#PIRLS_2026

O‘zbekiston PIRLS 2026 xalqaro tadqiqotining asosiy sinov jarayonlarida ishtirok etmoqda

Ma’lumki, joriy yilning 15-aprel sanasidan respublikamizdan tanlab olingan maktablarda PIRLS 2026 xalqaro baholash dasturining asosiy sinov jarayonlari boshlandi.

Tadqiqotda ishtirok etish uchun Ta’limdagi yutuqlarni baholash xalqaro assotsiatsiyasi (IEA) tomonidan O‘zbekistonning barcha hududlaridan 164 ta maktab reprezentativlik va tasodifiylik tamoyili asosida tanlab olindi.

Mazkur maktablardan 5947 nafar 4-sinf o‘quvchilari, ularning ota-onalari, 214 nafar boshlang‘ich ta’lim o‘qituvchilari hamda 164 nafar maktab direktorlari ishtiroki rejalashtirilgan bo‘lib, jarayonlar Qoraqalpog‘iston Respublikasi va viloyatlarda bosqichma-bosqich davom etmoqda.

Ma’lumot uchun: PIRLS 2026 tadqiqotida 60 dan ortiq mamlakat hamda ta’lim tizimlari qatnashmoqda va O‘zbekiston ushbu tadqiqotda ikkinchi marotaba ishtirok etmoqda.

Eslatib o‘tamiz, har besh yilda bir marta o‘tkaziladigan PIRLS tadqiqoti 4-sinf o‘quvchilarining o‘qish savodxonligini xalqaro darajada baholaydi.

PIRLS 2026 tadqiqotning oltinchi davri bo‘lib, unda qatnashayotgan barcha davlatlar baholash jarayonida to‘liq raqamli formatda ishtirok etmoqda.

PIRLS 2026 xalqaro tadqiqotining asosiy sinov jarayonlarida ishtirok etayotgan barcha o‘quvchilarimizga omad tilaymiz!

Telegram Instagram*  Facebook*

“AIBO — 2026”: 12 davlat yoshlarini jamlagan xalqaro olimpiada yakunlandi

22-24 aprel kunlari Namangan shahrida Abu Ali ibn Sino nomidagi xalqaro biologiya olimpiadasi (AIBO — 2026) boʻlib oʻtdi. Yurtimiz ikkinchi bor mezbonlik qilgan ushbu olimpiada dunyoning 12 ta mamlakatidan — Turkiya, Ozarbayjon, Mo‘g‘uliston, Belarus, Rossiya, Malayziya, Tailand va Markaziy Osiyo davlatlaridan kelgan 94 nafar o‘quvchi uchun oʻzaro tajriba almashish maydoniga aylandi. Olimpiada doirasidagi ikki bosqichli topshiriqlar xalqaro ekspertlar jalb qilingan holda xolis va qat’iy mezonlar asosida baholandi.

Mazkur xalqaro olimpiadada qatnashib, o‘z bilimini sinovdan o‘tkazgan barcha ishtirokchilarni, shuningdek, mamlakatimiz sharafini munosib himoya qilgan o‘quvchilarimizni tabriklayman. Bu kabi xalqaro tanlovlar yoshlarimizning kelgusi ilmiy izlanishlari uchun mustahkam zamin yaratadi.

Telegram Instagram*  Facebook*

Maktabgacha va maktab ta'limi vazirligi tizimi xodimlari o'rtasida sport festivali bo'lib o'tdi

Telegram Instagram*  Facebook*

#Attestatsiya

✅ Bugun Toshkent shahrida tashkil etilgan malaka toifa sinovlari jarayonlarini ko‘zdan kechirdik.

Shuningdek, testga kirib chiqqan va o‘z navbatini kutib turgan ustozlarimiz bilan ham suhbatlashdik.

🔰 Unda pedagoglar uchun yaratilgan shart-sharoitlar, qulaylik va imkoniyatlar haqida so‘z bordi.

📊 Respublikamiz bo‘ylab 11 kundir davom etayotgan attestatsiyadagi natijalar, statistika va kelgusi rejalar haqida mas’ullar taqdimoti ham bo‘lib o‘tdi.

🌐 Umuman, ustozlarning bilimlarini adolatli va shaffof tarzda sinovdan o‘tkazish, ularni har tomonlama qo‘llab-quvvatlash va rag’batlantirish tizimni rivojlantirishdagi asosiy vazifalardan biri hisoblanadi.

Jarayonlarda ishtirok etayotgan barcha pedagoglarga omad yor bo‘lsin!

Telegram Instagram*  Facebook*

#PIRLS_2026
#oʻquvchi_fikri

PIRLS 2026 Xalqaro tadqiqotlari doirasida dunyo bolalari bilan bir qatorda testda ishtirok etganimdan nihoyatda mamnunman.

Ushbu xalqaro baholash jarayoni menga o‘z bilim va ko‘nikmalarimni kengroq namoyon etish, shuningdek, tengdoshlarim bilan bir safda o‘z salohiyatimni sinab ko‘rish imkonini berdi.

Bu tajriba menga yanada ko‘proq o‘qish, izlanish va bilim olishga bo‘lgan qiziqishimni oshirdi. Savollarni o‘zim o‘qib, tushunishni va tahlil qilishni o‘rgandim.

Kelgusida ham o‘z ustimda muntazam ishlab, yuqori natijalarga erishishga harakat qilaman.

Aysanem Salmenova
Chimboy tumani 3-maktabning 4-sinf o‘quvchisi

Telegram Instagram*  Facebook*

#Yoshlar_bilan_uchrashuv

Bugun poytaxtimizdagi 300-maktabda o’quvchi-yoshlar bilan navbatdagi muloqot uchrashuvimiz bo‘lib o‘tdi.

Har haftaning payshanba kuni intiluvchan, ko‘zlari yonib turgan yoshlar bilan uchrashamiz. Ularning bilimi va keng dunyoqarashi menga hamisha ilhom bag’ishlaydi.

Bugun ham o‘quvchilarimizning yutuqlari, ularning tashabbus va loyihalarini ko’zdan kechirdim, taklif hamda mulohazalariga quloq tutdim.

⚽️ Shu kuni O’zbekiston Futbol assotsiatsiyasi vitse-prezidenti Ravshan Irmatov bilan Hamkorlik memorandumini ham imzoladik.

Bundan ko’zlangan maqsad — futbol sport turiga qiziqadigan yoshlarimizni qo‘llab-quvvatlash, yangi loyihalarni ishga tushirishdan iborat.

🔹 Mart oyida Surxondaryoda o’quvchi qizlarimiz o‘rtasida “Vazir kubogi” musobaqalarini o‘tkazgan edik. Endilikda o’g’il bolalar o’rtasida ham futbol bo‘yicha Respublika musobaqalari tashkil qilinadi.

Telegram Instagram*  Facebook*

Maktab – faqat ta’lim maskani emas, katta g‘oyalar maydonidir

Bugun poytaxtimizdagi 300-sonli umumta’lim maktabida o‘quvchilar bilan o‘tkazgan uchrashuvimiz men uchun kelajagimiz egalari bilan samimiy muloqot bo‘ldi. Har gal yoshlar bilan suhbatlashganimda, ularning dunyoqarashi va dadil takliflaridan yangi bir quvvat olaman.

Sakkizta veb-sayt yaratgan yosh dasturchimiz Behruzning dadilligi tahsinga loyiq. Uning Kundalik.com platformasini takomillashtirish bo‘yicha bergan takliflari va “Mutaxassislar bilan bir jamoada ishlashga tayyorman” degan gapida katta ishonch bor. Biz Behruzni yaqin kunlarda soha mas’ullari bilan uchrashuvga taklif qilamiz va uning salohiyatidan tizimni rivojlantirishda foydalanamiz.

Yana bir iqtidorli o‘quvchimiz, 300 dan ortiq kitob mutolaa qilib, “Yosh kitobxon” tanlovida g‘olib chiqqan Niginaning taklifi ham juda o‘rinli bo‘ldi. U maktab oshxonasini zamonaviy “Book Cafe” shaklida qayta jihozlash g‘oyasini ilgari surdi. Biz bu tashabbusni tadbirkorlar bilan hamkorlikda loyihalashtirib, nasib qilsa, kuzga qadar amalga oshirishni reja qildik.

Maktabning “Kichik akademiya”si a’zosi, IELTS 7,5 va SAT 1600 ball egasi Abdurashid Ramazonovning natijalari barchaga o‘rnak bo‘lishga arziydi. Iqtisodiyot sohasiga qiziqqan bu o‘quvchimiz muddatidan avval Nyu-York universitetining Shanxay filialiga grant asosida qabul qilinibdi. Abdurashid tengdoshlariga xorijiy oliygohlarga hujjat topshirish va grant yutish yo‘llarini o‘rgatish uchun maktabda “Maslahat markazi” tashkil etish tashabbusi bilan chiqdi.

Aziz yoshlar! Intilishdan to‘xtamang, biz sizni doimo qo‘llab-quvvatlaymiz!

Telegram Instagram*  Facebook*

#PIRLS_2026

PIRLS 2026 xalqaro tadqiqotining asosiy sinov jarayonlariga start berildi

Bugun 15-aprel kuni Navoiy va Buxoro viloyatlaridan tanlab olingan maktablarda PIRLS 2026 xalqaro baholash dasturining asosiy sinov jarayonlari boshlandi.

Tadqiqotda ishtirok etish uchun xalqaro tashkilotlar tomonidan O‘zbekistonning barcha hududlaridan 164 ta maktab reprezentativlik va tasodifiylik tamoyili asosida tanlab olindi.

Mazkur maktablardan 6000 nafarga yaqin 4-sinf o‘quvchilari, ularning ota-onalari, 214 nafar boshlang‘ich ta’lim o‘qituvchilari va 164 nafar maktab direktorlari ishtiroki rejalashtirilgan.

PIRLS tadqiqoti doirasidagi testlar o‘quvchilarning o‘qish savodxonligini, xususan:

➖ matndan ma’lumotlarni ajratib olish;
➖ xulosalar chiqarish;
➖ g‘oya va ma’lumotlarni talqin qilish hamda uyg‘unlashtirish;
➖ matn mazmunini baholash va tanqidiy tahlil qilish kabi oʻqib tushunish ko‘nikmalarini baholaydi.

Mazkur xalqaro tadqiqot orqali ta’lim tizimining zamonaviy o‘zgarishlarga moslashuvchanligi aniqlanadi.

Ishtirokchi o‘quvchilarimizga omad tilaymiz!

Ma’lumot uchun, PIRLS 2026 baholash tadqiqotida 60 dan ortiq mamlakat hamda ta’lim tizimlari qatnashmoqda va O‘zbekiston PIRLS tadqiqotida ikkinchi marotaba ishtirok etmoqda.

Telegram Instagram*  Facebook*