БИР ХАТО — БУТУН МИЛЛАТ ОБРЎСИГА ТАЪСИР ҚИЛАДИ.

⚠️ Германияда ўзбекистонликлар учун сохта виза тайёрлаган жиноий тармоқ фош этилди.
“Осон йўл” деб танланган қарор катта муаммоларга олиб келади. Бугунги хатолар эртанги ишончни йўқотади.

✍️ Қонуний йўлни танланг!

Германиядаги бўш иш ўринларига ариза қолдириш:

Хамширалик 1

Хамширалик 2

Гўштни қайта ишлаш

Техник касблар

📢 Хабарни тарқатинг!
👉 @uzmigration

⚠️ Бир неча дақиқада топилган "осон пул" баъзан бир неча йиллик озодликдан маҳрум қилиши мумкин.

Статистикаларга кўра, хорижда ишлаш даврида жиноят ишларига аралашиб қолган кўплаб инсонлар дастлаб шунчаки "бир пакетни етказиб бериш", "танишга ёрдам бериш" ёки "қўшимча даромад" таклифини қабул қилган.

❗️ Энг хавфлиси — уларнинг аксарияти қонунбузарлик содир этаётганини билмаган.

Эсда тутинг: "ичида нима борлигини билмаганман" деган важ жавобгарликдан озод қилмайди.

🛡 Ҳар бир топшириқнинг қонунийлигини текширинг. Шахсий ҳужжатларингизни бегона шахсларга берманг. Тез бойиш ваъдаларига ишонманг.

Хавфсиз миграция — ҳушёрликдан бошланади.

📢 Ушбу хабарни яқинларингизга ҳам юборинг.
👉 @uzmigration

💰 4 минга яқин юртдошимизга 6 миллиард сўмлик компенсация берилди!

Хорижга ташкилий тартибда ишга кетган фуқароларнинг виза, авиачипта ва тил сертификати харажатлари Миграция жамғармаси томонидан қоплаб берилмоқда.

Лекин кўплаб аризалар 3 та оддий хато сабабли рад этилмоқда:

❌ Тўлиқ юкланмаган ҳужжатлар;
❌ Иш берувчи билан меҳнат шартномаси ўрнига бошқа ҳужжатларни юбориш;
❌ Нотўғри банк реквизитларини киритиш.

❗️Компенсациядан фойдаланиш учун ҳужжатларни XORIJDA ISH платформасига диққат билан юкланг.

Видео йўриқнома 👉бу ерда 👈

➡️ Хизмат ойнасига ўтиш

📢 Хабарни тарқатинг!
👉 @uzmigration

Миграция агентлиги, Ташқи ишлар вазирлиги, Ички ишлар вазирлиги, Дин ишлари бўйича қўмита ҳамда Ёшлар ишлари агентлиги вакилларидан иборат ишчи гуруҳ Россия Федерациясида бўлиб турибди.

Хизмат сафари давомида маҳаллий ҳокимиятлар, таълим муассасалари ва иш берувчилар билан юртдошларимизнинг меҳнат ва ижтимоий ҳуқуқларини таъминлаш масалалари муҳокама қилинмоқда.

Жумладан, Новосибирск шаҳар адвокатлар коллегияси билан фуқароларимизнинг меҳнат ҳуқуқлари бузилган ҳолларда малакали адвокатлик хизматларини кўрсатиш бўйича ҳамкорлик шартномаси имзоланди.

Новосибирск вилояти раҳбарияти билан Сурхондарё вилоятининг Термиз шаҳридаги қурилиш техникуми негизида малакали кадрлар тайёрлаш ҳамда уларни Новосибирскдаги йирик қурилиш лойиҳаларида иш билан таъминлаш бўйича келишувга эришилди.

Шунингдек, ишчи гуруҳ Новосибирск вилоятидаги «ТехноПан», «Азия-Сибирь», «Ғарбий Сибирь саноат компанияси», шунингдек, Кемерово вилоятидаги «Стройтрансгаз» корхоналарида вақтинча меҳнат қилаётган юртдошларимиз билан учрашиб, уларнинг меҳнат шароитлари, ижтимоий ҳимояси, ҳуқуқий кўмак ва қонуний меҳнат фаолиятини ташкил этиш масалаларини муҳокама қилди.

📢 Хабарни тарқатинг!
👉 @uzmigration

📢 “VIZA LAB XUSUSIY BANDLIK AGENTLIGI" МЧЖнинг фаолияти тугатилди!

“VIZA LAB XUSUSIY BANDLIK AGENTLIGI" га Ўзбекистон Республикасидан ташқарида иш излаётган шахсларни ишга жойлаштириш учун 2025 йил 29 июлда берилган 926213 сонли лицензия ушбу хусусий бандлик агентлигининг 2026 йил 29 майдаги 2766728-сонли аризасига асосан тугатилди.

❗️“Хусусий бандлик агентликлари тўғрисида”ги Қонунга мувофиқ, МЧЖга фуқароларни хорижга ишга жойлаштириш бўйича хизматлар кўрсатиш таъқиқланади.

📌 Ҳурматли фуқаролар!

Агар “VIZA LAB XUSUSIY BANDLIK AGENTLIGI" билан боғлиқ мурожаат ёки шикоятларингиз бўлса, уларни жорий йил 3 июльга қадар Миграция агентлигига тақдим этишингизни сўраймиз.

☎️ Мурожаат учун: 71 202 33 55 (қисқа рақам 171, 711)

📢 Хабарни тарқатинг!
👉 Сўнгги янгиликлар учун — @uzmigration

🌍 ГЛОБАЛ МИГРАЦИЯ: ЧЕГАРАЛАР ЭМАС, ИМКОНИЯТЛАР МУҲИМ

Халқаро миграция оддий ижтимоий жараён эмас, геосиёсий ва иқтисодий инструментга айланмоқда.

📊 Дунёда миграция иштирокчилари 300 миллиондан ошди (жаҳон аҳолисининг ~3,7%)

📉 Ривожланган давлатлар — чекловларни кучайтирмоқда

Европа Иттифоқида ноқонуний чегара кесиб ўтишлар 35% га камайди

👉 Тренд: “Очиш эмас, саралаш” сиёсати (selective migration)

📊 Миграция иқтисодий ўсиш ва меҳнат бозорини тўлдирувчи асосий омилга айланди.

⚠️ Бироқ, қонуний каналлар қисқариши сабабли ноқонуний миграция ва хавфли йўллар сақланиб қолмоқда.

ХУЛОСА

Дунёда миграция сиёсати 3 асосий йўналишда ўзгармоқда:

🔹 Чеклов + назорат
🔹 Малакали кадрлар учун рақобат
🔹 Қонуний миграция каналларини шакллантириш.

🇺🇿 Ўзбекистон учун аҳамияти:

Глобал ўзгаришлар шароитида энг муҳим вазифа —
✔️ Хорижда ишламоқчи бўлган фуқароларни тайёрлаш
✔️ қонуний каналларни кенгайтириш
✔️ рақобатбардош кадрлар етиштириш.

📢 Хабарни тарқатинг!
👉 @uzmigration

КОРЕЯДАГИ ЎЗБЕК ОТАСИ

Кореянинг KBS телеканали ижодкорлари томонидан тайёрланган таъсирли кўрсатув қаҳрамони — Андижонлик ҳамюртимиз Шуҳрат.

Бугун у Кореянинг "Hyundai Motor Group" корхонасининг энг ишончли ва энг истеъдодли ходимлардан бири сифатида эътироф этилмоқда.

Аммо бу ҳикоя меҳнат ҳақида эмас...

Бу — йиллар давомида оиласи учун ўзини аямай меҳнат қилган отанинг ҳикояси.

Бу — отасининг меҳнати ортидан орзуларига интилаётган фарзандлар ҳақида.

Бу — соғинч, сабр ва меҳр ҳақида.

😍 “Surprise” кўрсатуви ижодкорлари Шуҳрат акадан яширин тарзда унинг турмуш ўртоғи ва уч нафар фарзандини Кореяга олиб келишади.

🫶 Кўп йиллик соғинчдан кейинги учрашувни эса сўз билан тасвирлаб бўлмайди...

Ушбу лавҳа яна бир ҳақиқатни намоён этади: бугун ўзбекистонлик кадрлар нафақат меҳнати, балки ҳалоллиги, масъулияти ва инсоний фазилатлари билан ҳам хорижда юксак қадрланмоқда.

🎥 Видеони томоша қилинг. Бефарқ қололмайсиз.

👇Кўрсатувни тўлиқ кўриш учун ҳавола:
https://youtu.be/MOwd4lKDtPA?si=eOZ_IaH3VR131JJ0

📢 Хабарни тарқатинг!
👉 @uzmigration