“Қонуннинг ўзи ҳеч қачон инсонни адолатли қилиб қўя олмайди”—Генри Дэвид Торо - америкалик файласуф.

Инсон фақат қонундан қўрққани учун эмас, виждони ва ахлоқий эътиқоди туфайли адолатли бўлиши керак. Бу эса ҳаммани ҳам қўлидан келавермайди афсуски.

@u_generalissimus

Иммигрант трак ҳайдовчиларни чеклаб, америкалик фахрийларга алмаштирамиз – Трамп

Трамп Пенсилванияга сафари чоғида унинг администрацияси муҳим чекловлар устида ишлаётганини маълум қилди. Президентга кўра, бундан буёғига иммигрант трак ҳайдовчиларининг АҚШга кириб келиши ва борларининг ҳам ишлаши чекланади. Уларнинг ўрнини америкалик фахрий ҳарбийлар эгаллайди.

“Менинг маъмуриятим тарихий чораларни кўради, чунки баъзи ҳайдовчилар йўл белгиларини ҳам ўқий олмайди. Уларнинг кўпчилиги гиёҳванд моддалар ёки алкоголь таъсирида юради. Биз уларни олиб ташлаймиз, кейин эса фахрийлар ўқитилиб, юк ташиш ишларига ўтказилади”, дейди АҚШ президентди.

@u_generalissimus

Toshkent viloyati Zangiota tumanida gaz to‘ldirish shaxobchasi portladi

Hodisa oqibatida 3 nafar fuqaro tan jarohati olgan. Ular zudlik bilan shifoxonaga yuborilgan.

@u_generalissimus

Hodisada 1 nafar YPX xodimi vafot etgan

Ma‘lum bo‘lishicha, 3 nafar yo‘l patrul xizmati inspektorlari patrullik mototsikllarida harakatlanib ketayotgan vaqtida Onix rusumli transport vositasi bilan toʻqnashib ketgan.

Oqibatda bir nafar xodim vafot etgan. Tan jarohati olganlar ham bor.

YHXX hodisa kortej bilan bog‘liq degan xabarlarni rad etdi.

@u_generalissimus

“Урбанизация ва уй-жой қурилиши соҳасида ислоҳотларни янада жадаллаштириш чора-тадбирлари тўғрисида”ги Президент қарори (ПҚ–252-сон, 07.07.2026 й.) қабул қилинди.
 
📑 Қарорга кўра, 2026 йил 1 ноябрдан Урбанизация ва уй-жой бозорини барқарор ривожлантириш миллий қўмитаси (Миллий қўмита) томонидан мастер режаларнинг ягона электрон реестри юритилади ва уларнинг рақамлаштирилган нусхалари Миллий қўмитада сақланади.
 
⛔️ Бунда рўйхатдан ўтказилмаган мастер режаларни амалга оширишга, шунингдек, улар асосида шаҳарсозлик, қурилиш, инвестиция ва бошқа фаолиятни амалга оширишга йўл қўйилмайди.
 
✅ Аҳоли пунктининг бош режаси тасдиқланган кундан бошлаб 3 ой муддатда бош режани рўёбга чиқариш бўйича комплекс дастур (Комплекс дастур) ишлаб чиқилиб, белгиланган тартибда тасдиқланади. Бунда:
 
🔹 Комплекс дастур 3 йилдан 5 йилгача бўлган муддатга мўлжалланган ҳолда ишлаб чиқилади;
 
🔹 Комплекс дастурда белгиланган тадбирларни молиялаштириш манбалари ва муддатлари аниқ кўрсатиб ўтилади;
 
🔹 Комплекс дастурнинг бажарилиши Қорақалпоғистон Республикаси Жўқорғи Кенгесининг, Халқ депутатлари вилоятлар, Тошкент шаҳар, туманлар ва шаҳарлар кенгашларининг мажлисларида кўриб чиқилиши ҳамда оммавий ахборот воситаларида ёритилиши лозим;
 
🔹 Бош режалари мавжуд бўлмаган ёки ишлаб чиқилганига 10 йил ва ундан ортиқ муддат бўлган аҳоли пунктларининг бош режалари ва батафсил режалаштириш лойиҳалари ишлаб чиқилиши республика бюджети ҳисобидан амалга оширилади.

@u_generalissimus

Шерзод Қудбиев ўзини қўмитаси учун бюджетдан 110 та қўшимча штат олди.

Қойил қолиш керак, айримлар 10 та қўшимча штат ололмаётган, айрим ташкилотларни умумий штати 100 дан ошмайдиган бир пайтда қўмитага қўшимча шунча штат ҳар кимга эмас.

@u_generalissimus

Зарар қопланмаса қамайман

Бу гапни жиноят ишларида қатнашадиган адвокатлар терговчилардан жуда кўп эшитишади.

Иш бўйича барча ҳолатлар тўлиқ аниқланмасдан ва гумонланаётган шахсга ўз эътирозларини билдириш имконияти берилмасдан туриб айтилади бу сўзлар.

Майли қамасанг қама, лекин аввал эътирозларини билдиришга имконият бер, эътирозларини ўрганиб кўр, десангиз, биз аниқлаб бўлганмиз, тўлаб тураверсин, агар иши тўғри бўлса қайтариб олаверади, деб жавоб беришади.

Терговчиларнинг ҳаракатидан мақсад ҳақиқатни аниқлаб, адолатни тиклаш эмас, балки зарар ундириш экан деган фикрга боради одам.

Аслида, ҳақиқатан ҳам терговчиларнинг фикри ёди қандай қилиб бўлмасин депозитга кўпроқ пул туширишда бўлиб қолган.

Чунки зарар сифатида ундирилган пулларни шу орган банкларга депозитга қўйиб, яхшигина фойда олади.

Шундай пайтда терговчиларга шу кунлар сенинг ҳам бошингга тушсин, дейишдан бошқа чора қолмайди.

@u_generalissimus

Миришкор туманида мактаб директори 6 млн сўм пора олгани учун 5 йилга қамалибди.

@u_generalissimus

Олдинлари ишхонада кимнингдир лавозими кўтарилса, бутун жамоага чойхона қилиб берарди. Афсуски, бу каби қадриятлар ҳам аста-секин йўқолиб бормоқда…

@u_generalissimus

Ўзбекистон Республикаси Одил судлов академияси муассислигида “International Journal of Justice” халқаро илмий журнали таъсис этилибди.

Бу орқали профессор-ўқитувчилар, илмий изланувчилар, магистрантлар ва ҳуқуқшунослар ўз илмий мақолаларини халқаро академик майдонга олиб чиқиш, хорижий олимлар билан илмий ҳамкорликни кенгайтириш ҳамда замонавий ҳуқуқий тадқиқотлар натижаларини жаҳон илмий ҳамжамиятига тақдим этиш имкониятига эга бўлади.

@u_generalissimus

Озода Жўраева сенаторларга муҳим таклиф билан чиқди: коммунал соҳада яратилган рақамли тизимлар энди жамоатчилик назорати билан ишлаши керак

Очиғи, коммунал соҳада шунчалик кўп рақамлаштириш ишлари амалга оширилганини кўпчилик билмаса керак.

Бугун Қурилиш ва уй-жой коммунал хўжалиги вазирлигида ўтказилган Очиқ эшиклар кунида бу борадаги натижалар Сенат аъзолари, ОАВ вакиллари ҳамда блогерларга намойиш этилди.

Масалан, «Менинг уйим» биллинг тизими орқали фуқаролар коммунал тўловларни онлайн амалга ошириши, бошқарув органларининг ҳисоботларини кўриб бориши, мурожаат юбориши ва унинг ижросини кузатиши, Ситуацион марказ орқали ўзи яшаётган кўп квартирали уй ҳақидаги маълумотларни олиши мумкин.

Шунингдек, «Турар жой», «Хавфсиз лифт», «HotEnergy» каби рақамли платформалар орқали уй-жой фонди, лифтлар хавфсизлиги ва иссиқлик таъминоти йўналишлари ҳам замонавий бошқарув тизимларига ўтказилмоқда.

Тадбир давомида Қурилиш ва уй-жой коммунал хўжалиги вазири ўринбосари Озода Жўраева Сенат аъзоларига мурожаат қилиб, эндиги асосий вазифа яратилган тизимларнинг амалда самарали ишлашини таъминлаш эканини айтди.

Унинг таъкидлашича, рақамлаштириш орқали очиқлик ва шаффофлик учун барча имкониятлар яратилди. Энди эса бу имкониятлардан самарали фойдаланиш, тизимлар фаолиятини назорат қилиш ва аҳоли манфаатларини ҳимоя қилишда парламент ҳамда жамоатчилик назорати муҳим ўрин тутади.

@u_generalissimus

Telegram akkauntingiz xavfsizligiga ishonchingiz komilmi? Xakerlar 2FA yoqilgan akkauntlarni ham zararli dastur yordamida mavjud sessiyani o’g’irlash orqali qo’lga kiritmoqda!

Yaqinda aniqlangan yangi macOS axborot o‘g‘irlovchi (Information Stealer) zararli dasturi Telegram Desktop foydalanuvchilari uchun jiddiy xavfsizlik tahdidini yuzaga keltirmoqda. Tahlillarga ko‘ra, ushbu zararkunanda Telegram Desktop ilovasining mahalliy sessiya (session) fayllarini o‘g‘irlash orqali foydalanuvchi akkauntiga parol, SMS tasdiqlash kodi yoki Telegram’ning ikki bosqichli himoyasi (Two-Step Verification) parolini qayta kiritishni talab qilmasdan kirish imkonini yaratadi.

Mutaxassislarning ta’kidlashicha, bu Telegram’ning 2FA himoyasi buzilgani degani emas. Aksincha, zararli dastur foydalanuvchining allaqachon tasdiqlangan va faol bo‘lgan sessiyasini nusxalab, uni boshqa qurilmaga ko‘chiradi. Natijada Telegram ushbu qurilmani yangi foydalanuvchi sifatida emas, balki avvaldan autentifikatsiyadan o‘tgan ishonchli sessiya sifatida qabul qiladi.

Batafsil

@u_generalissimus

O‘zbekiston Respublikasi Prezidenti Administrastiyasi rahbarining farmoyishi bilan:

Abdulla Mamasaatovich Abduqodirov O‘zbekiston Respublikasi Prezidenti huzuridagi Strategik rivojlanish va islohotlar agentligi direktorining birinchi o‘rinbosari lavozimiga tayinlandi;

Taxirjon Baxodirovich Safarov O‘zbekiston Respublikasi Prezidenti huzuridagi Strategik rivojlanish va islohotlar agentligi direktorining o‘rinbosari lavozimiga tayinlandi va shu munosabat bilan O‘zbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamenti sho‘ba mudiri lavozimidan ozod etildi.

@u_generalissimus

“Turon” metro bekati shifti qulab tushgani aytilmoqda.

Nima boʻlsa ham, hech kimga zarar yetmagan boʻlsin.

@u_generalissimus

Маҳаллаларда хусусий боғча, мактаб, клиника ва спорт иншоотлари қуриш учун ерни аукционга чиқариш ваколати маҳалла раисларига берилади — Президент.

Буни эшитган тезкор қидирув фаолиятини амалга оширувчи органлар😮‍💨маҳалла раислари.

@u_generalissimus

Surxondaryoda tadbirkorlar ovozi 5 soatdan beri tinglanmoqda!
 
Surxondaryo viloyatida Biznes-ombudsman, Investitsiyalar, sanoat va savdo vazirligi hamda viloyat hokimligi rahbariyati ishtirokida boshlangan tadbirkorlar bilan ochiq muloqot qizg‘in davom etmoqda.
 
Bugun soat 10:00 da boshlangan mazkur uchrashuv mana 5 soatdirki o‘z shiddatini yo‘qotgani yo‘q. Muloqot davomida tadbirkorlar o‘zlarini qiynayotgan dolzarb savollarni berib, faoliyatlarida duch kelayotgan muammolarni ochiq bayon etmoqdalar hamda biznesni rivojlantirish va qonunchilikni takomillashtirish bo‘yicha o‘z takliflarini bildirmoqdalar.
 
Har bir ishtirokchining murojaati alohida tinglanib, ularga zarur huquqiy maslahatlar berilmoqda hamda qo‘shimcha o‘rganish talab etadigan har bir murojaat nazoratga olinmoqda.

@u_generalissimus

Қашқадарёда 2 нафар ИИО ходими 1000 доллар пора олгани учун 5 йил 6 ойгача қамалибди.

@u_generalissimus

Veterinariya dorixonasiga qo‘llanilgan 33 million so‘mlik jarima bekor qilindi!
 
Jizzax viloyatida faoliyat yurituvchi “M.V.” MChJ rahbari jamiyatga qarashli veterinariya dorixonasida o‘tkazilgan sayyor soliq tekshiruvidan norozi bo‘lib, Biznes-ombudsmanga murojaat qildi.
 
Aniqlanishicha, Jizzax shahar soliq inspeksiyasi xodimlari MChJda sayyor soliq tekshiruvi o‘tkazib, Soliq kodeksining 227-1-moddasiga asosan tadbirkorga 33 mln so‘m miqdorida moliyaviy jarima qo‘llash haqida qaror qabul qilishgan.
 
Biznes-ombudsman tomonidan soliq inspeksiyasining tekshirish hujjatlari qonuniyligi o‘rganilganda, tekshirish tartibi buzilganligi va asossiz jarima qo‘llanilganligi aniqlandi.
 

Vazirlar Mahkamasining 2020-yil 20-noyabrdagi 737-son qaroriga asosan, veterinariya dori vositalariga identifikatsiya vositalari bilan majburiy raqamli markirovkalash talabi belgilanmagan.

 
Biznes-ombudsman tomonidan Jizzax viloyat soliq boshqarmasiga qonunbuzilish holatlarini bartaraf etish yuzasidan tegishli Taqdimnoma kiritildi. Natijada, “M.V.” MChJga nisbatan qo‘llanilgan 33 mln so‘mlik moliyaviy jarima qarori bekor qilindi va tadbirkorning huquqlari tiklandi.

@u_generalissimus

Фуқароларнинг номига кредит расмийлаштириб ўз эҳтиёжлари учун ишлатиб юборган собиқ МФЙ раиси фош этилди
 
Бош прокуратура ҳузуридаги Департаментнинг Қарши тумани бўлими томонидан ўтказилган терговга қадар текширувда Қарши тумани “Янги Хонобод” МФЙнинг собиқ раиси К.Р. ва ўғли И.Н.лар МФЙга ўз ишлари билан келган 6 нафар фуқаронинг паспорт маълумотларидан фойдаланиб, уларнинг имзоларини сохталаштириб, онлайн савдо дўконидан кредит эвазига турли маиший техникалар сотиб олиб ва нақд пулга сотиб юбориб, 187,4 млн сўмлик кредит маблағларини ўз эҳтиёжлари учун сарфлаб юборганликлари аниқланган.
 
Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

@u_generalissimus

Toshkent xalqaro moliya markazi ishtirokchilari uchun soliq imtiyozlari

Oʻzbekiston Respublikasining 2026-yil 13-iyuldagi «Toshkent xalqaro moliya markazi toʻgʻrisida»gi OʻRQ-1158-son Konstitutsiyaviy Qonuni qabul qilindi. Hujjat 2026-yil 25-iyuldan kuchga kiradi.

Qonun bilan Toshkent xalqaro moliya markazi uchun maxsus soliq rejimi belgilandi.

2076-yil 1-yanvarga qadar:
- Markaz organlari yoki ishtirokchilari tomonidan tashkil etilgan yoxud ularga toʻliq tegishli boʻlgan va ularning nazorati ostidagi tashkilotlar foyda soligʻi va ijtimoiy soliqni toʻlashdan ozod etiladi.

- Markazning malakali ishtirokchilari moliyaviy xizmatlar koʻrsatishdan olingan daromadlar boʻyicha foyda soligʻi va ijtimoiy soliqni toʻlashdan ozod etiladi.

- Markaz ishtirokchilari uning hududida koʻrsatilgan qoʻshimcha xizmatlardan olingan daromadlar boʻyicha foyda soligʻi va ijtimoiy soliqni toʻlashdan ozod etiladi.

- Oʻzbekiston Respublikasining soliq rezidenti boʻlmagan Markaz xodimlari Markaz organi yoki ishtirokchisi tomonidan toʻlanadigan mehnatga haq toʻlash tarzidagi daromadlar boʻyicha jismoniy shaxslardan olinadigan daromad soligʻini toʻlashdan ozod etiladi.

@u_generalissimus