2000 dan ortiq yer uchastkalarini "E-auksion.uz" orqali sotib oling!


✅ Jizzax viloyatida 96 ta
✅Do'stlik tumani 72 ta
✅Zomin tumani 2 ta
✅Zafarobod tumani 10 ta
✅G'allaorol tumani 7 ta
✅Yangiobod tumani 5 ta


Barcha yerlarni ko‘rish

Ma'lumot uchun:
☎️ (71) 202 21 11

Joriy yilning 13–14 aprel kunlari Oliy Majlis huzuridagi Parlament komissiyasi a’zolari tomonidan Jizzax viloyatining qator tumanlaridagi ijtimoiy masalalar «Fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida”gi Farmon ijrosi doirasida kompleks tarzda o‘rganildi.

O‘rganish jarayonlarida Parlament komissiyasi a’zolari bilan bir qatorda hududiy jamoat fondi xodimlari ham ishtirok etdi. Joylardagi tizimli muammolar, aholini qiynayotgan dolzarb masalalar hamda davlat organlarining ijtimoiy buyurtmalari atroflicha tahlil qilinib, ijtimoiy ahamiyati yuqori bo‘lgan loyihalar aniqlandi hamda ularni qo‘llab-quvvatlash mexanizmlarini takomillashtirishga alohida e’tibor qaratildi.

O‘rganishlarning asosiy maqsadi hududlardagi real ehtiyojlar va dolzarb muammolarni aniqlash hamda ularni hal etish bo‘yicha aniq takliflar ishlab chiqishdan iborat bo‘lib, shu asosda amaliy samara beruvchi loyihalar aniq mezonlar asosida saralab olindi va kelgusida davlat grantlari orqali qo‘llab-quvvatlanishi belgilandi.

Shuningdek, fuqarolik jamiyati institutlari, nodavlat notijorat tashkilotlari va boshqa jamoat tuzilmalarining imkoniyatlaridan samarali foydalanish, ularni aholini qiynayotgan ijtimoiy muammolarni hal etish jarayoniga keng jalb qilishga alohida e’tibor qaratildi.

Hududlardagi o‘rganishlar yakuni asosida 2026-yil uchun davlat grantlari tanlovini e’lon qilish va ushbu tanlov doirasida ijtimoiy ahamiyati yuqori, amaliy natija beruvchi eng muhim va tashabbuskor loyihalarni qo‘llab-quvvatlash belgilab olindi.

Qayd etish joizki, mazkur yondashuv davlat mablag‘laridan maqsadli, samarali va shaffof foydalanishni ta’minlash, jamiyatda ochiqlik va jamoatchilik nazoratini kuchaytirish, shuningdek, nodavlat notijorat tashkilotlarini ijtimoiy muammolarni hal etish jarayoniga keng jalb qilishga xizmat qiladi.

Jizzaxdan Zominga qarab yurganlar yaxshi bilishadiki, bundan atigi besh yoki olti yil oldin adirlik va qirlardan iborat, osmondan bir tomchi suv tushishiga muhtoj bo‘lgan lalmi maydonlar ayni kunlarda katta-katta bog‘-rog‘lar va uzumzorlarga aylangan. Buning zamirida albatta katta mehnat, qunt va mashaqqat yotadi.

Katta yo‘lning yoqasidan tog‘-on bag‘rilariga tutashib ketgan Peshag‘or mahallasida yashovchilarning mehnatkashligi, yer bilan tillashishi ko‘rib, havasingiz keladi. Bugun mahalla ahli tomorqani shunchaki «bog‘-rog‘” emas balki haqiqiy daromad manbaiga aylantirgan.

Qishloq oralab yurib, O‘ktam Boboyevning xonadoniga kirganimizda ko‘z oldimizda yam-ashil manzara namoyon bo‘ldi. 8 sotix yerda tiklangan issiqxonada pomidor va bodringlar xuddi saf tortgan askarlardek gullab yotibdi. Eng muhimi, bu yerda ishlar shunchaki emas, balki ilm bilan, innovatsion agrotexnika asosida yo‘lga qo‘yilgan.

O‘ktam Boboyev suhbat asnosida shunday deydi:

— Ilgari yerga faqat mavsumda, yomg‘ir tushishiga va namga qarab bir marta ekin ekardik, qolgan vaqt yer dam olardi, bo‘sh maydonga qo‘y-qo‘zilarni qo‘yib yuborardik. Hozir zamon o‘zgardi, endi tadbirkorlik bilan ish tutapmiz. Yiliga bir qarich yerdan ikki, uch marta hosil olyapmiz. Bu ham ro‘zg‘orning kam-ko‘stiga, ham farzandlar, nevaralarning o‘qishiga, uylantirish, qiz chiqarish to‘ylariga kattagina madad. Mehnatdan qochmasang, yer seni hech qachon quruq qo‘ymaydi. Hozir bodringni orqasidan pomidorni boshlayapmiz.

Darhaqiqat, Peshag‘ordagi bu tajriba tog‘li va adirlikda joylashgan hududlar uchun o‘rnak bo‘lgulik. Oila nafaqat o‘zini sabzavot bilan ta’minlamoqda, balki tuman, viloyat bozorlariga mahsulotlar chiqarib, qo‘shimcha daromadlar ham topapti. Bu degani – mahallada tadbirkorlik rivojlanyapti, ro‘zg‘orlar but bo‘lyapti.

Prezidentimiz tashabbusi bilan respublikamizda joriy etilgan “Yashil makon” umummilliy loyihasi doirasida har yili bahor va kuz mavsumlarida keng jamoatchilik, nuroniy oqsoqollar, yoshlar, o‘z tashabbusi bilan qatnashayotgan volontorlar, korxona tashkilotlar, qishloq xo‘jaligi sohalari, ayniqsa, “Yo‘l ko‘kalam” davlat muassasasi va o‘rmon xo‘jaliklari ishtirokida ko‘chat ekish tadbirlari uyushqoqlik bilan o‘tkazilmoqda.

Joriy yilgi bahor mavsumida viloyatimizda 5 mln 912 ming tup manzarali, mevali daraxt va buta ko‘chatlari ekilishi rejalashtirilgan.

—Viloyatda 3,2 mln tup ko‘chat zahiralari yaratildi, —deydi viloyat Ekologiya va iqlim o‘zgarishi bosh boshqarmasi shu’ba mudiri Qobil Mingboyev. —Jumladan, o‘rmon xo‘jaliklari tomonidan 2 mln 108 ming, ko‘chatchilik yo‘nalishidagi fermer va dehqon xo‘jaliklarida 487 ming , aholi tomorqalari va boshqa tadbirkorlik subyektlari tomonidan 551 ming hamda akademik M.Mirzayev nomidagi bog‘dorchilik, uzumchilik va vinochilikni rivojlantirish ilmiy tadqiqot institutining Jizzax viloyati ilmiy tajriba stansiyasida 20 ming dona tup ko‘chat zahiralari tayyorlandi.

Keyingi paytda yomg‘ir va qor suvlaridan foydalangan holda “Terassa” usulida o‘rmonzorlar barpo etishga alohida e’tibor qaratilmoqda. Joriy yilda Zomin tumanining tog‘li hududlarida Zomin davlat o‘rmon xo‘jaligi tomonidan 600 gektar maydonda, Baxmal tumanining o‘rmon xo‘jaligiga qarashli tog‘li hududlarida 360 gektar maydonda “Terassa” usulida ko‘chatlar ekilib, o‘rmonzorlar barpo etish ishlari amalga oshirilmoqda.

Qishloq xo‘jaligi yerlarida ham yirik-yirik maydonlarda mevali bog‘lar barpo etilmoqda. Baxmal tumanida faoliyat olib borayotgan fermer xo‘jaliklari tomonidan 200 gektardan ortiq maydonda 230 mingdan ortiq mevali daraxt ko‘chatlari ekildi.

“Yo‘l ko‘kalam” davlat muassasasi tomonidan Sharof Rashidov va Paxtakor tumanlari hududidan o‘tuvchi avtomobil yo‘llari bo‘ylarida 200 ming tupdan ortiq tez o‘suvchi terak daraxti ko‘chatlari ekilib, “Yashil belbog‘lar” barpo etilmoqda.

Forish tumanining Aydar-Arnasoy ko‘liga tutash bo‘lgan cho‘l hududlarida 200 gektar maydonda “Yashil qoplamalar” barpo etish ishlari rejalashtirilgan.

Ayni paytda viloyatimizda “Yashil makon” loyihasi doirasidagi ishlar davom etmoqda.

Do‘stlik tumanida qishloq xo‘jaligi sohasida izchil islohotlar va zamonaviy agrotexnologiyalarni joriy etish ishlari samarali davom etmoqda. Xususan, Umrzoq Mamatqulov fermer xo‘jaliklari hududiy uyushmasi tarkibidagi “Olmos Gamboy” fermer xo‘jaligida joriy mavsumga puxta tayyorgarlik ko‘rilgan.

Nuriddin Botirov rahbarligidagi xo‘jalikda ayni paytda 60 gektar maydonda boshoqli don ekinlari parvarish qilinmoqda, 40 gektar yer maydonida esa ilg‘or agrotexnologiyalar joriy etilmoqda. Jumladan, Shinjon tajribasi asosida qo‘shqator usulida, 76 sxema bo‘yicha xitoy chigiti ekish rejalashtirilgan.

O‘tgan 2025-yilda xo‘jalik har gektardan yuqori paxta hosili olishga erishgan bo‘lsa, joriy yilda 90 sentnerdan ortiq hosil olish ustuvor maqsad qilib belgilangan.

Jizzax shahridagi A.Navoiy mahallasida 4030 nafar aholi istiqomat qiladi. Hududda 1115 ta xonadon va 1530 ta oila mavjud bo‘lib, tomorqa yerlaridan unumli foydalanilmoqda.

Mahallada 11 ta ko‘p qavatli uy va 675 ta hovli uy joylashgan. Ayni paytda shahar hokimligi va mahalla ko‘magida chiqindi yig‘ish shaxobchasi obodonlashtirilib, zamonaviy ko‘rinishga keltirilmoqda.

Shu bilan birga, aholi bandligini ta’minlash, tadbirkorlikni qo‘llab-quvvatlash va ehtiyojmand oilalarga yordam ko‘rsatish bo‘yicha tizimli ishlar amalga oshirilmoqda.

Mahalla ahli hamjihatlikda hududning yanada obod va farovon bo‘lishi yo‘lida faol ishtirok etmoqda.

Sharof Rashidov tumanida 2026-yilgi qishloq xo‘jaligi mavsumi doirasida bahorgi dala ishlari, xususan, chigit ekish jarayonlari yuqori sur’atlarda olib borilmoqda.

Tumanda jami 18 ming gektar paxta-g‘allachilik yer maydoni mavjud bo‘lib, shundan 9300 gektarida g‘alla ekib bo‘lingan. Paxta uchun rejalashtirilgan 7100 gektar maydonning 4 390 gektariga, ya’ni 61,8 foiziga chigit qadab bo‘lingan.

Jumladan, Niyatjon Suvonov fermer xo‘jaligida ham ishlar namunali tarzda tashkil etilgan. Xo‘jalik tasarrufidagi 80 gektar yerning 32 gektarida g‘alla, 40 gektarida esa paxta ekish ishlari olib borilmoqda. Paxta uchun Xitoy seleksiyasiga mansub “1402” navi tanlangan.

�� 1912-yil — Dunyoni larzaga solgan voqea: afsonaviy “Titanik” yo‘lovchi kemasi Atlantika okeanida aysberg bilan to‘qnashib, halokatga uchradi. Natijada 1496 nafar inson hayotdan ko‘z yumdi. Bu voqea hanuz yuraklarni larzaga soladi.

�� 1924-yil — Dunyodagi ilk yo‘l atlasi AQShda nashr etildi. Bugungi zamonaviy navigatsiya tizimlarining ilk qadami aynan shu edi.

�� 1951-yil — Londonda ilk bor butun dunyoni o‘ziga jalb qilgan “Dunyo go‘zali” tanlovi bo‘lib o‘tdi. Go‘zallik, madaniyat va san’atning ramziga aylangan kun!

�� 1955-yil — Rey Krok AQShning Illinoys shtatidagi Des Plaines shahrida birinchi McDonald's restoranini ochdi. Bu kichik qadam keyinchalik global brendga aylanish sari yo‘l ochdi.

�� Bugun tavallud topgan mashhur shaxslar:

✨ Leonardo da Vinchi (1452) — Italiya san’atining faxri, betakror rassom, haykaltarosh, me’mor, olim va muhandis. Uning asarlari bugungi kungacha ilhom manbai bo‘lib kelmoqda.

✨ Emil Dyurkgeym (1858) — Fransuz sotsiologi, jamiyatshunoslik fanining asoschilaridan biri. Uning g‘oyalari zamonaviy ijtimoiy tahlillarning tamal toshini qo‘ydi.

✨ Klaudiya Kardinale (1938) — Italiyada tug‘ilgan kino, televideniye va ovoz aktrisasi. U butun Yevropa kinolarida o‘z o‘rnini topgan iste’dod egasi.

✨ Alla Pugachova (1949) — Mashhur rus qo‘shiqchisi, bastakor va estrada rejissyori. O‘zining betakror ovozi va sahnadagi karizmati bilan millionlab yuraklarni zabt etgan.

– Mas’ullar “Kamchiligi uchun qaytardik”, deb aytadi. Lekin ichiga kirib tahlil qilsa, masala ko‘p. Hamma bilib, bilmaganga oladi, aslida, bu – korrupsiya! Bunga chek qo‘yishning birdan bir yo‘li – raqamlashtirish va sun’iy intellekt

– Bir narsani yaxshi tushunish zarur: agar urbanizatsiya darajasi 1 foizga oshsa, iqtisodiyot ham kamida 1 foizga ko‘payadi, investitsiya oqimi, biznes va startaplar, mehnat unumdorligi karrasiga o‘sadi. Buning uchun respublikada urbanizatsiyani barqaror rivojlantirish bo‘yicha yagona yondashuv bo‘lishi k