БЧБ-сцяг над Сеймам і выразны сігнал Літвы: падтрымка беларусаў працягваецца 

Дарадца Святланы Ціханоўскай па парламенцкім супрацоўніцтве Анатоль Лябедзька падсумоўвае ў відэа вынікі 30 сакавіка ў Вільні.

Гэты дзень адзначыўся шэрагам важных падзеяў: урачыстым узняццем бела-чырвона-белага сцяга на флагштоку Сейма Літвы, двухбаковымі перамовамі Святланы Ціханоўскай са спікерам парламента Юозасам Олекасам, правядзеннем круглага стала і сумеснай прэс-канферэнцыяй.

Падчас перамоваў было ясна пазначана: стратэгія Літвы ў дачыненні да беларускага рэжыму і беларусаў застаецца нязменнай. Падтрымка дэмакратычных сілаў працягваецца, а нармалізацыя адносінаў немагчымая без спынення рэпрэсіяў, вызвалення палітвязняў і спынення гібрыдных атакаў на мяжы. 

Круглы стол у Сейме аб’яднаў больш за 80 удзельнікаў і ўключыў тры панэльныя дыскусіі. Асобная ўвага была нададзеная паспяховым кейсам інтэграцыі беларусаў у Літве: у медыцыне, адукацыі і бізнесе.

Анатоль Лябедзька:

«Такі быў дзень. Ён быў сонечны і святочны».