O‘zbekistonda yana bir venchur exit sodir bo‘ldi. Va u ham muvaffaqiyatli

Sturgeon Capital venchur fondi Finmedia kompaniyasidan chiqdi.

Qiziq tomoni shundaki, bu founder buyback — ya’ni kompaniya asoschisi Timur Rahmonov 2020-yilda kompaniyaning bir qismini sotgan, 2025-yilda esa uni qaytarib sotib olgan.

Sturgeon Capital bundan yaxshigina foyda ko‘rdi — o‘shanda, besh yil oldin u Finmedia’ga $150 000 sarmoya kiritgan edi.

Shu vaqt mobaynida kompaniya yaxshi daromad qilib, $200 000 dan ortiq dividend to‘ladi.

Natijada, o‘sha bitim fondga 2.9x DPI va taxminan 35% IRR keltirdi.

Soddaroq aytganda, $150 000 mablag‘ kiritib, fond besh yil ichida taxminan $435 000 oldi — bu yillik daromadi 35 foiz bo‘lgan deyarli uch barobar investitsiya qaytimi degani.

Bozorimiz mezonlari bo‘yicha zo’r ko‘rsatkichlar.

Bu Sturgeon Capital uchun O‘zbekistondagi ikkinchi chiqishdir — ilgari fond BILLZ’dan chiqib, kiritgan mablag‘idan deyarli to‘rt baravar ko‘p daromad olgan edi.

Yaxshi bitim.

Hozir ko‘pchilik startaplarga sarmoya kiritishni xohlamaydi, chunki ular "Keyinchalik ulushimni kimga sotaman? Xaridorlar kam-ku" deb o‘ylashadi.

Ha, bu to‘g‘ri, ammo mana real misol paydo bo‘ldi — ulushni kimdan sotib olgan bo‘lsangiz, o‘shanga sotishingiz mumkin.

Shuning uchun mana bu postdagi xulosamni takrorlayman — hozir ham startapchilar, ham investorlar uchun qulay payt. Keyinchalik qiyinroq va qimmatroq bo‘ladi.

Bitim haqida batafsil bu yerda o‘qishingiz mumkin. Ingliz tilida. Juda foydali.

@beshtorr

#startaplat #venchur #investitsiya