#Нызамшылықтағы_жаңалықлар

“Экология тараўындағы ҳуқықбузарлықларды ислегенлик ушын финанслық санкциялар енгизиледи

Нызам (ӨРН–1143-санлы, 04.05.2026 ж.) менен айырым нызам ҳүжжетлерине қосымшалар ҳәм өзгерислер киргизилди.

💰 Киргизилген өзгерислерге бола, экология, қоршаған орталықты қорғаў ҳәм тәбияттан пайдаланыў тараўындағы ҳуқықбузарлықларды ислегенлик ушын финанслық санкциялар енгизилиўи белгиленди.

✅ Оған бола, дәрьялардың өзенлерин тазалаўға ҳәм жағалықларын беккемлеўге байланыслы жумысларды әмелге асырыў тәртибин бузғанлық ушын юридикалық шахсларға қарата қоршаған орталыққа жеткерилген зыянның 3 есеси муғдарында жәрийма түриндеги финанслық санкциялар қолланылады.

💧 Суўларды патаслағаны, сондай-ақ, суў объектлерине ақаба суўларды ағызыўға жол қойыў шәртлери ҳаққындағы талапларды бузғаны ушын юридикалық шахсларға қоршаған орталықты патаслағаны ушын төлениўи керек болған компенсация төлеминиң 10 есеси муғдарында жәрийма түриндеги финанслық санкциялар қолланылады.

📜 Юридикалық шахсларға тийисли болған ямаса оларға бириктирилген аймақтағы тереклерди қорғаў ҳәм сақлаўға байланыслы нызамшылықта белгиленген илажларды көрмегенлиги ушын юридикалық шахсларға қоршаған орталыққа жеткерилген зыянның 5 есеси муғдарында жәрийма түриндеги финанслық санкциялар қолланылады.

📌 Усы Нызам рәсмий жәрияланған күннен баслап 3 ай өткеннен кейин күшке киреди.

Telegram|Facebook*|Instagram*|YouTube

#Нызамшылықтағы_жаңалықлар

Угом дәрьясының тәбийғый гидрологиялық режими және де жақсыланады

"Угом дәрьясының тәбийғый гидрологиялық режими ҳәм биологиялық көп түрлилигин және де жақсылаў илажлары ҳаққында"ғы Президент қарары (ПҚ-164-санлы, 04.05.2026-ж.) қабыл етилди.

🏛 Қарарға бола, Угом дәрьясы мәмлекетлик гидрологиялық тәбият естелиги деп жәрияланады.

🚫 2026-жыл 1-июннан баслап дәрьяның жаға бойы аймақлары ҳәм суўды қорғаў зоналарында тәбийғый гидрологиялық система ҳәм экологиялық турақлылыққа унамсыз тәсир көрсетиўи мүмкин болған ҳәр қандай қурылыс, жер жумыслары ҳәм жасалма объектлерди қурыў қатаң қадаған етиледи. Бунда:

🔸 дәрья ҳәӯизи ҳәм оның салалары шеңберинде гидротехникалық, гидромелиоративлик жумыслар, имарат ҳәм қурылмалар, гидроэнергетика, суўды тәртипке салыў ҳәм деривация қурылмаларын қурыў толық қадаған етиледи (жумыс алып барып атырған гидроэнергетика объектлерин реконструкциялаў буған кирмейди);

🔸 дәрьяның мәмлекетлик гидрологиялық тәбият естелиги аймағында қурылыс жумыслары ушын жер участкалары ажыратылыўына жол қойылмайды.

✅ Угом дәрьясының жаға бойы регионлары ҳәм суўды қорғаў зоналарында жайласқан объектлердиң қоршаған орталыққа унамсыз тәсири ҳәм экологиялық талапларға муўапықлығын үйрениў бойынша Ҳүкимет комиссиясы қурамы тастыйықланды ҳәм де оның тийкарғы ўазыйпалары белгиленди.

Telegram|Facebook*|Instagram*|YouTube

#Билесизбе

️

Мүддетли әскерий хызметкерлер ҳәм әскерий хызметти өтеген жасларға жеңилликлер ҳәм кепилликлер бериледи

Толық мағлыўмат инфографикада 👆

Telegram|Facebook*|Instagram*|YouTube

#Нызамшылықтағы_жаңалықлар

Гидроэнергетика тармағы турақлы раўажландырылады

"Гидроэнергетика тараўын және де раўажландырыў бойынша кешиктирип болмайтуғын илажлар ҳаққында"ғы Президент қарары (ПҚ-163-санлы, 01.05.2026-ж.) қабыл етилди.

🔰 Қарарға бола, "Өзбекгидроэнерго" АЖ жумысы нәтийжелилигин арттырыўдың тийкарғы мақсетли көрсеткишлери етип төмендегилер белгиленди:

🔹2026-жылдың ақырына шекем 114 МВт ислеп шығарыў қуўатлықларын пайдаланыўға тапсырыў ҳәм 7,1 миллиард кВт саат электр энергиясын ислеп шығарыў;

🔹2032-жылдың ақырына шекем республикада:

▫️ улыўма қуўатлылығы 1 400 МВт болған гидротоплаў электр станцияларын қурыў;
▫️ гидроэнергетика тараўында 3 266 МВт қосымша қуўатлықларды жаратыў арқалы гидроэнергетика қуўатлықларын 2,4 есеге арттырыў.

📝 "Өзбекгидроэнерго" АЖ турақлы раўажландырыў ҳәм инвестициялық жойбарларды жеделлестириў мақсетинде:

🔸 инвестициялық жойбарлар аймақларына алып барыўшы жол, электр жеткерип бериў тармақлары ҳәм басқа да инфраструктура объектлериниң қурылысын бир басқышлы жойбарластырыў (жумысшы жойбар) тийкарында "Өзбекгидроэнерго" АЖ қаржылары есабынан сатып алыў тәртибине тийкарланып жумысты бөлип алып ислеўши шөлкемлерди анықлаған түрде әмелге асырыўға;

🔸 Инфраструктурасы болмаған келешек аймақларқнда жойбарлаў-излеў жумысларын сапалы әмелге асырыў ушын "Гидропроект" АЖ ҳәм "Өзсуӯжойбар" АЖне ушыўшысыз ушыў аппаратларын сатып алыў ҳәм олардан пайдаланыўға;

🔸 "Өзбекгидроэнерго" АЖ ҳәм оның системалы шөлкемлери тәрепинен өткерилетуғын мәмлекетлик сатып алыўларда "Өзбекгидроэнерго" АЖ системасындағы шөлкемлердиң қатнасыўына рухсат берилиўи белгиленди.

Telegram|Facebook*|Instagram*|YouTube

#Нызамшылықтағы_жаңалықлар

Енди шет ел валютасында облигациялар шығарыў мүмкин болады

Әдиллик министрлиги Капитал базары тараўында "Тәртипке салыӯ қумханасы" арнаўлы ҳуқықый режими шеңберинде сырт ел валютасында көрсетилген облигацияларды шығарыў ҳәм жайластырыў ҳаққындағы кеңселик ҳүжжетти мәмлекетлик дизимнен өткерди (дизим саны 3826, 29.04.2026 ж.).

💸 Атап айтқанда, шет ел валютасында көрсетилген облигациялар - номинал баҳасы ҳәм дәраматы шет ел валютасында көрсетилген облигация ийесиниң облигацияның номинал баҳасын ҳәм эмиссия китапшасында нәзерде тутылған дәраматты алыў ҳуқықын тастыйықлаўшы эмиссиялық баҳалы қағаз есапланады.

⏭️ Өзбекстан резиденти ҳәм "Тәртипке салыў қумханасы" арнаўлы ҳуқықый режими қатнасыўшысы болған ҳәм де жыллық финанслық есабат бойынша ғәрезсиз аудиторлық шөлкеминиң унамлы жуўмағына ийе болған юридикалық шахслар шет ел валютасындағы облигацияларды шығарыўы мүмкин.

⛔️ Бунда, 1 эмитент тәрепинен валюта облигациялары шығарылыўларының улыўма суммасы 50 млн АҚШ доллары эквивалентинен аспаўы зәрүр.

📁 Валюта облигациялары тәмийинленген ямаса тәмийинленбеген түрде шығарылыўы мүмкин.

✅ Валюта облигацияларын тәмийнатсыз шығарыўға оларды шығарыў ҳаққында қарар қабыл етилген сәнедеги эмитенттиң өз капиталы муғдары шеңберинде жол қойылады. Эмитенттиң өз капиталы муғдарынан асып кеткен жағдайда, эмитент валюта облигацияларын тәмийнатсыз шығарыў ушын асып кеткен сумма муғдарына тәмийнат усыныўы шәрт.

🏛 Валюта облигацияларын шығарыў, жайластырыў ҳәм олардың айланысы, сондай-ақ, валюта облигацияларының дәраматларын төлеў ҳәм сөндириў үстинен қадағалаў Келешек жойбарлары миллий агентлиги тәрепинен әмелге асырылады.

Telegram|Facebook*|Instagram*|YouTube

#Нызамшылықтағы_жаңалықлар

Әпиўайыластырылған тәртипте ис жүргизиўде даўа баҳасы асырылады

Нызам (ӨРН–1142-санлқ, 30.04.2026 ж.) менен айырым нызам ҳүжжетлерине өзгерислер ҳәм қосымшалар киргизилди.

💸 Нызам менен Пуқаралық процессуал кодексине киргизилген қосымшаларға бола, егер даўа баҳасы юридикалық шахсларға БЕМның 150 есесинен, Жеке тәртиптеги исбилерменлерге 100 есесинен, физикалық шахсларға болса 50 есесинен артпаса, даўа арзалары бойынша ислер әпиўайыластырылған ис жүргизиў тәртибинде көрип шығылыўы лазым.

📙 Экономикалық процессуал кодексине киргизилген қосымшаларға бола, егер даўа баҳасы юридикалық тәреплерге БЕМның 150 есесинен, Жеке меншик исбилерменлерге БЕМның 100 есесинен артпаса, даўа арзалары бойынша ислер әпиўайыластырылған ис жүргизиў тәртибинде көрип шығылыўы лазым.

💰 Сондай-ақ, арнаўлы экономикалық зоналар ҳәм санаат зоналарының дирекциялары - инвестиция келисим бойынша миннетлемелерин орынламаған исбилерменлердиң жер участкаларын ижараға алыў ҳуқықын бийкарлаў ҳаққындағы даўа арзалары менен судқа мүрәжат еткенде, мәмлекетлик бажы төлеўден азат етилетуғыны белгиленди.

Telegram|Facebook*|Instagram*|YouTube

#Нызамшылықтағы_жаңалықлар

Туризм объектлеринде туристлерге қолайлықлар жаратылады

💸 Қарарға көре, 2026-жыл 1-сентябрьден Туризмди қоллап-қуўатлаў қоры есабынан Министрлер Кабинети тәрепинен белгиленген тәртипте:

🔹 2030-жыл 31-декабрьге шекем Өзбекстанға туристлерди тартыў мақсетинде сырт мәмлекетлерден мирәт етилетуғын туроператорлар ўәкиллериниң транспорт, жасаў ҳәм аўқатланыў қәрежетлериниң бир бөлеги қаплап бериледи;

🔹 жергиликли туроператорлардың мәмлекетимизге сырт елли туристлер ағымын арттырыўға қаратылған сырт елдеги үгит-нәсиятлаў илажлары қәрежетлериниң 25 процентине шекем, бирақ 500 миллион сумнан аспаған бөлеги қаплап бериледи;

🔹 жеке исбилерменлердиң туристлер ушын мәдений-ғалабалық ҳәм концерт-тамаша ҳәм де мәдений илажларды анық белгиленген аймақ ҳәм кесте тийкарында жолға қойыўға байланыслы қәрежетлериниң белгили бир бөлегин 1 жылға шекем қаржыландырыў тәртиби енгизиледи.

✔️ Бунда исбилерменлер тәрепинен усы илажларды шөлкемлестириўди басқышпа-басқыш өзи қаплаў шәрти менен қаржыландырыў шегарасы Туризмди қоллап-қуўатлаў қоры кеңеси тәрепинен белгиленеди.

Telegram|Facebook*|Instagram*|YouTube

#2026_жыл_1_майдан

🏛 Нызамшылыққа бола, эксперимент тәризинде Ташкент, Самарқанд ҳәм Ферғана ўәлаятлары ҳәм де Қарақалпақстан Республикасында биреӯден район (қала)лық миграция ҳәм персоналластырыў бөлимлеринде өзине-өзи хызмет көрсетиў имканияты жаратылған, жасалма интеллект тийкарындағы "Ақыллы" миграция шақапшалары шөлкемлестириледи. Бунда:

🔹 дәслепки басқышта "Ақыллы" миграция шақапшаларында белгиленген мәмлекетлик хызметлер көрсетиледи;

🔹 Ишки ислер министрлиги тәрепинен өзине-өзи көрсетилетуғын хызметлер түрлери кеңейтип барылады.

Telegram|Facebook*|Instagram*|YouTube

#Нызамшылықтағы_жаңалықлар

Аймақларда туризм инфраструктурасы жедел раўажландырылады

"Аймақларда туризм инфраструктурасын жедел раўажландырыў ҳәм тараўда жойбар басқарыў системасын енгизиў илажлары ҳаққында"ғы Президент қарары (ПҚ-161-санлы, 30.04.2026-ж.) қабыл етилди.

🔰 Қарарға бола, "Жағымлы мәнзил - жойбар - инфраструктура - исбилермен - үгит-нәсият - саяхатшы" шынжыры бойынша жойбар басқарыўы тийкарында:

🔹 34 туризм объектиниң мастер режеси ислеп шығылады;

🔹 31 туризм объектиниң жумысы шөлкемлестириледи ҳәм раўажландырылады.

📜 Туризм инфраструктурасын раўажландырыў бойынша жойбарлаў офиси республика ямаса жергиликли дәрежедеги барлық түрдеги туристлик зоналар ҳәм туристлик кластерлер дирекция (департамент)ларының жумысын улыўма муўапықластырыўшы мәкеме есапланады.

🗒 2026-жыл 1-июннан баслап Туризм комитети тәрепинен басқышпа-басқыш туристлер баратуғын зыярат етиў орынлары аймақларының функционал жақтан ажыратылған шегараларын белгилеў ҳәм мүмкин болған жағдайларда көп қабатлы имаратларды жайластырыў арқалы олардың аймақларын кеңейтиў ҳәмде олардан пайдаланыў ушын өз алдына дизайн-код енгизиледи.

📑 Туризм тараўын турақлы ҳәм комплексли раўажландырыў мақсетинде жойбарларды әмелге асырыўда мәмлекетлик уйымлар, исбилермен ҳәм инвесторлар, пуқаралық жәмийети институтлары ҳәм де билимлендириў ҳәм эксперт шөлкемлери арасындағы өз-ара пайдалы бирге ислесиўди тәмийинлеўши "мәмлекет - бизнес - жәмийетшилик - билимлендириў" (Quattro) системасы енгизиледи.

▶️ 2027-жылдан жылына 2 мәрте Туризмди қоллап-қуўатлаў қоры қаржылары есабынан туристлер арасында таңлап бақлаўлар өткериў әмелияты енгизиледи.

Telegram|Facebook*|Instagram*|YouTube

#Билесизбе

💰 Нызамшылыққа бола, улыўма билим бериў мәкемелериниң хызметкерлерине материаллық жәрдем хызметкердиң өзи ямаса жақын туўысқаны (әкеси, анасы, өмирлик жолдасы, перзенти) қайтыс болғанда, аўыр кеселликке шатылғанда, хызметкер тәбийғый апаттан зыян көргенде көрсетиледи.

⛔️ Бунда календарь жылы даўамында бир хызметкерге төленетуғын материаллық жәрдемлердиң жәми муғдары оның лаўазым айлығы (муғаллимниң тариф ставкасы) муғдарының 2 есесинен асырылыўына жол қойылмайды.

Telegram|Facebook*|Instagram*|YouTube

#Нызамшылықтағы_жаңалықлар

Аўыл хожалығы тараўындағы ири инвестициялық жойбарларға жер участкаларын ажыратыў процесслери әпиўайыластырылады

🔰 Пәрманға бола, жер участкаларын пахташылық ҳәм ғәллешилик қәнигелиги бойынша ижараға алған субъектлер жәми жер участкасының 50 процент бөлегине салыстырғанда ижара ҳуқықынан ықтыярлы түрде ўаз кешкенде жер участкасының өзинде қалатуғын бөлеги ушын жаңа системада белгиленген ҳуқықлар, миннетлемелер ҳәм жаңадан 49 жылға ижара ҳуқықына ийе болады ҳәм бунда субъектлердиң:

🔹 аўыл хожалығы егинлерин жетистириў ушын коммерциялық банклерден алынған кредит ҳәм салықлардан қарыздарлығы болмаўы;

🔹 жер участкаларына болған ижара ҳуқықлары коммерциялық банклерге гиреў тәмийнаты сыпатында қойылмаған болыўы талабы қойылады.

📝 Баҳасы кеминде 10 млн АҚШ доллары эквивалентинде ең жақсы усынысты таңлап алыў жолы менен анықланатуғын ири инвестициялық жойбарды әмелге асырыў ушын аўыл хожалығына мөлшерленген жер участкалары:

🔸 жергиликли инвесторларға 49 жыл мүддетке ҳәм "Ижараға берилген аўыл хожалығы жерлерине хызмет көрсетиў дирекциясы"на 25 жыл мүддетке Министрлер Кабинети тәрепинен (Қарақалпақстан Республикасында 2027-жыл 31-декабрьге шекем Қарақалпақстан Республикасы Министрлер Кеңеси тәрепинен де) белгиленген тәртипте тиккелей ижараға бериледи.

⏳ 2027-жылдан салы жетистириўде дәстүрий (сеппе) усылдан толық ўаз кешип, салыны тек ғана лазерли тегисленген майданларға нәл усылында ҳәм де заманагөй дән егиў сеялкалары арқалы егиў тәртиби енгизиледи.

Telegram|Facebook*|Instagram*|YouTube

#Нызамшылықтағы_жаңалықлар

Аўыл хожалығына мөлшерленген жер участкаларын жаңа система тийкарында ижараға бериў жеделлестириледи

"Аўыл хожалығы ислеп шығарыўшыларының жерден пайдаланыўдағы еркинлигин тәмийинлеўге қаратылған гезектеги илажлар ҳаққында"ғы Президент Пәрманы (ПП-68-санлы, 24.04.2026 ж.) қабыл етилди.

🔰 Пәрманға бола, 2026-жыл 1-майдан республиканың барлық аймақларындағы аўыл хожалығына мөлшерленген жер участкалары Өзбекстан Республикасы Президентиниң 2025-жыл 3-февральдағы ПП-18-санлы Пәрманында белгиленген тәртипте реализация етиледи, бунда:

🔹 Қарақалпақстан Республикасы Министрлер Кеңеси Баслығы ҳәм ўәлаятлар ҳәкимлериниң усынысына тийкарланып 50 гектардан - 500 гектарға шекемги өлшемдеги жер участкаларын тек ғана санаат усылындағы плантациялар шөлкемлестириў ҳәм шарўашылық ушын жер участкасынан рухсат етилген пайдаланыў түрин белгилеген түрде аукцион саўдаларына шығарыўға жол қойылады;

🔹 аукцион саўдаларына шығарылатуғын жер участкаларының басланғыш баҳасы жер участкасының норматив қунының 50 проценти муғдарында белгиленеди, ҳәр бир қайта саўдада сатылмаған лот баҳасы 10 проценттен басланғыш баҳаның 10 проценти муғдарына (жер участкасын аукцион саўдаларына шығарыў қәрежетлеринен кем болмаған муғдарға) басқышпа-басқыш төменлетиледи;

🔹 биринши аукцион саўдасы тийисли жер участкасы ҳаққындағы хабарнама жәрияланған күннен баслап 15 күн мүддетте ҳәм қайта саўдалар 1 күн мүддетте өткериледи.

✅ Жайлаўлар, пишензарлар ҳәм суўғарылмайтуғын жер майданлары аукцион саўдаларына шығарылғанда лоттың басланғыш баҳасы жер участкасы норматив қунының 1 проценти ҳәм де жер участкасын аукционға шығарыў, жерлерди пайдаланыўға киргизиў бойынша жер дүзиў жойбары ҳәм техникалық-экономикалық тийкарды ислеп шығыў қәрежетлери ҳәм де ижара ҳуқықын мәмлекетлик дизимнен өткериў ушын төлем муғдарына тең суммада белгиленеди.

Telegram|Facebook*|Instagram*|YouTube

#Нызамшылықтағы_жаңалықлар

Көп квартиралы үй ҳәм оның әтирапындағы көклемзарластырылған аймақларды өзбасымшалық пенен қысқартыў қадаған етилди

🚫 Көп квартиралы турақ жайлар ҳәм оған тутас жер участкасында төмендегилер қадаған етиледи:

▫️ тийисли рухсатнамасыз тереклер ҳәм путаларды басқа орынға көширип егиў ямаса кесиў;

▫️ көп квартиралы турақ жайларға тутас жер участкаларын металл бөлеклери, қурылыс ҳәм турмыслық ҳәм басқа да шығындылар менен толтырыў;

▫️ тереклерге жип ҳәм сымларды байлаў, әткөншеклер илдириў, реклама тахталарын жабыстырыў;

▫️ гүлзарлар, майсазарлар ҳәм жолларды шығындылар менен патасландырыў;

▫️ көклемзарластырылған аймақлар, балалар ҳәм спорт майданшалары, үлкен жастағы халықтың дем алыўы, денетәрбия шынығыўлары менен шуғылланыў ушын мөлшерленген орынлардан автомобиллердиң туратуғын орны сыпатында пайдаланыў;

▫️ көклемзарластырылған аймақларды өзбасымшалық пенен қысқартыў (бетон ямаса басқалар менен қаплаў);

▫️ жасыл өсимликлер менен бәнт болған майданларға ҳәр қандай материалларды топлаў;

▫️ жасыл өсимликлер жанындағы жолларға жасыл өсимликлер ушын зыянлы болған химиялық затларды себиў ямаса усы затлар менен суўғарыў.

Telegram|Facebook*|Instagram*|YouTube

#Нызамшылықтағы_жаңалықлар

Мектепке шекемги ҳәм мектеп жасындағы балалар ойнаўы ушын майданшалар болыўы керек

1️⃣ ️ Басқарыў уйымы халыққа қолайлық жаратыў мақсетинде:

🔸 көп квартиралы үйге тутас жер участкасында орынлықлар орнатыўы;

🔸 шығындыларды таслаў ушын тийисли аралықта шығындыларды ажыратыўшы ыдыслар жайластырыўы лазым.

2️⃣ Үйлерге тутас жер участкаларында төмендеги улыўма пайдаланыў майданшасы болыўы керек:

🔹 мектепке шекемги ҳәм мектеп жасындағы балалар ойнаўы ушын;

🔹үлкен жастағы халықтың дем алыўы ушын;

🔹 дене тәрбиясы шынығыўлары менен шуғылланыў ушын;

🔹 турмыслық шығындыларды жыйнаў ушын;

🔹ийт ҳәм басқа үй ҳайўанларын сейил қылдырыӯ ушын;

🔹 велосипед ҳәм басқа мобиль қуралларды (самокат, майыплығы болған шахслар ҳәм балалардың арбашалары) сақлаў ушын.

3️⃣ Жайларға тутас жер участкасы ҳәм инфраструктура объектлери абаданластырылыўы, тереклер ҳәм өсимликлерге, өтиў жоллары ҳәм тротуарларға суў себиў ушын инженерлик-техникалық қурылмалар менен үскенелениўи, электр жақтыландырыў системасына ийе болыўы керек.

Telegram|Facebook*|Instagram*|YouTube

#Нызамшылықтағы_жаңалықлар

Үй ҳайўанларын улыўма пайдаланыўдағы текшелер ҳәм балконларда сақлаў қадаған етиледи

🚫 Қағыйдаларға бола, көп квартиралы үйлерде төмендегилер қадаған етиледи:

🔹 өрт қәўпин келтирип шығаратуғын үскенелерди балконлар ҳәм лоджияларға орнатыў;

🔹 балконларда аўыр буйымларды сақлаў;

🔹 балконлар ҳәм лоджиялардың фасад (сыртқы) бөлимлеринде кир, кийим-кеншек, гилем ҳәм басқаларды илдирип қойыў (ишки бөлеги буған кирмейди);

🔹 үй ҳайўанларын улыўма пайдаланыўдағы орынларда, текшелерде, чердакларда, жер төлелерде, сондай-ақ, улыўма пайдаланыўдағы асханаларда, балконларда ҳәм лоджияларда сақлаў;

🔹 кириў жолларының баспалдақ (текше) майданларында ҳәм баспалдақлардың астында жаныўшы материалларды сақлаў;

🔹 улыўма ыссылық параметрлерине тәсир көрсетиўши қайта режелестириў (реконструкция) жумысларын әмелге асырыў, қосымша ысытыў бетлерине (ыссыланбайтуғын бетлер) ыссылық үскенелерин орнатыў, сондай-ақ, улыўма мүлк қурамына кириўши ыссылық системаларына өзгерис киргизиў.

⚠️ Сондай-ақ, автотранспорт қуралларын көп квартиралы үйлер ҳәм оған тутас жер участкаларындағы газонлар үсти, бағлар, балалар майданшалары, тротуарларға, кириў жоллары қарсысына қойыў қадаған етиледи.

Telegram|Facebook*|Instagram*|YouTube

#Нызамшылықтағы_жаңалықлар

Ендигиден былай көп квартиралы турақ жайлардың кириў жоллары ҳәм текшелери ҳәптеде 1 мәрте тазаланыўы керек

Әдиллик министрлиги көп квартиралы турақ жайларды сақлаў ҳәм олардан пайдаланыў қағыйдаларын (дизим саны 3824, 29.04.2026 ж.) мәмлекетлик дизимнен өткерди.

📝 Оған бола, көп квартиралы турақ жайлар ушын басқарыў уйымлары тәрепинен улыўма техник паспорт жүргизиледи.

✅ Басқарыў уйымлары жүк көтериўши конструкциялар, бақлаў камералары ҳәм домофонлар саз жағдайда сақланыўы, шийки зат, материаллар, жанылғы, инвентарь ҳәм хожалық үскенелерин сатып алыў жумысларын әмелге асырады.

📑 Көп квартиралы турақ жайдың фасад бөлимлеринде ҳәм улыўма пайдаланыў аймақларында мүлк ийелери улыўма жыйналысының қарары менен архитектуралық деталлар, рекламалар, афишалар ҳәм дағазалар орнатыў мүмкин.

❗️ Үйлердеги шаўқым дәрежеси белгиленген санитария нормаларынан аспаўы шәрт.

🚿 Үйлер (баспалдақлар, лифтлер, шығынды камерасы, шығындыларды жыйнаў қурылмаларының жер төлелери ҳәм басқалар), тутас аймақлар зәрүрликке бола, басқарыў уйымы тәрепинен дератизацияланыўы, дезинсекция ҳәм дезинфекцияланыўы.

⏳ Үйлердиң жер төле бөлиминдеги қубырларда авария жағдайы жүзеге келиўи нәтийжесинде суў ямаса ақаба суў топланып қалса басқарыў уйымы 24 саат даўамында жер төледеги суў ҳәм ақаба массаларын шығарып жибериўи керек.

🔎 Ҳәптеде бир мәрте көп квартиралы турақ жайлардың лифт ханалары тазаланады ҳәм лифт үскенелери турақлы техникалық мониторингтен өткериледи.

Telegram|Facebook*|Instagram*|YouTube