«Беларусь застаецца ў фокусе Еўрапейскага парламента» 

У Бруселі завяршыўся ўжо трэці міжпартыйны форум «8+100», прысвечаны падтрымцы Беларусі і супрацоўніцтву беларускіх дэмакратычных сілаў з еўрапейскімі палітычнымі партыямі. 

На форуме выступіла Святлана Ціханоўская, а таксама нядаўна вызваленыя палітвязні і лідары палітычных партыяў: Зміцер Кучук і Павел Севярынец. У панэльных дыскусіях узялі ўдзел Віктар Бабарыка, Мікола Казлоў, Юрась Губарэвіч і дэпутаты ўсіх вядучых фракцыяў Еўрапейскага парламента.

Дарадца Святланы Ціханоўскай па парламенцкім супрацоўніцтве Анатоль Лябедзька 

– распавёў пра гісторыю назвы форуму: 

«Назва форуму «8+100» сімвалізуе супрацоўніцтва васьмі беларускіх палітычных партыяў, якія ўдзельнічалі ў першым форуме, і імкненне далучыць да беларускай павесткі не менш як сто еўрапейскіх палітычных партыяў».

– а таксама адзначыў некалькі ключавых высноваў дыскусіяў:

«Падчас форуму абмяркоўвалі сённяшнюю сітуацыю ў Беларусі — становішча палітвязняў, ролю і эфектыўнасць санкцыяў, а таксама тое, што трэба рабіць, каб наблізіць перамены. Стратэгія Еўрапейскага Саюза грунтуецца на двух пазіцыях. Па-першае, рэжым Лукашэнкі — гэта васал Пуціна, і ён неперспектыўны партнёр. І па-другое, яднанне дэмакратычных сілаў на чале са Святланай Ціханоўскай вітаюць усе еўрапейскія фракцыі Еўрапейскага парламента».

Падрабязнасці — у відэа.