Қанийди бошқа халқпарвар қонунлар ҳам шунақа тезликда қабул қилинса

Муддатидан аввалги сайловларни икки ой ичида ўтказишга имкон берадиган Қонунчиликка ўзгартиришлар Қонунчилик палатасида 2 май куни қабул қилинган, Сенатда эса 4 май куни маъқулланган. Қонун 6 май куни имзоланган.

Бу ўзгартиришлар ҳақида аввалроқ анонслар ёки муҳокамалар бўлгани ҳақида матбуотда бирон хабарга дуч келмадим. Ҳаттоки Сенат ялпи мажлиси кун тартиби белгиланган 1 май кунги расмий хабарда ҳам Сайлов кодексига ўзгартиришлар масаласи йўқ эди.

Катта эҳтимол, ҳар икки палата масалани уч ўқишда бирданига ва бир кунда қабул қилган.

Албатта бу борада процедуравий четланишлар йўқ, ҳаммаси қонуний. Лекин бошқа қонунларга, айниқса халқ ва бизнес манфаатларига оид қонунларда ҳам шундай процедура қўлланилмаётгани ва ҳатто Конституцияда белгиланган муддатлар бузилаётганига бефарқ қолинаётгани саволли.

Яна бир бор эслатиб ўтамиз: "Рақобат тўғрисида"ги қонун янги таҳрирда маъқулланганига 67 кун бўлди. Қонун имзолангани ёки вето қўйилгани ҳақида расмий маълумот йўқ.