​Бензин импортига қарамлик рекорди яна янгиланган

Февраль ойида 89,3 млн.долларлик 153,6 млн.литр бензин импорт бўлган. Бу январдаги рекорддан 1,2 карра, ўтган йилнинг февралидан эса 2,6 карра кўп. Импортга қарамлик рекорди ёқилғи-энергетик инқирознинг янада чуқурлашаётганига яққол ишора беради.

Шунингдек, февралда бошқа суюқ ёқилғилар импорти 4,6 карра, ҳатто керосин импорти 6 каррадан зиёд ошгани иккита йирик нефтни қайта ишлаш заводи (биттаси олигархияга “совға” қилинган) фаолият кўрсатаяптими ўзи деган саволни кўндаланг қилади.

Февралда бензин литри ўртача 58,2 центдан (-1,7 цент), дизель тоннаси 777 доллардан (-46 доллар) импорт бўлган. Яъни импорт нархи иккинчи ой-кетма-кет арзонлаша бошлаган.