Landhelgisgæsla Íslands/Icelandic Coast Guard (Facebook)

Landhelgisgæsla Íslands/Icelandic Coast Guard added an event.

Landhelgisgæsla Íslands/Icelandic Coast Guard (Facebook)

Stjórnstöð Landhelgisgæslunnar barst beiðni um aðstoð frá skipstjóra rússnesks fiskiskips sem var statt djúpt norðaustur af Langanesi og utan íslenskrar efnahagslögsögu, vegna veikinda eins skipverjans um borð.

Eftir samráð við lækni var talið að koma þyrfti manninum undir læknishendur á Íslandi. Varðstjórar í stjórnstöðinni báðu skipstjórann að sigla nær landi og inn í íslenska efnahagslögsögu. Þyrlusveit Landhelgisgæslunnar var kölluð út um kvöldmatarleytið í gær og flaug til að byrja með til Þórshafnar þar sem áhöfnin hvíldist á meðan skipið sigldi nær landi.

Klukkan 4:30 tók þyrlusveitin á loft frá Þórshöfn. Afar slæmt skyggni var á staðnum þar sem fiskiskipið og þyrlusveitin mættust en þrátt fyrir þessar krefjandi aðstæður gengu hífingar vel. Þegar þeim var lokið var flogið með skipverjann á Sjúkrahúsið á Akureyri en þar lenti þyrlan á sjöunda tímanum í morgun.

Þessu langa verkefni lauk svo þegar þyrlan lenti á...

View original post

Landhelgisgæsla Íslands/Icelandic Coast Guard (Facebook)

Tilkynningar til sjófarenda hafa verið sendar til áskrifenda og birtar á vef Landhelgisgæslu Íslands. Þær má finna í ummælum hér að neðan.

Í þessum tilkynningum er m.a. að finna upplýsingar til innsetningar í kort eftir mælingar eftirlits- og sjómælingaskipsins Baldurs.
Baldur hefur á undanförnum misserum verið við dýptarmælingar út af Hornströndum, og hafa í þeim mælingum komið fram frávik frá upplýsingum í núgildandi kortum.

Þessi frávik munu koma inn í nýjar útgáfur sjókorta þegar þau eru fullunninn en brýnt þykir að koma umræddum upplýsingum strax á framfæri við sjófarendur sem munu fara um svæðið.

Því til viðbótar eru upplýsingar um flak, rannsóknarsvæði í Steingrímsfirði og tilfærslu á áður tilkynntu rannsóknardufli í Eyjafirði.

Landhelgisgæsla Íslands/Icelandic Coast Guard (Facebook)

Viljayfirlýsing um nýtt stjórnunarnám í hafsvæðastjórnun á háskólastigi var undirrituð um borð í varðskipinu Þór í Reykjavíkurhöfn í gær.

Um er að ræða samstarfsverkefni Landhelgisgæslu Íslands, Háskólans á Bifröst og Tækniskólans um nám sem leggur áherslu á leit og björgun á sjó, leiðtogafræði og hafsvæðastjórnun.. Markmið námsins er meðal annars að koma til móts við þarfir atvinnulífsins um fagmenntun stjórnenda og tækifæri til frekari starfsþróunar hjá einstaklingum sem starfa í sjávarútvegstengdum greinum. Meginþættir námsins munu byggja á leiðtogafræðum, stjórnun, siglingafræði, lögfræði, öryggismálum auk þess sem áhersla verður lögð á leit og björgun.

Skipulag námsins verður byggt upp í samstarfi við Landhelgisgæsluna. Lengd námsins verður fjórar annir. Hildur Ingvarsdóttir, skólameistari Tækniskólans, segir þetta mikilvægt framfaraskref.

,,Ég fagna því að skólarnir tveir og Landhelgisgæslan séu að taka höndum saman um...

View original post

Landhelgisgæsla Íslands/Icelandic Coast Guard (Facebook)

Stjórnstöð Landhelgisgæslunnar hefur að undanförnu borist fjöldi ábendinga um borgarís á veiðislóðum og siglingaleiðum umhverfis landið. Eins og alltaf þegar slíkar tilkynningar berast eru lesnar út siglingaviðvaranir þar sem sjófarendur eru upplýstir um staðsetningu íssins. Vegna fjölda tilkynninga var ákveðið að áhöfnin á TF-EIR færi í ískönnunarflug á siglingaleiðinni undan Norðvesturlandi, þ.e. frá Sauðanesi að Hornbjargi og á veiðislóð norður af Ströndum.

Vel viðraði til ískönnunarflugsins í gær og þegar þyrlusveit Landhelgisgæslunnar var stutt vestur af Skagatá kom áhöfnin auga á fyrsta borgarísjakann. Þyrlusveitin tilkynnti stjórnstöð Landhelgisgæslunnar um borgarísinn og í kjölfarið var siglingaviðvörun gefin út enda var ísinn í siglingaleið skipa á þessum slóðum.

Þyrlusveitin hélt ferð sinni áfram og þegar hún var stödd norður af Hornbjargi varð áhöfnin vör við stóran borgarís í veðurratsjá þyrlunnar en hann var djúpt...

View original post

Landhelgisgæsla Íslands/Icelandic Coast Guard (Facebook)

Smáforritið, Vaktstöð siglinga, hefur verið uppfært en með forritinu geta skipstjórar tilkynnt stjórnstöð Landhelgisgæslunnar þegar lagt er úr höfn.

Forritið er einkum ætlað minni skipum, en ekkert er því til fyrirstöðu að stærri skip nýti það einnig. Hægt er að nálgast smáforritið í Play Store fyrir Android snjallsíma og í App Store fyrir Apple snjallsíma.
Eftir að forritinu hefur verið hlaðið niður geta skipstjórar skráð sig inn með kennitölu og í framhaldi tilkynnt skip sitt úr höfn. Skipstjórum farþegaskipa gefst jafnframt kostur á að skrá fjölda farþega og áhafnarmeðlima um borð.

Forritið er hannað þannig að ef ferilvöktunarbúnaður skips er óvirkur þegar lagt er úr höfn, birtist skipstjóra ábending um að hafa samband við Vaktstöð siglinga.

Landhelgisgæsla Íslands/Icelandic Coast Guard (Facebook)

Landhelgisgæsla Íslands gegnir mikilvægu hlutverki þegar kemur að leitar-, björgunar- og sjúkraþjónustu á Norður-Atlantshafi. Þáttur stjórnstöðvarinnar í Skógarhlíð er veigamikill þegar mál af slíkum toga koma upp enda er það hlutverk varðstjóra í stjórnstöð að samhæfa aðgerðir og sjá til þess að unnt sé að leysa þau verkefni sem upp koma með farsælum hætti.

Síðastliðnir sólarhringar hafa verið annasamir hjá varðstjórum stjórnstöðvar Landhelgisgæslunnar.

Á sunnudaginn bárust tvær beiðnir um sjúkraflug á haf út. Önnur barst frá íslensku skipi sem var að veiðum í Síldarsmugunni. Skipið var þá um 350 sjómílur frá austurströnd Íslands en í um 230 sjómílna fjarlægð frá Noregi. Beiðni um aðstoð barst stjórnstöð Landhelgisgæslunnar og var það mat vakthafandi læknis þyrlusveitarinnar að sækja þyrfti skipverjann og koma honum undir læknishendur. Varðstjórar stjórnstöðvar höfðu þá samband við kollega sína í björgunarmiðstöðinni í Noregi...

View original post

Landhelgisgæsla Íslands/Icelandic Coast Guard (Facebook)

Nætursjónaukaæfingar hefjast að nýju

Á þessum árstíma er algengt að sjá þyrlu Landhelgisgæslunnar á sveimi seint að kvöldi, því þegar byrjar að dimma að nýju hefst endurþjálfun þyrlusveitar með nætursjónaukum.

Sjónaukarnir eru afar mikilvægir þyrlusveitinni við björgunaraðgerðir í myrkri og eðli málsins samkvæmt er þýðingarmikið að dusta rykið af þeim eftir bjartar sumarnætur. Þeir magna upp það ljós sem fyrir þeim verður en best virka þeir við tungl- og stjörnuskin. Þá eru þeir þannig útbúnir að verði of skært ljós fyrir þeim hætta þeir að virka.

Af þeim sökum þarf lýsing í og við þyrlu að vera þannig úr garði gerð að hún trufli ekki búnaðinn.

Íbúar höfuðborgarsvæðisins munu næstu vikur eflaust heyra í þyrlu Landhelgisgæslunnar á leið sinni til og frá Reykjavíkurflugvelli að kvöldlagi vegna þessara æfinga.

Ljósmyndir: Lloyd Horgan