#Нызамшылықтағы_жаңалықлар

Интеграцияласқан бағдарламалар жоқары мектеби шөлкемлестириледи

 
"Республикада халықаралық билимлендириў стандартлары тийкарында орта арнаўлы, кәсип-өнер ҳәм жоқары билимлендириў бағдарламаларын енгизиўге байланыслы қосымша илажлар ҳаққында"ғы Президент қарары (ПҚ-269-санлы, 17.07.2026-ж.) қабыл етилди.
 
Мағлыўмат ушын: Өзбекстанда интеграцияласқан билимлендириў бағдарламаларын енгизиў мақсетинде Уллы Британияның “IQF – Integrated qualifications framework” билимлендириў шөлкеми менен биргеликте Халықаралық маманлықлар ҳәм баҳалаў орайы (Орай) шөлкемлестирилген.
 
🔰 Қарарға бола, Орайға төмендеги қосымша ўазыйпалар жүкленди:
 
🔹 ислеп шығылған интеграцияласқан бағдарламаларды QS (Quacquarelli Symonds) ямаса THE (The Times Higher Education) халықаралық рейтинг шөлкемлериниң глобал рейтингиниң топ-100 дизимине (топ-100 дизим) киретуғын бирге ислесиўши жоқары билимлендириў шөлкемлериниң академиялық талапларына салыстырыў ҳәм муўапықластырыў;
 
🔹 топ-100 дизимге киретуғын бирге ислесиўши жоқары билимлендириў шөлкемлери тәрепинен тән алынатуғын бакалавриатта“1+3”, “2+2”, магистратурада “1+1” сыяқлы билимлендириў моделлерин ислеп шығыў;
 
🔹 🏛Өзбекстан Республикасында жетекши сырт ел жоқары билимлендириў шөлкемлериниң жоқары мағлыўмат ҳаққындағы дипломын бериўге қаратылған структураларды (кампус, филиал, франшиза, билимлендириў бағдарламаларын әмелге асырыў орайлары ҳәм басқалар) шөлкемлестириў бойынша келисимге ерисиў.
 
🏛 Уллы Британияның алдынғы тәжирийбеси тийкарында интеграцияласқан билимлендириў бағдарламаларын енгизиўди буннан былай да кеңейтиў мақсетинде тәжирийбе-сынақ түринде Ташкент архитектура-қурылыс университети жанында Интеграцияласқан бағдарламалар жоқары мектеби (Жоқары мектеп) шөлкемлестирилетуғыны белгиленди.

Telegram|Facebook*|Instagram*|YouTube