#qonunchilikdagi_yangiliklar
Korrupsiyaga oid jinoyatlar uchun jazo choralarini kuchaytirishga qaratilgan qonun loyihasi deputatlar tomonidan qabul qilindi va Senatga yuborildi.

Ushbu hujjat bilan O‘zbekiston Respublikasining ayrim qonun hujjatlariga korrupsiyaga oid jinoyatlar uchun javobgarlik va jazo choralarini takomillashtirishga qaratilgan qo‘shimcha va o‘zgartirishlar kiritish nazarda tutilmoqda.

Shuningdek, yoshlarda korrupsiyaga nisbatan murosasiz munosabatni shakllantirish yoshlarga oid davlat siyosatining asosiy yo‘nalishlaridan biri sifatida belgilanmoqda.

Jinoyat kodeksining sakkizinchi bo‘limi korrupsiyaga oid jinoyatlar atamasi bilan to‘ldirilib, u bilan 19 ta turdagi jinoiy qilmishlar korrupsiyaga oid jinoyatlar sifatida qayd etilmoqda.

“Korrupsiyaga qarshi kurashish to‘g‘risida”gi qonunda korrupsiyaga oid jinoyat to‘g‘risida asosli xabar bergan shaxsga nisbatan Korrupsiyaga qarshi kurashish agentligini oldindan xabardor etmagan holda, intizomiy jazo choralarini qo‘llashga yo‘l qo‘yilmasligi ko‘zda tutilmoqda.

Jinoyat kodeksi esa o‘zlashtirish yoki rastrata yo‘li bilan

talon-toroj qilganlik, firibgarlik

uchun hukm qilingan va jinoyat tufayli yetkazilgan zararning o‘rnini to‘liq qoplamagan shaxs jazodan muddatidan ilgar

i shartli ravishda ozod qilinmasligi

ni nazarda tutuvchi norma bilan to‘ldirilmoqda.

Xuddi shunday qoida takroran yoki xavfli retsidivist tomonidan yoxud juda ko‘p miqdorda pora olish, pora berish, pora olish-berishda vositachilik qilganlik uchun hukm qilingan shaxslarga nisbatan ham tatbiq etilishi belgilanyapti.

O‘zlashtirish yoki rastrata yo‘li bilan talon-toroj qilish va firibgarlik harakatlarini

mansab mavqeini suiiste‘mol qilish yo‘li bilan yoki xizmat mavqeidan foydalanib sodir etish

jinoyati uchun ham javobgarlik choralari og‘irlashtirilmoqda.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook*|Telegram |YouTube|Instagram*|Twitter|Veb-sayt