Аляксею Хлястову прызначылі 14 сутак арышту за «дробнае хуліганства»

Пра гэта ў сацсетках распавяла ягоная жонка.

❗️«"Падарунак" ад рэжыму да Дня палітвязняў»: што вядома пра масавыя ператрусы ў сваякоў актывістаў

У чацвер, 21 траўня, у Беларусі адбылася новая хваля ціску на беларусаў, якія з’ехалі з краіны праз палітычны пераслед. Супрацоўнікі КДБ прыйшлі з ператрусамі да сваякоў актывістаў і праваабаронцаў. Меркавана, лік такіх ператрусаў можа ісці на некалькі дзясяткаў. Вядома, што прынамсі частка ператрусаў звязаная з удзелам у святкаваннях Дня Волі ў Варшаве і Вільні. Праваабаронцы расцэньваюць гэта як транснацыянальны пераслед беларусаў.

«Вясна» паразмаўляла з тымі, у каго прайшлі ператрусы, і распавядаем, што вядома пра масавы пераслед. 

«У дачыненні да мяне адмовіліся называць артыкул, але следчы сказаў, што гэта за “новыя грахі” пасля вызвалення і таму, што я “не жадаю выпраўляцца”».

Чытаць па спасылцы 👉 https://spring96.org/be/news/120335

🌿Чытаць з Беларусі праз сайт-люстэрка

🧳«Калі мы выехалі на гарадзенскую шашу, стала зразумела, што гэта вызваленне», — Алесь Бяляцкі

«На станцыі стаіць "сталыпінскі" вагон. Высокія прыступкі. З іх злазяць вязні. Больш за метр да зямлі. На зямлі скінутыя торбы. Побач канваіры. На дарозе чакаюць аўтазакі», — так апісвае адзін з момантаў этапу Алесь Бяляцкі.

Алесь Бяляцкі — кіраўнік і заснавальнік Праваабарончага цэнтру «Вясна», асуджаны за праваабарончую дзейнасць двойчы. У 2021 годзе яго затрымалі разам з калегамі. Па «справе Вясны» праваабаронцу асудзілі да 10 гадоў калоніі.

13 снежня 2025 года Алеся памілавалі пры садзейнічанні амерыканскага боку і выдварылі з Беларусі ў Літву.

https://etap.spring96.org/posts/bialiatski

🌿Гэта і іншыя гісторыі былі задукаментаваныя ў межах спецпраекта «Вясны» «Этапы: нябачная дарога палітвязняў Беларусі»

🔗Штрафны ізалятар ПК-4: успаміны былых палітзняволеных жанчын пра холад ды ізаляцыю

ШІЗА ў гомельскай жаночай калоніі № 4 былыя палітвязні апісваюць як месца пастаяннага холаду, недасыпання і прыніжэння. Жанчын змяшчаюць у цесныя камеры без зменнага адзення і ніжняй бялізны, прымушаюць спаць на голых дошках, гадзінамі знаходзіцца ў ледзяных памяшканнях і ўставаць тварам да сцяны пры кожным адкрыцці дзвярэй.

Падставай для пакарання можа стаць расшпілены пінжак, «няправільны» рапарт або спроба сагрэцца. Са словаў былых палітзняволеных, ШІЗА выкарыстоўваецца не як дысцыплінарная мера, а як інструмент ціску і псіхалагічнага знясілення.

«Вясна» паразмаўляла з было палітзняволенай пра ўмовы ў штрафным ізалятары ў ПК-4, а таксама сабрала ўспаміны іншых жанчын пра холад, пазбаўленне сну і наступствы для здароўя пасля знаходжання ў ШІЗА.

Чытаць па спасылцы 👉 https://spring96.org/be/news/120333

🌿Чытаць з Беларусі праз сайт-люстэрка

✍️Артыкул падрыхтаваны ў межах спецыяльнага цыклу матэрыялаў да Дня палітвязняў

✍️Звыш 38 000 паказанняў сведак. IAPB прадставіла дзясятую справаздачу пра сваю працу

Міжнародная платформа для Беларусі па прыцягненні вінаватых да адказнасці выпусціла дзясяты даклад аб ходзе сваёй працы. У ім прадстаўлена становішча ў галіне правоў чалавека ў Беларусі з 1 кастрычніка 2025 года па 30 сакавіка 2026 года. Таксама ў ім выкладаюцца намаганні Платформы, якія працягваюцца, па забеспячэнні падсправаздачнасці ды падтрымцы ахвяр, якія выжылі.

Цяпер база даных сведчанняў IAPB змяшчае 38 146 дакументаў, уключна з 3 351 стэнаграмай, якія тычацца 2 911 сведак.

Акрамя таго, IAPB сабрала больш за 2 199 397 матэрыялаў з адкрытых крыніц. Калекцыя ўключае больш за 420 500 відэа, 1 051 355 малюнкаў і 726 732 тэкставых дакумента.

Чытаць па спасылцы 👉 https://spring96.org/be/news/120331

🌿Чытаць з Беларусі праз сайт-люстэрка

У Беларусі хочуць забараніць «экстрэмістам» працаваць рэпетытарамі

На грамадскае абмеркаванне вынесены праект пастановы Саўміна «Аб рэестры фізічных асоб, якія ажыццяўляюць самастойную прафесійную дзейнасць па навучанні дзяцей». Міністэрства адукацыі будзе збіраць меркаванні па 1 чэрвеня.

Згодна з дакументам, такую ​​дзейнасць можна будзе весці толькі пасля ўключэння фізічнай асобы ў рэестр. А без уключэння — нельга, піша Dev.by.

У абгрунтаванні праекта гаворыцца, што новаўвядзенне дасць магчымасць абмежаваць магчымасць вучыць дзяцей асобам, «у дачыненні да якіх уступіў у законную сілу абвінаваўчы прысуд суда за ўчыненне злачынстваў экстрэмісцкай накіраванасці», а таксама па шэрагу крымінальных артыкулаў, якія датычацца малалетніх, наркотыкаў, забойстваў і іншых артыкулаў — незалежна ад зняцця або пагашэння.

🗣Ад фіксацыі злачынстваў да стратэгіі дзеянняў: у Вільні працягваецца Кангрэс палітзняволеных

У Вільні працягваецца Кангрэс палітзняволеных #WithoutJustCause, галоўнай тэмай якога з’яўляецца пошук стратэгій выхаду з гуманітарнага крызісу ў Беларусі. Другі дзень мерапрыемства мае практычную скіраванасць і прысвечаны канкрэтным крокам па дапамозе рэпрэсаваным і ўзмацненню міжнароднага ціску на рэжым.

Праваабаронца «Вясны» і былая палітзняволеная Марфа Рабкова выступіла на другі дзень Кангрэса з праграмнай прамовай, у якой падкрэсліла суб'ектнасць кожнага чалавека ў справе вызвалення вязняў.

Яна заклікала не чакаць глабальных зрухаў, а пачынаць з малых, але рэгулярных крокаў, якія ў выніку вядуць да вялікіх перамен. Паводле яе слоў, асноўнымі інструментамі ў гэтай барацьбе павінны стаць дыялог, узаемнае прыняцце і агульная адказнасць за будучыню Беларусі.

Чытаць па спасылцы 👉 https://spring96.org/be/news/120329

🌿Чытаць з Беларусі праз сайт-люстэрка

💔«Вырашыў для сябе, што мушу выйсці нармальным чалавекам» — былы палітвязень пра тое, што давала сілы трымацца за кратамі

Вячаслаў Рагашчук прабыў у зняволенні амаль 6 гадоў.

«Я разумеў, што на волі мяне чакаюць бацькі, сястра, дзеці. Вырашыў для сябе, што мушу выйсці нармальным чалавекам. Я і сам дапамагаў хлопцам у камеры. Калі лютаваў каранавірус, каранціну не было. Я меў зносіны з хворымі, але не захварэў. Ад прышчэпак адмаўляўся, за што сядзеў у ШІЗА.

Першы час лісты да мяне не даходзілі. Неяк прыйшоў цэнзар, прынёс адразу каля 20 лістоў ад абсалютна незнаёмых людзей, сказаў "выбачай" і аддаў іх. Астатнія лісты, відаць, знішчаліся. Я разумеў, што людзі мяне падтрымліваюць».

🔹«Мянты хадзілі па галовах звязаных людзей». Экс-палітвязень пра «пінскую справу», год у ШІЗА і турэмную салідарнасць

🌿Ва Уроцлаве пачала працу выстава «Закратаванае / PrisonArt»

З 22 па 24 траўня ва Уроцлаве можна будзе наведаць выставу, арганізаваную Праваабарончым цэнтрам «Вясна». «Закратаванае / PrisonArt» - гэта калекцыя малюнкаў, створаных беларускімі палітычнымі вязнямі ва ўмовах зняволення. Экспазіцыя ўздымае складаныя пытанні чалавечай годнасці, грамадзянскай адказнасці і сілы творчасці.

На выставе будзе прадстаўлена невялікая частка прац, сабраных і беражліва захаваных праваабаронцамі.
📍 Месца: прастора Nook Book, Plac Teatralny 3 (уваход з вуліцы, вітрына на лялечны тэатр)
🕛 Часы працы: 12:00–17:00, уваход вольны

Таксама выставу можна наведаць падчас вечаровай праграмы:
▪️ 22.05 у 18:00 — трэнінг па тэхніцы маўлення (70 zł)
▪️ 23.05 у 17:00 — сустрэча пра AI
▪️ 24.05 у 17:00 — кінавечар «Рэбэка»

Шчыра дзякуем Суполцы беларусаў Уроцлава за падтрымку і дапамогу ў арганізацыі выставы. А таксама Nook Book Wrocław за гасцінную прастору і Аляксандры Вайцяховіч за цеплыню і падтрымку.

🧳«Этапы: нябачная дарога палітвязняў Беларусі»: спецпраект «Вясны»

Этап — гэта транспартаванне зняволенага з адной установы ў іншую, але ў беларускай пенітэнцыярнай сістэме этап стаў часткай пакарання. Часам — яго найбольш жорсткай і прыніжальнай часткай. Гэта прастора поўнай невядомасці, дзе чалавек губляе кантроль над уласным целам, часам, маршрутам і нават дыханнем.

Да Дня палітвязняў «Вясна» прэзентуе дакументальны спецпраект ««Этапы: нябачная дарога палітвязняў Беларусі». Ён прысвечаны этапаванню — адну з самых закрытых частак беларускай пенітэнцыярнай сістэмы. На адмысловым сайце мы сабралі 15 сведчанняў былых палітзняволеных, якія прайшлі праз этапы ў калоніі, турмы, СІЗА, суды і пры прымусовым выдварэнні з краіны. Кожная гісторыя суправаджаецца дакументальнымі калажамі.

Аўтарка праекта праваабаронца «Вясны» Дзіяна Пінчук распавяла пра працу над ім. 

Чытаць па спасылцы 👉 https://spring96.org/be/news/120326

🌿Чытаць з Беларусі праз сайт-люстэрка

Жыхара Глускага раёну асудзілі за «паклёп» на Лукашэнку

Пра гэта адсправаздачылася пракуратура.

Паводле ведамства, у мужчыны на старонцы знайшлі відэазапісы, якія змяшчалі «паклёп» на Лукашэнку. Жыхару раёну прызначылі 2 гады хатняй хіміі.

Таксама паведамляецца, што з пачатку 2026 года ў суд Глускага раёна накіравана 70 заяў аб прызнанні інфармацыйнай прадукцыі «экстрэмісцкімі матэрыяламі».

Беларусы Беластока правялі акцыю з нагоды Дня палітвязняў

Акцыя пачалася з хвіліны маўчання ў памяць пра ўсіх загінулых у турмах і засценках рэжыму. Падчас мерапрыемства гучалі словы падтрымкі палітвязням, успаміны пра перажытыя рэпрэсіі і заклік не забываць пра тых, хто сёння знаходзіцца за кратамі.

У акцыі ўзялі ўдзел беларусы Беластока, прадстаўнікі польскай супольнасці і журналісты.

🗣«Ананімнасць — іх любімая зброя». Чаму важна апублічваць факты катаванняў — адказваюць праваабаронцы

Сёлета тэмай Дня палітвязняў Беларусі сталі катаванні і жорсткае абыходжанне. У інтэрв’ю «Вясне» вядомыя праваабаронцы Валянцін Стэфановіч і Уладзімір Лабковіч, якія самі прайшлі праз выпрабаванні зняволеннем, тлумачаць, чаму публічнасць з’яўляецца адзінай абаронай ад бязмежжа, як розгалас у СМІ ўплывае на адміністрацыю месцаў пазбаўлення волі і чаму ананімнасць застаецца галоўнай зброяй катаў.

«Падсвечваючы гэтыя практыкі, мы іх змяншаем. І насамрэч ужо можна казаць, што ад некаторых жахлівых рэчаў, якія адбываюцца ў месцах несвабоды, паступова адмаўляюцца. І гэта кажа аб тым, што мы менавіта сваім голасам спыняем гэтыя практыкі».

Чытаць па спасылцы 👉 https://spring96.org/be/news/120322

🌿Чытаць з Беларусі праз сайт-люстэрка

Праўладныя каналы паведамляюць, што Хлястова адпусцяць «пасля адбыцця пакарання»

Акаўнт, звязаны з сілавымі органамі, сцвярджае, што Хлястоў «ігнараваў неаднаразовыя выклікі ў ДАІ для складання пратаколу за тое, што кінуў сваё аўто пад знакам», казаў, што знаходзіцца ў іншых гарадах.

«Не дачакаліся і давялося шукаць самім. Усё. Кропка. А ў ГУБАЗіКу ён быў год таму. Карацей, не падпарадкаваўся законным патрабаванням».

Праўлады канал запэўнівае, што Хлястоў «будзе дома пасля адбыцця пакарання», піша @nashaniva.

🔗Хроніка палітычнага пераследу