📺 Навіны за 9 хвілін

▶️ Лукашэнку могуць асудзіць ва Украіне

🔻 У Менску затрымалі банду з Расеі пры рабаванні. Каментуе Уладзімір Кубракоў

🔻 Новыя падрабязнасці аварыі з беларусамі ў Батумі

🔻 Беспілотнікі атакавалі чарговы склад Wildberries у Разані

🔻 У Іўеўскім раёне ваенкаматы знайшлі для арміі першых «нядобрасумленных» аграрыяў

🔻 Вынікі масавых правяранняў дыскаўнтару «Святлафор»: шматлікія парушэнні

🔻 Надзвычайнае здарэнне: трагедыя са школьнікам у Берасці

🔻 Цудоўнае выратаванне ў Пінскім раёне: пенсіянерку знайшлі жывою праз два тыдні

🔻 Грыбны рэкорд на Меншчыне ў аграгарадку Лясны

Глядзіце ў кароткім выданні навін на Белсаце 💻

🇱🇹 Літва знайшла чарговы недабудаваны тунэль на мяжы з Беларуссю

Пры набліжэнні літоўскіх памежнікаў каля 20 чалавек у цывільным адзенні ўцяклі ўглыб тэрыторыі Беларусі.

Тунэль знаходзіўся ў Варэнскім раёне каля вёскі Пяртако і быў каля 11 метраў у даўжыню. Ён праходзіў пад ручаём, па якім ідзе беларуска-літоўская мяжа, і выходзіў на літоўскую тэрыторыю паміж дзяржаўнай мяжой і памежнай агароджай, якая ўсталяваная трохі падалей ад берагу.

Далей яго яшчэ не паспелі дакапаць, таму трапіць у Літву праз гэты ход было немагчыма. У выніку праход быў засыпаны.

Нагадаем, некалькі дзён таму ўжо выявілі падземны тунэль каля мяжы з Беларуссю з дапамогаю абсталявання для пошуку падземных пустотаў.

💥У Горадні, Лідзе і Вялікай Бераставіцы будзе неспакойна

Сёння і заўтра там будзе чуваць выбухі і стрэлы – гэта чарговыя вучэнні МУС.

У Горадні вучэнні пройдуць на аб'екце на вуліцы Чырвонаармейскай, у Лідзе – на вуліцы Лётнай, а ў Вялікай Бераставіцы – на паўночным уездзе ў гарадскі пасёлак. Паблізу гэтых лакацыяй магчымыя часовыя абмежаванні руху транспарту.

🇵🇱🇱🇻 Мігранты зноў пачалі штурмаваць польскую мяжу. А Эстонія пачала дапамагаць Латвіі з аховай

Пазаўчора польскія памежнікі зафіксавалі толькі 2 спробы нелегальнага перасячэння мяжы з боку Беларусі, але ўжо ўчора іх колькасць вырасла да 28.

На латвійскім кірунку ў аўторак зафіксавалі 15 спробаў незаконнага перасячэння мяжы. Хоць у апошнія тыдні латвійскія памежнікі рэгулярна паведамлялі пра сотні такіх спробаў за содні.

Праз гэта Эстонія накіравала ў Латвію дадатковых памежнікаў і паліцыянтаў для ўзмацнення. Улады Эстоніі кажуць, што апошнімі днямі затрымалі больш за 30 мігрантаў, якія трапілі ў краіну праз Беларусь і Латвію.

◾️На будоўлі ў Менску абрынуліся рыштаванні – адзін чалавек загінуў

Яшчэ шасцёра пацярпелі. Бяда здарылася на будоўлі 9-павярховіка па вуліцы Кісялёва. На месцы працуе 10 адзінак тэхнікі.

Расея абвясціла стваральніка Telegram у міжнародны вышук. Мэсэнджар адрэагаваў вядомым жэстам

Афіцыйны акаўнт мэсэнджару ў сацсетцы X.com апублікаваў фота Паўла Дурава, які паказвае сярэдні палец.

Цяпер Дурава ў Расеі абвінавачваюць у «садзейнічанні тэрарыстычнай дзейнасці». Паводле ФСБ, адміністрацыя Telegram не выдаляла каналы, чаты і боты, якімі карысталіся ўкраінскія спецслужбы.

Гаворка ідзе пра чат-бот знаёмстваў «Дайвінчык/Leo», які нібыта выкарыстоўваўся для вербавання расейскіх грамадзянаў у дыверсійную дзейнасць. Таксама расейскія ўлады кажуць, што з 2022 года ў краіне было зарэгістравана каля 153 тысяч злачынстваў, у якіх выкарыстоўваўся Telegram.

💰 Расейская банда спрабавала скрасці з катэджу ў Навінках мільён долараў. Што гэта за дом і хто там жыве?

У часе затрымання быў адкрыты агонь, у тым ліку з аўтаматычнай зброі і з выкарыстаннем выбухоўкі.

«Белсат» прааналізаваў відэа, што апублікавалі сілавікі і высветліў, дзе знаходзіцца катэдж.

🔎 Таксама ёсць інфармацыя, хто там мог жыць – пра гэта чытайце ў матэрыяле

✅ Чытаць з Беларусі

📌 ЗША рыхтуюцца да розных сцэнароў развіцця падзеяў вакол Беларусі

Амерыканскі дыпламат Томас Грэям дапускае, што Расея можа паспрабаваць фармальна анексаваць Беларусь у найбліжэйшыя два гады, калі палічыць гэта неабходным для сваёй бяспекі.

У ЗША падрыхтавалі план на выпадак анексіі – што прапануюць рабіць:

✅ Больш падрабязнасцей шукайце на сайце

🔗 Спасылка для чытачоў з Беларусі

🩺 Чаму ў медычных ВНУ Беларусі абваліўся конкурс?

Рэзкае падзенне прахадных балаў у медычныя ВНУ не азначае, што абітурыенты масава страцілі цікавасць да прафесіі.

Доктар-псіхіятр Уладзімір Пікірэня прааналізаваў дзесяць гадоў уступных кампаній і прыйшоў да іншай высновы.

Паводле даследавання, галоўная прычына – колькасць бюджэтных месцаў вырасла значна хутчэй, чым колькасць абітурыентаў. Пры гэтым тых, хто выбірае хімію і біялогію, з году ў год становіцца менш, а частка маладых людзей едзе вучыцца за мяжу.

🔺 Лагістычны цэнтр Wildberries і нафтаперапрацоўчы завод загарэліся ў расейскай Разані ў выніку атакі беспілотніка

☕️ Вітаем, шаноўныя!

Сабралі для вас найбольш цікавыя матэрыялы «Белсату», які вы маглі прапусціць:

🔸 Арганізатары нелегальнай міграцыі з Беларусі ў ЕЗ узяліся за Латвію

Калісьці мігранты часцей ішлі праз Польшчу і Літву, а цяпер маршруты рэзка зрушыліся.

🔸 Едуць нават людзі з Бурундзі

Паглядзелі, як чыноўнікі змагаюцца з дэфіцытам працоўных кадраў у Беларусі.

🔸 Наданне міжнароднай абароны беларусам у Польшчы «зварочваць» не збіраюцца

Аднак вывучаць доказы пераследу стануць пільней.

#штопачытаць

☝️Былы палітвязень Юрась Зянковіч стварыў у Амерыцы "Варту"

Гэта медыя для беларусаў ЗША — штодзённае інфармацыйнае выданне. Але аўтар не заўважыў, што падобную назву мае сайт прыхільнікаў Зянона Пазняка Warta.media. Праз гэта пачаліся спрэчкі ў каментарах. Карыстальнікі параілі Зянковічу «пераназвацца ў нешта іншае», паведамляе "Наша Ніва".

«Тым, хто чытае наш канал, Зянон абсалютна нецікавы. І наадварот. Мне асабіста нашае мота «Варта чытаць «Варту» вельмі падабаецца, і мяняць мы нічога не будзем».

Аўтар каналу абяцае штотыдзень рабіць афішу і падборкі цікавых мерапрыемстваў, а таксама распавядаць жывыя гісторыі выбітных беларусаў. Таму Юрась Зянковіч перакананы, што ў праектаў розныя чытацкія аўдыторыі. ☝️

☝️Сікорскі папярэдзіў Лукашэнку: «Мы і NATO адкажам»

Кіраўнік Міністэрства замежных справаў Польшчы Радаслаў Сікорскі дапускае, што Крэмль выкарыстае Беларусь як плацдарм для паўнавартаснага нападу на Украіну ці для правакацый у дачыненні да суседзяў Беларусі па ЕЗ. І з гэтай нагоды папярэджвае Лукашэнку.

«Такая магчымасць існуе і цалкам выключаць яе не варта. Але Беларусь павінна разумець, што калі яе паветраная прастора будзе выкарыстаная для нападу, калі атака будзе ажыццёўленая з яе тэрыторыі, то мы і NATO адкажам», – падкрэсліў Радаслаў Сікорскі.

Лукашэнка спрабуе весці дыялог і наладжваць адносіны з ЗША, але «вядзе сваю гульню ўжо 30 гадоў», дадаў Сікорскі.

Больш чытайце па спасылцы 👈

☝️Ва Украіне ініцыююць  крымінальную справу супраць Лукашэнкі

Офіс прэзідэнта Украіны перадаў у Генеральную пракуратуру зварот Беларускага дэмакратычнага форуму пра крымінальны пераслед Лукашэнкі за саўдзел у вайне.

«Дасланы зварот скіраваны ў офіс Генеральнага пракурора з просьбаю разгледзець згодна з кампетэнцыяй, пры наяўнасці падставаў прыняць адпаведныя захады рэагавання і праінфармаваць пра вынікі».

Ліст такога зместу Беларускі дэмакратычны форум атрымаў ад намесніка кіраўніка Офісу прэзідэнта Украіны Алега Татарава.

Аўтары звароту заўважаюць, што Лукашэнку можна прыцягнуць да адказнасці за «вядзенне агрэсіўнай вайны, вайсковыя злачынствы, фінансаванне тэрарызму, замах на тэрытарыяльную цэласнасць Украіны, прапаганду вайны і генацыд».

У адміністрацыі Лукашэнкі на запыт Reuters гэтае пытанне не пракаментавалі. Офіс прэзідэнта і Генпракуратура Украіны таксама не далі дадатковых каментароў.

Больш чытайце па спасылцы. 👈

☝️У Азербайджане прыгаварылі да зняволення групу незалежных журналістаў

Ад 12 да 15 гадоў турмы прысудзілі дзевяці журналістам незалежнага выдання Toplum TV. На такія буйныя тэрміны ў гэтай краіне асуджаюць за «дзяржаўную здраду». Журналісты ж расследавалі карупцыю ў асяродку урадавых чыноўнікаў Азербайджану.

У 2024 годзе паліцыя правяла ператрус, апячатала памяшканне і арыштавала амаль увесь клад рэдакцыі. Зараз журналістам абвесцілі прысуд. 

Toplum TV працягвае працу, але ў цалкам змененым складзе рэдакцыі, паведамляе Русская служба BBC News.👈

💥 #галоўнае за 28 ліпеня

✔️Наданне міжнароднай абароны беларусам у Польшчы «зварочваць» не збіраюцца. Аднак вывучаць доказы пераследу стануць пільней

✔️Арганізатары нелегальнай міграцыі перанакіравалі свае высілкі з Літвы ды Польшчы на Латвію. Вывучаем адпаведныя чаты

✔️Turkish Airlines з верасня вяртае рэйсы ў Беларусь

✔️МЗС Польшчы: папярэджанне ад беларускіх калегаў пра падрыхтоўку тэракту ў Польшчы магло быць зроблена з прапагандысцкімі мэтамі

✔️Усіх беларусаў, якія пацярпелі падчас ДТЗ у Батумі, выпісалі з грузінскай лякарні

✔️Тысячы беларусаў – пад пагрозай дэпартацыі з ЗША. Дыяспара забіла трывогу

✔️Лукашэнка прызначыў «наглядчыкаў» за КДБ? Вось у чым сутнасць

✔️Кіраўнік польскага МЗС заявіў, што Польшча і NATO «адкажуць» у выпадку ваеннай правакацыі з боку Беларусі

✔️Едуць нават людзі з Бурундзі. Паглядзелі, як чыноўнікі змагаюцца з дэфіцытам працоўных кадраў у Беларусі

✔️«Я прыхільнік таго, каб адлік нашай незалежнасці весці з 1918 года». Дэпутат незалежнасці Лявон Баршчэўскі правёў сустрэчу з беларусамі Варшавы

✔️Анджэй Пачобут папрасіў у гарадскіх уладаў Беластоку арэндную муніцыпальную кватэру. Але ад планаў вярнуцца ў Беларусь не адмовіўся

✔️Аматарскі клуб, які атрымаў на свае рахункі пад $800 000 і сам спансуе іншых. У Беларусі такое магчыма

✔️Неверагодна нізкі конкурс у медычныя ВНУ шакаваў беларусаў. Якія яшчэ спецыяльнасці сёлета ігнаравалі абітурыенты?

✔️«У аддзеле маркетынгу нехта любіць моцна выпіць?» Беларусаў падзяліла на два лагеры марозіва са смакам салёных агуркоў

#рэпрэсіі:

▫️Рэжысёр Андрэй Кудзіненка, які вымушана выехаў з Беларусі, расказаў пра падзеі таго дня, калі да яго прыйшлі сілавікі

▫️За «садзейнічанне экстрэмізму» асудзілі рэкламшчыцу з Мсціслава, што жыла і працавала ў Маскве

«У аддзеле маркетынгу нехта любіць моцна выпіць? Нібы пасля карпаратыву прыдумлялі»

У Беларусі з'явілася марозіва са смакам салёных агуркоў. Цяжка сказаць, ці будуць змятаць гэты незвычайны прадукт з паліцаў, але медыйны эфект ужо атрымаўся што трэба.

Меркаванні падзяліліся, але абыякавым застаўся мала хто.

✅ Яшчэ больш пра гэты ласунак чытайце тут
🔗 Націскайце сюды, каб адкрыць тэкст з Беларусі

Усіх беларусаў, якія пацярпелі падчас ДТЗ у Батумі, выпісалі з грузінскай лякарні

Пра гэта «Белсату» распавёў урач-траўматолаг Давід Мікелаішвілі.

Адной з жанчын спатрэбілася аперацыя, бо ў яе была зламаная ключыца.

✅ Больш падрабязнасцей шукайце на сайце
🔗 Спасылка для чытачоў з Беларусі

☝️Анджэй Пачобут папрасіў у гарадскіх уладаў Беластоку арэндную муніцыпальную кватэру

Адпаведную заяву былы палітвязень падаў на ўрачыстай цырымоніі з удзелам мэра гораду Тадэвуша Трускаляскага.

Праўда, Пачобут не адмаўляецца ад сваіх планаў вярнуцца ў Беларусь. Ён мае намер жыць у Горадні, а кватэрай у Беластоку карыстацца падчас візітаў у Польшчу. Таксама ў гэтым жытле будуць пражываць ягоныя дзеці.