Газ импорти май ойида 3,5 карра ошган, экспорт тўхтамаган

Жорий йил май ойида жами 216,4 млн.долларлик табиий ва сунъий газ импорт қилинган (статқўм газ импортини товар газ ва пропан-бутанга ажратмай, тақдим этишда давом этмоқда). Газ импорти ўтган йилнинг майига нисбатан 3,5 карра ошган (ўтган йили эълон қилган энерготоварлар импорти рақамларига қараманг, биронтаси актуал эмас, эҳтимолки, энергетиклар чизиб берган рақамларнинг бир қисми холос).

Эркин қулаётган қазиб олиш ва улкан газ импортига қарамай, экспорт қилиш тўхтамаган, ой давомида 73,5 млн.долларлик газ экспорт қилинган (йил бошидан буён эса 202,9 млн.долларлик).

Бензин импортидан кейин дизель импорти кўрсаткичлари ҳам божхона статистикасига мослаштирилган (бензин импорти бўйича ўтган йилги ҳисоботларга қараманг, кўзингиз чиқиб кетади, яққол чизилган рақамлар ва бу бўйича маҳкама тугул, ҳалигача қанақадир изоҳ ва тушунтиришлар берилгани йўқ).

Май ойининг яна бошқа жиҳатлари олтин яна экспорт қилинмагани, мева-сабзавот экспорти жисмонан қисқараётгани, хизматлар экспорти, хусусан туризм фаол кенгаётгани билан боғлиқ бўлган.

Статқўм олтин импорти бўйича маълумотларни ёпиб қўйгани бўйича қайтиб тикламаган. Лекин экспортда 7- йирик ҳамкоримизга айланган Гонконгга экспорт кўрсаткичларини қайтарган