​Импорт дизель сезиларли қимматлаган, бензин ва бошқа ёқилғилар импорти эса кескин ошишда давом этмоқда

Божхона маълумотларига кўра, бензин импорти апрель ойида ҳам давом этган. Ўтган ойда 80,9 млн.долларлик 140,5 млн.литр бензин импорт бўлган (ўтган йилнинг апрелига нисбатан 1,8 карра кўп). Импорт бензиннинг нархи литрига 57,6 центгача (мартга нисбатан +3,8 цент) қимматлаган.

Дизель импортининг ўсиши ниҳоят тўхтаган (мартда дизезь ишлаб чиқариш кўпайган). Ой давомида 33,7 млн.долларлик 36,4 минг тонна дизель ёқилғиси импорт бўлган. Импорт нархи эса кескин ошган. Мартда дизелнинг ҳар тоннаси 739 доллардан импорт бўлган бўлса, апрелда импорт дизелнинг ўртача нархи 926 долларга чиққан.

Бошқа суюқ ёқилғилар (4,2 карра) ва бошқа енгил дистиллятлар импорти (1,8 карра) ҳам кескин ошишда давом этмоқда.

Инфляция статистикасига кўра, апрелда бензин ва бошқа ёқилғилар қимматлашишда давом этган.