■ ရုရှားတွင် ငွေကြေးအလွဲသုံးစားမှုဖြင့် ဗိုလ်ချုပ်ကြီးဟောင်းတစ်ဦး ထောင်ဒဏ် ၁၉ နှစ်ချမှတ်ခံရ

ရုရှားနိုင်ငံသည် ၎င်း၏ ကာကွယ်ရေးဝန်ကြီးဌာနရှိ အဆင့်မြင့်အရာရှိကြီးများကို အဂတိလိုက်စားမှုဖြင့် ဖယ်ရှားရှင်းလင်းနေသည့် လှုပ်ရှားမှု၏ နောက်ဆုံးလုပ်ဆောင်ချက်အဖြစ် ဗိုလ်ချုပ်ကြီးဟောင်းတစ်ဦးကို ငွေကြေးအလွဲသုံးစားမှုဖြင့် ဧပြီ ၁၀ ရက်တွင် ထောင်ဒဏ် ၁၉ နှစ် ချမှတ်ခဲ့သည်။

ယူကရိန်းကို ကျူးကျော်တိုက်ခိုက်ရာတွင် လပေါင်းများစွာကြာ ဆုတ်ယုတ်မှုများ ကြုံတွေ့ခဲ့ရပြီးနောက် ရုရှားအစိုးရသည် ၂၀၂၄ ခုနှစ် နှစ်လယ်ပိုင်းတွင် ကာကွယ်ရေးဝန်ကြီးဌာနမှ ခေါင်းဆောင်ပိုင်းကို အကြီးအကျယ် ပြုပြင်ပြောင်းလဲမှုများ စတင်ခဲ့ပြီး အဆင့်မြင့် ဗိုလ်ချုပ်ကြီးများနှင့် အရာရှိအတော်များများကို ရာထူးမှ ထုတ်ပယ်ခြင်း၊ ဖမ်းဆီးခြင်းနှင့် ထောင်ဒဏ်ချမှတ်ခြင်းများ ပြုလုပ်ခဲ့သည်။

ဧပြီ ၁၀ ရက်က မော်စကိုရှိ စစ်ခုံရုံးတစ်ခုက ကာကွယ်ရေးဝန်ကြီးဌာနမှ တာဝန်ရှိသူဟောင်း ပါဗယ် ပိုပေါ့ဗ်ကို လုံခြုံရေး တင်းကျပ်သော အကျဉ်းထောင်တွင် ထောင်ဒဏ် ၁၉ နှစ် ကျခံစေရန် အမိန့်ချမှတ်ခဲ့ခြင်း ဖြစ်သည်။

Ref: AFP
Photos- AFP/AP

■ Website Link >>>> https://news-eleven.com/article/311232