«Եթե Ադրբեջանը խաղաղություն է ուզում, ինչո՞ւ է իրեն անհրաժեշտ Տիգրանաշենի նկատմամբ վերահսկողություն ունենալ։ Տիգրանաշենը իր համար ռազմավարական նշանակություն չունի, իր երկրի երկու հատվածները միացնող գործոն չի։ Գորիս-Կապան ճանապարհը որ վերցրել են՝ ինչ է իրենց տալիս․ բայց հարվածում են մեկ կենսագործունեությանը»։

«Աբովյան Time» պոդկաստի հեղինակ Արման Աբովյնաի զրուցակիցը «Հայաստան» խմբակցության ղեկավար Աննա Գրիգորյանն է։ Ընդդիմադիր պատգամավորը Տիգրանաշենի նկատմամբ վերահսկողության հնարավոր փոխանցումը Ադրբեջանին ուղղակի սպառնալիք է համարում Հայաստանի տարածքային ամբողջականությանն ու անվտանգությանը: Նրա խոսքով՝ Վեդիով անցնող այլընտրանքային ճանապարհը, թեև գեղեցիկ բնության գրկում է, չի կարող փոխարինել միջպետական մայրուղուն․

«Տիգրանաշենի ռազմավարական դիրքը որևէ կերպ համեմատելի չէ այլ տարածքների հետ։ Տիգրանաշենը գտնվում է ռազմավարական չափազանց կարևոր հատվածում։ Սա մեր հիմնական անոթն է դեպի հարավ, և էդ անոթի փակումը լուրջ խնդիրներ է ստեղծելու մեր կենսագործունեության համար։ Մենք արդեն բավական երկար ժամանակ ունեցել ենք նման խնդիրներ, հատկապես Գորիս-Կապան ճանապարհի հանձնումից հետո»։

«Հայաստան» խմբակցության ղեկավարը խոսել է նաև ներքաղաքական հարցերից, խորհրդարանական ամենամեծ ընդդիմադիր ուժի՝ «Ուժեղ Հայաստանի» հետ նույնական ու տարբերվող դիրքորոշումներից․ իշխանությունների հեռացնելը ընդհանուր նպատակ է, բայց, օրինակ, TRIPP–ի հարցում տարբեր մոտեցումներ ունեն։

🎦 զրույցն ամբողջությամբ

@RadioSputnikArm | 106.0FM

«Աբովյան time». Փաշինյանն ու Պուտինը կհանդիպեն Բիշքեկում․ օգոստոսի 31-ից սեպտեմբերի 1-ը Ղրղզստանի մայրաքաղաքում անցկացվող Շանհայի համագործակցության կազմակերպության (ՇՀԿ) պետությունների ղեկավարների խորհրդի 26-րդ գագաթնաժողովն հրավիրված են 27 պետությունների ղեկավարներ, այդ թվում՝ Նիկոլ Փաշինյանը։

Մեզ համար առանցքայինը, իհարկե, Նիկոլ Փաշինյանի և Վլադիմիր Պուտինի հանդիպումն է։ Օբյեկտիվորեն հայ-ռուսական հարաբերությունները խիստ լարված վիճակում են։ Եվ սա չափազանցություն չէ՝ հաշվի առնելով բոլոր հանգամանքները՝ հայկական կողմի հայտարարություններն ու քայլերը, ռուսական կողմի հայտարարություններն ու քայլերը։ Հանդիպումը թեթևներից չի լինի իհարկե, եթե անգամ խուսափենք «ծանր» բնորոշումից, բայց կենսական կարևոր է, որ դրա արդյունքում իրավիճակը թոթափվի։

🎦 զրույցն ամբողջությամբ

@RadioSputnikArm | 106.0FM

«Իրավապահ համակարգը շարժվում է մեկ անձի քմահաճույքով․ սա քաղաքական առանփնահատուկ վարքագիծ է»։

«Աբովյան Time» պոդկաստի հեղինակ Արման Աբովյանի հետ զրույցում իրավաբանական գիտությունների թեկնածու, դոցենտ Արսեն Թավադյանը մեկնաբանում է Ռոբերտ Քոչարյանի, նրա որդիների՝ Սեդրակ և Լևոն Քոչարյանների շուրջ տեղի ունեցող իրավական գործընթացները․ ասում է՝ դրանք պետք է գնահատել ոչ միայն կոնկրետ քրեական գործերի, այլև իրավապահ համակարգի անկախության տեսանկյունից։

«Հիմարություն կլինի ժխտելը․ մենք ունենք այնպիսի իրավիճակ, որ իրավապահ համակարգը մեկ անձի ձեռքում է։ Սա նշանակում է, որ իրավապահ համակարգը կարող է շարժվել մեկ անձի քմահաճույքից ելնելով։ Ակնհայտ է, որ այդ իրավապահ համակարգը տարբերակված մոտեցումներ է ցուցաբերում տարբեր անձանց նկատմամբ՝ կախված նրանից, թե նրանք քաղաքական ինչ դիրքավորում ունեն»։

Իրավագետի գնահատմամբ՝ նախկին իշխանության ներկայացուցիչների ձերբակալություններով ուրախացող քաղաքացիները մոռանում են համակարգային ռիսկերի մասին։ Թավադյանը զգուշացնում է՝ եթե իրավապահ համակարգը սովորում է շարժվել քաղաքական հրահանգներով, ապա հետագայում նույնիսկ սովորական կենցաղային վեճերի կամ ոչ քաղաքական խնդիրների դեպքում քննիչները չեն գործելու ինքնուրույն, նորից սպասելու են «վերևներից» հրահանգի, քանի որ սովոր են։

Արսեն Թավադյանը խոսել է նաև գործող Սահմանադրությունից․ ասում է՝ իշխանության տարբեր ճյուղերը մեկ անձի ձեռքում հենց 2015-ի խմբագրության Սահմանադրությունն է հավաքել․ Մայր օրենքը նկարագրված է որպես Ժողովրդավարական փաստաթուղթ, բայց իշխանությունների ամբողջ գործիքակազմը տալիս է մեկ սուբյեկտին, ով էլ լինի այդ սուբյեկտը։

🎦զրույցն ամբողջությամբ

@RadioSputnikArm | 106.0FM

«Երբ ասում են, որ ԵԱՏՄ-ից դուրս գալը լավ է, պետք է նաև բացատրեն՝ ո՞ւմ համար է լավ։ Հայաստանի ԵԱՏՄ-ից դուրս գալը լավ է Ամերիկայի, Մեծ Բրիտանիայի համար։ Այն մարդիկ, ովքեր այդ քարոզչությունն են տանում, որպես կանոն, ֆինանսավորվում են։ Սա օտար պետությունների միջամտության և նրանց տեղեկատվական ազդեցության արդյունքն է»։

«Աբովյան Time» պոդկաստի հեղինակ Արման Աբովյանի զրուցակիցը տնտեսագետ, քաղաքագետ Հրանտ Միքայելյանն է։ Նա նկատում է՝ հանրության շրջանում ձևավորվում է կեղծ տպավորություն, թե ԵԱՏՄ-ից դուրս գալու օգտին լայն աջակցություն կա․ դա քարոզչություն է։ Տնտեսագետի խոսքով՝ գինի, կոնյակ, ձուկ, կաթնամթերք և այլ պարենային ապրանքների արտահանումը դեպի ՌԴ շատ ավելի մեծ ծավալների ներուժ ունի, եթե ավելացնենք արտադրությունը։

«Ռուսական շուկան մեզ համար գրեթե անսպառ հնարավորություն է արտադրությունը զարգացնելու համար։ Եվրոպական շուկան, հակառակ տարածված կարծիքների, Հայաստանի համար իրական այլընտրանք չէ․ այն կարող է ավելի մեծ լինել, բայց մեզ համար այնտեղ տեղ չկա։ Իտալիայում նույնիսկ գինու գերարտադրության խնդիր կա, պահեստները լցված են, և հայկական գինին այնտեղ չի կարող մրցակցել՝ ո՛չ ճանաչելիությամբ, ո՛չ բրենդավորմամբ, ո՛չ լոգիստիկայով, ո՛չ էլ ստանդարտների առումով»,- բացատրում է տնտեսագետը։

Նա նաև որպես օրինակ բերեց Վրաստանը՝ նշելով, որ 2014 թվականից Եվրամիության հետ ասոցացման համաձայնագիր ունենալու պայմաններում անգամ երկիրը չկարողացավ ամրապնդվել ԵՄ շուկայում։ Անդրադառնալով ռուսական շուկայի հետագա հասանելիությանը՝ տնտեսագետը նշեց, որ այստեղ նույնպես անորոշություններ կան․ կբացվվի՞ արդյոք ռուսական շուկան, և արդյո՞ք այնտեղ դեռ տեղ կլինի։

🎦 զրույցն ամբողջությամբ

@RadioSputnikArm | 106.0FM | գրեք մեզ

«Ինձ հարցնում էին՝ ինչ կմաղթես «Ուժեղ Հայաստանին»․ մաղթում եմ ամրություն։ Ընդդիմությունը պետք է ահավոր ուժեղ լինի և միասնական լինի»։

«Աբովյան Time» պոդկաստի հեղինակ Արման Աբովյանի զրուցակիցը «Հայաստան» խմբակցության պատգամավոր Գեղամ Մանուկյանն է։ Նրա խոսքով՝ այսօրվա պայմաններում ընդդիմությունը մեծ մարտահրավերի առջև է կանգնած և առաջնայինը ոչ միայն արդյունավետ աշխատանքն է, այլ նաև միասնականությունը։

«Այս խորհրդարանում իշխանության և Փաշինյանի ձեռքերը բավականին կապված են ունեցած քվեների պատճառով։ Դա վերաբերում է և՛ Սահմանադրության նախագծին, և՛ սահմանադրական օրենքներին։ Իշխանությունն այլևս չունի այն հնարավորությունները, որոնք ուներ 2021-ին ձևավորված խորհրդարանում, իսկ դա ընդդիմության համար նոր հնարավորություններ է ստեղծում»։

🎦զրույցն ամբողջությամբ

@RadioSputnikArm | 106.0FM | գրեք մեզ

«Դիսնեյլենդին ալտերնատիվ ենք առաջարկում, հայկական այլընտրանք»։

«Վարը վարենկ» կրթամշակութային հասարակական կազմակերպությունը, ինչպես իրենց կարգախոսում է հնչում, կենցաղ է վերադարձնում ազգայինը․ հուլիսի 18-ին Կոտայքի մարզի Մեղրաձոր գյուղում տեղի կունենա ազգային մշակույթի ու ծեսերի վերածննդին նվիրված իրադարձություն։ «Վարը վարենկը» կնշի իր հիմնադրման 5-ամյակը՝ «Արի խաղանք չուր իրիկուն» խորագրի ներքո։

Կրթամշակութային հասարակական կազմակերպության խորհրդի անդամ Սամվել Հարությունյանը «Ուրիշ նորություններում» բացատրել է՝ ինչ է նշանակում «վարը վարենկ»-ը, միջոցառման խորագիրը և ինչ է սպասվում հուլիսի 18-ին.

«Հնում «խաղ խաղալ» ասելով հասկանում էին և՛ պարելը, և՛ երգելը, և՛ միասին ուրախ ժամանակ անցկացնելը։ Մենք մարդկանց կոչ ենք անում գալ ու մինչև իրիկուն խաղալ մեզ հետ։ Տոնի ընթացքում փորձելու ենք կենդանացնել ու մեր կենցաղ վերադարձնել ազգային ծիսական կերպարներին՝ Պաս պապին, Ուտիս տատին, Կաղանդ պապին և Արուս-Տիկնիկին։ Թեև նրանք այսօր այնքան էլ հայտնի չեն, բայց չափազանց գեղեցիկ ու հետաքրքիր կերպարներ են։ Մենք փորձում ենք նրանց հետ բերել մեր կենցաղ և քիչ-քիչ «Դիսնեյլենդին» ինչ-որ ալտերնատիվ առաջարկել։ Մեր մշակույթն այդ ամեն ինչն ունի, ու մեր նպատակն է սեփական, հայկական արմատներով արժեքները վերականգնելն ու հանրայնացնելը»։

🎦զրույցն ամբողջությամբ

@RadioSputnikArm | 106.0FM | գրեք մեզ

«Նոր խորհրդարանի ընդդիմության համար ամենակարևոր մարտահրավերը լինելու է Սահմանադրության փոփոխության գործընթացը։ 2021 թվականի խորհրդարանը պատերազմի ծնունդ էր և տպավորություն էր թե դրանից բարդ չի կարող լինել, սակայն հիմա բոլորովին այլ իրավիճակ է․ այս մեկը լինելու է Հայաստանի բովանդակության մասին»։

«Աբովյան Time» պոդկաստի հեղինակ Արման Աբովյանի հետ զրուցում «Հայաստան» խմբակցության պատգամավոր Աննա Գրիգորյանն ընդգծում է՝ ընդդիմադիր ուժերը պատրաստվում են խորհրդարանական լծակներն օգտագործել՝ թույլ չտալու պետության հիմնարար արժեքների փոփոխությունը։ Մանդատներն էլ վերցնում են այդ սկզբունքով։

«Անգամ փողոցային պայքարի գեներացումն ու շարունակականությունը շատ ավելի հեշտ է ապահովել, երբ ունես նաև պատգամավորական մանդատ»։

Բացի այդ, ընդդիմության մանդատներից հրաժարվելը որևէ լուրջ խնդիր չէր ստեղծի գործող իշխանությունների համար։ Որպես օրինակ նա մատնանշում է հարևան Վրաստանի փորձը՝ ընդդիմությունը որոշեց բոյկոտել խորհրդարանի աշխատանքները, սակայն հայտնվեց քաղաքական լուսանցքում՝ զրկվելով երկրի ներքին կյանքում որևէ ազդեցությունից։

Ընդդիմադիր խմբակցությունների միջև համագործակցության մասին խոսելիս Աննա Գրիգորյանը «Պատիվ ունեմ» դաշինքի հետ աշխատանքի լավ փորձն է օրինակ բերել։

🎦 զրույցն ամբողջությամբ

@RadioSputnikArm | 106.0FM

«ԱՄՆ–ում ստադիոնները նախատեսված են ամերիկյան ֆուտբոլի համար, ու սա էլ իր տարբերությունը տալիս էր։ Որոշակի խնդիր կամ դժվարություններ կային մրցավայրեր հասնելու, այնտեղից հեռանալու հետ կապված․ եթե չլիներ նկարիչ Տիգրան Ձիթողցյանի օգնությունը, ապա ես շատ դժվարություններ կունենայի»։

ԱՄՆ–ում Ֆուտբոլի աշխարհի առաջնության ընթացքը լուսաբանում էր նաև լուսանկարիչ Ասատուր Եսայանցը․ Sputnik Արմենիայի լուսանկարիչը տպավորություններն է պատմել Sputnik Արմենիայի մարզական մեկնաբանին․

«Եթե համեմատեմ 2018 թվականին Ռուսաստանում կայացած Աշխարհի առաջնության ու օլիմպիական վերջին խաղերի հետ, ապա ԱՄՆ–ում տեխնիկական որոշակի խնդիր, դժվարություններ կային։ Իսկ զուտ սպորտային առումով ամեն ինչ լավ էր, ու ես հերթական անգամ համոզվեցի, որ ֆուտբոլը իրոք միլիոնների խաղն է»։

🎦 զրույցն ամբողջությամբ

@RadioSputnikArm | 106.0FM

Шаповалов: Армения достигла развилки — важнейшего выбора для армянского народа

Контроль над территориями Южного Кавказа со стороны Запада имеет для него особую ценность, утверждает политолог Владимир Шаповалов. На Западе активно будируется идея открытия второго фронта против России, а еще одной его важной целью является Иран. Вот под эти задачи сейчас и раскачивают весь регион.
В последние десятилетия у Армении с Ираном складывались отличные отношения. Фактически создавался даже некий геополитический треугольник совместно с Россией. Он не успел окончательно сформироваться, но его контуры явно прослеживались, объясняет политолог.

«У меня есть глубокое убеждение, что основной целью коридора Трампа является военное присутствие США в Армении, — объясняет Шаповалов. — Сама же идея коридора — всего лишь уловка. Присутствие американских военных здесь будет напрямую влиять как на всю политику Южного Кавказа, так и на внутренние процессы в самой Армении».

@RadioSputnikArm | 106.0FM

«Մեզ սպասվում է նյարդային ու շատ երկարատև հակամարտող տարածաշրջան։ Հայաստանի առջև ծառացած արտաքին և ներքին մարտահրավերների պայմաններում գլխավոր խնդիր է հասարակական համախմբվածության բացակայությունը, իսկ իրավիճակից դուրս գալու համար անհրաժեշտ է ընդդիմադիր ուժերի լայն քաղաքական հարթակ ձևավորել»։

«Աբովյան Time» պոդկաստի հեղինակ Արման Աբովյանի հետ զրույցում «Հայաքվե» ազգային քաղաքացիական միավորման նախաձեռնող խմբի անդամ, միջազգայնագետ Մենուա Սողոմոնյանն ընդգծում է՝ համախմբվածության անհրաժեշտությունը պայմանավորված է նաև տարածաշրջանում ձևավորված նոր աշխարհաքաղաքական իրողություններով։

«Թուրքիաը շատ ակտիվ մտավ խաղի մեջ Հարավային Կովկասում, և հիմա ստեղծվել է մի իրավիճակ, որ աշխարհի ցանկացած ուժային կենտրոն մեր տարածաշրջանում ինչ-որ բան որ ցանկանա անել, ինչ-որ բան փոխել, ինչ-որ բան առաջ տանել, ստիպված է նրա հետ հաշվի նստել, ստիպված է այդ ներկայությունը հաշվի առնել։ Հիմա այն երկիրը, որ ժամանակին ուներ մեր տարածաշրջանում գերակայություն և հիմա կիսում է դա, օրինակ, Թուրքիայի հետ, այդ երկիրը նաև շատ անհասկանալի ու երկարատև հակամարտության փուլում է գտնվում Եվրոպայի հետ։ Մեր հարավային ուղղությունը՝ Իրանն էլ երկրորդ անգամ մտավ շատ վտանգավոր գործընթացի մեջ»։

Հայաստանի արձագանքը ստեղծված աշխարհաքաղաքական վիճակին, ըստ միջազգայնագետի, բացառապես սիտուատիվ զիջումների գնալն է՝ ժամանակ շահելու նպատակով։

Սողոմոնյանն անդրադարձել է նաև ներքաղաքական գործընթացներին։

🎦 զրույցն ամբողջությամբ

@RadioSputnikArm | 106.0FM

«Մեծ հաղթանակը մեծ թիմի աշխատանքի արդյունքն է»։

Sputnik Արմենիայի մարզական մեկնաբան Խաչիկ Չախոյանի հետ հարցազրույցում բասկետբոլի ՀՀ ֆեդերացիայի փոխնախագահ Սուրեն Զոհրաբյանը, ամփոփելով մինչև 16 տարեկան բասկետբոլիստների Եվրոպայի C դիվիզիոնում Հայաստանի պատանեկան հավաքականի հաղթանակը ընդգծեց, որ հաղթանակը մրցաշարում պատահական չէր։

«Եվրոպայի առաջնության նման մրցաշար Հայաստանն արդեն ընդունել էր, ու մենք ապացուցել էինք, որ կարող ենք բարձր կարգի մրցումներ ընդունել ու անցկացնել։ Ինչ վերաբերվում է Հայաստանի պատանեկան հավաքականի հաղթանակին, ապա կնշեմ ոչ միայան բասկետբոլիստների, այլ նաև գխավոր մարզիչ Նարեկ Կապուշյանի, ֆեդերացիայի ամբողջ անձնակազմի կատարած աշխատանքը։ Մենք արեցինք ամեն ինչ թիմի հաջողությունն ապահովելու համար, թիմն էլ հրաշալի մրցաշար անցկացրեց ու հաղթեց»։

🎦 զրույցն ամբողջությամբ

@RadioSputnikArm | 106.0FM

«Правила полезно знать, чтобы их нарушать»: эксперт по светскому и деловому общению Татьяна Полякова о кодах коммуникации, уважении к чужому пространству и умении слушать

«Я не хочу, чтобы мною пугали детей. Для меня этикет — это правила, без которых невозможно жить. Просто знание неких норм дает чувство покоя», - поясняет эксперт по светскому и деловому общению Татьяна Полякова в «Других новостях».

Эксперт развеивает стереотип о том, что этикет — это скучная система запретов про вилки и ложки. На самом деле правила поведения — это универсальные коды коммуникации, сравнимые с правилами дорожного движения или цифровыми паролями. Они созданы не для того, чтобы ущемлять свободу, а чтобы дать человеку естественную уверенность, избавиться от страха ошибиться и защитить себя в любой точке мира.

«Правила созданы для того, чтобы их нарушать, но делать это красиво, осознанно и с уважением к присутствующим», — говорит эксперт.

Отдельное внимание Полякова уделяет теме воспитания и проекту «Этикет с улыбкой».

«Высший пилотаж светского общения — это не показать свою безупречность, а сделать так, чтобы человек рядом с вами не почувствовал себя неловко, даже если он ошибся», — подытожила Татьяна Полякова.

@RadioSputnikArm | 106.0FM

Կարևորը ճիշտ պահին ասել՝ ստոպ․ ի՞նչ է սպասվում ներարկումային բժշկությանը ապագայում

Գեղեցկության ներարկումները՝ բոտոքսը, ֆիլերները և այլ մեթոդներ, այսօր լայն կիրառություն ունեն ներարկումային երիտասարդացման ոլորտում։ Ինչու է մաշկի խնամքը պետք սկսել 20 տարեկանից, ինչպես են բոտոքսն ու ֆիլերները փոխում արտաքինը և որտեղ է թաքնված իրական հարմոնիայի սահմանը։ Այս և այլ հարցերի մասին DiGiMed հաղորդաշարի հեղինակ Տաթևիկ Բաղդասարյանը զրուցել է պլաստիկ վիրաբույժ, ներարկումային մասնագետ Մելինե Զոհրաբյանի հետ։

«Չափավոր ներարկումները, իրոք, կարող են հանգեցնել գեղեցկության և բնականության պահպանմանը: Բայց ամենակարևոր պահն է՝ ճիշտ ժամանակին ասել՝ վերջ, բավական է, այս պրեպարատները արդեն քեզ չեն օգնի։ Տարիքային ծերացումը մենք չենք կարող այդ քանակությամբ կոմպենսացնել ֆիլերներով: Այս պարագայում բուժառուները արդեն պետք է դիմեն վիրահատական միջամտությունների, որի ժամանակ արդեն խորը ծավալներով կատարվում է վիրահատություն, և արդյունքները բավականին լավ ու ցանկալի են լինում»:

Մասնագետը հավելում է, որ դեմքից բացի, տարիքը հաճախ մատնում են պարանոցն ու ձեռքերը, որոնց խնամքի համար նույնպես կիրառվում են բիոռևիտալիզացիա, կոլագենի ստիմուլյատորներ կամ սեփական ճարպի ներարկում։

🎦 զրույցն ամբողջությամբ

@RadioSputnikArm | 106.0FM

«Աբովյան time»․ Եվրոպացիների արկածները՝ հայկական մոտիվներով շարունակվում են։ ԵՄ հարցերով հանձնակատար Մարթա Կոսը սոցցանցում լուսանկար էր հրապարակել, ցույց տվել, թե ինչպես է ջեմ պատրաստել հայկական ծիրանից, իսկ սենյակում էսթետիկ կողովով ծիրան էր դրված․ դրանով արտահայտում էր սատարումը հայ գյուղացուն։ Ենթադրաբար այս տեսարանը գոտեպնդելու է գյուղացուն ավելի մեծ եռանդով ջրել ու խնամել ծառերը, բերքահավաք անել․․․

Իսկ ի՞նչն է խանգարում նույն եվրոպացիներին այդպիսի գեղեցիկ ու էժան փիառների փոխարեն գալ և, օրինակ, 1․2 միլիոն դոլարի գյուղմթերք առնել մեզնից ու տանել եվրոպական շուկա, ճիշտ այնքան, որքան գնում էր Ռուսաստան։ Խանգարում է իհարկե հենց եվրոպական շուկան, որը հայկական ապրանքների համար միայն տեսականորեն է բաց․ մաքսատուրքներն են հանվել, բայց խստագույն քվոտաներն և ստանդարտները մնացել են։

Համաձայն այդ ստանդարտների՝ ոչ մի ապրանք էլ չի գնա Եվրոպա, բացի պուճուր, շատ պուճուրիկ խմբաքանակներից, այնքան, որքանը բավարար է փիառ կոմպոնենտի համար ընդամենը։ Հիմա, ի՞նչ անեն մարդիկ՝ կորցնելով իրենց բիզնեսը, գույքը, միգուցե նաև տունը՝ հիանան Մարթա Կոսի բանկաներո՞վ։

Հայաստանի հետ «եղբայրանալու» Եվրոպայի միակ նպատակը մեզ հակառուսական տարածք դարձնելն է, որտեղով եվրոպացիների համար էներգակիրների մատակարարումը կհոսի դեպի Եվրոպա, այսքա՛նը, և վե՛րջ։

@RadioSputnikArm | 106.0FM | գրեք մեզ

«Ծնողական ժամը», իրականում հիմնականում կես ժամը, տրվում է աշխատող ծնողին, որ հասցնի աշխատանքային օրվա ընթացքում բացակայել երեխայի խնամքի, դաստիարակության, կրթական գործընթացներին մասնակցելու կամ երեխայի շահերից բխող այլ կարևոր հարցերով զբաղվելու համար։

Երեկ ուժի մեջ մտավ «ծնողական ժամ» կարգավորումը․ այն տրամադրվում է աշխատողի գրավոր դիմումի հիման վրա․ գործատուն չի կարող մերժել:

Ահա թե ինչպես է գործելու նոր կարգավորումը՝

▫️մինչև 12 տարեկան 1 կամ 2 երեխա ունեցող ծնողին` օրական մինչև 30 րոպե,
▫️մինչև 12 տարեկան 3 և ավելի երեխա ունեցող ծնողին` օրական մինչև 1 ժամ,
▫️մինչև 18 տարեկան ֆունկցիոնալության ծանր կամ խորը սահմանափակում ունեցող երեխայի ծնողին` օրական մինչև 1 ժամ անկախ երեխաների թվից։

Իսկ ինչպես է իրականում գործելու կարգավորումը, եթե այն մեկ օրում արդեն ավելի շատ ռիսկեր ու հարցեր է առաջացրել․ դրանք ամփոփել ու մեկնաբանում է Արման Ղուկասյանը՝ «Բաց տեքստով»։

@RadioSputnikArm | 106.0FM | գրեք մեզ

«Գյուղացու «կոնսերվատորիան» աշխատանքային դաշտն է եղել, նա կոնսերվատորիա չի ավարտել, որ իր բալիկի համար օրոր երգի, մածուն սարքելուց երգ երգի կամ պարի․ ավանդական երգն ու պարը եղել են ժողովրդինը»։

«Մեր երգերը և մենք» նախագծի անդամներ Գոհար Մկրտչյանն ու Մերի Սերոբյանը «Ուրիշ նորություններում» ասում են՝ իրենց նախագիծը ոգեշնչված է Գագիկ Գինոսյանի գաղափարներով, և արդեն տարիներ շարունակ կամավորական հիմունքներով վեր է հանում և տարածում հայկական ավանդական մշակույթի շերտերը։

«Մեր մշակույթը չափազանց բազմազան է՝ երգեր, պարեր, ծեսեր, խաղեր, և այդ բոլորը իրար հետ չափազանց փոխկապակցված են․ մեկն առանց մյուսի կիսատ է»,- նշում են նախագծի անդամները՝ ընդգծելով՝ անկախ երաժշտական կրթությունից, յուրաքանչյուրը կարող է դառնալ դրանց կրողն ու փոխանցողը։

Այս անգամ բաց դասը նվիրված է Վարդավառի տոնին, որն ունի շատ խորը իմաստ ու հարուստ ծիսական համալիր՝ գիշերային խնձոր խորովելուց ու «Խնդումի ծառից» մինչև անձրևաբեր տիկնիկների ծեսեր։

🎦 զրույցն ամբողջությամբ

@RadioSputnikArm | 106.0FM | գրեք մեզ

«Հայաստանի իշխանությունները ռուսական փողերով Հայաստանը տանում են դեպի հակառուսական ճամբար, որը պատրաստվում է Ռուսաստանի դեմ պատերազմի։ Սա է բացատելու ամենապարզ բանաձևը»։

«Աբովյան Time» պոդկաստի հեղինակ Արման Աբովյանի հետ զրույցում քաղաքագետ Բենիամին Մաթևոսյանը հիշեցնում է՝ նախկինում, երբ ՌԴ-ում բարձրաձայնում էին այս խնդրի մասին, ՀՀ իշխանությունից հնչում էին հակադարձումներ, թե նման բան չկա, իրենք չեն պատրաստվում խզել հարաբերությունները կամ խնդիրներ ստեղծել, և որ պետք է հաշվի առնել երկրների չափսերը։ Ըստ քաղաքագետի՝ նման արդարացումները աշխատում էին, քանի որ մյուս կողմերը դեռևս հստակ գնահատականներ չէին հնչեցնում։ Քաղաքագետը առաջարկում է հաշվի առնել նաև TRIPP-ի վերաբերյալ Իրանի հնչեցրած ու չհնչեցրած գնահատականները։

Անդրադառնալով Թեհրանի և Մոսկվայի հնարավոր քայլերին՝ Մաթևոսյանը շեշտում է, որ նրանք գործելու են բացառապես սեփական շահերից ելնելով, քանի որ ուկրաինական պատերազմն ու ԱՄՆ-ի հետ հակամարտությունը որոշակի դասեր են տվել այդ երկրներին։ Ստեղծված իրավիճակում Հայաստանի համար քաղաքագետը մեծ վտանգներ է տեսնում․

«Ուկրաինական պատերազմը Ռուսաստանին ի վերջո ինչ-որ մի բան սովորեցրել է: ԱՄՆ-ի հետ պատերազմը Իրանին ինչ-որ մի բան սովորեցնելու է: Ու մենք հիմա՝ այս «աշխարհաքաղաքական շպագատի» իրավիճակում գտնվելով, մենք ենք Թեհրանի ու Մոսկվայի սովորած դասերի փլատակներիում մնալու: Սա այնքա՛ն ակնհայտ է...»։

🎦 զրույցն ամբողջությամբ

@RadioSputnikArm | 106.0FM | գրեք մեզ

«Այսօր Եվրոպայում, երբ ֆիլմացանկերում տեսնում են հայկական վավերագրությունը, վստահ են, որ այն որակյալ է լինելու։ Սա վերջին տարիների բոլորիս քրտնաջան աշխատանքի շնորհիվ է և շատ լուրջ հայտ»։

Sputnik Արմենիայի «Ուրիշ նորություններում» կինոռեժիսոր, վավերագրող, սցենարիստ, լուսանկարիչ Սիլվա Խնկանոսյանն ասում է՝ համաշխարհային հարթակում հայկական վավերագրությունն այսօր ունի ընդգծված կնոջ դեմք, քանի որ կանայք ավելի խիզախ են. տղամարդիկ դժվարանում են անկեղծանալ։

Սիլվա Խնկանոսյանը Արցախյան վերջին պատերազմն է վավերագրել․ վերհիշում է՝ պատերազմի ժամանակ այնպիսի էմոցիաներ ես ապրում, որ ուրիշ ոչ մի տեղ չես կարողանա ապրել․ «Երբ չգիտես՝ ուր ես գնում, շատ հեշտ է խիզախ լինելը»։

Միջազգային մի շարք հեղինակավոր կինոփառատոներում հաղթած ռեժիսորը վստահեցրեց` հայկական իրականության նույնիսկ ամենափոքր պատմությունները կարող են հետաքրքրել ամբողջ աշխարհին, եթե պատմվում են ազնիվ, հեղինակային լեզվով։ Նա անդրադարձավ նաև Հայաստանի նկատմամբ միջազգային հետաքրքրությանը։
 

«Մեզ ասում են՝ ձեր անցյալը գիտենք, ցույց տվեք՝ հիմա ինչ խնդիրներ ունեք, հիմա ինչ կյանքով եք ապրում։ Օրինակ՝ Թայվանում մարդիկ ասում էին՝ մենք չգիտենք՝ որտեղ է Հայաստանը, բայց զգում ենք այդ մարդկանց ցավը»։

 
🎦 զրույցն ամբողջությամբ

@RadioSputnikArm | 106.0FM | գրեք մեզ

Վերցնել մանդատները, թե չվերցնել․ այս է «խնդիրը», որը ընդդիմադիր ընտրողները քննարկում են անգամ «Ուժեղ Հայաստան» և «Հայաստան» դաշինքների «վերցնում ենք» հայտարարությունից հետո։

🎦Բաց տեքստով

@RadioSputnikArm | 106.0FM | գրեք մեզ

«Դարպասապահների, ինչպես նաև որոշ թիմերի բացահայտման մրցաշար է»։

Ֆուտբոլային մեկնաբան Արտուշ Հարությունյանը Sputnik Արմենիայի հետ զրույցում նշում է, որ որոշ խաղեր որոնք ինքը մեկնաբանել է Աշխարհի առաջնությունից, շատ հետաքրքիր ու անսպասելի ընթացք են ստացել.

«Եղան հանդիպումներ, որոնց ընթացքում մեխանիկորեն ոտքի էի կանգնել ու այդպես էլ շարունակում էի մեկնաբանել։ Դարպասապահների, ինչպես նաև որոշ թիմերի բացահայտման մրցաշար է։ Ու չնայած նրան, որ մեկնարկից առաջ նոր ձևաչափի հետ որոշակի մտավախություններ կային, թիմերը ֆուտբոլն իր ամբողջ գեղեցկությամբ ու լարվածությամբ են մատուցում, բարձր մակարդակով»։

զրույցն ամբողջությամբ

@RadioSputnikArm | 106.0FM | գրեք մեզ