Менинг исмим маъносига тарихчи Нодир Нишонов эринмасдан рилз тайёрлабди.

(Ўзиям 58 та танишдан келибди. Шуҳрат исмли танишларга жўнатиб қўйинглар деган постлардан)

@shokirjonov

Энг йирик қурувчилардан бири бўлмиш «Golden House» охирги икки йилда 3000 тадан ортиқ хонадон топширибди. Бу — минглаб оилалар, ўн минглаб квадрат метрлар дегани. Шундай ҳажмда иш қилинса ҳам, бор-йўғи 74 та мурожаат тушган холос.

Энди Рақобат қўмитаси келтирган рақамларга бозор улуши нуқтаи назаридан қарайлик:

1. Жами шикоятлар ичидаги улуши: Қўмитага келиб тушган 54 мингта мурожаатдан бор-йўғи 40 таси «Golden House»га тегишли. Бу — 0,07 фоиз.

2. Топширилган уйларга нисбати: 3000 та хонадондан бор-йўғи 74 тасида (икки йил ичида) эътироз туғилган. Бу атиги 2,4 фоиз дегани.

Агар бозордаги улушини ҳисобга олсак, бу бошқаларга нисбатан олганда бир неча карра кам кўрсаткич бўлса керак. Очиғини айтганда, бу жуда ҳам яхши кўрсаткич.

@shokirjonov

Соат масаласида

Исроф
Ўзи бор-йўғи вақтни кўрсатиши учун сотиб олинадиган матоҳ, бунча қимматини олиш нимага керак?

Худди шундай кроссовка ҳам, барибир бир умр кийилмайди, нари борса бир неча йилгина хизмат қилади, лекин фалон пуллигини олишади, кийишади, тақишади, оммага чиқишади ва шунча савол туғдиришади. Булар оддий буюмку, барибир вақтингиз кўпроқ ёки қадамингиз тезроқ бўлмайди улар билан. Ҳеч тушунмайман-да...

Сиёсий фаросат(сизлик)
Коррупцияга қарши кураш энг юқори даражаларда айтилиб, назорат кучайтирилиб, шунча ишлар қилиняпти. Лекин бир олифталик жамиятга ёмон мессеж юборяпти. Бунинг номини сиёсий фаросат(сизлик) дейилади. Исроф оқибати шу.
Амалдорнинг ҳар бир қимматбаҳо буюми – қимматбаҳо ишонч кредитининг йўқолиши бўлади.

Одамлар бу дабдаба ниманинг ҳисобидан деб ҳақли сўрашяпти ва жавобини олишолмагач, хулоса қилишяпти. Бу хулосалар, афсуски, унутилмайди, таъсир қилади.

Қолоқлик
Бизда ҳамон мешчанлик кайфияти жуда кучли. Тўй қилса ҳам дабдаба, соат тақса ҳам – кўўўп пул сарфланган бўлиши керак, мақтаниши керак, ҳамма кўриб "ооо" дейиши керак. Карьера борасида шундай юксак чўққига чиқиб борган инсонлар яхши ишлаб зўр натижалар орқали ўзини кўрсатиши, тарих яратиши, яхши ном қолдириши мумкин – қандай имконият а? Унинг олдида бу буюмлар нима деган нарса? Аммо приоритетлар... афсуски улар ҳамон эскича.

Дунё аллақачон бошқа даражага кўтарилди, машҳурлар хайрия ишлари, қилган эҳсонлари ва ижтимоий лойиҳалари билан мақтанаётган замонда бизнинг бойлар ҳамон машинаси, данғиллама участкаси билан мақтанади. Элитамиз эса брендпарастликда илғор.

Камида 100 йил ортда қоляпмиз...
"Бизнинг жаҳолат – жаҳли мураккаб!"

@shahnozxon

Самарқанд шаҳрида «Жамоат саломатлиги ва хавфсизлигини таъминлаш мақсадида трансмиллий наркотаҳдидларга қарши курашиш» мавзусидаги халқаро форум ўз ишини бошлади.

Форумда 50 дан ортиқ давлат вакиллари, 500 дан зиёд халқаро эксперт ва мутахассислар, шунингдек, БМТ, Интерпол, Европа Иттифоқи, МДҲ ва ШҲТ каби етакчи халқаро ташкилотлар вакиллари иштирок этмоқда.

Ушбу соҳадаги ҳамкорликни ривожлантиришга қўшган ҳиссаси учун қатор халқаро ташкилотлар раҳбарлари махсус таъсис этилган «Наркотикларга қарши курашиш фидойиси» кўкрак нишони билан тақдирланди.

@shokirjonov

Сангардак тоғларининг бугунги кундаги манзараси

@shokirjonov

VAQT.UZ'да Отабек Бакиров билан "Аввал иқтисод" подкастининг янги сони чиқди.

Зўр мавзулар муҳокама қилинган. Кўримли подкаст

https://youtu.be/F8RpuFRk2IE

Россияда ФСБга янги ваколатлар берилди: улар чегарада телефон ва компютерларни бемалол текшириши мумкин

Россияга кириш-чиқишда энди фақат паспорт эмас — смартфон ва ноутбуклар ҳам «саволга тутилади». Рад этганлар 15 суткагача қамалиши мумкин.

Россияда «Давлат чегараси тўғрисида»ги қонунга киритилган ўзгартишлар кучга кирди. Унга кўра, чегара хизмати ходимлари эндиликда фуқароларнинг телефон, планшет ва ноутбукларини текшириш ҳуқуқига эга бўлди.

Янги тартибга кўра, чегарачилар гаджетлар мазмунини визуал кўздан кечириши ва зарур деб топса, уларни текшириш учун тақдим этишни талаб қилиши мумкин. Бундай қарор чегара режими бузилиши ёки тақиқланган нарсалар ноқонуний олиб ўтилаётганига шубҳа бўлганда қабул қилинади.

Энг қизиғи — гаджетларни тақдим этишга рад жавоби бериш «қонуний талабга бўйсунмаслик» сифатида баҳоланиши мумкин. Бу ҳолда 7 минг рублгача жарима ёки 15 суткагача маъмурий қамоқ жазоси қўлланади. Яъни, Россия чегарасида энди фақат сумкалар эмас, шахсий ҳаёт ҳам «очиқ режим»да текширилади.

Ушбу хабарни Россияга бораётган ва у ердан келаётган танишларга ташлаб қўйинг.

(СИга ёздирдим)

@shokirjonov

Ўзбекча юникорнларнинг шохи якка эмас, жуфт бўлади...

(#)
@shokirjonov

Самарқандда "нўмир жиннилари"га сохта авторақам ясаб сотганлар ушланибди.

Билмадим, қачон нўмирга тўяди бу автотеррористлар тўдаси. Хорижий давлатларга боришса ҳам шунақа нўмир буюртма қилиб тақволишади.

@shokirjonov

Вазир мактабга борибди деса, яна ўша эски сценарий: ҳамма ёқ ялтир-юлтир, болалар шеър айтиб беради, деб ўйлагандим. Йўқ, кутилмаган янгиликлар бўлибди. Масалан, бир ўқувчи чиқиб «IT-тизимларингизни ривожлантиришда ёрдам бераман, 8 та сайт яратганман» деб вазирга таклиф беряпти.

Ўзи мактабда муҳит шунақа бўлиши керак — ўқувчи вазирга ҳам, бошқасига ҳам фикрини бемалол айта олсин. Болаларни «шаблон»дан чиқариб, уларни ўз гапини айтишга ундай олган педагогларга, жумладан вазирга ҳам «зачёт». Шунақа очиқ мулоқотлар кўпаймаса, тизимдаги эскилик сарқитларидан қутулолмаймиз.

Яна бир гап. Мактаб ошхонасини «Бук кафе» қилиш ёки грант ютиш бўйича маслаҳат маркази очиш ташаббуслари шунчаки чиройли гап бўлиб қолмаслиги керак. Вазир буларни назоратга олибдими, демак, натижа кутамиз. Ёшларнинг шижоатига масъуллар ҳам масъулият билан жавоб берса қандай яхши!

@shokirjonov

Банкирларга кўз тегдими, нима бало?

Қўқонда бир банк ходими мижозни пичоқлаб ўлдирди. Қотилнинг онаси исноддан кўчага ҳам чиқолмай қолибди.

Сирдарёдагиси судя билан пишиб бўлган иш учун пора олиб, «арра» қилаётганда қўлга тушишди. Банк матбуот хизмати расмий муносабат берди.

Энди Янгиўлда иккита банкда ишловчи мутахассис далада яшириб қўйилган қарийб ярим кило наркотикни олиб келиб уйида сақлаётганда ушланибди.

@shokirjonov

Президент Фаррух Зокировни 80 йиллик юбилейи муносабати билан тақдирлади

Шавкат Мирзиёев Фаррух Зокировни «Буюк хизматлари учун» ордени билан тақдирлади. Шунингдек, давлат раҳбарининг алоҳида қарори билан Тошкент шаҳридаги 7-сонли болалар мусиқа ва санъат мактабига санъаткор номи берилди. Қолаверса, «Ялла» болалар ансамбли фаолияти йўлга қўйилади.

Мана чин маданият ва санъат дарғаси! Ва мана ҳақиқий ва муносиб эътироф...

@shokirjonov

Манимча, бу нишон "гапни икки қилмасдан тўйларга бориб беради", деб номланиши керак.

Нимаси маданият ва санъат Бобур Мансуровнинг вайнларини? Рекламаю ҳаммаси??! — дея жиғибийрон бўласану, вазирнинг ўзи магазинларда кастим-шим реклама қилиб юрганини эслаб, "Ҳа-а..." дейсан.

Байрам муборак!

@shokirjonov

Сохта кўм-кўк осмон ва қуёш нурларини акс эттирувчи деразалар ҳам чиқибди.

@shokirjonov

Динозаврларнинг қирилиб кетишига сабабчи бўлган астероиднинг катталиги мана шундай бўлган экан.

@shokirjonov

Президент Шавкат Мирзиёев шахматчимиз Жавоҳир Синдоров билан телефон орқали мулоқот қилиб, Халқаро шахмат федерациясининг Номзодлар турнирида қозонган тарихий ғалабаси билан табриклади.

@shokirjonov

Сангардакда канат (дор) йўли ишга тушаяпти экан

@shokirjonov

Самарқанддаги қадимий "Сиёб" бозори тунги соат 23:00 гача ишлайдиган бўлибди.

@shokirjonov

Кўп ёзғирманглар, энг оптимал ҳарорат ҳукм сурувчи кенгликларда яшарканмиз

@shokirjonov

Markaziy Osiyo butun dunyo nigohida

#birdamjamiyat

▶️ Batafsil ko‘rish uchun: https://www.youtube.com/watch?v=fZu3Mswz4To

💬Telegram |📷 Instagram* | 🌐Facebook* | 🌐 YouTube |🐦 X (Twitter)