#Қонунчиликдаги_янгиликлар

Март ойида “Сувни тежаш ойлиги” ўтказилади

 
Фармонга кўра, ҳар йили март ойида “Сувни тежаш ойлиги” ўтказилади ва сувни қадрлаш маданиятини кенг тарғиб қилиш чора-тадбирлар амалга оширилади.
 
🕰 2027 йил 1 январдан бошлаб:
 
🔸 республика ижро этувчи ҳокимият органлари ва хўжалик бирлашмалари раҳбар ва ўринбосарлари фаолиятининг энг муҳим самарадорлик кўрсаткичларига ичимлик сувини тежаш ва ҳудудий сув таъминоти корхоналарига масофадан маълумот узатувчи замонавий сув ҳисоблагичлар ўрнатганлик мезонлари киритилади;
 
🔸 ҳудудий сув таъминоти корхоналарига масофадан маълумот узатувчи замонавий сув ҳисоблагичлар ўрнатмаган республика ижро этувчи ҳокимият органлари ва хўжалик бирлашмалари Бош прокуратура томонидан назоратга олинади.
 
2027 йил 1 апрелдан бошлаб ичимлик суви таъминоти ва оқова сув хизматлари учун бюджет ташкилотларига республика бўйича бир хил тарифлар белгиланади.
 
📋 Ичимлик суви ишлаб чиқариш ва етказиб бериш жараёнлари бўйича алоҳида ҳисоб-китоб юритилиши йўлга қўйилади.

Каналга уланиш👇👇👇
@huquqiyaxborot

#Қонунчиликдаги_янгиликлар

Ичимлик суви таъминоти ва оқова сув тизими янада яхшиланади

 
“Ичимлик суви таъминоти ва оқова сув тизимини янада яхшилашга қаратилган қўшимча чора-тадбирлар тўғрисида”ги Президент Фармони (ПФ–140-сон, 24.07.2026 й.) қабул қилинди.
 
Фармонга кўра, 2026 йил 1 сентябрдан “Ўзсувтаъминот” АЖ (Жамият)га фойдаланиш учун топшириладиган барча ичимлик суви ва оқова сув инфратузилмасини ривожлантириш лойиҳалари “Дастурларнинг амалга оширилишини мониторинг қилиш ва манзилли рўйхатларни келишишнинг автоматлаштирилган ахборот тизими” электрон платформасида акс эттирилади.
 
🔎 Жамият ва унинг тизим корхоналари ўртасида шартномавий муносабатларни самарали йўлга қўйиш мақсадида тор доирадаги малака ошириш, ўқитиш ва эксплуатацияга оид шартномавий муносабатлар тўғридан-тўғри амалга оширилади.
 
Ичимлик суви таъминоти ва оқова сув соҳасидаги янги лойиҳаларга халқаро молия институтлари ва хорижий ҳукумат молия ташкилотлари (ХМИ/ХҲМТ) қарз ва грант маблағлари олдиндан харид, ретроактив ва шу каби бошқа молиялаштириш усулини танлаган ҳолда жалб қилинади.
 
💻 2027 йил 1 январдан:
 
🔹 марказлашган ичимлик суви билан таъминлаш иқтисодий жиҳатдан самарасиз ёки ўзини оқламайдиган ҳудудларда хизмат кўрсатиш алоҳида ёндашув асосида (махсус техникаларда сув етказиб бериш, шохобчаларни ташкил этиш ва шу кабилар) амалга оширилади.
 
🔹 тариф сиёсатини такомиллаштириш мақсадида ичимлик суви таъминоти ва оқова сув хизматлари тарифларини тасдиқлаш ваколати Вазирлар Маҳкамаси ҳузуридаги Идоралараро тариф комиссиясига ўтказилади.

Каналга уланиш👇👇👇
@huquqiyaxborot

#Қонунчиликдаги_янгиликлар

Интеллектуал мулк объектларига бериладиган патент ва гувоҳнома  шакллари давлат рўйхатидан ўтказилди

 
Адлия вазирлиги интеллектуал мулк объектларига бериладиган патент ва гувоҳнома  шаклларини давлат рўйхатидан ўтказди (рўйхат рақами 3909, 2026 йил 24 июль).
 
Мазкур ҳужжат билан интеллектуал мулк объектларига бериладиган қуйидаги патент ва гувоҳнома шакллари тасдиқланмоқда:
 
1) Ихтиро патентининг шакли;
2) Фойдали модель патентининг шакли;
3) Саноат намунаси патентининг шакли;
4) Ўсимлик навига патентнинг шакли;
5) Ҳайвон зотига патентнинг шакли;
6) Товар белгиси ва хизмат кўрсатиш белгисига доир гувоҳноманинг шакли;
7) Ҳаммага маълум товар белгисига гувоҳноманинг шакли;
8) Товар келиб чиққан жой номидан фойдаланиш ҳуқуқи тўғрисидаги гувоҳноманинг шакли;
9) Географик кўрсаткичдан фойдаланиш ҳуқуқи тўғрисидаги гувоҳноманинг шакли;
10) Электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳноманинг шакли;
11) Маълумотлар базасининг расмий рўйхатдан ўтказилганлиги тўғрисидаги гувоҳноманинг шакли;
12) Интеграл микросхемалар топологиясининг рўйхатдан ўтказилганлиги тўғрисидаги гувоҳноманинг шакли.
 
Юқоридаги патент ва гувоҳнома шакллари интеллектуал мулк объектларига бўлган ҳуқуқларни расмий тасдиқлаш, уларнинг ҳуқуқий ҳимоясини таъминлаш ҳамда муаллифлар ва ҳуқуқ эгаларининг қонуний манфаатларини ишончли ҳимоя қилишга хизмат қилади.

Каналга уланиш👇👇👇
@huquqiyaxborot

#Қонунчиликдаги_янгиликлар

Адлия вазирлиги томонидан исломий банклар фаолиятини тартибга солувчи норматив-ҳуқуқий ҳужжатлар давлат рўйхатидан ўтказилди

 
Ўзбекистон Республикасининг 2026 йил 27 мартдаги ЎРҚ–1126-сон Қонунига мувофиқ мамлакатимизда исломий банк фаолияти жорий этилди.
 
✅ Мазкур Қонунни амалга ошириш доирасида Адлия вазирлиги томонидан давлат рўйхатидан ўтказилган 10 та идоравий норматив-ҳуқуқий ҳужжатларга исломий банклар фаолиятини тартибга солувчи ўзгартириш ва қўшимчалар киритилди.
 
Жумладан, қуйидаги йўналишлар бўйича ҳуқуқий механизмлар такомиллаштирилди:
 
банклар ва банклар гуруҳларида таваккалчиликларни бошқариш тизими (рўйхат рақами 3427-2);
 
тижорат банкларининг кўчмас мулк, бошқа мол-мулк ҳамда юридик шахслар устав капиталидаги улушлар (акциялар)ни сотиб олиши билан боғлиқ талаблар (3441-2);
 
бир қарз олувчи ёки ўзаро алоқадор қарз олувчилар гуруҳи, шу жумладан банкка алоқадор шахслар учун таваккалчиликнинг энг кўп миқдорини белгилаш (3283-3);
 
тижорат банкларида корпоратив бошқарувни ташкил этиш (3254-1);
 
банкларнинг Омонатларни кафолатлаш жамғармасига бадаллар тўлаши тартиби (3663-1).
 
Мазкур ўзгартиришлар исломий банклар фаолиятининг ҳуқуқий асосларини мустаҳкамлашга хизмат қилади.

Каналга уланиш👇👇👇
@huquqiyaxborot

#2026_йил_1_августдан

Қонунчиликка кўра, 2028 йил 1 январга қадар мазкур рўйхатда белгиланган Ўзбекистонда камёб ва йўқолиб кетиш хавфи юқори бўлган ёввойи ҳайвонларни ов қилиш тақиқланади. Бунда:

ушбу чеклов фермалар, питомниклар, инкубаторлар, балиқчилик питомниклари ва ҳовуз хўжаликларида сақланаётган ва (ёки) етиштирилаётган ёввойи ҳайвонларни ов қилиш, шунингдек, илмий ва тиббий мақсадларда фойдаланиш учун ов қилишга нисбатан татбиқ этилмайди;

ёввойи ҳайвонларни тутишга доир квоталарни шакллантириш ва тақсимлашда ов қилиш тақиқланган камёб ва йўқолиб кетиш хавфи юқори бўлган ёввойи ҳайвонлар турларига нисбатан квота ажратилишига йўл қўйилмайди.

Каналга уланиш👇👇👇
@huquqiyaxborot

#Қонунчиликдаги_янгиликлар

Мансабдор шахсларнинг қонунга хилоф қарори туфайли етказилган зарарни қоплаш тартиби белгиланди

“Давлат органининг ёки унинг мансабдор шахсининг қонунга хилоф қарори, ҳаракати ёхуд ҳаракатсизлиги туфайли етказилган зарарнинг ўрнини қоплаш тўғрисида”ги Қонун (ЎРҚ–1161-сон, 27.07.2026 й.) қабул қилинди.

Қонунга кўра, зарарнинг ўрнини қоплаш учун ундириладиган маблағлар миқдори суднинг қарори асосида аниқланади.

💰 Жисмоний ёки юридик шахсга етказилган ҳамда суднинг қонуний кучга кирган қарори билан аниқланган моддий ва (ёки) маънавий зарарнинг ўрни ҳудудий компенсация жамғармасидан пул шаклида қопланади.

Зарарнинг ўрни суднинг зарарнинг ўрнини қоплаш тўғрисидаги қарорига мувофиқ берилган ижро варақасига асосан қопланади.

✅ Агар зарар етказилганлиги учун аниқ бир шахс суднинг қонуний кучга кирган қарори билан айбдор деб топилган бўлса, моддий ва (ёки) маънавий зарарнинг ўрни ушбу шахс томонидан қопланиши лозим.

Суд қарори билан айбдор деб топилган шахс ўзи етказган зарарнинг ўрнини ундирувчига белгиланган тартибда ихтиёрий равишда қоплаш ҳуқуқига эга.

🔘 Зарарнинг ўрни суд қарори асосида ҳудудий компенсация жамғармалари ҳисобидан қоплаб берилганда ва кейинчалик зарар етказган айбдор шахсга нисбатан қонунга мувофиқ регресс ҳуқуқи юзага келган тақдирда:

➖ Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари айбдор шахс фаолият юритаётган ёки муқаддам ишлаган давлат органига талабнома киритади.

📌 Қонун расмий эълон қилинган кундан 6 ой ўтгач кучга киради.

Каналга уланиш👇👇👇
@huquqiyaxborot

#Қонунчиликдаги_янгиликлар

Маданий мерос соҳасидаги давлат бошқаруви тизими такомиллаштирилади

 
Қонун (ЎРҚ–1160-сон, 23.07.2026 й.) билан айрим қонун ҳужжатларига ўзгартириш ва қўшимчалар киритилди.
 
Мазкур Қонун билан айрим қонун ҳужжатларига республика ижро этувчи ҳокимият органларининг маданий мерос объектларини муҳофаза қилиш ва улардан фойдаланиш соҳасидаги ваколатларини аниқлаштирувчи ўзгартириш ва қўшимчалар киритилди.
 
Киритилган қўшимчаларга кўра, Маданий мерос агентлиги қуйидаги ваколатларни амалга ошириши белгиланди:
 
🔹 моддий маданий мерос объектларини муҳофаза қилиш ва улардан фойдаланиш тўғрисидаги қонунчиликка риоя этилиши устидан давлат назоратини амалга оширади;
 
🔹 моддий маданий мерос объектларини муҳофаза қилиш, асраш, тарғиб қилиш ва улардан фойдаланиш давлат дастурларини ишлаб чиқишда ва амалга оширишда иштирок этади;
 
🔹 моддий маданий мерос объектларининг аниқланишини, ҳисобга олинишини, муҳофаза қилинишини, тарғиб қилинишини ва улардан фойдаланилишини таъминлайди;
 
🔹 моддий маданий мерос объектларининг тарихий-маданий экспертизасини ташкил этади ва амалга оширади ва бошқалар.

📌 Қонун расмий эълон қилинган кундан эътиборан кучга киради.

Каналга уланиш👇👇👇
@huquqiyaxborot

#Қонунчиликдаги_янгиликлар

Маҳаллаларда спорт тўгаракларини ташкил этган тренерлар рағбатлантирилади

 
Ҳукумат қарори (407-сон, 24.07.2026 й.) билан “Маҳаллаларда спорт тўгаракларини ташкил этган ҳолда ўзини ўзи банд қилган тренерларни спорт мактабига бириктириш ҳамда уларни рағбатлантириш тартиби тўғрисида”ги низом тасдиқланди.
 
Низомга кўра, маҳаллаларда спорт тўгаракларини ташкил этган ҳолда ўзини ўзи банд қилган тренерлар ихтиёрий равишда ҳар йили 20 августга қадар спорт мактабларига ариза билан мурожаат қилади.
 
✅ Аризада қуйидаги маълумотлар кўрсатилиши лозим:
 
🔸 маҳаллада ташкил этган спорт тўгарагининг манзили, спорт иншоотининг майдони ва сиғими;
 
🔸 спорт тўгарагидаги мавжуд спорт турлари (тармоқлари);

🔸 спорт тўгарагида шуғулланувчи спортчилар тўғрисида маълумотлар;
 
🔸 тренерлик фаолияти бўйича малака оширганлик ҳақидаги сертификат.
 
Спорт мактаби ариза келиб тушгандан сўнг 5 иш куни ичида аризани ўрганиб чиқиб, тренерларни спорт мактабига бириктиради.
 
🔘 Бунда ҳар бир туман (шаҳар)даги спорт мактаби кўпи билан 5 нафаргача тренерни бириктириш ҳуқуқига эга.
 
Тренерлар қуйидаги ижтимоий буюртмани бажариш шарти билан спорт мактаби тренери учун белгиланган базавий тариф ставкаси миқдорида ҳар ой рағбатлантириб борилади:
 
ваколатли орган томонидан белгиланган миқдор ва меъёрлар асосида спортчиларни тайёрлаш;
 
“ERP sport” тизимида спортчиларни рўйхатдан ўтказиш;
спортчиларнинг кунлик давоматини “Fасе ID” тизими орқали электрон равишда доимий киритиб бориш.

Каналга уланиш👇👇👇
@huquqiyaxborot

#Қонунчиликдаги_янгиликлар

Фан олимпиадалари ғолибларига "Ўзбекистон бўйлаб саёҳат” йўлланмаси берилади

 
Ҳукумат қарори (406-сон, 24.07.2026 й.) билан “Таълим ва спорт йўналишлари бўйича ўтказиладиган фан олимпиадаси ва спорт мусобақаси ғолибларини “Ўзбекистон бўйлаб саёҳат” йўлланмасини тақдим этиш орқали рағбатлантириш тартиби тўғрисида”ги низом тасдиқланди.
 
Ушбу Низом республика ва вилоят даражасида таълим ва спорт йўналишлари бўйича фан олимпиадаси ва спорт мусобақаси ғолибларини “Ўзбекистон бўйлаб саёҳат” йўлланмасини тақдим этиш орқали рағбатлантириш тартибини белгилайди.
 
Низомга кўра, таълим ва спорт йўналишлари бўйича ўтказиладиган фан олимпиадаси ва спорт мусобақаси ғолибларига қуйидаги йўлланмалар тақдим этилади:
 
республика даражасида – республика босқичида ғолиб бўлган ўқувчи-ёшларга Ўзбекистон ҳудудидаги туристик объектларга 3 кунлик саёҳат;
 
вилоят даражасида – ҳудудий босқичда ғолиб бўлган ўқувчи-ёшларга бошқа вилоят ҳудудидаги туристик объектларга 2 кунлик саёҳат.
 
Ташкилотчи томонидан саёҳат тадбирлари ташкил этилишидан 10 кун олдин йўлланмага эга бўлган шахслар
тадбир ташкил этиладиган кун ва жой тўғрисида хабардор қилинади.
 
Ташкилотчилар томонидан ҳар йили саёҳат харажатларига қуйидагилар билан боғлиқ харажатлар киритилади:
 
транспорт хизмати;
яшаш ва овқатлантириш;
экскурсиялар (гид хизмати ва туризм объектларига кириш чиптаси);
саёҳат суғуртаси.

Каналга уланиш👇👇👇
@huquqiyaxborot

#Қонунчиликдаги_янгиликлар

Коррупцияга қарши курашиш бўйича Миллий сертификатлаштириш тартиби белгиланди

Адлия вазирлиги Коррупцияга қарши курашиш бўйича Миллий сертификатлаштириш тартиби тўғрисидаги идоравий ҳужжатни (рўйхат рақами 3906, 2026 йил 24 июль) давлат рўйхатидан ўтказди.
 
🔰 Мазкур ҳужжат билан давлат органлари ва ташкилотлари, устав фондида (устав капиталида) давлат улуши 50 фоиз ва ундан ортиқ бўлган хўжалик жамиятларида коррупцияга қарши курашиш бўйича Миллий сертификатлаштириш тартиби белгиланди. Унга кўра:
 
🔸 коррупцияга қарши Миллий сертификатлаштириш менежмент тизими биринчи навбатда коррупцияга қарши курашиш ишларининг самарадорлигини рейтинг баҳолаш тизими натижаларига кўра фаолияти “қониқарсиз” деб баҳоланган, коррупцияга оид жиноятчилик даражаси ўтган йилга нисбатан ошган, коррупциявий хавф даражаси юқори бўлган ва бошқа давлат органлари ва ташкилотларида жорий этилади;
 
🔸 режа-график коррупцияга қарши курашиш ишларининг самарадорлигини рейтинг баҳолаш натижалари эълон қилинганидан сўнг, ҳар йили март ойида Агентлик томонидан тасдиқланади ҳамда тегишли давлат органлари ва ташкилотларига юборилади;
 
🔸 ишчи гуруҳ режа-графикда белгиланган баҳолаш муддати бошланишидан камида 10 иш куни олдин Агентлик директорининг буйруғига асосан шакллантирилади ҳамда Агентликнинг масъул тармоқ ходими раҳбарлигида камида 7 нафардан иборат тоқ сонли таркибда фаолият юритади;
 
🔸 давлат органлари ва ташкилотларининг коррупцияга қарши курашиш ҳамда унинг олдини олиш соҳасидаги фаолиятини баҳолаш уларнинг функционал хусусиятларидан келиб чиқиб, кўпи билан 14 иш куни ичида масофадан туриб ва (ёки) жойига чиққан ҳолда амалга оширилади;
 
🔸 баҳолаш дастури 7 та йўналиш бўйича ишлаб чиқилади (жумладан, очиқлик ва шаффофликни таъминлаш, жамоатчилик кенгашлари фаолияти орқали жамоатчилик назоратини таъминлаш ва бошқалар);
 
🔸 баҳолаш 100 баллик тизимда амалга оширилиб, натижалар 81 баллдан 100 баллгача – “яхши”, 55 баллдан 81 баллгача – “қониқарли”, 55 баллдан кам – “қониқарсиз” деб баҳоланади;
 
🔸 фаолияти “яхши” деб баҳоланган давлат органлари ва ташкилотларига коррупцияга қарши Миллий сертификатлаштириш менежмент тизими талабларига мувофиқлигини тасдиқловчи сертификат берилади. Сертификат 3 йил муддат давомида амал қилади;
 
🔸 фаолияти “қониқарли” деб баҳоланган давлат органлари ва ташкилотларига камчиликларни бартараф этиш учун 1 ойдан ошмаган муддат берилади ва камчиликлар белгиланган муддатда бартараф этилганда сертификат тақдим этилади;
 
🔸 фаолияти “қониқарсиз” деб баҳоланган ёки камчиликларни қўшимча муддатда бартараф этмаган давлат органлари ва ташкилотлари сертификат олмаган деб баҳоланади ҳамда тизим жорий этилгунга қадар ташкилот раҳбарларига нисбатан рағбатлантириш тўловларини тўхтатиб туриш учун асос бўлади.

Каналга уланиш👇👇👇
@huquqiyaxborot

#Қонунчиликдаги_янгиликлар

Адлия вазирлиги Фуқаро авиацияси соҳасидаги қонунчиликка риоя этилиши устидан назоратни амалга оширишда “Хавфни таҳлил қилиш” электрон тизимини жорий этиш тартиби тўғрисидаги низомни (рўйхат рақами 3907, 2026 йил 24 июл) давлат рўйхатидан ўтказди.

 
🔰 Унга кўра:
 
🔹 тадбиркорлик субъектлари фаолиятида қонунчилик бузилиши хавфини автоматлаштирилган тарзда баҳолаш механизми жорий этилади;
 
🔹 хавф даражасини аниқлашда давлат органлари ахборот тизимлари, статистик маълумотлар, мурожаатлар, ОАВ ва бошқа қонуний манбалардан олинган маълумотлардан фойдаланилади;
 
🔹 хавф таҳлили жараёнида тадбиркорлик субъектларидан қўшимча ҳужжат ва маълумотлар талаб қилишга йўл қўйилмайди;
 
🔹 хавф даражасини баҳолашда тадбиркорлик субъектлари 5 та йўналишдаги (аэродромлар ва ер усти қурилмалари; ҳаво кемаларининг учишга яроқлилиги, ҳаво кемаси экспулуатантларининг парвозларини амалга ошириш, учувчисиз учиш аппаратлари экспулуатантларининг парвозларини амалга ошириш, қидирув ва авария-қутқарув хизматини амалга ошириш) мезонлар асосида амалга оширилади;
 
🔹 ҳуқуқбузарлик хавфи даражаси юқори, ўрта ва паст тоифаларга ажратилади;
 
🔹 юқори ва ўрта хавф тоифасига кирувчи субъектларда профилактика тадбирлари ҳамда текширувлар қонунчилик асосида ташкил этилади;
 
🔹 паст хавф тоифасига кирувчи тадбиркорлик субъектларида текширувлар ўтказилмайди;
 
🔹 электрон тизимда аниқланган хавф даражаси тадбиркорлик субъектига нисбатан тўғридан-тўғри таъсир чоралари қўллаш учун асос ҳисобланмайди.

Каналга уланиш👇👇👇
@huquqiyaxborot

#Қонунчиликдаги_янгиликлар

Ҳаким Термизий таваллудининг 1200 йиллиги кенг нишонланади

 
“Буюк ватандошимиз, ҳадис ва тасаввуф илмининг етук намояндаси Ҳаким Термизий таваллудининг 1200 йиллигини кенг нишонлаш тўғрисида”ги Президент қарори (ПҚ–275-сон, 24.07.2026 й.) қабул қилинди.
 
🔰 Қарорга кўра, жорий йилда Ҳаким Термизий таваллудининг 1200 йиллиги кенг нишонланади.
 
📜 Термиз шаҳрида 2026 йил ноябрь ойида “Ҳаким Термизий илмий-маънавий меросининг бугунги кундаги аҳамияти” мавзусида халқаро конференция ўтказилади.
 
📑 Ҳаким Термизийнинг “Наводирул усул” ва “Баҳрут тафсир” асарлари ҳамда алломанинг илмий меросига оид бошқа манбаларнинг ўзбек ва хорижий тиллардаги илмий-изоҳли академик таржималари нашр этилади.
 
📚 2026 йил давомида Ҳаким Термизий илмий меросига оид туркум рисолалар нашрга тайёрланади ва чоп этилади.
 
💰 Ўзбекистон мусулмонлари идораси билан биргаликда диний таълим муассасалари талабалари ўртасида “Ҳаким Термизий асарлари билимдони” танлови ўтказилади ва ғолиблар муносиб тақдирланади.
 
📁 Аллома таваллудининг 1200 йиллиги муносабати билан Ҳаким Термизий хотирасига бағишланган кураш турнири 2026 йил ноябрь ойида “Мардлар майдони” шиори асосида юқори савияда ўтказилади.

Каналга уланиш👇👇👇
@huquqiyaxborot

#LexAI_жавоб_беради

Жавоб: Қўшнингиз баланд овозда мусиқа қўйиб, сизнинг тинчлигингизни бузаётган бўлса, қуйидаги чораларни кўришингиз мумкин:

Тунги вақтда шовқин қилиш тақиқланган
Ўзбекистон Республикаси Маъмурий жавобгарлик тўғрисидаги кодексининг 192-моддаси (Маиший шовқинга қарши кураш талабларини бузиш) га кўра:

Тунги вақтда — соат 23.00 дан 06.00 гача — қуйидаги ҳаракатлар тақиқланади:

▫️ баланд овоз билан қўшиқ айтиш;
▫️ мусиқа чалиш;
▫️ товуш сигналлари бериш;
▫️ хонадонларда, турар жойларнинг йўлаклари ва эшикларида, кўчаларда овози баланд қилиб қўйилган телевизорлар, радиоприёмниклар, магнитофонлар ва овоз чиқарувчи бошқа аппаратуралардан фойдаланиш;
▫️ турар жой биноларида ва улардан ташқарида жуда зарур бўлмагани ҳолда шовқин чиқарувчи ишлар қилиш;

Жарима миқдори:

Биринчи марта: фуқароларга БҲМнинг 1/3 қисми
Такроран (1 йил ичида): фуқароларга БҲМнинг 1/2 қисми

https://ai.lex.uz/

#Қонунчиликдаги_янгиликлар

Бухоро шаҳрининг бош режаси тасдиқланди

 
Ҳукумат қарори (402-сон, 23.07.2026 й.) билан Бухоро шаҳрининг бош режаси тасдиқланди.
 
🔰 Унга кўра, аҳоли сони ва ҳудуди:
 
🔹 аҳоли сони ўсиши - 289,19 минг кишидан ҳисоб даврида - 385,0 минг кишига;
🔹 шаҳарнинг ҳудуди - 7 966,78 гектардан ҳисоб даврида - 11 847,06 гектарга ўзгаради.
 
🏘 Уй-жой қурилиши ва уй-жой фонди:
 
🔸 уй-жой фонди умумий майдони - 4 456,31 минг кв метрдан ҳисоб даврида - 8 085,0 минг кв метрга;

🔸 уй-жой майдони билан таъминланиш даражаси бир кишига - 15,4 кв метрдан ҳисоб даврида - 21,0 кв метрга;

🔸 уй-жой фонди қисқариши ҳисоб даврида - 114,66 кв метрни ташкил қилади.
 
⏭️ Аҳолининг ижтимоий соҳа объектларига бўлган талабини амалдаги меъёрларга мослаштириш мақсадида соҳа кўрсаткичлари қуйидаги тарзда ўзгаради:
 
➖ маданий, маиший ва коммунал объектларни аҳолининг ижтимоий эҳтиёжларига ва амалдаги меъёрларга жавоб берадиган даражага етказиш;
 
➖ бўш ҳудудларда мавжуд вазият билан биргаликда марказни ривожлантириш, янги жамоат мажмуаларини қуриш.
 
🚌 Жамоат транспорти, автомобиль йўллари ва кўчалар ҳисоб даврида:
 
▫️ магистраль кўчаларнинг узунлиги 102,6 км дан 203,0 км гача оширилади (биринчи навбатда 155,35 км гача);

▫️ йилига йўловчи ташишлар сони бўйича - 163,8 млн йўловчига хизмат кўрсатилади.

Каналга уланиш👇👇👇
@huquqiyaxborot

#Биласизми

❗️Ўзбекистондан чиқиш ҳуқуқини вақтинча чеклаш тартиби қандай?

Батафсил инфографикада👆

Каналга уланиш👇👇👇
@huquqiyaxborot

#Адлиятв #Эслатма

Жарима баллари тизими: ҳайдовчилар нималарни билиши керак?

🔴 Жонли эфирни ушбу ҳавола орқали кузатиш мумкин: https://www.youtube.com/watch?v=SwX5erWWHfg

Каналга уланиш👇👇👇
@huquqiyaxborot

#Биласизми

❗️Ҳайдовчилар мактаб ва боғчалар ёнида қанча тезликда ҳаракатланиши лозим?

Манба: ВМҚ-172, 12.04.2022-й.

Каналга уланиш👇👇👇
@huquqiyaxborot

#Биласизми

❗️Ходимлар олган совғалар даромад солиғидан озод этиладими?

Манба: Солиқ кодекси

Каналга уланиш👇👇👇
@huquqiyaxborot