Ինչպես են ազդել ընտրություններն անշարժ գույքի շուկայի վրա. վերլուծել է ոլորտի մասնագետը

«Համապետական ընտրությունները, հակառակ ոլորտի մասնագետների սպասումներին, անշարժ գույքի շուկայի վրա բացասական ազդեցություն չեն ունեցել»,- Sputnik Արմենիայի հետ զրույցում ասել է Հայաստանի անշարժ գույքի ոլորտի կազմակերպությունների ասոցիացիայի խորհրդի անդամ Անդրանիկ Հարությունովը։ Ըստ փորձագետի՝ թվում էր, թե որոշակի դադար կվերցնեն քաղաքացիները, բայց շուկան ավելի ակտիվ է, քան, օրինակ, նախորդ տարի այս ամիսներին։

Այս տարի, նախորդ տարվա համեմատ, աճ կա նաև երկրորդային շուկայում։ Փորձագետի խոսքով՝ 2026 թ-ի հունվարին երկրորդային շուկայում մոտ 419 առուվաճառքի գործարք է գրանցվել, մինչդեռ 2025 թ․-ին՝ ընդամենը 265 էր։ Նույն տենդենցը պահպանվել է նաև փետրվար և մարտ ամիսներին։

Մասնագետը խոսել է նաև մարզերում բնակվող քաղաքացիների նախընտրությունների մասին․ ասում է՝ քիչ թե շատ վճարունակ մարդիկ նախընտրում են բնակարան ձեռք բերել ոչ թե իրենց մարզում, այլ Երևանում կամ Երևանին մոտ։

🎦զրույցն ամբողջությամբ

@RadioSputnikArm | 106.0FM | գրեք մեզ

Ինչպես լուսանկարել նորածնին, ինչու հայ հայրիկները չեն սիրում նկարվել

Հունիսի 1-ին՝ Երեխաների պաշտպանության միջազգային օրը «Ուրիշ նորություններում» երեխաների հետ աշխատելու նրբությունների, նորածիններին լուսանկարելու գաղտնիքների մասին է խոսել «Կետիկյան» ֆոտոստուդիայի համահիմնադիր, բեմադրող նկարիչ Լիլիթ Կետիկյանը։
  

«Երեխաների հետ աշխատելիս մաքսիմում պետք է լինել անկեղծ։ Իրենք ֆիլտրեր են ու միանգամից հասկանում են՝ դու իրենց կեղծ ես ժպտում, տրամադրություն ունե՞ս, թե՞ չունես։ Ամենակարևորը՝ պետք է ընկերանալ երեխաների հետ, ինչպես նաև ծնողների։ Ծնողների լարվածությունը անմիջապես անցնում է երեխաներին․ դա շատ նուրբ բան է։ Մեկ-մեկ մենք սկզբում մամաների հետ ենք աշխատում, հետո նոր՝ երեխայի։ Իսկ հայ հայրիկները հաճախ չեն սիրում նկարվել, գալիս են լարված, բայց կես ժամ անց արդեն իրենք են միջամտում՝ «մի հատ էլ սենց նկարեք, մի հատ էլ առանձին ինձ նկարեք»»։

🎦զրույցն ամբողջությամբ

@RadioSputnikArm | 106.0FM | գրեք մեզ

«Մեր ժողովուրդը պետք է լավ հասկանա, որ սա ոչ թե սպառնալիքներ են, ոչ թե վրեժխնդրություն է, այլ պարզ երևույթ՝ երբ պայմանագրով նշված են երկրների պարտականությունները և հանկարծ երկիրը, ինչպես Հայաստանը, փորձում է միանգամից ճանապարհին՝ ընթացքում խախտել այդ բոլոր պայմանավորվածությունները, ինքնին հասկանալի է, որ ԵԱՏՄ-ի երկրները պետք է համապատասխան որոշումներ կայացնեն, որպեսզի իրենց շահերը չվտանգվեն։ Միանշանակ է սա։ Եվ դա ընդամենը առաջարկ է, որպեսզի մենք ընտրություն կատարենք՝ մենք ուզու՞մ ենք գնալ 90-ականների սկիզբ, միգուցե և մի քիչ ավելի լավ պայմաններում, բայց երբ չկար լույս, չկար վառելիք և այլն։ Եվ ամենակարևոր հարցը՝ ուզու՞մ ենք թշնամանալ»։

Դեմոկրատական կուսակցության ղեկավար Արամ Սարգսյանը Sputnik Արմենիայի հետ զրույցում աննախադեպ է որակել Հայաստանում Ռուսաստանի դեսպանին խորհրդակցությունների համար Մոսկվա կանչելու փաստը։ Ասում է՝ այն, ինչ տեղի է ունենում հայ-ռուսական հարաբերություններում, Հայաստանի այսօրվա իշխանության ամենամեծ սադրանքն է, ավանտյուրան։

«Այն, որ որոշակի դիվերսիֆիկացիայի ենթակա է մեր հարաբերությունները տարբեր երկրների հետ, դա միանշանակ է, և դրա դեմ Ռուսաստանը հանդես չի գա։ Դա կարելի էր անել շատ ավելի հանգիստ և ոչ թե այնպիսի բացահայտ խորամանկությամբ, ինչպիսին է այսօրվա Նիկոլ Փաշինյանի գործողությունը։ Ցավում եմ, որ ժողովրդի մի հատվածը չի կարողանում ընկալել այսօր, որ վաղը շատ լուրջ հետևանքներ կարող է տեսնել»։

Քաղաքական գործիչը նկատում է՝ խնդիրը դրված է շատ պարզ՝ մենք ի՞նչ ճանապարհով ենք գնալու, որովհետև Ռուսաստանի այստեղից հեռացումը խախտում է անվտանգության 300 տարվա գործող բալանսը։ Իսկ այդ դեպքում ո՞վ է այստեղ դառնում հիմնական խաղացող․

«Ո՞վ է դառնում հիմնական «գործընկեր»՝ Թուրքիան և Ադրբեջա՞նը։ Հիմա հարց է առաջ գալիս՝ դուք, դա՞ եք ուզում, համարում եք, որ դուք կարող եք դրանց դեմ հանդես գալ որպես առանձին, ինքնաբավ միավո՞ր»։

@RadioSputnikArm | 106.0FM | գրեք մեզ

Հայ տաղանդների բացահայտում. օգտագործողից՝ ստեղծող

Վանաձորի տեխնոլոգիական կենտրոնում ընթանում է «ԴիջիԿոդ» կիրառական ծրագրավորման միջազգային մրցույթի եզրափակիչ փուլը։ Ճարտարագիտական կրթության «Արմաթ» ազգային ծրագրի շրջանակում անցկացվող մրցույթին այս տարի 1320 հայտ է ներկայացվել։ Մասնակիցները ոչ միայն Հայաստանի մարզերից են, այլև Վրաստանից, ԱՄՆ-ից, Ֆրանսիայից և այլ երկրներից։

«Մեր նպատակը երեխաներին տեխնոլոգիաների պարզապես օգտագործողից ստեղծող դարձնելն է»,– «Ուրիշ նորությունների» եթերում ասել է «Արմաթ» ազգային ծրագրի տնօրեն, «ԴիջիԿոդ»-ի պատասխանատու Մայա Շահումյանը։

Մրցույթի մասնակիցները 10-ից 18 տարեկան են, նրանք ներկայացնում են իրենց նախագծերը տարբեր անվանակարգերում՝ համակարգչային խաղեր, սարքերի ինտեգրում, վիրտուալ լաբորատորիաներ, անիմացիա, ֆինանսական գրագիտություն և այլ ուղղություններ։

🎦զրույցն ամբողջությամբ

@RadioSputnikArm | 106.0FM | գրեք մեզ

«Վախը բերեց նրան, որ մարդիկ սկսեցին չխոսել․․․ ու՛մ է պետք կյանքը էդ որակով»։

Բեմադրիչ, ռեժիսոր Արթուր Սահակյանը «Ուրիշ նորություններում» խոսել է ինքնության, անկախության, պատմության ձևավորման ու պահպանման, բանակի ու «ֆեյքերի բանակի», մտավորականների մասին։ Իր օրինակով է փաստում՝ չլռելը խնդիրներ է առաջացնում, ինչպես օրինակ՝ երբ «Գոյը» փակվեց․

«Ես ո՞նց ասեմ՝ «հալալ է էս պատերազմը, էս ի՜նչ արեցիք»․ ո՞նց ասես էդ, ․․․ Դու ասում ես էն, ինչը որ կա, ասում են՝ «ո՜նց, մի րոպե սպասի, գիտե՞ս՝ վաղուց ծախված էր, հլը Քոչինյանը․․․»։ Եվ մեդիայի միջոցով դա դառնում է տենց գաղափար, «ճշմարտություն» է սարքվում։ Հիմա, տեսեք, իրենք փոխում են պատմությունը, «վերագրում» են պատմությունը։ Մի օր էլ կգրեն, որ Արարատը երբեք չի եղել, էս ինչը, Նոյը գոյություն չի ունեցել, դա բիբլիական կերպար է․․․ Այնինչ՝ ոնց որ հեռախոսի համարի մեջ՝ եթե մի թվով սխալվես, լրիվ ուրիշ մարդու է զանգում։ Էլեմենտար բան եմ ասում, այսինքն՝ մի բառով իրա նշանակությունը, էներգետիկան՝ լրիվ փոխվում է»։

Ռեժիսորը խոսել է նաև պետություն-քաղաքացի պահաջների ու ակնկալիքների մասին․

«Մենք ուզում ենք սիրենք մեր թագավորին․ էդ սերը երբեք փոխադարձ չի լինում։ Ինձ մի անգամ հարցրին՝ ո՞ր քաղաքական գործիչն է Ձեր ամենասիրելին։ Ես ասում եմ՝ չի կարա լինի սիրելի քաղաքական գործիչ, քաղաքական գործիչը աշխատանք է՝ պիտի գա իրա 8 ժամը աշխատի, որ ես ավելի լավ ապրեմ․ դա աշխատանք է, ես չպետք է նկատեմ անգամ՝ ինքը ով է։ Մենք էդ «արքային» ենք ման գալիս, ու դա չի ստացվում։ Այ դա էլ է մեր սխալներից, որ մենք սիրով ենք ուզում․ շատ լավ կլինի, Աստված տա, թող լինի, ես դեմ չեմ էդ սիրուն, բայց սերը պիտի չլինի որպես նրան բերելու չափանիշ»։

🎦զրույցն ամբողջությամբ

@RadioSputnikArm | 106.0FM | գրեք մեզ

Սպորտային ձկնորսություն․ Հայաստանում ձևավորվում է նոր մշակույթ է, որն աշխարհում ու հատկապես Ճապոնիայում հայտնի է «Արիաֆիշինգ» անվամբ։

Սպորտային սպինինգի ֆեդերացիայի նախագահ Զոհրապ Աճոյանը և ձկնաբույծ Արթուր Դավթյանը «Ուրիշ նորություններում» խոսել են իրենց համագործակցության և Հայաստանում սպորտային ձկնորսության զարգացման մասին։ Ֆեդերացիայի ստեղծումից անցել է մոտ մեկ տարի, ու արդեն ունենք 70 գրանցված մարզիկ-սպինինգիստ։ Ինչու հենց սպինինգ՝ հյուրերը պատմել են դրայվի ու էներգիայի մասին․

«Ի տարբերություն ավանդական՝ լողանով ձկնորսության, երբ ժամերով նստում են ափին, սպինինգը շարժուն է։ Պետք է ամբողջ լճով կամ գետով մեկ պտտվես ու ինքդ գտնես ձկանը։ Գետային ձկնորսության ժամանակ լինում են օրեր, որ 8-9 կիլոմետր քայլում ենք ջրի միջով, ժայռեր ու քարեր մագլցելով բարձրանում դեպի ակունքներ։ Սրա մեջ ուրիշ դրայվ ու էներգիա կա. երբ թելը ձգված գալիս է, և ձուկը խփում է, այդ հարվածից ստացած ադրենալինն անմիջապես զգում ես ձեռքիդ մեջ, ու մարմինդ միանգամից տաքանում է»։

🎦զրույցն ամբողջությամբ

@RadioSputnikArm | 106.0FM | գրեք մեզ

«Ինչ գրում եմ, միտինգ է դառնում։ Ես իմ ուզած երգը դեռ չեմ գրել, իմ ուզած խոսքը դեռ չեմ ասել, իմ ուզած ոռնոցը դեռ միջիցս դուրս չի եկել, իմ ուզած ժպիտը դեռ չեմ ժպտացել: Իմ կռիվը դեռ չեմ կռվել»։

Երգիչ, երգահան Դավիթ Ամալյանը, «Ուրիշ նորություններում», անդրադառնալով քաղաքական իրականությանը, հակադրվում է պարտությունը խաղաղություն համարելու խոսույթին, ասում է՝ դա մտավոր տկարություն է, քանի որ իրական խաղաղությունը միայն ուժի վաստակն է, իսկ շարունակական զիջումները տանում են դեպի գաղթ ու գերություն։ Խոսել է նաև մտավորականությունից․

«Այսօրվա իրական մտավորականն այն զինվորն է, ով սահմանին կանգնած է դեմքով դեպի թշնամին, իսկ թիկունքը մեզ է վստահել»:

🎦զրույցն ամբողջությամբ

@RadioSputnikArm | 106.0FM | գրեք մեզ

«Ուրախ եմ, որ հայ մարզական լրագրողները միացան միջազգային ընտանիքին». Էդուարդ Քալանթարյան

2026 թվականի ապրիլին Sport Media մարզական լրագրողների Հայաստանի ասոցիացիան Լոզանում դարձավ մարզական լրագրողների միջազգային ասոցիացիայի (AIPS) լիարժեք և լիիրավ անդամ։

Ասոցիացիայի նախագահ Էդուարդ Քալանթարյանը և գլխավոր քարտուղար Դավիթ Ալավերդյանը միջազգային ֆեդերացիային անդամակցելը մարզական լրագրողների համար գնահատում են որպես շատ լավ հնարավորություն աշխատանքը էլ ավելի հեղինակավոր ու նշանակալից դարձնելու համար։

🎦զրույցն ամբողջությամբ

@RadioSputnikArm | 106.0FM | գրեք մեզ

100 գինեգործ տարբեր մարզերից, բացառիկ շքերթ և 250,000 այցելուի սպասում. հոբելյանական «Երևանի գինու օրերը» Երևանում կանցկացվել հունիսի 5-7-ը

«ԷվենտՏուրա» ընկերության մեդիահաղորդակցության պատասխանատու Մարգարիտա Հարությունյանը «Ուրիշ նորություններում» ներկայացրել է այս տարվա՝ գինու 10-րդ փառատոնի միջոցառման առանձնահատկությունները։
 
Կազմակերպիչներն այս տարի ակնկալում են այցելուների թվի շուրջ 40% աճ, ընդ որում՝ աշխարհագրությունն ընդլայնվել է՝ ներառելով զբոսաշրջիկներ Եվրոպայից, Չինաստանից և ԱՄՆ-ից։

Փառատոնի երաժշտական գործընկեր Լևոն Աթայանը, ներկայացնելով ծրագիրը նշում է՝ այս տարի ելույթ են ունենալու «Էթնոքարեր» խումբը, Արսեն Գրիգորյանը, Սոֆի Մխեյանը, «Երևան պրոջեկտը», «Վիդադեկուբա» և «Կաթիլ» խմբերը։ Առաջին օրը շքերթից հետո նվիրելու են ավելի գեղեցիկ հայկական էթնո-ֆոլկ երաժշտությանը, իսկ երկրորդ և երրորդ օրերին ծրագիրը լինելու է փոփ և ռոք էլեմենտներով։

🎦զրույցն ամբողջությամբ

@RadioSputnikArm | 106.0FM | գրեք մեզ

Меликян: Без света и газа, но с преданностью в дружбе

Про уникальность ереванских улиц и дворов в своём авторском подкасте «Патмадаран» глава представительства Россотрудничества в Армении Вадим Фефилов беседует с директором Дома Москвы в Ереване Айком Меликяном.

Про традиции среди подростков несколько десятков лет назад, о привычках и поведении юношей, мужской моде на туфли – можно послушать в видео ⤴️.

@RadioSputnikArm | 106.0FM | գրեք մեզ

«Դե տատիկ, դա քեզ պետք չի, մի իմացիր․․․». իսկ ինչպես տարեցներին բացատրել թվային տեխնոլոգիաներն ու սովորեցնել անվտանգ օգտվել համացանցից, ժամանակակից հավելվածներից և թվայնացված պետական ու կենցաղային ծառայություններից, շրջանցել խաբեությունները:

Հայաստանում մեկնարկում է տարեցների թվային գրագիտությանն ուղղված նոր կրթական նախագիծ, որի նպատակն է 60-ից բարձր տարիքի անձանց սովորեցնել անվտանգ օգտվել համացանցից, ժամանակակից հավելվածներից և թվայնացված պետական ու կենցաղային ծառայություններից:

«Ինտերնետ հասարակության Հայաստան հատված» ՀԿ ներկայացուցիչ Վեսմիրա Հարությունյանը, Ձեռնարկությունների ինկուբատոր հիմնադրամի ներկայացուցիչ Մանի Քոչարյանը և «Տարեցների առողջության և խնամքի ապահովման ասոցիացիա» ՀԿ-ի ներկայացուցիչ/մասնագետ Լիլիթ Մուրադյանը «Ուրիշ նորություններում» խոսել են իրենց առաջարկի ու ծրագրի մասին (հետադարձ կապ՝ 093 556810):

«Մեր շահառուները, որ գալիս են, շատ են բողոքում. ասում են, որ թոռնիկներին, երեխաներին հարցնում են, ասում են՝ «դե տատիկ, դա քեզ պետք չի, մի իմացիր»: Բայց այդպես չի: Մեզ մոտ սովորում են անվտանգ օգտվել ինտերնետից, ինչպես խաբեության զոհ չդառնալ: Շատ ծերեր կան, ովքեր մենակ են ապրում ու ֆիշինգի զոհ են դառնում»:

🎦զրույցն ամբողջությամբ

@RadioSputnikArm | 106.0FM | գրեք մեզ

Պահեստայինների կարճ նստարանը հնարավորություն չտվեց պայքարել մի քանի անգամ ավելի բյուջե ունեցող թիմերի հետ. «Ալաշկերտի» մարզիչ

«Ալաշկերտ» ֆուտբոլային ակումբի գլխավոր մարզիչ Վահե Գևորգյանը ֆուտբոլային մրցաշրջանում «Ալաշկերտի» ելույթները համարում է բավարար, քանի որ մրցաշրջանի մեկնարկից առաջ թիմը չհասցրեց ինչպես հարկն է համալրել իր կազմը։ Sputnik Արմենիայի հետ զրույցում Գևորգյանը Պրեմիեր լիգայի գարնանային հատվածում կայացած խաղերի ընթացքում իր ֆուտբոլիստների գործողությունները գնահատեց բարձր։

«Չեմպիոնական մրցավազքում մենք արժանի մասնակցություն ունեցանք։ Բայց թիմի պահեստայինների կարճ նստարանը հնարավորություն չտվեց որոշ խաղերում պայքարել մի քանի անգամ ավելի բյուջե ունեցող թիմերի հետ։ Իհարկե, հետևություններ արվել են ու արվելու են, ու մեզ համար կարևոր է Եվրոպական մրցասպարեզում հանդես գալու իրավունք վաստակել։ Եթե հաջողվեց, ապա բնականաբար կուժեղացնենք թիմի կազմը, որպեսզի պատշաճ ձևով հանդես գանք Եվրոպայում», –նշեց Գևորգյանը։

🎦զրույցն ամբողջությամբ

@RadioSputnikArm | 106.0FM | գրեք մեզ

География – это точная наука, и ее нельзя отменить

Армения получает огромное количество доходов, прибылей и инвестиций от сотрудничества с Россией в рамках ЕАЭС, говорит политолог – международник Алексей Мартынов.

Что касается региональной безопасности, то все последние годы эту безопасность для Армении опять-таки гарантировала Россия со своими пограничниками и военными базами.

Что же касается сказок касательно логистики, которая в обход России и Ирана соединит Европу с Азией, то следует помнить, что географию – точную науку – никто еще не отменял. И сомневаюсь, что всякие проекты типа «Дорога Трампа» способны заработать, уверен Мартынов.

🎦 полная версия интервью

@RadioSputnikArm | 106.0FM | գրեք մեզ

«Թուրքիայում Ադրբեջանի դեսպանը ներհայաստանյան իրադարձությունների մասին խոսում է այնպիսի վստահությամբ, կարծես նրան զեկուցած լինեն գործողությունների հաջորդականության մասին։ Նրա հայտարարությունը ապացույցն է այն իրողությունների, որոնք գոյություն ունեն թուրք-ադրբեջանական հարաբերություններում և որոնք դրված են Հայաստանի առջև՝ որպես նախապայման»։

Sputnik Արմենիային ասել է ԵՊՀ արևելագիտության ֆակուլտետի դեկան, պրոֆեսոր, թուրքագետ Ռուբեն Մելքոնյանը մեկնաբանել է Ռաշադ Մամեդովի հայտարարությունը, թե հայ–թուրքական սահմանը կբացվի Երևանի և Բաքվի միջև խաղաղության պայմանագրի ստորագրումից հետո․ Ադրբեջանի դեսպանի պնդմամբ՝ Հայաստանը հունիսի 7-ին կայանալիք խորհրդարանական ընտրություններից հետո հանրաքվեի միջոցով կփոփոխի իր Սահմանադրությունը։

«Զարմանալ կարելի է, որ մինչ այս պահը Հայաստանի իշխանությունները, որոնք շատ նախանձախնդիր են իրենց հռչակած ինքնիշխանության կամ ինքնիշխանության իրենց տրամաբանության հանդեպ և շատ օպերատիվ արձագանքում են ցանկացած ռուսաստանցի լրագրողի ռեպորտաժին, մինչև հիմա լռություն են պահպանում ադրբեջանցի դիվանագետի բացահայտ մեր երկրի ներքին գործերին միջամտելու և շատ սառը հանգստությամբ ասելու, թե ինչ է տեղի ունենալու մեզ մոտ, ինչպես է փոխվելու Սահմանադրությունը»,– արձանագրում է թուրքագետը։

Մելքոնյանը նկատում է՝ Թուրքիան ու Ադրբեջանը նախկինում էլ փորձել են նախապայմաններ առաջադրել, բայց մինչև 2018թ–ը չեն հանդգնել Հայաստանի հետ գործընթացներում բացահայտ խոսել նախապայմանների լեզվով։

@RadioSputnikArm | 106.0FM | գրեք մեզ

Ո՞վ և ինչպե՞ս կարող է գաղտնալսում իրականացնել, ինչպե՞ս խուսափել գաղտնալսվելուց և ի՞նչ անել, եթե ձեզ արդեն գաղտնալսել են. Sputnik Արմենիայի «Դե յուրե» հաղորդաշարի այս թողարկմանը պարզաբանել է ՀՀ նախկին փոխոստիկանապետ, փաստաբան Հովհաննես Քոչարյանը։

Պաշտոնական վիճակագրության համաձայն, 2025թ–ին Հայաստանում օրինական ճանապարհով, այսինքն` նախաքնական մարմի միջնորդությամբ ու դատարանի թույլտվությամբ 4571 գաղտնալսում է իրականացվել, 2024թ–ին դրանց թիվը 12 անգան քիչ է եղել։

🎦զրույցն ամբողջությամբ

@RadioSputnikArm | 106.0FM | գրեք մեզ

Лысенков: У ЕС лишь одна идея – открытие на Южном Кавказе второго фронта против России

Сейчас в Армении налицо лишь внешнеполитический кризис. Но скоро он перерастет в кризис внутриполитический из-за того, что руководство намерено усидеть на двух стульях – ЕС и ЕАЭС, говорит политолог Дмитрий Лысенков.

Устав и правила ЕС не допускает присутствия на своем политико-экономическом поле кого-то, кто одновременно сотрудничает с Россией. Никто не скрывает, что Европа продавливает на Южном Кавказе только идею создания второго фронта против России, комментирует эксперт.

Трамп же на Южном Кавказе сейчас просто вбивает колышки. Использованы они будут потом, когда он отцепится от Кубы и так или иначе отстанет от Ирана. А колышки эти нужны, чтобы потом, с течением времени, поставить там свою военную базу, уверен Лысенков.

🎦 полная версия интервью

@RadioSputnikArm | 106.0FM | գրեք մեզ

У армянских детей – природная музыкальность: студентки московской консерватории
 
О том, как национальные особенности выражаются в вокальном исполнении и технике владения музыкальными инструментами у разных народов в беседе с ведущим «Других новостей» Серобом Оганяном рассказали студентки московской консерватории имени Чайковского – Евгения Филлипова, Ольга Лазаренко, Полина Перовская. Их трио называется «Восходящие звезды» и в Армении они приехали с концертами и мастер-классами. У них уже прошло выступление в Дилижане и мастер-классы в двух музыкальных колледжах Еревана. По их общему мнению, голоса армянских детей отличаются солнечностью и яркими тембрами. У них богатая природная музыкальность, в которой чувствуется мелодия гор.

🎦 полная версия беседы

@RadioSputnikArm | 106.0FM | գրեք մեզ

Արևային քարտեզները, թռչունների աչքերի քվանտային կողմնորոշիչները և մարդը, որ խլացնում է բնության կատարյալ GPS-ը․ ինչպես չխաթարել երամների չուն

«Ուրիշ նորությունների» հյուրը թռչնաբան Լուսինե Աղաջանյանն է։
 

«Թռչունների աչքերում առկա կրիպտոքրոմ սպիտակուցներն ու ներքին աշխարհագրական քարտեզներն ապահովում են նրանց կատարյալ նավիգացիան, սակայն չուի ընթացքում չկանխատեսված ուժեղ քամիները կարող են ամբողջությամբ շեղել նրանց ուղուց և քշել հազարավոր կիլոմետրեր հեռու»։

 
Թռչնաբանը նշում է, որ մարդածին գործոնների պատճառով 1990-ականներից ի վեր աշխարհում թռչունների քանակը նվազել է 70%-ով։ Որպես թռչունների համար 21-րդ դարի գլխավոր սպառնալիքներ՝ նա առանձնացնում է որսորդների թողած արճիճե փամփուշտները, որոնք դանդաղ ռումբի պես խախտում են թռչնի կողմնորոշումը, ինչպես նաև էլեկտրահարումները, գյուղատնտեսական պեստիցիդներն ու ապակեպատ շենքերը։
 
Իսկ ինչպես համագործակցել բնության հետ. Լուսինե Աղաջանյանը կարևորում է «iNaturalist» և «eBird» հավելվածները, որտեղ յուրաքանչյուր մարդու գրանցումն օգնում է փրկել էկոհամակարգի սանիտարներին, այդ թվում՝ մեր ամենախոշոր գիշատիչ սև անգղին։

🎦զրույցն ամբողջությամբ

@RadioSputnikArm | 106.0FM | գրեք մեզ

Պլաստիկ վիրաբուժություն կամ գեղեցկության, երիտասարդության ու առողջության նուրբ սահմանը․ արտաքինն՝ ըստ ճաշակի

Որքանով են մարդիկ այսօր իրազեկ ռիսկերի մասին, ինչի է ընդունակ պլաստիկ վիրաբուժությունն այսօր և որքանով են փոխվել գեղեցկության չափանիշները ժամանակի ընթացքում․ «ԴիՋի Մեդ» հաղորդաշարի հեղինակ Տաթևիկ Բաղդասարյանը զրուցել է պլաստիկ վիրաբույժ, Երևանի պետական բժշկական համալսարանի պլաստիկ վիրաբուժության ամբիոնի դասախոս, բժշկական գիտությունների թեկնածու Կարեն Մանվելյանի հետ։

Հետաքրքիր է նաև իմանալ․

Ինչով են տարբերվում տեխնիկապես, օրինակ, 10 տարի առաջ իրականացված վիրահատությունները։

Արդեն մեկ անգամ անհաջող իրականացված վիրահատությունները շտկելու միջոցներ կա՞ն, թե անվերադարձ է։

Ռինոպլաստիկայից բացի, որո՞նք են ամենապահանջված միջամտությունները այսօր։ Բարիատրիկ վիրահատություններից հետո մարմնի կոնտուրը փոխելու վիրահատությունները հիմա շա՞տ պահանջված են։

Ի՞նչ նոր տեխնոլոգիաներ կամ մեթոդներ են կիրառվում պլաստիկ վիրաբուժության մեջ։

Ավելի քիչ ինվազիվ միջամտությունները որքանո՞վ են փոխում ոլորտը։ Այս նույնիկս փակ ռինոպլաստիկա են իրականացնում։ Ինչ է դա։

Իսկ թե առաջիկա 10–15 տարիներին որ ուղղությամբ կզարգանա պլաստիկ վիրաբուժությունը՝ պատասխանում է արհեստական բանականությունը։

🎦զրույցն ամբողջությամբ

@RadioSputnikArm | 106.0FM | գրեք մեզ

«Մենք Աֆրիկա չենք. Հայաստանն ունի շատ զգայուն էկոհամակարգ, որի վրա պետք է դողալ»:

Վայրի բնության և մշակութային արժեքների պահպանման հիմնադրամի (FPWC) հիմնադիր Ռուբեն Խաչատրյանը «Ուրիշ նորություններում» ընդգծում է՝ մեր այս հարստությունը պահպանելու և ապագա սերունդներին փոխանցելու համար անհրաժեշտ է խստացնել բնապահպանական օրենքներն ու պատասխանատվությունը՝ սոսկ տուգանքներից անցում կատարելով ավելի լուրջ պատժամիջոցների։

«Հայաստանն ունի չափազանց զգայուն էկոհամակարգ և հարուստ կենսաբազմազանություն՝ շուրջ 380 խոշոր կենդանատեսակներով և 354 տեսակ թռչուններով, ինչն աշխարհի տարբեր ծայրերից ներգրավում է զբոսաշրջիկների՝ զարգացնելով թանկարժեք տուրիզմի ուղղություններից մեկը՝ թռչնադիտումը»:

Այս ամենը պաշտպանելու, պահպանելոու խնդիրների թվում բնապահպանն անդրադարձել է նաև Հայաստանում վայրի կենդանիների ապօրինի պահման դաժան պրակտիկային։ Հիմնադրամի ստեղծած վերականգնողական կենտրոնը փրկում է ռեստորաններից, լցակայաններից առգրավված կենդանիներին, որոնք հաճախ հոգեկան ծանր խնդիրներ են ունենում.

«Արջերին պահում են բետոնի կամ սառույցի վրա, առանց թաքնվելու տեղի, ու դա անվանում են սեր»:

Խաչատրյանը բոլոր այս խնդիրների վերացման համատեքստում բացառիկ կարևորություն տալով հոկտեմբերի 19-ից նոյեմբերի 1-ը Հայաստանում կայանալիք ՄԱԿ-ի Կենսաբազմազանության համագումարը (COP17), որը կրթական մեծ բաղադրիչ է ունենալու և հանրությանն ու միջազգային կառույցներին հնարավորություն է տալու համատեղ աշխատել հանուն բնության կայունության։

🎦զրույցն ամբողջությամբ

@RadioSputnikArm | 106.0FM | գրեք մեզ