Статқўм дизель ишлаб чиқариш маълумотларини очиқламаган

Февраль ойида ёқилғи энергетикасида пасайиш тўхтамаган.

Газ қазиб олиш 3,4 млрд.кубдан 3,2 млрд.кубгача қисқарган. Лекин ўтган йилги маълумотлар ҳисобга олинса, февраль ойида газ қазиб олиш 3,5 млд.кубдан 3,2 млрд. кубгача қулаган (ўтган йили февралда кунига ўртача 125 млн.куб, бу йил феврвлда 114 млн.куб, январда кунига 119 млн.кубдан тўғри келган) . Газ қазиб олиш статистикасидаги ўзгараётган ва турли рақамларга бирон марта расмий изоҳ берилгани йўқ.

Газ қазиб олиш билан бирга нефть қазиб олиш (-1,7 минг тонна) ва газ конденсати қазиб олиш (-13,7 минг тонна) янги тарихий минимумларга тушган.

Статқўм дизель ёқилғиси ишлаб чиқариш статисткасини тақдим этмаган.

Божхона статистикасига кўра, дизель импорти февралда ҳам ошишда давом этган эди. Эҳтимолки, февраль ойида янада чуқурлашган энергокризис фонида GTL завод таътилда бўлган бўлиши мумкин.