Авиқатновлар учун харажатлар кимга қопланади? Экспортчиларгами ё авиакомпанияларга?

Иқтисодиёт ва молия вазири биринчи ўринбосари Илҳом Норқуловга кўра (9:40 дақиқадан кўринг), логистика муаммолари шароитида зарурат туғилса, авиақатновлар учун харажатлар қоплаб берилиши айтилган. Норқулов интервьюда қўшимча тафсилотларга тўхталмаган.

Ўтган кунги йиғилишда озиқ-овқат маҳсулотларини авиаташув орқали экспорт қилиш ва тадбиркорлар учун арзонлаштирилган тарифларни жорий этиш чораларини кўриш масаласи ҳам кўтарилган эди. Экспортчилар учун маҳсулотларни экспорт қилишда ташиш харажатларининг бир қисмини компенсация қилиш тартиби 2021 йилдан бери мавжуд. Маҳсулотларни экспорт қилишда ташиш харажатларининг 50 фоизигача қисми айнан экспорт қилувчига компенсация қилиб берилади. Норқулов айтаётган харажатларнинг қопланиши қандай бўлади?

Балки компенсация ва субсидияларни яна кўпайтириш ўрнига, ёпиқ авиа бозорни очишни, йўловчи ва юк ташиш сегментларига глобал ва йирик компанияларни киритишни ўйлаб кўрармиз? Халқаро вазият нечанчи марта бизга ишора бермоқда?

P.S. Иқтисодиёт ва молия вазирлигининг аниқлик киритишича, авиақатновлар учун харажатларни қоплаш механизми логистикада муаммоларга дуч келаётган импортчиларга қўлланилади.