Е
Еўрарадыё | Еврорадио
@euroradio
22.05.2026 09:02
Хто разганяе цэны на кватэры? Затрыманы Аляксей Хлястоў. Ціханоўская едзе ў Кіеў? Абмяркоўваем важныя тэмы і падзеі ў эканоміцы і палітыцы Беларусі і свету ў стрыме з Аляксандрам Кныровічам

Кадастравае агенцтва спрабавала давесці, што кошты на кватэры ў Беларусі разганяюць не расіяне. Але не атрымалася. Абмяркуем гэта ў стрыме з блогерам Аляксандрам Кныровічам.

Таксама пройдземся па выніках выбараў у Каардынацыйную раду (ці легітымны цяпер гэты орган?), і пра апошніх зігзагах беларуска-ўкраінскіх адносінах (Лукашэнка плюшчом лезе ў мірныя перамовы, у Кіеве яго адшываюць: "Мае звычку крыху тупавата прыдумляць пастфактум").

А яшчэ пагаворым пра затрыманне спевака Аляксея Хлястова. І пра пенсійную катастрофу, якая чакае беларусаў, калі не пачаць рэформы ўжо цяпер.

Глядзіце стрым тут, задавайце пытанні: https://www.youtube.com/watch?v=KsB3WaR-aYA
YouTube
Задержан Алексей Хлестов — певец на Окрестина. Вышло его обращение / Кнырович
🔥 Сябры, Еўрарадыё робіць новую кароткую апытанку — каб даведацца, які кантэнт вы хацелі б у нас бачыць: https://forms.gle/JmPCh4FTv5nHGabX6 ___________________________________________ Кнырович https://www.youtube.com/@knyrovich на Еврорадио. Обсуждаем последние новости, работу демсил, телефонный разговор Лукашенко и Путина, экономику Беларуси. ⚡️ Встреча со Свердловым и Кныровичем в Познани 27 мая — квиз "Пытаннечкі": https://docs.google.com/forms/d/e/1FAIpQLScmcyXKA4FVUG-oZxD2-ufZJQzyMGchyc3h2NWIhqfsez4MPw/viewform 📌 Сбор — помощь беларуске с двумя маленькими детьми: https://bysol.org/be/private/aleksandra_kruk/ ___________________________________________ 💥 Вы можете задать вопрос с донатом, его обязательно озвучат — в чате есть кнопка с долларом! Внимание: троллинг и оскорбления озвучены не будут. А вопросы, присланные под конец, зачитать мы просто не успеем! ___________________________________________ Поддержите работу редакции: 👍 Платная подписка на YouTube: https://www.youtube.com/channel/UC1v_dekbxqgQjBQ2fg39uBg/join 👍 Купите книгу Змитра Лукашука: https://www.patreon.com/euroradio Помните о безопасности: не используйте беларуские карты ___________________________________________ ❗️Слушать Еврорадио можно на волнах FM: 99,2 FM в БРЕСТЕ, Каменце, Малорите, Белой‑Подляске, Высоком 98,1 FM в ГРОДНО, Волковыске, Щучине, Лиде, Мостах, Лунно, Сопоцкине, Берестовице, Скиделе, Индурах, Зельве, Озёрах, Гайновке, Бельске‑Подляском, Семятычах, Соколке, Августове и Белостоке На радио выходит программа ЕвроЗум с обзором новостей. По будням в 6:00 и 19:05, по субботам в 6:00 ___________________________________________ ⚡️ Настроить спутниковую тарелку на платформу Belarus Tomorrow: Satellite: Hotbird 13G at 13.0E Transponder: tp 122 Frequency: 10949 MHz Polarization: Vertical Symbol rate: 27500 Ksym/s FEC: 2/3 Modulation: DVB-S2/8PSK ___________________________________________ Подписывайтесь на наши соцсети: 💎 Телеграм: https://t.me/euroradio 💎 Инстаграм: https://instagram.com/euroradio 💎 Фейсбук: https://www.facebook.com/euroradio.fm 💎 ТикТок с аналитикой: https://www.tiktok.com/@euroradio 💎 ТикТок с новостями: https://www.tiktok.com/@euroradio.news
😢 1
120
Е
Еўрарадыё | Еврорадио
@euroradio
22.05.2026 08:36
Журналіст-палітвязень Кірыл Пазняк трапіў у шпіталь пры СІЗА №1 у цяжкім стане. Пра гэта ў сацсетках паведаміла журналістка Алена Пакала:

Права на ахову здароўя — гэта базавае права чалавека. Прашу зрабіць тых, ад каго гэта залежыць, усё, каб захаваць чалавечае жыццё!


Пазняк быў затрыманы разам з дачкой 4 верасня 2025 года. У гэты дзень ютуб-канал "Платформа 375", які ён вёў, быў прызнаны "экстрэмісцкім фармаваннем". На канале ён у 2021-2022 гадах арганізаваў некалькі дэбатаў паміж праўладнымі прапагандыстамі і палітуцекачамі.
🤬 6
🙏 1
2 395
Е
Еўрарадыё | Еврорадио
@euroradio
22.05.2026 08:18
Рэпетытарам дазволяць працаваць пасля ўнясення ў дзяржрэестр. Такая норма ўнесеная ў праект ўрадавай пастановы.

Міністэрства адукацыі не хавае, што гэтае новаўвядзенне скіраванае ў першую чаргу супраць людзей, якія пацярпелі ўжо ад палітычных рэпрэсій. Цяпер іх хочуць пазбавіць магчымасці зарабляць на жыццё рэпетытарствам:
🤬 8
😁 4
6 520
Е
Еўрарадыё | Еврорадио
@euroradio
22.05.2026 07:44
Еўрарадыё | Еврорадио Видео: Затрыманы Аляксей Хлястоў. Пра гэта ў Threads распавяла жонка спевака. Паводле яе, Аляксей знаходзіцца на Акрэсціна. Пасля 2020-га году Аляксей трапіў у “чорныя спісы” і яму забаранілі выступаць у Беларусі. Мужчына працаваў у таксі.
"Хутчэй за ўсё я знаходжуся на так званай "прафілактычнай размове". У акаўнце Аляксея Хлястова з'явілася відэа, якое ён запісаў да затрымання.

Ён распавёў, што яго запрасілі на размову ў транспартную міліцыю. Па яго словах, ён ужо меў некалькі размоваў з сілавікамі — у тым ліку з супрацоўнікамі ГУБАЗіКу.

Пра затрымання спевака распавяла яго жонка. Ён зараззнаходзіцца ў Акрэсціна.
🤬 32
❤ 1
1 18 770
Е
Еўрарадыё | Еврорадио
@euroradio
22.05.2026 07:35
Каго глядзець/слухаць сёння на @euroradio? Трымайце анонс стрымаў на пятніцу (час пазначаны беларускі):

12:00 — блогер Аляксандр Кныровіч

13:00 — журналістка Вольга Лойка

14:00 — палітычны аглядальнік Аляксандр Фрыдман

16:00 — былы палітвязень Павел Севярынец

Глядзіце стрымы на ютуб-канале Еўрарадыё, задавайце пытанні!
👍 2
4 722
Е
Еўрарадыё | Еврорадио
@euroradio
22.05.2026 07:11
21 траўня адбылося больш за дзесяць ператрусаў у актывістаў, якія пакінулі Беларусь. Пра гэта стала вядома праваабарончаму цэнтру "Вясна".

Прынамсі частка ператрусаў была звязаная з удзелам у святкаваннях Дня Волі ў Варшаве і Вільні. Раней сілавікі пагражалі ўдзельнікам акцыі, што будуць займацца іх палітычным пераследам.
🤬 16
🖕 4
7 754
Е
Еўрарадыё | Еврорадио
@euroradio
22.05.2026 06:37
Дзяўчына ў Мінску выйшла на праезную частку, каб зняць трэндавае відэа. Але нешта пайшло не так...
😁 16
🥴 8
🤡 5
1 15 938
Е
Еўрарадыё | Еврорадио
@euroradio
22.05.2026 06:07
Затрыманы Аляксей Хлястоў. Пра гэта ў Threads распавяла жонка спевака.

Паводле яе, Аляксей знаходзіцца на Акрэсціна.

Пасля 2020-га году Аляксей трапіў у “чорныя спісы” і яму забаранілі выступаць у Беларусі. Мужчына працаваў у таксі.
🤬 45
🙏 6
💔 3
15 1K
Е
Еўрарадыё | Еврорадио
@euroradio
21.05.2026 20:43
Важныя падзеі і сэнсы чацвярга, 21 траўня ў праграме ЕЎРАЗУМ:

1:14 21 траўня беларусы адзначаюць Дзень салідарнасці з палітвязнямі

21:41 Навіны спорту

25:05 Разбурэнне і існаванне ў падполлі. Як выжываюць пратэстанцкія супольнасці ва ўмовах ціску

33:15 Навіны шоу-бізу

36:17 Беларусы ў Чэхіі. Ці вырашаюцца візавыя пытанні беларускіх мігрантаў?
EUROZOOM_260521.mp3
❤ 4
👍 3
🤮 2
1 1.3K
Е
Еўрарадыё | Еврорадио
@euroradio
21.05.2026 18:11
У пятніцу ў Беларусі чакаюцца дажджы і навальніцы

Згодна Белгідрамету, уначы і зранку ў асобных раёнах будзе згушчацца слабы туман. Вецер прагназуецца паўночна-заходні, заходні ўмераны, пры навальніцах — парывісты.

Тэрмометры ноччу пакажуць ад +9 па захадзе да +16 градусаў па ўсходзе краіны. Удзень паветра прагрэецца да 17-23 градусаў цяпла, у паўднёва-ўсходніх раёнах чакаецца 24-29 градусаў вышэй за нуль.
❤ 9
😢 3
4 1.5K
Е
Еўрарадыё | Еврорадио
@euroradio
21.05.2026 17:56
Якія вынікі выбараў у Каардынацыйную раду падвёў для сябе Павел Лібер? Атакі на платформу былі заўважныя, але яны наўрад ці паўплывалі на яўку.

“Сказаць, што калі б усё працавала ідэальна, прагаласавала б 5 тысяч чалавек, нельга", — кажа распрацоўшчык праграмы для галасавання.

Свежы стрым, дзе падводзяцца вынікі выбараў у КР, глядзіце тут: https://www.youtube.com/watch?v=I2T98jLqXCw

UPD. У першым варыянце паста інфармацыя была пададзеная некарэктна. Выбачаемся!
💯 18
😁 8
❤ 7
7 11 1.5K
Е
Еўрарадыё | Еврорадио
@euroradio
21.05.2026 17:21
“Незаняты падлетак — гэта не толькі патэнцыйная ахвяра злачынства, але і рызыка ўключэння ў супрацьпраўныя дзеянні”, — заявіў адзін з ідэоалагаў Мінабароны, падпалкоўнік Артур Бабаханян.

Праз гэта падлеткаў, якія скончылі 10 клас, сёлета масава адпраўляюць на 10-дзённыя вучэбна-палявыя зборы. Афіцэр перакананы, што у такіх летніках дзеці не мусяць мець вольнага часу:

“Цябе паднялі, пакармілі, правялі заняткі, зноў пакармілі, далі крыху адпачыць. Усе гаджэты, вядома, забралі. Зноў правялі з табой заняткі, запрасілі выступіць лідара грамадскай думкі, увечары паглядзелі фільм ваеннай тэматыкі, прымусілі памыцца, паклалі спаць, а з раніцы зноў паднялі“.

Падчас збораў пражываць вучні будуць ў намётавых мястэчках, таксама будуць вучыцца страляць на вайсковых палігонах. Бабаханян мяркуе, што за гэты час падлетак “навучыцца хоць нейкай самастойнасці".

Сёлета ў беларускіх летніках маюць адпачыць 400 тысяч дзяцей.
😁 10
🤬 9
💊 8
9 8 1.4K
Е
Еўрарадыё | Еврорадио
@euroradio
21.05.2026 17:03
Вярхоўны лідар Ірана забараніў вывозіць узбагачаны ўран з краіны. І гэта можа ўскладніць і так складаныя перамовы з ЗША — Дональд Трамп называе вываз урану абавязковай умовай здзелкі.

Краіны не даюць рады дамовіцца ўжо больш за месяц. На дадзены момант Іран мае чарговыя “некалькі дзён”, каб сфармуляваць “правільны адказ” на апошнюю амерыканскую прапанову. Калі не — прэзідэнт ЗША пагражае Тэгерану аднавіць бамбардзіроўкі.
🤬 12
🤯 4
🤡 3
2 1.3K
Е
Еўрарадыё | Еврорадио
@euroradio
21.05.2026 16:26
Праваабаронцы паведамляюць пра масавыя ператрусы ў мінскіх кватэрах з’ехаўшых актывістаў.

Сярод тых, да каго прыйшлі ў чацвер, — праваабаронца “Вясны” Уладзь Лабковіч, якога выдварылі з Беларусі ў сакавіку. Па яго словах, вобшук адбыўся ў межах новай крымінальнай справы, узбуджанай за яго дзейнасць пасля вызвалення з турмы.

Паводле Лабковіча, санкцыя на ператрус выданая Генеральнай пракуратурай, што сведчыць аб цяжкасці абвінавачванняў.

"Вясна" дадае, што частка сённяшніх ператрусаў звязаная з удзелам у святкаваннях Дня Волі ў Варшаве і Вільні.
🤬 35
😁 2
👏 1
2 6 1.4K
Е
Еўрарадыё | Еврорадио
@euroradio
21.05.2026 15:41
Уладзімір Зяленскі параіў беларускім уладам “быць у тонусе” і разумець рэальныя наступствы ў выпадку агрэсіўных дзеянняў супраць Украіны.

“Мы памятаем, што ў 2022 годзе наступленне было і з тэрыторыі Беларусі. Мы гэтага не забудзем", — дадаў прэзідэнт Украіны, знаходзячыся недалёка ад беларуска-украінскай мяжы — у Славуцічы.

У той жа час Лукашэнка заявіў, што гатовы сустрэцца з Зяленскім дзе заўгодна — хоць у Беларусі, хоць ва Украіне. А яшчэ — што Беларусь рыхтуецца да вайны.

“А ўжо будзе вайна ці не — гэта не ад нас залежыць”, — дадаў беларускі кіраўнік.

Гэта той выпадак, калі Лукашэнка мае рацыю на ўсе 100%, — піша палітычны аглядальнік Аляксандр Фрыдман:

Пра што размаўляць прэзідэнту Украіны з галоўным (і адзіным паўнавартасным) саюзнікам ворага, які да таго ж сам прызнае, што ад яго пытанні вайны і міру не залежаць?
👍 23
🤡 9
🔥 5
1 8 1.4K
Е
Еўрарадыё | Еврорадио
@euroradio
21.05.2026 15:07
На што варта звяртаць увагу беларусам: на курс долара ці на цэны?

На гэтае пытаннне @euroradio адказвае эканамістка Аліса Рыжычэнка.

Свежы стрым з эксперткай глядзіце тут: https://www.youtube.com/watch?v=eQHXPGKXTk4
❤ 8
🔥 3
😁 2
1 1.4K
Е
Еўрарадыё | Еврорадио
@euroradio
21.05.2026 14:37
Праект К6 Live, які пачынаўся як музычнае шоў на ютубе а вырас у магутны беларускі незалежны музычны рух у Варшаве, просіць падтрымкі.

За 10 месяцаў існавання К6 Live падарыў аматарам беларускай музыкі 5 унікальных выпускаў з беларускімі гуртамі Lubber Louie, LÖS band, Сербскі Нож, Ковельскія Псы, Кміт-ансамбль. А яшчэ — стаў платформай для андэграўднай сцэны з вечарынамі і канцэртамі, аб’яднаўшы музыкаў, паэтаў і слухачоў.

У планах — 6 выпускаў і серыя лайв-канцэртаў. Вішанькай на торце мае стаць святочны фінальны эпізод да дня народзінаў праекта з выступам višniovy tort. На яго і збіраюцца грошы.

Стваральнікі праекта кажуць, што для іх К6 — гэта спосаб дакументаваць тое, што адбываецца з беларускай музыкай сёння: як яна змяняецца, выжывае, пераязджае і працягвае існаваць нават пасля разбурэння звыклых сцэн і інфраструктуры.

Дык давайце ж дакументаваць разам! Зрабіць гэта можна тут: https://gronka.org/#/causes/recmGgge8LMzAZSFD
❤ 27
💩 1
🥴 1
7 1.3K
Е
Еўрарадыё | Еврорадио
@euroradio
21.05.2026 14:18
Фінансавыя паказчыкі медыяхолдынга, якім кіруе нявестка Лукашэнкі, сталі "дзяржаўнай падатковай таямніцай". Адпаведную пастанову выдаў Савет міністраў, заўважыла "Бюро".

Пад грыф "сакрэтна" трапілі амаль усе актывы, звязаныя з Ганнай Лукашэнка, больш вядомай як аўтарка тэкстаў песень Ганна Сялук. Гаворка ідзе пра "Музычную медыякампанію" (медыяпрадакшн), "Музычную частату" (яна акумулюе дзейнасць трох радыёстанцый) і нават нядаўна створанае рэкламнае агенцтва "Крэатыўны код".

Апошні год сям’я Лукашэнкі актыўна хавае структурныя і фінансавыя даныя кампаній, звязаных з імі асабіста ды іх блізкімі сябрамі. Раней была засакрэчаная фінансавая справаздачнасць фірмаў, якія кантралююць старэйшыя сыны Лукашэнкі — Віктар і Дзмітрый.

На запыт "Бюро" аб прычынах сакрэтнасці прыватных фірмаў Міністэрства па падатках і зборах адказала, што "раскрыццё запытанай інфармацыі заканадаўствам не прадугледжана".
💩 21
😁 3
🤮 1
2 1.3K
Е
Еўрарадыё | Еврорадио
@euroradio
21.05.2026 13:51
Еўрарадыё | Еврорадио Фото: Літва ўсклала адказнасць за ўчорашні інцыдэнт з беспілотнікам на Беларусь і Расію. Яшчэ адзін дрон. Яшчэ адна паветраная трывога ў краінах Балтыі. Гэтым разам — ля мяжы Літвы з Беларуссю. Была задзейнічана місія НАТА Baltic Air Policing. Гэтыя інцыдэнты з дронамі не адбываюцца ізалявана. Хваля парушэння з выкарыстаннем дронаў ў краінах Балтыі, якая расце, — прамое следства вайны Расіі супраць Украіны і саўдзелу ў ёй Беларусі. Масква і Мінск нясуць адказнасць за парушэнні нашай паветранай прасторы і пагрозы бяспецы грамадзянскага насельніцтва, — заявіў кіраўнік літоўскага МЗС Кястуціс Будрыс. Будрыс адпрэчвае абвінавачванні Расіі ў тым, што краіны Балтыі нібыта садзейнічаюць ўдарам беспілотнікаў па Расіі. Ён называе перакіраванне беспілотнікаў у бок краін Балтыі “актамі адчаю”, спробай пасеяць хаос і адцягнуць увагу ад поспехаў Украіны ў ваенных дзеяннях.
Беларускае МЗС абвінавачвае Літву ў тым, што з яе тэрыторыі ў Беларусь заляцеў… украінскі беспілотнік. Інцыдэнт нібыта меў месца 17 траўня. Праз гэта наша краіна заявіла Літве "рашучы пратэст".

У Мінску лічаць, што Літва нічога не зрабіла, каб не дапусіць дрон у Беларусь. Больш за тое — яна не папярэдзіла пра яго ўзброеныя сілы. Здарэнне называвюць прамой пагрозай бяспецы Беларусі і парушэннем нормаў міжнароднага права.

У сваю чаргу Літва абвінавачвае Беларусь і Расію ў эскалацыі. У сераду жыхарам Вільні і памежных раёнаў давялося спускацца ў бамбасховішчы праз беспілонік, які заляцеў у краіну з тэрыторыі Беларусі. Што праўда, беларускі бок пра гэта Літву папярэдзіў.

Дарэчы, прама цяпер літоўцы зноў бягуць у сховішчы — праз чарговае з'яўленнне дронаў на тэрыторыі краіны, паведамляе "Радыё Свабода".
🤡 32
🤬 2
❤ 1
1 8 1.4K
Е
Еўрарадыё | Еврорадио
@euroradio
21.05.2026 13:26
Пасля прызнання ЕГУ “экстрэмістскай арганізацыяй” установу пакінулі 100 студэнтаў. І гэта лічба можа расці, заявіў у размове з “Радыё Свабода” рэктар універсітэта Вілюс Шадаўскас:

“Найбольшым наступствам ёсць тое, што некаторыя студэнты ўжо пакінулі вучобу, некаторыя патэнцыйна могуць пакінуць вучобу з прычыны пагрозаў іхным семʼям і ім самім”.

Рэктар кажа, што найбольшы адток студэнтаў здарыўся з 14 красавіка па 14 траўня.

Мы пачалі навучальны год з 1600 студэнтамі. Гэта разам з спецыялізаванымі школамі пры ЕГУ. А на 1 сакавіка, калі пачаўся наш другі семестар, у нас было 1129 студэнтаў. Такім чынам, на гэты момант ва ўнівэрсітэце каля 1000 студэнтаў. 100 сышлі праз яго “экстрэмісцкі” статус.


Рэктар дадае, што 70-75% студэнтаў ЕГУ — беларусы. Ён не выключае, што наступны прыём студэнтаў беспасярэдне з Беларусі будзе вельмі складаным.
🤬 17
😢 9
🤯 5
1 2 1.4K