Xivada avtomobil g'olibi aniqlandi!

Xiva shahridagi “Arda Xiva” majmuasida «Chekni talab qiling — avtomobil yuting!» yutuqli chek oʻyini boʻlib oʻtdi.

Oʻyinda:

🛒 7 046 ta savdo va xizmat koʻrsatish subyekti;
👥185 956 nafar ishtirokchi;
🔗 1 913 733 ta chek “Soliq” mobil ilovasi orqali roʻyxatdan oʻtkazildi.

🏆 Bosh sovrin — avtomobil!
Yusupov Qodirberdi Botirovich yutuqli oʻyinning bosh sovrinini qoʻlga kiritib, avtomobil sohibi boʻldi!

Shuningdek, eng faol tadbirkor va ishtirokchi fuqarolar quyidagi nominatsiyalar boʻyicha taqdirlandi:

“Eng koʻp chek taqdim qilgan tadbirkor”
“Soliq” mobil ilovasi orqali "Eng koʻp chekni roʻyxatdan oʻtkazgan yosh fuqaro"
“Soliq” mobil ilovasi orqali "Eng koʻp chekni roʻyxatdan oʻtkazgan fuqaro"

📲 Chekni talab qiling — xaridingizni rasmiylashtiring!

🎁 Balki keyingi avtomobil gʻolibi aynan SIZ boʻlarsiz!

@Rasmiy_axborot_official17433

Alkogol va tamaki bozorini tartibga solish tizimi takomillashtirilmoqda

@Rasmiy_axborot_official17433

Oliy sud va Sudyalar oliy kengashi rahbarlari Toshkentda fuqarolarni sayyor qabul qildi

Davlat rahbari tomonidan belgilangan ustuvor vazifalar ijrosi doirasida sud organlarining aholi bilan ochiq va bevosita muloqotini kuchaytirish maqsadida Toshkent shahri va Toshkent viloyati aholisi uchun ommaviy sayyor qabul o‘tkazildi.

Qabulda Oliy sud va Sudyalar oliy kengashi raislari bilan bir qatorda Toshkent shahar va Toshkent viloyati sudlari raislari o‘rinbosarlari, sudyalar hamda mas’ul xodimlar ishtirok etdi.
Murojaatchilar o‘zlarini qiynayotgan masalalarni bevosita sud organlari rahbariyati va mutasaddilariga bayon qilib, huquqiy yechim yuzasidan tushuntirishlar oldi.

Sayyor qabul davomida 854 ta ish bo‘yicha 1 279 nafar murojaatchi qabul qilindi. Shundan 403 ta ariza va shikoyat qonunchilikda belgilangan tartibda ko‘rib chiqish uchun qabul qilinib, 410 ta murojaat yuzasidan huquqiy tushuntirish berildi.

Eng muhimi, 41 ta murojaat qabul jarayonining o‘zidayoq ijobiy hal etildi.

Bunday sayyor qabullar fuqarolarning muammolarini joyida o‘rganish, ularga qonuniy yechim topish hamda sud hokimiyati faoliyatining ochiqligi va aholi bilan bevosita muloqotini yanada kuchaytirishga xizmat qilmoqda.

@Rasmiy_axborot_official17433

Toshkent viloyatida aviafalokat oqibatlarini bartaraf etish bo‘yicha keng ko‘lamli o‘quv mashg‘uloti o‘tkazildi

7-avgust kuni Toshkent xalqaro aeroporti tashabbusi bilan O‘rta Chirchiq tumanida parvozlarni qidiruv-qutqaruv faoliyatini qo‘llab-quvvatlash bo‘yicha idoralararo kompleks o‘quv mashg‘uloti tashkil etildi.

Mashg‘ulot ssenariysiga ko‘ra, Istanbul–Toshkent yo‘nalishida parvoz qilayotgan yo‘lovchi samolyoti Toshkentga qo‘nishga yaqinlashgan vaqtda aloqa uzilib, aviafalokat yuz bergani simulyatsiya qilindi. Shundan so‘ng samolyotni qidirish, qutqaruv ishlarini tashkil etish va favqulodda vaziyat oqibatlarini bartaraf etish bo‘yicha amaliy harakatlar bajarildi.

Mashg‘ulotlarga 250 ga yaqin mutaxassis va 25 ta maxsus texnika jalb etildi. Favqulodda vaziyatlar, Mudofaa, Sog‘liqni saqlash, Ichki ishlar vazirliklari, Milliy gvardiya hamda Toshkent xalqaro aeroporti mutaxassislari hamkorligida:

yong‘inni o‘chirish;
yo‘lovchilarni evakuatsiya qilish;
jabrlanganlarni holatiga qarab saralash;
birinchi tibbiy yordam ko‘rsatish va shifoxonalarga yetkazish;
samolyot bortidagi xavfli yukni xavfsiz hududga olib chiqish bo‘yicha amaliy mashqlar bajarildi.

Bunday kompleks mashg‘ulotlar aviafalokat yuz berganda turli idoralar va aeroport bo‘linmalarining tezkor hamda muvofiqlashtirilgan harakatini ta’minlash, xodimlarning favqulodda vaziyatlarga tayyorgarligini oshirishga xizmat qiladi.
Mashg‘ulot yakunida idoralararo hamkorlikni yanada mustahkamlash bo‘yicha tavsiyalar ishlab chiqilib, jalb etilgan kuch va vositalarning favqulodda vaziyatlarga tayyorgarligi yuqori baholandi.

@Rasmiy_axborot_official17433

O‘zbekistonda Blogerlar ijodiy kengashi tashkil etildi

O‘zbekiston Jurnalistlar uyushmasi qoshida Blogerlar ijodiy kengashi o‘z faoliyatini boshladi.

Kengashni tashkil etish tashabbusi 3-iyun kuni o‘tkazilgan “Loyihalar kuni” tadbirida ilgari surilgan bo‘lib, uning asosiy maqsadi blogerlarning kasbiy salohiyati va media savodxonligini oshirish, yosh blogerlarni qo‘llab-quvvatlash hamda iqtidorli kontent yaratuvchilar uchun yangi imkoniyatlar yaratishdan iborat.

Kengashning ilk yig‘ilishida blogerlar, jurnalistlar, media ekspertlari va soha mutaxassislari ishtirok etib, uning faoliyatining ustuvor yo‘nalishlari muhokama qilindi.

Blogerlar ijodiy kengashi zamonaviy media makonida mas’uliyatli kontent yaratish, soha vakillarining professional rivojini qo‘llab-quvvatlash va ochiq muloqot uchun samarali maydon yaratishga xizmat qiladi.

@Rasmiy_axborot_official17433

Joriy yilning 8 avgust (shanba) kuni Oliy sud raisi va o‘rinbosarlari, Sudyalar oliy kengashi raisi va o‘rinbosari, Toshkent shahar va Toshkent viloyati sudlari raislari, o‘rinbosarlari tomonidan Toshkent shahri va Toshkent viloyati aholisi (jismoniy va yuridik shaxslar, shuningdek ularning qonuniy vakillari) uchun prosessual xususiyatga ega murojaatlarni qabul qilish bo‘yicha sayyor qabul o‘tkaziladi.

Sayyor qabul davomida sud hujjatlari ustidan keltirilgan prosessual shikoyatlar hamda sud organlari vakolatiga taalluqli boshqa masalalar yuzasidan murojaatlar qabul qilinadi.

Qabul soat 10:00da boshlanadi.

Manzil: Toshkent shahri, Yunusobod tumani, Amir temur shoh ko‘chasi, 107 uy, "O‘zekspomarkaz" MKK

Qabulga keluvchi shaxslardan shaxsini tasdiqlovchi hujjat (pasport yoki ID-karta), vakillardan esa vakolatini tasdiqlovchi tegishli hujjat, shuningdek murojaat mazmuniga oid sud hujjatlari hamda boshqa tegishli materiallarni o‘zlari bilan olib kelishlari so‘raladi.

Murojaatlar qabul qilish va ko‘rib chiqish amaldagi qonunchilik talablari hamda belgilangan tartib asosida amalga oshiriladi.

Qo‘shimcha ma’lumot uchun telefon: 71 207-97-37.

@Rasmiy_axborot_official17433

Endi ulushli qurilishda fuqarolarning aldanib qolishiga yo‘l qo‘yilmaydi

Oliy Majlis Qonunchilik palatasida “Ko‘p kvartirali uylarni va boshqa ko‘chmas mulk obyektlarini ulush kiritish asosida qurish to‘g‘risida”gi qonun loyihasi birinchi o‘qishda qabul qilindi.

Qonun loyihasiga ko‘ra:

🔹fuqarolarning pul mablag‘lari to‘g‘ridan to‘g‘ri quruvchi ixtiyorida emas, balki banklarda ochiladigan eskrou hisobvarag‘i orqali saqlanadi;

🔹qurilish belgilangan talablar asosida amalga oshirilib, obyekt foydalanishga topshirilganidan keyin mablag‘lar quruvchiga o‘tkaziladi;

🔹quruvchi (developer) faqat qonunda belgilangan talablarga javob bergan, Yagona axborot tizimida ro‘yxatdan o‘tgan, vakolatli bank bilan bosh bitim tuzgan va loyiha deklaratsiyasini e’lon qilgan taqdirdagina aholi mablag‘larini jalb qilish huquqiga ega bo‘ladi;

🔹Ulushli ishtirok etish shartnomasi notarial tasdiqlanadi hamda belgilangan tartibda davlat ro‘yxatidan o‘tkaziladi;

🔹quruvchi qonun talablariga zid ravishda fuqarolar mablag‘larini jalb qilgan taqdirda, ulushdor ushbu mablag‘larni qaytarishni va ulardan foydalanilganlik uchun foiz to‘lanishini talab qilish huquqiga ega bo‘ladi;

🔹zarur hollarda vakolatli bankni yoki quruvchini almashtirish, qurilishning uzluksiz moliyalashtirilishini ta’minlashga qaratilgan moliyaviy mexanizmlar yaratilmoqda;

🔹ulushli qurilishga oid ma’lumotlarning Yagona axborot tizimida joylashtirilishi ta’minlanadi. Bu fuqarolarga quruvchi, qurilish obyekti va loyihaning amalga oshirilishi haqidagi muhim ma’lumotlar bilan ochiq tanishish imkonini ta’minlaydi.

@Rasmiy_axborot_official17433

🇺🇿🇺🇸O‘zbekiston va AQSh strategik sherikligi yangi bosqichga chiqmoqda

O‘zbekiston Respublikasi Prezidenti Shavkat Mirziyoyev va Amerika Qo‘shma Shtatlari Prezidenti Donald Tramp o‘rtasida telefon orqali muloqot bo‘lib o‘tdi.

Suhbat avvalida O‘zbekiston rahbari Donald Trampni AQSH mustaqilligining 250 yilligi bilan yana bir bor tabrikladi.

Suhbat davomida ikki davlat o‘rtasidagi strategik sheriklikni yanada mustahkamlash, savdo-iqtisodiy va investitsiyaviy hamkorlikni kengaytirish masalalari muhokama qilindi.

Qayd etilganidek, bugungi kunda O‘zbekiston va AQSh o‘rtasidagi hamkorlik jadal sur’atlarda rivojlanmoqda. Uch yillik iqtisodiy hamkorlik dasturi izchil amalga oshirilayotgani, Ishbilarmonlik va investitsiya kengashi faoliyati yo‘lga qo‘yilgani hamda hududlararo aloqalar kengayib borayotgani alohida ta’kidlandi.

Shuningdek, fuqaro aviatsiyasi, avtomobilsozlik, tog‘-kon sanoati, energetika, metallurgiya, sun’iy intellekt va raqamli texnologiyalar kabi ustuvor yo‘nalishlarda qo‘shma loyihalar muvaffaqiyatli amalga oshirilayotgani qayd etildi.

Muloqotda global va mintaqaviy xavfsizlikni mustahkamlash, xalqaro mojarolarni tinch yo‘l bilan hal etish masalalari yuzasidan ham fikr almashildi.

Suhbat yakunida Prezident Shavkat Mirziyoyev AQSh Prezidenti Donald Trampni o‘zi uchun qulay vaqtda rasmiy tashrif bilan O‘zbekistonga kelishga taklif qildi.

@Rasmiy_axborot_official17433

OKMKda korrupsiyaga qarshi kurashda raqamli yechimlar muhokama qilindi

Olmaliq kon-metallurgiya kombinatida O‘zbekiston Respublikasi Korrupsiyaga qarshi kurashish agentligi hamkorligida “Raqamli transformatsiya va innovatsiyalar: ishlab chiqarishda korrupsiyaning oldini olishning zamonaviy yechimlari” mavzusida yoshlar bilan davra suhbati o‘tkazildi.

Tadbirda raqamli texnologiyalar, sun’iy intellekt va avtomatlashtirilgan boshqaruv tizimlarining ishlab chiqarishda shaffoflikni ta’minlash hamda korrupsiyaviy xavflarni kamaytirishdagi o‘rni muhokama qilindi.

Shuningdek, Agentlik direktori Akmal Burxanov tomonidan kombinatda “Korrupsiyasiz sanoat” loyihasini yo‘lga qo‘yish va yoshlarning innovatsion g‘oyalarini amaliyotga tatbiq etishga qaratilgan tanlovlarni tashkil etish taklifi ilgari surildi.

Tadbir yakunida ISO 37001 xalqaro standarti bo‘yicha maxsus kurslarni muvaffaqiyatli tamomlagan bir guruh kombinat xodimlariga sertifikatlar topshirildi.

@Rasmiy_axborot_official17433

Davlat organlari HR rahbarlari uchun amaliy seminar boshlandi

O‘zbekiston Respublikasi Prezidenti huzuridagi Boshqaruv samaradorligi agentligi tomonidan davlat organlari va tashkilotlarining inson resurslarini boshqarish bo‘linmalari rahbarlari uchun amaliy o‘quv-seminar tashkil etildi.

Seminarda HR yo‘nalishini yanada takomillashtirish, sohaga oid dolzarb masalalarni muhokama qilish, ilg‘or tajribalarni ommalashtirish hamda zamonaviy boshqaruv yondashuvlarini amaliyotga joriy etish masalalariga alohida e’tibor qaratilmoqda.

@Rasmiy_axborot_official17433