Прадстаўнікі Офіса і Кабінета сустрэліся са спецпрадстаўнікамі краінаў Балтыі ў Вільні

Сёння, 23 лютага, прайшла сустрэча прадстаўнікоў дэмакратычных сілаў са спецпрадстаўнікамі краінаў Балтыі — Астай Андрыяўскіне (Літва), Кармэн Лаўс (Эстонія) і Гунтай Пасторэ (Латвія). З беларускага боку ўдзельнічалі: дырэктар Офіса Святланы Ціханоўскай у Вільні Дзяніс Кучынскі, а таксама дарадцы Ціханоўскай па адукацыі і навуцы Павел Церашковіч, пазаштатны дарадца па пытаннях экалогіі Дзмітрый Кучук і прадстаўніца па сацыяльнай палітыцы Аб’яднанага Пераходнага Кабінета Вольга Зазулінская.

Падчас размовы бакі абмеркавалі планы працы Офіса на бліжэйшы перыяд, прыярытэтныя напрамкі супрацоўніцтва з балтыйскімі дзяржавамі, а таксама каардынацыю ўзаемадзеяння ў межах фармату NB8 (Nordic-Baltic Eight). Закранулі таксама бягучыя сумесныя праекты і кантакты з Літвой, Латвіяй і Эстоніяй, у тым ліку — працяг дыялогу пасля сустрэчаў і абмеркаванняў у Сейме Літвы. Асобна абмеркавалі кампанію па Чарнобыльскім шляху да 40-й гадавіны трагедыі на Чарнобыльскай АЭС.

Падрабязнасці пра сустрэчу – па спасылцы.