Ipoteka bank OTP Group Ўзбекистон иқтисодиёти истиқболларини юқори баҳолаб, мамлакатдаги инвестицияларини кенгайтирмоқда

Ipoteka bank OTP Group бошқарув раиси Сандро Ртвеладзе EUROUZ ташаббуси билан ўтказилган Uzbekistan Economic Update 2026 форумида сўзга чиқиб, мамлакат иқтисодий тараққиётининг истиқболлари кенг эканини таъкидлади.

“Ўзбекистоннинг келажаги жуда порлоқ. Мамлакатда амалга оширилаётган иқтисодий ислоҳотлар ва хорижий инвесторларнинг фаол иштироки бу жараённи янада кучайтирмоқда”, – деди Сандро Ртвеладзе.

Унинг таъкидлашича, OTP Group Марказий ва Шарқий Европадаги йирик банк гуруҳларидан бири бўлиб, Ўзбекистон бозорида фаолият юритаётган биринчи Европа банки ҳисобланади. Шунингдек, банк мамлакатдаги фаолиятини кенгайтириб бораётгани, жумладан қишлоқ хўжалигини қўллаб-қувватлашга қаратилган Yashil Ferma лойиҳаси бунга мисол экани қайд этилди.

Аввалроқ Ipoteka bank OTP Group 2025 йил якунлари бўйича молиявий ҳисоботини эълон қилган эди. Унга кўра, банкнинг соф фойдаси 1,763 трлн сўм, капитал рентабеллиги (ROE) эса 22,4% ни ташкил этган.

Facebook* | Instagram* | LinkedIn | Telegram | YouTube |