10-11 лістапада Святлана Ціханоўская знаходзілася з працоўным візітам у Лісабоне. Асноўныя падзеі:

— Сустрэча з Майклам О'Флаерці, камісарам Рады Еўропы па правах чалавека. Абмеркавалі працу Кантактнай групы ў Радзе Еўропы, пытанні падтрымкі палітвязняў і прыцягнення рэжыму да адказнасці.
— Сустрэча з Хеннай Марыяй Віркунен, віцэ-прэзідэнткай Еўракамісіі. Размова была прысвечаная падтрымцы беларускіх IT-кампаніяў у Еўрасаюзе, удзелу ў еўрапейскіх праграмах у сферы тэхналогіяў, грамадзянскай бяспекі і абароны, а таксама дапамозе медыя і ініцыятывам супраць дэзінфармацыі.
— Удзел у канферэнцыі Web Summit 2025. Ціханоўская выступіла ў дыскусіі «Прадпрымальніцтва як права чалавека» разам з заснавальніцай Imaguru Таццянай Марыніч.
— Адкрыццё стэнду Беларусы па ўсім свеце — «Тэхналогіі без межаў».
— Сустрэча з беларускай дыяспарай і прадстаўнікамі IT-сектара. Абмеркавалі праблемы беларусаў у Партугаліі. Офіс накіраваў адмысловы запыт ва ўрадавыя структуры гэтай краіны.
— Інтэрв’ю для міжнародных медыя, дзе Ціханоўская распавяла пра сітуацыю ў Беларусі і працу дэмакратычных сілаў.

Падрабязней — на сайце.