Martda rekord darajada uylar sotildi

O‘zbekistonda naqdsiz hisob-kitoblarga o‘tish oldidan mart oyida 43,6 mingta uy sotuvi rasmiylashtirildi.

Bu o‘tgan yilning mos davriga nisbatan 2 barobar ko‘p bo‘lib, tarixiy rekord ko‘rsatkichga aylandi.

Bu rekord uzoq muddat yangilanmasa kerak. Markaziy bank aprelning yarmida atiga 6,8 mingta ko‘chmas mulk sotuvi rasmiylashtirilganini ma’lum qildi.

Sotuvlar oy davomida uzog‘i 15 mingtaga yetishi mumkin. Naqdsiz hisob-kitoblarga o‘tish bozorga o‘z ta’sirini o‘tkazyapti.

Shunday paytda ikkilamchi uylar narxi yana barqaro o‘sish davriga qaytdi.

Toshkentda narxlar yillik 5 foizga o‘sgan bo‘lsa, Sirdaryorda 22 foizgacha ko‘tarilgan. Butun O‘zbekiston bo‘yicha o‘sish — 10 foiz.

Конкуренция в ЕАЭС и АСЕАН

Сотрудничество в области конкуренции ЕАЭС и АСЕАН, практические семинары

Узнать больше

#реклама 16+
eurasianinfoleague.clients.site

Yosh oilalarga uy sotib olish uchun kam foizli kredit beriladi

Prezident farmoni bilan, 2027-yil 1-yanvardan uy-joyga muhtoj yosh oilalarga yangi uy sotib olish uchun ipoteka kreditlarini ajratish yo‘lga qo‘yiladi.

Ipoteka dasturi doirasida ipoteka kreditlari bo‘yicha hisoblangan foiz to‘lovlarining Markaziy bank asosiy stavkasi — 14 foizdan oshgan qismi Davlat budjetidan qoplab beriladi.

Deylik, ipoteka krediti foizi 18 foiz. Yangi tartib orqali yosh oilalar foiz stavkasining faqatgina 14 foizini to‘laydi, qolgan 4 foizni davlat to‘lab beradi.

Quyidagi asosiy ijtimoiy mezonlarga muvofiq keladigan yosh oilalarga ipoteka krediti ajratiladi:

ariza beruvchi hamda uning turmush o‘rtog‘i 30 yoshdan oshmagan bo‘lishi;

ariza beruvchi hamda uning turmush o‘rtog‘i nomida so‘nggi 3 yilda mulk huquqi asosida ko‘chmas mulk mavjud emasligi.

Wildberries mahsulotlarini Telegram'da ko'ring

Endi onlayn xarid yanada oson: mahsulotni buyurtma qiling, berish punktida sinab ko‘ring va faqat mos kelganini to'lang. Ortiqcha xarajatlar va kutilmagan holatlar yo'q.

Buyurtma berish

#reklama
wildberries.uz

O‘zbekiston iqtisodiyoti I chorakda 8,7 foizga o‘sdi

Bunda sanoat o‘sishi 8 foiz, xizmatlar 16,1 foiz, qishloq xo‘jaligi 5,1 foizni tashkil qildi.

Inflyatsiya yillik hisobda birinchi marta 7,1 foiz bo‘lgandi.

8,7 foizlik o‘sish — I chorak uchun 2017-yildan beri eng yuqori ko‘rsatkichga aylandi.

Dollar biroz ko‘tarildi

27-aprel uchun dollarning rasmiy kursi 12 020,48 so‘m (+4,52 so‘m) hisoblanadi.

Yangi tizim tufayli endilikda kredit tashkilotlari Uzcard kartalaridagi pulni “nolgacha” yechib ololmaydi.

Qarz mablag‘lari uchun pul yechib olingach, kamida 1 mln 236 ming so‘m (3 BHM) mablag‘ saqlanib qolinadi.

Tez orada Humo ham bu borada e’lon qilishi kutilmoqda.

Dollar yana tushdi

24-aprel uchun dollarning rasmiy kursi 12 015,96 so‘m (-26,53 so‘m) hisoblanadi.

Ipoteka avtokreditdan qimmatroq

Markaziy bank birinchi marta banklardagi ipoteka kreditlari foiz stavkasini e’lon qildi.

Banklar hozirda o‘rtacha 18 foizdan 26 foizgacha ipoteka krediti bermoqda. Umumiy foiz stavkasi 23,5 foizni tashkil qilgan.

“Trastbank”, Asia Alliance Bank va “Universalbank” eng qimmat ipoteka kreditlarini bermoqda.

Banklardagi o‘rtacha ipoteka krediti foizi avtokreditlardan (22,8 foiz) yuqori shakllangan.

Onlayn bankingda yangi qoidalar

Bugundan onlayn banking bo‘yicha bir qancha o‘zgarishlar bo‘ladi.

Birinchi navbatda yangi mijozlar bank ilovalarida ro‘yxatdan o‘tishda telefon raqami, JSHSHIR va bank karta ma’lumotlari o‘zaro mos kelishi tekshiriladi.

Ma’lumotlar bir-biriga mos bo‘lmasa, ilovalardan foydalanish imkoniyati bo‘lmaydi.

Bunda telefon raqami ota-ona, opa-singil, turmush o‘rtog‘i yoki farzand nomida bo‘lsa istisno qilinadi.

Shuningdek, endi bir kunda bir nechta bankdan kredit olish cheklanadi.

Murojaat birinchi bo‘lib qaysi bankka yo‘llansa arizani o‘sha bank ko‘rib chiqadi, qolganlari kamida 1 sutka kutishiga to‘g‘ri keladi.

Javobgarlik endi bank zimmasida

Bugundan boshlab sizning nomingizga firibgarlik yo‘li bilan kredit rasmiylashtirilsa va bu tergov tomonidan tasdiqlansa:

siz qarzni to‘lamaysiz
foiz va jarimalar hisoblanmaydi
agar pul yechilgan bo‘lsa, bank qaytaradi (sud qarori bilan).

Nomingizga frod kredit olinsa, javobgarlik sizda emas, bank zimmasida bo‘ladi.

Dollar yana tushdi

23-aprel uchun dollarning rasmiy kursi 12 042,49 so‘m (-18,06 so‘m) hisoblanadi.

“Palove muzeyi”, Caravan va Cinara's restoranlari 24 mln dollarga sotuvga qo‘yildi

Caravan Group restoranlar tarmog‘i asoschisi Timur Musin o‘ziga tegishli ovqatlanish joylarini sotuvga qo‘ydi. Bu bo‘yicha e’lonlar OLXga joylashtirilgan.

Ulardan eng qimmati “Palove muzeyi” bo‘lib, uning narxi 150 mlrd so‘m qilib belgilangan. Caravan restorani narxi 45 mlrd so‘mga, Cinara's esa 99 mlrd so‘mga baholangan.

Barcha loyihalarning o‘zini oqlash muddati taxminan 7 yil deb aytilgan. Ularning umumiy qiymati esa 294 mlrd so‘mga (taxminan 24,3 mln dollar) baholanmoqda.

“Asakabank”ni xususiylashtirish tezlashtiriladi

Prezident qarori bilan, “Asakabank”ni xususiylashtirish jarayonlarini jadallashtirish belgilandi.

Barcha bank amaliyotlari bozor tamoyillari, zamonaviy bank amaliyoti va xatarlarni boshqarish tizimi talablaridan kelib chiqqan holda bankning ichki siyosati asosida amalga oshiriladi.

Bankning asosiy faoliyatiga taalluqli bo‘lmagan va qo‘shimcha yuklangan har qanday faoliyat turi va vazifalar bajarilishi to‘xtatiladi.

Bundan tashqari, bankning dividend siyosati ham vaqtincha cheklanadi, ya’ni 2024–2025 yillar bo‘yicha sof foyda taqsimlanmasligi belgilandi.

2025-yil oxirida “Asakabank”ning 15 foizini YETTBga sotish bo‘yicha kelishuv imzolangandi. Biroq, bu bitim hozirgacha rasman amalga oshgani yo‘q.

Dollar yana tushdi

22-aprel uchun dollarning rasmiy kursi 12 060,46 so‘m (-36,78 so‘m) hisoblanadi.

Shu tariqa dollarning rasmiy kursi 20-yanvardan beri eng past darajaga tushdi. Bu dollarning so‘nggi uch oydagi eng past qiymati bo‘ladi.

“Asosiy stavkani ko‘tarishga hali erta” — Timur Ishmetov

Markaziy bank raisi O‘zbekistonda pul-kredit siyosati ancha qat’iy ekanini ta’kidlab, global notinchliklar fonida asosiy stavkani ko‘tarishga hali vaqtli ekanini bildirdi.

Ishmetov tashqi xatarlar davom etadigan bo‘lsa, sharoitdan kelib chiqib Markaziy bank siyosati o‘zgarishi mumkinligini inkor qilmadi.

Bundan tashqari, u yil oxirigacha banklar muammoli kreditlarni hisoblash bo‘yicha to‘liq xalqaro metodologiyaga o‘tishini ma’lum qildi.

Banklar o‘zi umuman risk menejmentni ham yaxshilashi kerak. Kredit ajratishda ko‘proq sifatli kreditorlarga ajratish juda ham muhim masala, — deydi Markaziy bank raisi.

Dollar tushdi

21-aprel uchun dollarning rasmiy kursi 12 097,33 so‘m (-31,13 so‘m) hisoblanadi.

Bank omonati yoki ko‘chmas mulk: qayerga sarmoya qilgan ma’qul?

O‘zbekistonda ko‘chmas mulk bozorida daromadlilik so‘nggi bir yildan beri biroz tiklanmoqda.

2026-yil martda Toshkent shahrida uy-joyga investitsiyalarning daromadliligi yillik 14,6 foizgacha yetdi. Bu ko‘rsatkich 2025-yil martda 6,2 foiz edi. 2024-yil fevralida esa — 32,4 foiz.

Bunda, ijaradan keladigan o‘rtacha daromad 8,7 foizdan 8 foizgacha kamaygan bo‘lsa, uy-joylarning o‘rtacha narxi 6,6 foizga qimmatlashdi.

Lekin, uy-joyga investitsiyalar daromadliligi ko‘chmas mulkning joylashgan hududi va xonalar soniga qarab bir-biridan sezilarli darajada farqlanadi:

1 xonali: Mirobod – 50,0 foiz (2025 yil mart – 1 foiz), Bektemir – 19,3 foiz (22,8 foiz);
2 xonali: Yunusobod – 24,8 foiz (0,5 foiz), Yakkasaroy – 13 foiz (16,5 foiz);
3 xonali: Mirobod – 12,9 foiz (9,5 foiz), Chilonzor – 3,8 foiz (8,7 foiz);
4 xonali: Yakkasaroy – 18,5 foiz (12,2 foiz), Bektemir – -14,1 foiz (4,3 foiz).

Ijara bo‘yicha eng yuqori o‘rtacha daromadlilik Shayxontohur 9,1 foiz (9,3 foiz) va Yashnobodda 8,4 foiz (8,8 foiz) qayd etildi.

Daromadlilik darajasi bo‘yicha investitsion jozibadorligi yuqoriroq bo‘lgan 1 va 2 xonali xonadonlar uchun daromadlilik darajasi mos ravishda 29,8 foiz (2025-yil mart oyida 9,3 foiz) va 17,4 foizni (4,8 foiz) tashkil qildi.

3 va 4 xonali xonadonlarda daromadlilik nisbatan pastligicha saqlanib qoldi. Xususan, 3 xonali xonadonlarning o‘rtacha daromadlilik 8,7 foiz (6,2 foiz) 4 xonali xonadonlarda 2,4 foiz (4,4 foiz) bo‘ldi.

Bank depozitlari daromadlilik darajasi

2025-yil martidan 2026-yilning fevral oyigacha bo‘lgan davrda jismoniy shaxslarning chet el valyutasidagi muddatli depozitlari bo‘yicha o‘rtacha foiz stavkasi 4,9 foiz atrofida tebranib turgan bo‘lsa, milliy valyutadagi muddatli depozitlar bo‘yicha o‘rtacha stavka 21,2 foizni tashkil etgan. Ushbu raqamlar, bir tomondan, uy-joyning investitsiyaviy daromadliligi jismoniy shaxslarning chet el valyutasidagi muddatli depozitlaridan olinadigan o‘rtacha daromadliligidan yuqori bo'lsa-da, milliy valyutadagi depozitlar bo‘yicha foiz stavkalari jozibadorligi yuqoriligicha saqlanib qolayotganini ko'rsatadi.

O‘qituvchilar uchun subsidiya ochilmoqda

Bugun, soat 14:00 dan boshlab oliy malaka toifasiga ega o‘qituvchilar uchun ipoteka kreditlariga ariza berish boshlandi.

Subsidiya orqali ipoteka krediti bo‘yicha boshlang‘ich badalning 25 foizi qoplab beriladi.