Prezident Shavkat Mirziyoyev tomonidan madaniyat va san’at sohasi uchun e’lon qilingan soliq imtiyozlari

Konsert-tomosha, xususiy teatr, kinematografiya, bolalar kontenti faoliyati bilan shug‘ullanuvchilar, madaniyat-san’at yo‘nalishidagi xususiy ta’lim tashkilotlari qo‘shilgan qiymat, foyda, aylanma, yer, mulk va daromad soliqlaridan ozod qilinadi.

Tadbirkorlar, yirik kompaniyalarning adabiyot, madaniyat va san’atni rivojlantirish maqsadida yo‘naltirgan homiylik mablag‘lari ham soliqqa tortilmaydi.

Xorijiy kompaniyalarning O‘zbekiston hududida kino mahsulot yaratish bilan bog‘liq faoliyati soliqlardan ozod qilinadi.

Mutaxassislar fikricha, ushbu misli ko‘rilmagan soliq imtiyozlari sohada sog‘lom raqobatni yuzaga keltiradi, xususiy sektor ulushini oshiradi va chiptalar narxi arzonlashishiga xizmat qiladi. Tejab qolingan mablag‘lar ijodkorlarning o‘zida qolishi hisobiga kontentlar sifati tubdan yaxshilanadi.

Shuningdek, homiylik loyihalarining soliqdan ozod etilishi mamlakatda yirik biznes tomonidan madaniyatni qo‘llab-quvvatlash (metsenatlik) tizimini rivojlantirsa, xorijiy kinokompaniyalarga berilgan yengilliklar O‘zbekistonni xalqaro kinoturizm markaziga aylantirishga xizmat qiladi.

@Rasmiy_axborot_official

Bobur yurti – Andijonda media nafasi

Andijon Media haftaligini iliq kutib oldi. Tadbirning ilk kunidayoq 120 nafardan ortiq media sohasi vakillarining jamlangani hududdagi jurnalistlar, blogerlar va axborot makoni vakillarining yangilik, tajriba va kasbiy rivojlanishga bo‘lgan yuksak qiziqishini yana bir bor namoyon etdi.

Televideniye xodimlari, bosma OAV vakillari, tasvirchilar, ijtimoiy tarmoq sahifalari yurituvchilari, montaj ustalari hamda kontent yaratuvchilar kun davomida o‘tkazilgan mahorat darslari va amaliy mashg‘ulotlarda ishtirok etib, zamonaviy media yo‘nalishlari bo‘yicha bilim va ko‘nikmalarini boyitdi.

Media haftalik davom etadi. Oldinda esa yanada dolzarb mavzular, amaliy treninglar va yangi imkoniyatlar kutmoqda.

@Rasmiy_axborot_official

“Jurnalistlar kubogi” musobaqasi o‘tkaziladi

27-iyun – Matbuot va ommaviy axborot vositalari xodimlari kuni munosabati bilan stol tennisi bo‘yicha “Jurnalistlar kubogi” musobaqasi tashkil etiladi.

Tashkilotchilar:

O‘zbekiston Jurnalistlar uyushmasi
O‘zbekiston stol tennisi federatsiyasi
“Biznesni rivojlantirish banki” ATB

Sana: 20-iyun, 2026-yil

Musobaqa g‘olib va sovrindorlari diplom hamda esdalik sovg‘alari bilan taqdirlanadi.

Murojaat uchun:
+998 97 666 18 10
+998 94 172 63 63

@Rasmiy_axborot_official

O‘zbekiston Respublikasi Prezidenti Administratsiyasi rahbari Saida Mirziyoyeva Venada BMT Bosh kotibi o‘rinbosari, BMTning Giyohvand moddalar va jinoyatchilik bo‘yicha boshqarmasi (BMT GJB) ijrochi direktori etib yangi tayinlangan Monika Juma bilan uchrashdi.

Uchrashuv davomida O‘zbekistonning BMT GJB bilan hamkorligi, giyohvandlik tahdidlariga qarshi kurashish borasidagi sa’y-harakatlar hamda 2026-yil aprel oyida Samarqand shahrida o‘tkazilgan xalqaro forumdan keyingi amaliy ishlar yuzasidan fikr almashildi.

“Ayollar, bolalar va yoshlar himoyasiga bag‘ishlangan sayd-iventimizni qo‘llab-quvvatlagani uchun Monika Jumaga minnatdorlik bildiraman. O‘zbekiston ushbu tadbirni bugun BMT Jinoyatchilikning oldini olish komissiyasining 35-sessiyasi doirasida o‘tkazdi.

Biz BMT GJB bilan xavfsizlik, adolat va barqaror taraqqiyot yo‘lidagi sheriklikni yanada rivojlantirishga tayyormiz”, — deb yozdi Saida Mirziyoyeva.

Muloqot chog‘ida xalqaro hamkorlikni kengaytirish, global tahdidlarga qarshi birgalikdagi sa’y-harakatlarni kuchaytirish hamda inson manfaatlarini ustuvor qo‘ygan tashabbuslarni qo‘llab-quvvatlash masalalariga alohida e’tibor qaratildi.

@Rasmiy_axborot_official

Nurotadagi nogironligi bo‘lgan shaxslar uchun erkaklar internat uyida 317 nafar fuqaro parvarishlanmoqda. Ular uchun munosib hayot kechirish va bo‘sh vaqtni mazmunli tashkil etish maqsadida turli to‘garaklar hamda mehnat terapiyasi yo‘lga qo‘yilgan.

Ijtimoiy xodimlar tomonidan parvarishlanuvchilar va ularning yaqinlari o‘rtasida muntazam videomuloqotlar tashkil etilmoqda. Natijada 98 nafar parvarishlanuvchining oilaviy aloqalari tiklandi, 19 nafari esa oila bag‘riga qaytarildi.

Ayni paytda mustaqil hayot kechirish imkoniyati yuqori bo‘lgan 30 nafar parvarishlanuvchi alohida dastur asosida ijtimoiy hayotga tayyorlanmoqda.

Nurotadagi nogironligi bo‘lgan shaxslar uchun erkaklar internat uyi faoliyati haqidagi maxsus videorolikni o‘tkazib yubormang!

@Rasmiy_axborot_official

O‘zbekiston Respublikasi Prezidenti Administratsiyasi rahbari Saida Mirziyoyeva Avstriya Parlamentida Federal kengash Raisi Markus Shtotter hamda Milliy kengash Raisi Valter Rozenkrans bilan uchrashuvlar o‘tkazdi.

Muloqotlar chog‘ida O‘zbekiston va Avstriya o‘rtasidagi parlamentlararo aloqalarni mustahkamlash, siyosiy muloqotni faollashtirish, ta’lim, madaniyat va iqtisodiyot sohalaridagi hamkorlikni kengaytirish masalalariga alohida e’tibor qaratildi.

“Muloqot chog‘ida ikki tomonlama munosabatlarning bugungi holati va istiqbollari, shuningdek, o‘zaro manfaatli yo‘nalishlarda hamkorlikni kengaytirish masalalari bo‘yicha fikr almashdik.

O‘zbekistonda amalga oshirilayotgan islohotlarga, xususan, jamiyatni demokratlashtirish va davlat boshqaruvini modernizatsiya qilish borasidagi jarayonlarga alohida e’tibor qaratildi”, — deb yozdi Saida Mirziyoyeva.

Uchrashuvlarda mamlakatlar o‘rtasidagi do‘stona munosabatlarni yanada rivojlantirish va yangi hamkorlik yo‘nalishlarini izchil kengaytirish muhim ekani qayd etildi.

@Rasmiy_axborot_official

Davlat xaridlari sohasida Yagona aloqa markazi ish boshladi

Sanoat kooperatsiyasi va davlat xaridlari agentligi tomonidan davlat xaridlari sohasidagi elektron tizimlar foydalanuvchilari uchun Yagona aloqa markazi (call-markaz) faoliyati yo‘lga qo‘yildi.

55-505-05-50

Yagona aloqa markazi orqali foydalanuvchilar davlat xaridlari bilan bog‘liq masalalar yuzasidan maslahat olish, texnik ko‘makka ega bo‘lish hamda murojaatlarini yuborishlari mumkin.

Dastlabki bosqichda markaz new.cooperation.uz elektron kooperatsiya platformasi foydalanuvchilariga xizmat ko‘rsatadi.

Kelgusida ebirja.uz, xt-xarid.uz, xarid.uzex.uz va shaffofxarid.uz platformalari ham Yagona aloqa markaziga integratsiya qilinadi.

Yagona aloqa markazi foydalanuvchilar uchun quyidagi imkoniyatlarni taqdim etadi:
Tezkor aloqa
Sifatli texnik yordam
Shaffof monitoring
Yagona murojaat nuqtasi.

Yagona aloqa markazi — savollaringiz uchun yagona manzil!

@Rasmiy_axborot_official

Venada tarixiy kun: Global kun tartibini O‘zbekiston boshlab berdi

Bugun Venada global xavfsizlik va huquq-tartibotni belgilovchi eng yirik platforma — BMT Jinoyatchilikning oldini olish va jinoiy odil sudlov komissiyasining 35-sessiyasi bo‘lib o‘tdi.

Dunyoning 175 davlatidan 1,5 mingdan ziyod yuqori martabali vakillar, vazirlar va xalqaro ekspertlarni jamlagan ushbu anjuman O‘zbekiston diplomatiyasi va davlat siyosati uchun yangi tarixiy bosqichni boshlab berdi.

Vena sammitida O‘zbekistonga ko‘rsatilayotgan misli ko‘rilmagan ehtirom Prezident Shavkat Mirziyoyevning uzoqni ko‘zlagan strategik islohotlari, inson qadrini ulug‘lashga qaratilgan siyosati va faol xalqaro tashabbuslari jahon miqyosida to‘liq tan olinganining yaqqol isbotidir.

Aprel oyida O‘zbekiston ushbu BMT Komissiyasiga ilk bor a’zo bo‘lgan edi. Bugun esa Prezident Administratsiyasi rahbari Saida Mirziyoyeva boshchiligidagi O‘zbekiston delegatsiyasi barcha davlatlar ichida birinchi bo‘lib Milliy ma’ruza bilan chiqish qildi.

Unda Saida Mirziyoyeva O‘zbekistonda odil sudlov, ayollar va bolalar huquqlarini himoya qilish, jinoyatchilik profilaktikasi hamda yoshlarni qo‘llab-quvvatlash borasida amalga oshirilayotgan ishlar yuzasidan nutq so‘zladi.

“Kiberjinoyatchilik, korrupsiya va oilaviy zo‘ravonlik chegara bilmaydi. Shu sababli ularga qarshi ochiq muloqot, o‘zaro tajriba almashish va xalqaro hamkorlik orqali birgalikda kurashishimiz zarur”, — dedi Prezident Administratsiyasi rahbari Saida Mirziyoyeva.

@Rasmiy_axborot_official