдену және ысырап ету баптары бойынша айып тағылған. Оған қатысты тергеу 2024 жылдың сәуір айында судья Хуан Карлос Пейнадоның бастамасымен басталған болатын.

Бегонья Гоместің Мадридтегі Комплутенсе университеті жанынан ашылған «Бәсекеге қабілетті әлеуметтік трансформация» атты кафедра тергеушілердің назарын аударды. Сарапшылардың пікірінше, атауы көпшілікке түсініксіз кафедраны ашудың қажеті болмаған, бұдан бөлек оны іске қосу үшін университет басшылығына қысым жасалған. Тергеу басталғаннан кейін кафедра жабылып қалды.

2024 жылы Hazte Oír ұйымы премьердің жұбайына қарсы арыз түсірді. Ұйым Гоместің Комплутенсе университетіндегі бағдарламалық қамтамасыз етуді заңсыз иемденді деп сынға алды. Испания премьер-министрі Педро Санчес пен оның жұбайы Бегонья Гомес тағылған айыптарды жоққа шығарып отыр.

Бізге жазылыңыз -> @atamekenbusiness_qaz