■ လွှတ်တော်အစည်းအဝေးရပ်နားချိန်တွင် လွှတ်တော်ကိုယ်စားလှယ်များနေဖြင့် မိမိတို့ကိုယ်စားပြုသည့်မဲဆန္ဒနယ်များရှိ ပြည်သူများ၏ အရေးကိစ္စများကို ဥပဒေနှင့်အညီ အလေးထားကြိုးပမ်းဆောင်ရွက်ကြရန် မွန်ပြည်နယ်လွှတ်တော်ဥက္ကဋ္ဌ တိုက်တွန်း

ပြည်နယ်လွှတ်တော်အစည်းအဝေးရပ်နားချိန်တွင် လွှတ်တော်ကိုယ်စားလှယ်များနေဖြင့် မိမိတို့ကိုယ်စားပြုသည့်မဲဆန္ဒနယ်များရှိ ပြည်သူများ၏ အရေးကိစ္စများကို ဥပဒေနှင့်အညီ အလေးထားကြိုးပမ်းဆောင်ရွက်ကြရန် ပြည်နယ်လွှတ်တော်ဥက္ကဋ္ဌ ဦးသက်ထွေးက တိုက်တွန်းပြောကြားသည်။

ဧပြီ ၁၀ ရက်က ကျင်းပပြုလုပ်ခဲ့သည့် တတိယအကြိမ် မွန်ပြည်နယ်လွှတ်တော် ပထမပုံမှန်အစည်းအဝေး (အဋ္ဌမနေ့) တွင် လွှတ်တော်ဆောင်ရွက်ချက်များအား အနှစ်ချုပ်တင်ပြရာ၌ ပြည်နယ်လွှတ်တော်ဥက္ကဋ္ဌက ထိုသို့ ထည့်သွင်းပြောကြားခဲ့ခြင်းဖြစ်သည်။

■ Website Link >>>> https://news-eleven.com/article/311235

■ မြဝတီတစ်ဖက်ကမ်း မဲဆောက်မြို့ TK ကြီးစက်ရုံတွင် သင်္ကြန်အထူးလျော့ဈေး ဈေးရောင်းပွဲတော်ကျင်းပ

မြဝတီတစ်ဖက်ကမ်း မဲဆောက်မြို့ TK ကြီးစက်ရုံတွင် သင်္ကြန်အထူးလျော့ဈေး ဈေးရောင်းပွဲတော် ကျင်းပလျက်ရှိရာ မြဝတီဘက်မှလာရောက်သည့် မြန်မာနိုင်ငံသားအများအပြား လာရောက်ဝယ်ယူသူများဖြင့် စည်ကားလျက်ရှိကြောင်း သိရသည်။

မဲဆောက်မြို့ အဝတ်အထည်ဈေးကွက်မှာ လက်လီ၊ လက်ကား ဖြန့်ဖြူးရောင်းချပေးနေသော TK Outlet Maesod ၏ သင်္ကြန်ပရိုမိုးရှင်း အထူးအစီအစဉ်များကို ဧပြီ ၃ ရက်မှ ဧပြီ ၁၆ ရက်အထိ နေ့စဉ် နံနက် ၈ နာရီမှ ညနေ ၆ နာရီအထိ ရောင်းချပေးနေခြင်းဖြစ်ကြောင်း သိရသည်။

အထူးပရိုမိုးရှင်းအနေဖြင့် အထည်များရောင်းချပေးမည့် ၅၀ ရာခိုင်နှုန်းလျော့ပြီး ရောင်းချသော ရွှေနာရီအချိန်အဖြစ် နေ့စဉ် မွန်းလွဲ ၂ နာရီချိန်မှ ညနေ ၃ နာရီခွဲအထိ ရောင်းချလျက်ရှိကြောင်း သိရသည်။

■ Website Link >>>> https://news-eleven.com/article/311232

■ ရုရှားတွင် ငွေကြေးအလွဲသုံးစားမှုဖြင့် ဗိုလ်ချုပ်ကြီးဟောင်းတစ်ဦး ထောင်ဒဏ် ၁၉ နှစ်ချမှတ်ခံရ

ရုရှားနိုင်ငံသည် ၎င်း၏ ကာကွယ်ရေးဝန်ကြီးဌာနရှိ အဆင့်မြင့်အရာရှိကြီးများကို အဂတိလိုက်စားမှုဖြင့် ဖယ်ရှားရှင်းလင်းနေသည့် လှုပ်ရှားမှု၏ နောက်ဆုံးလုပ်ဆောင်ချက်အဖြစ် ဗိုလ်ချုပ်ကြီးဟောင်းတစ်ဦးကို ငွေကြေးအလွဲသုံးစားမှုဖြင့် ဧပြီ ၁၀ ရက်တွင် ထောင်ဒဏ် ၁၉ နှစ် ချမှတ်ခဲ့သည်။

ယူကရိန်းကို ကျူးကျော်တိုက်ခိုက်ရာတွင် လပေါင်းများစွာကြာ ဆုတ်ယုတ်မှုများ ကြုံတွေ့ခဲ့ရပြီးနောက် ရုရှားအစိုးရသည် ၂၀၂၄ ခုနှစ် နှစ်လယ်ပိုင်းတွင် ကာကွယ်ရေးဝန်ကြီးဌာနမှ ခေါင်းဆောင်ပိုင်းကို အကြီးအကျယ် ပြုပြင်ပြောင်းလဲမှုများ စတင်ခဲ့ပြီး အဆင့်မြင့် ဗိုလ်ချုပ်ကြီးများနှင့် အရာရှိအတော်များများကို ရာထူးမှ ထုတ်ပယ်ခြင်း၊ ဖမ်းဆီးခြင်းနှင့် ထောင်ဒဏ်ချမှတ်ခြင်းများ ပြုလုပ်ခဲ့သည်။

ဧပြီ ၁၀ ရက်က မော်စကိုရှိ စစ်ခုံရုံးတစ်ခုက ကာကွယ်ရေးဝန်ကြီးဌာနမှ တာဝန်ရှိသူဟောင်း ပါဗယ် ပိုပေါ့ဗ်ကို လုံခြုံရေး တင်းကျပ်သော အကျဉ်းထောင်တွင် ထောင်ဒဏ် ၁၉ နှစ် ကျခံစေရန် အမိန့်ချမှတ်ခဲ့ခြင်း ဖြစ်သည်။

Ref: AFP
Photos- AFP/AP

■ Website Link >>>> https://news-eleven.com/article/311232

■ လေကြောင်းတိုက်ခိုက်မှုများကြောင့် အီရန် အမြင့်ဆုံးခေါင်းဆောင်သစ် မိုဂျ်တာဘာ၏ မျက်နှာတွင် ရုပ်ပျက်ဆင်းပျက်ဖြစ်ခဲ့ပြီး ပြင်းထန်သည့် ဒဏ်ရာများရရှိခဲ့ကြောင်း ရိုက်တာသတင်းတွင် ဖော်ပြ

အီရန်စစ်ပွဲအစပိုင်းတွင် ဖြစ်ပွားခဲ့သေည့် လေကြောင်းတိုက်ခိုက်မှုအတွင်း အီရန် အမြင့်ဆုံးခေါင်းဆောင်သစ် မိုဂျာတာဘာ ခါမေနီ၏ မျက်နှာတွင် ရုပ်ပျက်ဆင်းပျက်ဖြစ်ခဲ့ပြီး ပြင်းထန်သည့် ဒဏ်ရာများရရှိခဲ့ကြောင်း အီရန်၏ အထူးသီးသန့်အသိုင်းအဝိုင်းနှင့် နီးစပ်သူ သုံးဦးက ရိုက်တာသတင်းဌာနကို ပြောကြားခဲ့သည်။

လက်ရှိတွင် မိုဂျ်တာဘာသည် မျက်နှာနှင့် ခြေထောက်ဒဏ်ရာများမှ ပြန်လည်သက်သာလာစေရန် ကုသမှုခံယူနေရဆဲဖြစ်သည်ဟုဆိုသည်။

တီဟီရန်မြို့လယ်ရှိ ထိပ်သီးခေါင်းဆောင်၏ စံအိမ်ဝင်းအတွင်း တိုက်ခိုက်ခံရမှုကြောင့် မိုဂျ်တာဘာ ခါမေနီ၏ မျက်နှာမှာ ရုပ်ပျက်ဆင်းပျက်ဖြစ်ခဲ့ရပြီး ၎င်း၏ခြေထောက်တစ်ဖက် (သို့မဟုတ်) နှစ်ဖက်စလုံးတွင် ပြင်းထန်သော ဒဏ်ရာများ ရရှိခဲ့ကြောင်း သတင်းမြစ် သုံးခုစလုံးက ဆိုသည်။
အသက် ၅၆ နှစ်အရွယ်ရှိ ခါမေနီသည် ရရှိထားသော ဒဏ်ရာများမှ ပြန်လည်သက်သာလာနေပြီး စိတ်ပိုင်းဆိုင်ရာအရလည်း ထက်မြက်မှုရှိနေဆဲဖြစ်ကြောင်း အမည်မဖော်လိုသည့် အဆိုပါသတင်းမြစ်များက ပြောကြားခဲ့သည်။

အမေရိကန်နှင့် အစ္စရေး၏ တိုက်ခိုက်မှုများကြောင့် ၎င်း၏ဖခင်ဖြစ်သူ အယာတိုလာ အလီခါမေနီသေဆုံးခဲ့ပြီးနောက် မတ်လ ၈ ရက်တွင် ဖခင်ဖြစ်သူခါမေနီ၏ နေရာတွင် အစားထိုးခန့်အပ်ခံခဲ့ရချိန်ကတည်းက မိုဂျ်တာဘာ ခါမေနီ ၏ ဓာတ်ပုံ၊ ဗီဒီယို သို့မဟုတ် အသံဖိုင်တစ်ခုတစ်လေမျှ ထုတ်ပြန်ခြင်းမရှိသေးပေ။

ထို့ကြောင့် ၎င်း၏လက်ရှိ တည်နေရာ၊ ကျန်းမာရေးအခြေအနေနှင့် နိုင်ငံကိုအုပ်ချုပ်နိုင်စွမ်း ရှိ၊ မရှိ ဆိုသည်မှာ အီရန်ပြည်သူများအတွက် နက်နဲသော လျှို့ဝှက်ချက်တစ်ခုအဖြစ် ရှိနေဆဲဖြစ်သည်။
မိုဂျ်တာဘာ ရရှိခဲ့သည့် ဒဏ်ရာအတိုင်းအတာ သို့မဟုတ် ၎င်း၏ ပုံရိပ်နှင့် အသံမှတ်တမ်းများ ယနေ့တိုင် ထွက်ပေါ်မလာရခြင်း အကြောင်းရင်းများနှင့်ပတ်သက်၍ ရိုက်တာသတင်းဌာန၏ မေးမြန်းမှုများကို ကုလသမဂ္ဂဆိုင်ရာ အီရန်သံအဖွဲ့က တစ်စုံတစ်ရာ ပြန်လည်ဖြေကြားခြင်း မရှိသေးပေ။

■ Ref: Reuters

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : @elevenmediagroup
■ Eleven Viber : https://vb.me/elevenmediagroup

■ အီရန်နှင့်ဆွေးနွေးရန် အမေရိကန်ဒုသမ္မတ ဂျေဒီဗန့်စ်ဦးဆောင်သည့် ကိုယ်စားလှယ်အဖွဲ့ ပါကစ္စတန်သို့ ရောက်ရှိလာ

အီရန်နှင့်​ ဆွေးနွေးမှုများပြုလုပ်ရန် အမေရိကန် ဒုတိယသမ္မတ ဂျေဒီဗန့်စ် ဦးဆောင်သည့်အမေရိကန် ကိုယ်စားလှယ်အဖွဲ့သည် ပါကစ္စတန်နိုင်ငံ အစ္စလာမ္မာဘတ်မြို့တော်သို့ ရောက်ရှိလာပြီဖြစ်ကြောင်း လေကြောင်းဆိုင်ရာ သတင်းမြစ်တစ်ခုက ဘီဘီစီသတင်းဌာနကို ပြောကြားခဲ့သည်။

ဗန့်စ်သည် အထူးကိုယ်စားလှယ် စတိဗ် ဝှစ်ကော့ဖ်၊ ဂျရတ် ကုရှ်နာတို့နှင့်အတူ ဧပြီ ၁၁ ရက်နှောင်းပိုင်းတွင် အီရန်နှင့် ပြုလုပ်မည့် ဆွေးနွေးပွဲများသို့ တက်ရောက်မည်ဖြစ်သည်။

ဗန့်စ်နှင့် ၎င်း၏ ညှိနှိုင်းရေးအဖွဲ့သည် ဧပြီ ၁၀ ရက်က အမေရိကန်မှ ထွက်ခွာလာခဲ့ခြင်းဖြစ်သည်။

ထိုခရီးစဉ် မထွက်ခွာမီတွင် ဗန့်စ်က ၎င်းအနေဖြင့် ဆွေးနွေးပွဲများကို မျှော်လင့်နေကြောင်း၊ သို့သော် အီရန်က မိမိတို့အား လှည့်စားရန် ကြိုးပမ်းမည်ဆိုပါက အမေရိကန်ဘက်က လက်ခံမည် မဟုတ်ကြောင်း သတင်းထောက်များကို ပြောကြားခဲ့သည်။

■ Ref:BBC
■ Website Link >>>> https://news-eleven.com/article/311231

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : @elevenmediagroup
■ Eleven Viber : https://vb.me/elevenmediagroup