Касб-ҳунар ўрганишга вақт сарфлаяпмизу, аммо ўрганганларимиз иш берувчига керакми?

Шу масала ХДПнинг навбатдаги мунозарасида экспертлар иштирокида таҳлил қилинди.

Клуб доирасида касбга ўқитиш тизимидаги камчиликлар ва малака стандартлари ҳақида баҳслар бўлиб ўтган. ХДП депутатларининг ўрганиш натижалари бўйича мутасаддиларга берган тавсиялари тизимдаги бўшлиқларни тўлдиришга қаратилган.

Халқ демократик партиясининг "Мунозара майдони" мунозараларга бой бўлаверсин, турли фикрлар, турли позициялар ҳаммамиз учун, бутун жамиятимиз учун керак. Кўринглар, кузатиб боринглар, мавзуси тўғри келадиган биронта сессиясига чақиришса, балки йўқ демасман.

@shahnozxon

Саволнинг тўғри жавоби

"Онт ичмоқ" иборасининг маъносини билиб олдим.

Эсингизда бўлса, каналимда "Akademik til" номли канални тавсия қилиб пост чиқаргандим. Шу постдаги ҳаволадан ўтиб бир неча пост тепага вароқласангиз, саволнинг жавоби турибди-да.


Ростини айтсам, ўзим ҳам энди ўқидим бу постини, аввал канални пастга қараб вароқлагандим, "Заковат" савол тузувчилари эса шунақа – кутилмаган томонга кетишади (ё кутилмаган томондан келишади)

Жавобни эса Нурали Қаҳрамон исмли обуначимиз (умил қиламанки, обуначи) топдилар. Баракалла 👍

@shahnozxon

ЎзЛиДеПнинг “Депутат билан очиқ мулоқот” лойиҳаси доирасида онлайн учрашув бошланди. Бу мулоқот фуқаролар ва депутатлар ўртасида тўғридан-тўғри алоқа ўрнатиш, мавжуд муаммоларни эшитиш ва уларга ечим топиш йўлида муҳим қадамдир.

Савол ва таклифларингизни бот орқали йўлланг. Балки айнан сизнинг мурожаатингиз кўпчилик учун долзарб масалага ечим бўлиши мумкин.

Ҳа айтганча, бугунги очиқ мулоқотда Ахмедов Дурбек, Бердиева Барно, Артиқов Дилмурод иштирок этмоқда.

@shahnozxon

Заковатдан яна бир қизиқ савол

Умумий ўрта таълим мактаблари ўқувчилари ўртасидаги «Заковат» мусобақасида ўйналган ушбу саволга қани, ким биринчи тўғри жавобни изоҳга ёзаркан.

Вақт кетди!

Каналимни кузатиб борадиганлар бу саволнинг жавобини топа олишлари керак)

@shahnozxon

Журналист Гулмира Тошниёзова жамоатчилик транспортида хотин-қизларга тегажоқлик қилиниши муаммосини кўтаряпти ва жўяли таклиф беряпти.

Журналист транспорт соҳаси масъулларини бу муаммо билан жиддийроқ шуғулланиш ва жамоатчилик транспорти салонларида қонунчилик нормалари тарғиботини кучайтиришга чақирмоқда.

Фейсбукдаги* ушбу видео шарҳида кўпчилик Гулмирани қўллаган. Бир фойдаланувчи эса ёши катталар, ногиронлиги бор шахслар ва ҳомиладор аёлларга жой бериш ҳақидаги овозли огоҳлантиришнинг давомига ушбу қонунбузарликдан огоҳлантирувни ҳам қўшишни таклиф қилибди.

Бу муаммо биринчи марта кўтарилиши эмас, аввал ижтимоий акция ҳам ўтказилган эди. Лекин мунтазамлик керак. Гулмиранинг ва бошқа фуқароларимизнинг шу мазмундаги талабларини ва таклифларини қўллаб қувватлайман.

Кўпинча ёш қизчалар ўзига нисбатан тегажоқлик ва тажовуз ҳақида ўша жойнинг ўзида очиқ айта олмайди, атрофдагилар уни қўлламаслиги, ишонмаслиги ва шармандаликдан қўрқади. Агар шундай эслатмаларни кўрса, уларда журъат пайдо бўлади, тажовузкор маньякларда эса, аксинча, журъат ўлади деб ишонаман.

Бу огоҳлантиришлар "бизда шундайлар кўп экан" деган фикрни кучайтиришидан қўрқишлари мумкин. Лекин бунинг яширадиган жойи қолмаган, иситмаси аллақачон ошкор қиляпти, муаммони йўқ қилишнинг ягона йўли ундан қочиш эмас, у билан курашиш.

Ахир, ҳаммамизнинг қизимиз, синглимиз, аёлимиз бор. Бу маньяклар фақат жамоат транспортида шу ишини қилади деб ўйласак қаттиқ адашамиз. Улар жамиятда, орамизда юришибди.

@shahnozxon

Яна катталарнинг айби учун болалар қурбон бўлди😢

Сирдарёда кундош кундошини ва болаларини пичоқлабди, бир гўдак қурбон бўлган, бири жон талашяпти, 3 гўдак етим. Қотил қамалади, табиий.

Аммо бу ишларни бошлаган қўшхотинлик эркак қурбонми ёки айбдорми? Аминманки, ундан бечора, қурбон ясайдиганлар кўп топилади. Асл сабаб ҳам, фожиамиз ҳам шунда.

Кўпхотинлиликни диний, табиий, моддий ва яна аллақандай омиллар билан оқлаб, ҳалоллаб бераётганлар, тарғиб қилаётганлар, тоқат қилаётганлар ва кўз юмаётганлар ҳам бунга билвосита айбдор. Ҳаммамиз айбдормиз.

Агар мингталаб инсонлар шундан бахт топганини айтса ҳам, шу биргина фожиа юки барини босиб кетади.

@shahnozxon

Тўғриси, ҳозир кўп нарса сунъийлашиб кетди. Суратлар, рекламалар, фильмларни ҳам сунъий идрок воситасида ясашаётган бир даврда ҳақиқий инсон қўли ва ижоди маҳсули бўлган санъат асарларининг қадри яна ҳам ошмоқда.

Юқоридаги видеодаги асарларни кўриб, одамни юраги жиз этади. Булар "Янги Ўзбекистон: маҳалла, анъаналар, инсоний қадриятлар" танловига юборилган асарлар экан. Халқимизда истеъдодлар кўп, уларни кўриш, кашф эитш керак.

Бу расмларни оддий маҳалладошларимиз яратганига ишониш қийин.

Майнинг бошида (1-5 май) Марказий кўргазмалар залида шу асарларнинг кўргазмаси бўларкан.
Мустақиллигимизнинг 35 йиллигига чиройли совға.

Бориб, ўша ердаги атмосферани ҳис қилиб келишни маслаҳат бераман.

@shahnozxon

"Заковат"дан қизиқ савол

Ўрта махсус ва профессионал таълим муассасалари ўқувчилари ўртасидаги “Заковат” мусобақасида ўйналган ушбу саволга ким биринчи ва тўғри жавоб топиб изоҳда ёзар экан?

Қани, вақт кетди, билимдонлар!

Мабодо тополмаган бўлсангиз, жавоби бу ерда))

“Moziyga qaytib” nomli adabiy-maʼrifiy tadbir tashkil etilmoqda

Tadbir “Oʻtkan kunlar” romanining 100 yilligi munosabati bilan oʻtkazilmoqda.

Axborot hamkori – Oyina.uz portali.

Batafsil: https://oyina.uz/uz/posts/32778

Rasmiy sahifalarimiz👇

Telegram | Instagram* | X | YouTube

Bugun Xalqaro kitobxonlik kuni – biz "TOP 100 kitobxon" tanloviga start berdik.

Yoshlar ishlari agentligi bugun katta loyihalarini taqdimot qildi. Eng kattasi – yaqindagina Prezidentimizga taqdimot qilingan "Yangi O‘zbekiston yoshlari – 2030" strategiyasi bo‘ldi.

Strategiya kuchli ishlangan. Juda ko‘p yo‘nalishlarda yoshlarga grantlar, subsidiyalar, imtiyozlar berilyapti. Masalan, chekka hududlarda o‘quv kurslari ochmoqchi bo‘lgan yoshlarga dastlab 130 million, agar uni erta o‘zlashtirib, uzilsa, yana 300 million (va hk, miqdor o‘sib boraveradi) miqdorda subsidiya (foizsiz qarz) brilar ekan. Yana 6 oylik imtiyozli muddati bilan 3 yilga! Bu jamg‘armaga "Ko‘mak" deb nom berilibdi (xuddi bundan bir asr ilgari jadid bobolarimiz ochgan jamg‘arma bilan otdosh – naqadar ramziy).

Yana til o‘rganish, kitobxonlik, volontyorlik, tadbirkorlik yo‘nalishlari, universitetni bitirgan yoshlarning ishga joylashuvi, yoshlarning ruhiy salomatligi (o‘z joniga qasd qilish kabi holatlar ko‘paydi) kabi yo‘nalishlarda talay imtiyoz va imkoniyatlar bor.

Imkoniyatlardan foydalaninglar, tanish-bilish, do‘st-yoron-u farzandlaringizga, ularning ham do‘stlariga tarqatinglar. Yoshlar, foydalanib qoling, davringiz keldi.

Sal erta tug‘ilib qo‘ygan ekanmizmi))

Ayniqsa kitob sotuvchilar va chop etuvchilarga, faol ijodkorlarga berilishi belgilangan grant va mukofotlarni ko‘rib ruhlanib ketdim.

Suratda esa biz Kitobxonlikni rivojlantirish bo‘yicha PQ-9-sonli Prezident qarorida nazarda tutilgan "Top-100 kitobxon" tanlovigaramziy start beryapmiz. Tanlovda qatnashinglar – chop etilayotgan biron kitob o‘qilmay qolmasin!

@shahnozxon

ЖССТ раҳбари: "Зироат Мирзиёева — болалар онкологиясига қарши курашда ҳақиқий етакчи"

Жаҳон соғлиқни сақлаш ташкилоти раҳбари Тедрос Гебрейесус Ўзбекистон Биринчи хонимининг инсонпарварлик миссиясини юқори баҳолади. У ўз постида шундай ёзади: "Зироат Мирзиёева билан болалар саратонига қарши кураш ва соғлиқни сақлашдаги тенгликни таъминлаш борасидаги саъй-ҳаракатларни муҳокама қилганимдан мамнунман".

Доктор Тедроснинг хулосасига кўра, Зироат Маҳмудовнанинг бу соҳадаги етакчилиги ва шахсий ташаббуслари кўплаб болалар ҳаётини сақлаб қолишда муҳим пойдевор бўлиб хизмат қилмоқда. Халқаро ҳамжамият Ўзбекистоннинг бу борадаги тажрибасини диққат билан кузатмоқда.

@shahnozxon

Соат масаласида

Исроф
Ўзи бор-йўғи вақтни кўрсатиши учун сотиб олинадиган матоҳ, бунча қимматини олиш нимага керак?

Худди шундай кроссовка ҳам, барибир бир умр кийилмайди, нари борса бир неча йилгина хизмат қилади, лекин фалон пуллигини олишади, кийишади, тақишади, оммага чиқишади ва шунча савол туғдиришади. Булар оддий буюмку, барибир вақтингиз кўпроқ ёки қадамингиз тезроқ бўлмайди улар билан. Ҳеч тушунмайман-да...

Сиёсий фаросат(сизлик)
Коррупцияга қарши кураш энг юқори даражаларда айтилиб, назорат кучайтирилиб, шунча ишлар қилиняпти. Лекин бир олифталик жамиятга ёмон мессеж юборяпти. Бунинг номини сиёсий фаросат(сизлик) дейилади. Исроф оқибати шу.
Амалдорнинг ҳар бир қимматбаҳо буюми – қимматбаҳо ишонч кредитининг йўқолиши бўлади.

Одамлар бу дабдаба ниманинг ҳисобидан деб ҳақли сўрашяпти ва жавобини олишолмагач, хулоса қилишяпти. Бу хулосалар, афсуски, унутилмайди, таъсир қилади.

Қолоқлик
Бизда ҳамон мешчанлик кайфияти жуда кучли. Тўй қилса ҳам дабдаба, соат тақса ҳам – кўўўп пул сарфланган бўлиши керак, мақтаниши керак, ҳамма кўриб "ооо" дейиши керак. Карьера борасида шундай юксак чўққига чиқиб борган инсонлар яхши ишлаб зўр натижалар орқали ўзини кўрсатиши, тарих яратиши, яхши ном қолдириши мумкин – қандай имконият а? Унинг олдида бу буюмлар нима деган нарса? Аммо приоритетлар... афсуски улар ҳамон эскича.

Дунё аллақачон бошқа даражага кўтарилди, машҳурлар хайрия ишлари, қилган эҳсонлари ва ижтимоий лойиҳалари билан мақтанаётган замонда бизнинг бойлар ҳамон машинаси, данғиллама участкаси билан мақтанади. Элитамиз эса брендпарастликда илғор.

Камида 100 йил ортда қоляпмиз...
"Бизнинг жаҳолат – жаҳли мураккаб!"

@shahnozxon