#shafqatsizlikni_tuxtataylik

Telegram Facebook*
Instagram* Youtube
Twitter

Prezident Shavkat Mirziyoyev neft-gaz bozorida barqarorlikni taʼminlash, iqtisodiyot tarmoqlari va aholiga uglevodorod resurslarini uzluksiz yetkazib berish chora-tadbirlari yuzasidan taqdimot bilan tanishdi.
—
Президент Шавкат Мирзиёев ознакомился с презентацией по мерам обеспечения стабильности на нефтегазовом рынке, бесперебойного снабжения отраслей экономики и населения углеводородными ресурсами.

#Mirziyoyev #taqdimot #neftgaz #barqarorlik

Telegram Facebook*
Instagram* Youtube
Twitter

— Agrokimyo va tuproq tahlili laboratoriyasi tizimida xalqaro sertifikatlar qo‘lga kiritildi

Telegram Facebook*
Instagram* Youtube
Twitter

O‘zbekiston gilos eksporti bo‘yicha dunyoda 6-o‘rinda

Milliy statistika qo‘mitasi ma’lumotlariga ko‘ra, 2026-yilning yanvar–iyun oylarida O‘zbekiston 11 ta xorijiy davlatga qiymati 57,9 mln AQSH dollari bo‘lgan 23,3 ming tonna gilos eksport qilgan.

BMTning Comtrade xalqaro savdo ma’lumotlar bazasiga ko‘ra, 2024-yilda O‘zbekiston 32,2 ming tonna yangi uzilgan gilos eksport qilgan. Eksport qiymati 70,4 mln AQSH dollarini tashkil etgan.

Mazkur natija bilan O‘zbekiston gilos eksporti hajmi bo‘yicha dunyoda 6-o‘rinni egallagan.

📈 O‘zbekistonning 2016–2025 yillardagi gilos eksporti hajmi:

2016-yil — 29,2 ming tonna;

2017-yil — 30,6 ming tonna;

2018-yil — 33,8 ming tonna;

2019-yil — 16,8 ming tonna;

2020-yil — 31,3 ming tonna;

2021-yil — 60,8 ming tonna;

2022-yil — 25,4 ming tonna;

2023-yil — 45,0 ming tonna;

2024-yil — 32,2 ming tonna;

2025-yil — 31,7 ming tonna.

2024-yilda gilos eksporti hajmi bo‘yicha yetakchi davlat va hududlar:

Chili — 529,5 ming tonna;

Gonkong (Xitoyning maxsus ma’muriy hududi) — 168,4 ming tonna;

AQSH — 84,2 ming tonna;

Turkiya — 66,5 ming tonna;

Ispaniya — 34,1 ming tonna;

O‘zbekiston — 32,2 ming tonna;

Gretsiya — 28,0 ming tonna;

Ozarbayjon — 25,8 ming tonna;

Avstriya — 18,1 ming tonna;

Moldova — 10,1 ming tonna.

Telegram Facebook*
Instagram* Youtube
Twitter

Milliy laboratoriya tizimida muhim yutuq: «Agrokimyo va tuproq tahlili markazi» xalqaro sertifikatlarni qo‘lga kiritdi

Oziq-ovqat mahsulotlari xavfsizligi qo‘mitasining "Agrokimyo va tuproq tahlili markazi" faoliyatida navbatdagi muvaffaqiyat qo‘lga kiritildi. Markaz laboratoriya sinovlarining aniqligi va ishonchliligini ta’minlovchi ISO/IEC 17025 xalqaro standarti bo‘yicha akkreditatsiyadan o‘tgan holda, endilikda sifat, ekologiya va mehnat xavfsizligi sohalaridagi xalqaro menejment tizimlari sertifikatlarini ham qo‘lga kiritdi.

Xususan, xalqaro sertifikatlashtirish organi tomonidan markazga quyidagi standartlar bo‘yicha muvofiqlik sertifikatlari taqdim etildi:
ISO 9001:2015 — Sifat menejmenti tizimi;
🌱 ISO 14001:2015 — Ekologik menejment tizimi;
ISO 45001:2018 — Mehnatni muhofaza qilish va xavfsizlikni boshqarish tizimi.

Ma’lumot uchun, ISO/IEC 17025 standarti texnik kompetentlik va sinov natijalarining ishonchliligini tasdiqlaydi. Yangi qo‘lga kiritilgan ISO sertifikatlari esa tashkilotning boshqaruv jarayonlari xalqaro talablar asosida yo‘lga qo‘yilganini, sifat nazorati, ekologik mas’uliyat va xodimlar xavfsizligi tizimli ravishda ta’minlanayotganini ko‘rsatadi.

ISO 9001:2015 — sifat menejmenti tizimi standarti. U tashkilotda barcha jarayonlar aniq tartibga solingani, xizmatlar sifati muntazam nazorat qilinishi va mijozlar ishonchini oshirishga qaratilgan boshqaruv tizimi yo‘lga qo‘yilganini tasdiqlaydi. Markazning tuproq tahlillari, o‘g‘itlar sifat nazorati, qishloq xo‘jaligi mahsulotlarida pestitsid qoldiqlari, nitratlar va og‘ir metallar bo‘yicha laboratoriya sinovlari xalqaro talablarga mos boshqarilayotganini ko‘rsatadi.
 
ISO 14001:2015 — ekologik menejment tizimi standarti bo'lib, tashkilotning atrof-muhitga ta’sirini nazorat qilish, resurslardan oqilona foydalanish va ekologik xavfsizlik talablariga rioya etish bo‘yicha samarali tizimga ega ekanini tasdiqlaydi.

ISO 45001 standarti xodimlar salomatligi va mehnat xavfsizligini ta’minlash, ish joyidagi ehtimoliy xavflarni barvaqt aniqlash va oldini olish choralari ko‘rilganining tasdig‘idir.

Xalqaro standartlar asosida faoliyat yurituvchi laboratoriyalar tomonidan berilgan tahlil natijalari mahalliy ishlab chiqaruvchilar va eksportyorlar uchun qo‘shimcha ishonch omili hisoblanadi. Bu esa qishloq xo‘jaligi mahsulotlarining oziq-ovqat xavfsizligi talablari asosida tashqi bozorlarda raqobatbardoshligini oshirishga xizmat qiladi.

Mazkur sertifikatlar laboratoriya faoliyatining xalqaro talablarga mosligini tasdiqlab, mamlakatimizda oziq-ovqat xavfsizligi, ekologik barqarorlik va agrar sohada sifat infratuzilmasini rivojlantirish yo‘lidagi muhim qadam sifatida muhim ahamiyatga ega.

Telegram Facebook*
Instagram* Youtube
Twitter

Germaniya davlatida faoliyat yurituvchi importchi korxonalar

Rovocad GmbH & Co. KG
www.rovocad.de
+49 40 9999 607 00
quritilgan o‘rik, mayiz/sultana, olxo‘ri, anjir, xurmo, olma, nok, shaftoli, qovun, bodom.

PALM Nuts & More Nuss und Trockenfrucht GmbH & Co. KG
www.palm-nutsandmore.de
+49-4181-9091-18/-19
📧 j.alkewitz@palm-nutsandmore.de
mayiz/sultana, quritilgan olxo‘ri, xurmo, bodom, yong‘oq

Niderlandiya Qirolligida faoliyat yurituvchi importchi korxonalar

ofi make it real
www.ofi.com
+31 020 399 54 97
yong'oqlar

Plusimpex B.V.
www.plusimpex.com
+31 6 19 23 81 83
📧 info@plusimpex.com
oziq-ovqat mahsulotlari

Adelante Caplenco BV
www.adelante-caplenco.com
+31 10 310 83 10
📧 info@adelante-caplenco.com
bodom, xandon pista, yong'oq, yer yong'oq; mayiz, quritilgan olxo'ri, o'rik, anjir; qovoq urug'i, kungaboqar urug'i, kunjut.

Chexiya Respublikasida faoliyat yurituvchi importchi korxonalar

From Wild International s.r.o.
www.from-wild.com
+ 420775737047
📧 sales@from-wild.com
quritilgan o'rik, olxo'ri, mayiz, o'rik mag'zi, yer yong'oq

K-SERVIS PRAHA, A.S.
www.k-servis.com
+ 420311577677
📧 k-servis@k-servis.com
yer yong'oq, bodom, xandon pista, yong'oq

Murojaat, savol va takliflar uchun:
+998 71 202 92 92 (1010)

Telegram Facebook*
Instagram* Youtube
Twitter

O‘zbekistondan Germaniyaga meva-sabzavot mahsulotlari eksporti:

2026-yil I yarim yillik yakunlari

2026-yil I yarim yilligida O‘zbekistondan Germaniyaga 2 531 tonna, 7,1 mln AQSH dollari qiymatidagi meva-sabzavot mahsulotlari eksport qilindi. Eksport hajmi 2025-yilning mos davriga nisbatan 1 112 tonnaga, eksport qiymati esa 3, 255 ming AQSH dollariga oshdi. Qiymat jihatidan eksport qariyb 2 baravar ko‘paydi.

Ma’lumot uchun: 2025-yilda Germaniya davlatiga meva-sabzavot mahsulotlarining eksporti 14,8 mln AQSH dollarini (2024-yilga nisbatan +7,339 ming dollar) tashkil etgan.

Eksportda 32 ta korxona ishtirok etib, Germaniyaga 19 turdagi mahsulot yetkazib berildi. Eksportning asosiy qismini mayiz (1 029 ming tonna, 2 555 ming dollar) tashkil etib, uning jami eksport qiymatidagi ulushi qariyb 2,6 foizga foizga teng bo‘ldi.

Shu bilan birga, quyidagi mahsulotlar eksporti amalga oshirildi:

quritilgan o'rik - 542 tonna, 2 174 ming AQSh dollari;
quritilgan ko'katlar - 303 tonna, 1 227 ming AQSh dollari;
qovun - 266 tonna, 306 ming AQSh dollari;
bodom - 33 tonna, 182 ming AQSh dollari;

shuningdek, quritilgan jiyda, namatak, qovun, olxo'ri, sabzi, finik, qalampir, olcha va mevalar aralashmasi; mosh, loviya, no'xat, grek yong'og'i, yeryong'oq, murch.

Germaniya bozorida mayiz, quritilgan o‘rik, yong‘oq mag‘zi va xandon pista mahsulotlariga barqaror import talabi mavjud. Organik sertifikat, izchillik bilan ta’minlash, laboratoriya nazorati va qayta ishlanadigan qadoqlardan foydalanish mahsulotlarning raqobatbardoshligini oshiradi.

Oziq-ovqat mahsulotlari xavfsizligi qo’mitasi eksportga ko’maklashishga tayyor!

Murojaat, savol va takliflar uchun:
+998 71 202 92 92 (ichki raqam: 1010)

Telegram Facebook*
Instagram* Youtube
Twitter

Chorvachilik va baliqchilik loyihalari uchun 10 yilgacha imtiyozli kredit ajratiladi

Chorvachilik yoki baliqchilik sohasida loyiha boshlamoqchi bo‘lgan tadbirkor uchun eng muhim masalalardan biri — uzoq muddatli va qulay moliyalashtirish.

O‘zbekiston Respublikasi Vazirlar Mahkamasining 2026-yil 6-avgustdagi 435-son qarori bilan chorvachilik va baliqchilik sohasidagi loyihalarni davlat resurslari hisobidan tijorat banklari orqali moliyalashtirish mexanizmi joriy etildi.

Kreditning asosiy shartlari:
muddati — 10 yilgacha;
imtiyozli davr — 4 yil;
yillik foiz stavkasi — 10%;
shundan bank marjasi — 4% .

Ya’ni tadbirkorga loyihani ishga tushirish, ishlab chiqarish quvvatini shakllantirish va daromad olish uchun yetarlicha muddat berilishi belgilandi.

Loyihaning yo‘nalishiga qarab kredit miqdori 5 milliard so‘mdan 20 milliard so‘mgacha bo‘lishi mumkin.

5 milliard so‘mgacha mablag‘:
chorvachilik va baliqchilik majmualarini tashkil etish;
🏗qurish, rekonstruksiya qilish va mukammal ta’mirlash;
nasldor yirik va mayda shoxli mollar;
naslli baliqlar xaridi kabi maqsadlarga yo‘naltiriladi.

20 milliard so‘mgacha kredit esa yirikroq loyihalar, jumladan:
naslli buqalar urug‘ini yetishtirish korxonalarini tashkil etish;
qurilish va asbob-uskunalar xaridi;
naslli qoramollar xaridi;
baliqchilik, shu jumladan naslli baliq yetishtirish loyihalarini moliyalashtirishga beriladi.

Kredit resurslari Iqtisodiyot va moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi tomonidan ajratiladi.

Jamg‘arma mablag‘larni tijorat banklariga yillik 6% stavkada, 10 yil muddatga va 4 yillik imtiyozli davr bilan joylashtiradi.

Shu bilan birga, kredit olish avtomatik tarzda amalga oshirilmaydi. Bank qarz oluvchining moliyaviy holati, to‘lov qobiliyati, to‘lov intizomi va kredit tarixini baholaydi.

Kredit ta’minoti sifatida mol-mulk garovi, kreditni qaytarmaslik xavfini sug‘urtalash, uchinchi shaxs kafilligi va qonunchilikda nazarda tutilgan boshqa ta’minot turlari qabul qilinishi mumkin.

Kredit olish uchun arizani "Agroplatforma" axborot tizimi orqali elektron shaklda taqdim etish mumkin.

Telegram  Facebook*
Instagram* Youtube
Twitter

Qo‘shko‘pir tumanida tadbirkorlar bilan ochiq muloqot o‘tkazildi

Xorazm viloyatining Qo‘shko‘pir tumanida Oziq-ovqat mahsulotlari xavfsizligi qo‘mitasi raisi Azizbek Urunov sanoat, oziq-ovqat, charm-poyabzal va trikotaj mahsulotlarini ishlab chiqaruvchi tadbirkorlar ishtirokida ochiq muloqot o‘tkazdi.

Uchrashuvda 20 nafardan ortiq tadbirkor o‘z faoliyati davomida duch kelayotgan tizimli muammolar, mavjud to‘siqlar va ularning yechimi bo‘yicha takliflarini bildirdi.

To‘qimachilik korxonalari vakillari ishlab chiqarish hajmini oshirishda muhim omil bo‘lgan aylanma mablag‘ yetishmasligi, shuningdek, xorijiy bozorlarda ishonchli hamkorlarni topish va eksport geografiyasini kengaytirishda amaliy ko‘mak zarurligini ta’kidladilar. Bu borada ishlab chiqaruvchilarga O‘zbekistonning xorijiy davlatlardagi elchixonalari bilan hamkorlikda ko‘maklashishga kelishib olindi.

Trikotaj mahsulotlarini MDH davlatlariga eksport qilishda esa import qiluvchi tomon talab qiladigan muvofiqlik sertifikatini rasmiylashtirish jarayonining uzoq davom etayotgani masalasi ko‘tarildi. Tadbirkorlar ushbu jarayonni soddalashtirish va muddatlarni qisqartirish bo‘yicha amaliy choralar ko‘rishda yordam so‘radilar.

Veterinariya sohasidagi masalalar ham e’tibordan chetda qolmadi. Hayvonlar uchun dori vositalarini ishlab chiqaruvchi korxona vakili mahsulotlarni belgilangan tartibda davlat ro‘yxatidan o‘tkazish bilan bog‘liq masalani ko‘tardi. Ushbu murojaat ochiq muloqotning o‘zida ko‘rib chiqilib, masalani hal etish bo‘yicha amaliy chora belgilandi.

Sut mahsulotlarini ishlab chiqaruvchi korxonalar vakillari ham o‘z takliflarini bildirdi. Ishlab chiqaruvchilar quvvatlarni kengaytirish maqsadida yangi loyihalarni amalga oshirish borasida amaliy ko‘mak so‘radi. Bu yo‘nalishda hududiy ham o‘rganishlar olib borilib, oziq-ovqat xavfsiziligi tizimiga oid standartlarni joriy etish, eksportbop mahsulotlarni tayyorlash borasida yordam ko‘rsatilishi belgilandi.

Ochiq muloqotda bildirilgan har bir murojaat va taklif mas’ullar ishtirokida muhokama qilinib, muammolarni bartaraf etish bo‘yicha aniq chora-tadbirlar va takliflar ishlab chiqildi.

Bunday ochiq muloqotlarning asosiy maqsadi — muammoni o‘ranish, uning sababini aniqlash, mas’ullarni belgilash va aniq yechimga yo‘naltirishdan iborat.

Telegram  Facebook*
Instagram* Youtube
Twitter

Xorijiy davlatlardagi meva-sabzavot mahsulotlarining o'rtacha narxlari

Oziq-ovqat mahsulotlari xavfsizligi qo’mitasi eksportga ko’maklashishga tayyor!

Murojaat, savol va takliflar uchun: +998712027778

Telegram Facebook*
Instagram* Youtube
Twitter