​Қайси бирига ишонайлик?

Энергетика вазирлигига кўра, февраль ойида 57,1 минг тонна дизель ёқилғиси ишлаб чиқарилган.

Статқўм эса февраль ойи саноат статистикасида дизель ёқилғиси ишлаб чиқариш маълумотларини бермаган. Лекин 2 апрель куни Статқўм матбуот хизмати телеграм каналида жойлаштирилган постда 2026 йил январь-февраль ойларида 81 минг тонна дизель ишлаб чиқарилгани кўрсатилди (бу постнинг дизель ишлаб чиқариш тўғрисидаги қисми ҳозирда ўчирилиб, таҳрирланган, лекин бизда скриншот сақланган). Январь ойи саноат статистикасида ҳисоботида 81 минг тонна дизель ишлаб чиқарилгани инобатга олиб, февралда дизель умуман ишлаб чиқарилмаган, деган хулосага келган эдик (дарвоқе, январь маълумотлари ҳам статқўм ва энергетика вазирлигида фарқланади).

Пароканда ва чалкаш маълумотлар шу билан тугаса қанийди. Энергетика вазирлигига кўра, 2025 йил 1- чорагида 161,2 минг тонна дизель ишлаб чиқарилган. Статқўм ҳисоботига кўра эса, шу даврда 182 минг тонна дизель ишлаб чиқарилган. Этагини ёпсанг боши, бошининг ёпсанг этаги очилиб қолади.

Ёқилғи энергетикасидаги рақамларнинг орқа сана билан ўзгаришлари ва фарқлар биринчи марта эмас. 2024 йил газ қазиб олиш статистикаси, 2025 йил газ қазиб олиш статистикасидаги улкан фарқлар ҳақида аввал ҳам тўхталгандик (бу борада бирон бир расмий изоҳ берилгани йўқ).

Қайси бирига ишонайлик?

P.S. Айни кейсда статқўм рақамларига асосланишда давом этиш керак, деган фикрдаман.