#Qabul_2026 | #Texnikum_suhbat

Urganch davlat pedagogika institutida texnikum bitiruvchilari uchun suhbat jarayonlari boshlandi

O‘zbekiston Respublikasi Vazirlar Mahkamasining 2022-yil 11-yanvardagi 17-son qarori bilan tasdiqlangan “Texnikumlarni muvaffaqiyatli tamomlagan bitiruvchilarni oliy ta’lim muassasalarining bakalavriat ta’lim yo‘nalishlariga suhbat asosida o‘qishga qabul qilish tartibi to‘g‘risida”gi Nizomga muvofiq, bugun 2026/2027-o‘quv yili uchun Urganch davlat pedagogika institutida texnikum bitiruvchilarini suhbat asosida o‘qishga qabul qilish jarayonlari boshlandi.

Talabgorlar belgilangan ta’lim yo‘nalishlari bo‘yicha soha mutaxassislaridan iborat komissiya ishtirokida suhbatdan o‘tmoqda. Jarayon davomida ularning tanlagan yo‘nalishi bo‘yicha bilim va ko‘nikmalari, kasbiy tayyorgarligi hamda sohaga oid tushunchalari belgilangan mezonlar asosida baholanmoqda.

©️Urganch davlat pedagogika instituti matbuot xizmati
Sayt TelegramFacebook* Instagram* YouTube

#Eʼlon #Tanlov

Ijodiy ishlar tanloviga qabul muddati uzaytirildi!

Oliy ta’lim, fan va innovatsiyalar vazirligi hamda “Jadid” adabiy, ilmiy-ma’rifiy va ijtimoiy gazetasi tahririyati hamkorligida oliy ta’lim tashkilotlari talabalari o‘rtasida e’lon qilingan “Yagona Vatan, yagona xalq bo‘lib, yangi hayot va kelajak yaratamiz!” respublika tanlovi uchun ijodiy ishlarni qabul qilish muddati 20-avgustgacha uzaytirildi.

Eslatib o‘tamiz, tanlov she’r, hikoya, esse va maqola yo‘nalishlarida o‘tkaziladi:
Ijodiy ishlar 100 qatordan oshmagan, qo‘lda, husnixat bilan yozilgan hamda ilgari hech qayerda e’lon qilinmagan bo‘lishi lozim.
📅 Ijodiy ishlar 2026-yil 20-avgustga qadar qabul qilinadi.

📋 Tanlov nizomi

📥 Ishtirokchilar ijodiy ishini shaxsini tasdiqlovchi hujjat nusxasi, yashash manzili, oliy ta’lim tashkiloti va ta’lim yo‘nalishi ko‘rsatilgan ma’lumot bilan Toshkent shahri, Alisher Navoiy ko‘chasi, 69-uy manziliga pochta orqali yoki tanlovning @insho2026_bot Telegram boti orqali yuborishlari mumkin.

🏆 Tanlov g‘oliblari quyidagi pul mukofotlari bilan taqdirlanadi:

🥇 1-o‘rin – 25 million so‘m;
🥈 2-o‘rin – 10 million so‘mdan;
🥉 3-o‘rin – 5 million so‘mdan;
🎖 15 ta rag‘batlantiruvchi o‘rin – 2 million so‘mdan.

Bizni kuzating:

Instagram* | YouTube | Telegram

#Taʼlim_sifati | #Ish_beruvchilar_soʻrovnomasi

Ta’lim sifati bo‘yicha so‘rovnoma o‘tkazildi

O‘zbekiston Respublikasi Prezidentining 2025-yil 5-maydagi PF-76-son Farmonida ta’lim tashkilotlari bitiruvchilarining bilim va ko‘nikmalarini baholash, ularning zamonaviy mehnat bozori talablariga muvofiqligini o‘rganish maqsadida Umummilliy ish beruvchilar so‘rovnomasini o‘tkazish belgilangan.

Mazkur topshiriq ijrosini ta’minlash maqsadida Urganch tumanidagi 31-sonli umumiy o‘rta ta’lim maktabida Urganch davlat pedagogika instituti talabasining kasbiy faoliyati yuzasidan so‘rovnoma o‘tkazildi.

So‘rovnoma davomida ish beruvchi hamda mazkur ta’lim muassasasida faoliyat yuritayotgan talaba bilan suhbat o‘tkazilib, uning kasbiy bilim va ko‘nikmalari, ta’lim jarayonida egallagan bilimlarini amaliy faoliyatda qo‘llay olish darajasi, shuningdek, ish beruvchining fikr-mulohazalari o‘rganildi.

Mazkur jarayon ta’lim sifati va kadrlar tayyorlash samaradorligini baholash, bitiruvchilarning kasbiy kompetensiyalarini aniqlash hamda ta’lim jarayonini mehnat bozori talablariga yanada moslashtirishda muhim ahamiyat kasb etadi.

©️Urganch davlat pedagogika instituti matbuot xizmati
Sayt TelegramFacebook* Instagram* YouTube

#Taʼlim_sifati | #Ish_beruvchilar_soʻrovnomasi

Umummilliy ish beruvchilar so‘rovnomasini o‘tkazish masalalari muhokama qilindi

Urganch davlat pedagogika instituti mas’ullari Ta’lim sifatini ta’minlash milliy agentligi mas’ul xodimi Raxmatjon Ro‘zmetov rahbarligida Urganch davlat universitetida Xorazm viloyatidagi barcha oliy ta’lim muassasalari vakillari ishtirokida o‘tkazilgan yig‘ilishda qatnashdilar.

Yig‘ilishda O‘zbekiston Respublikasi Prezidentining 2025-yil 5-maydagi PF-76-son Farmonida belgilangan vazifalar ijrosi doirasida Umummilliy ish beruvchilar so‘rovnomasini tashkil etish va o‘tkazish masalalari muhokama qilindi.

Unda ta’lim tashkilotlari bitiruvchilarining bilim va ko‘nikmalarini baholash, ularning zamonaviy mehnat bozori talablariga mosligini o‘rganish, ish beruvchilarning fikr-mulohazalarini aniqlash hamda so‘rovnomani belgilangan tartibda va sifatli tashkil etish bo‘yicha zarur tavsiyalar berildi.

Shuningdek, so‘rovnomani o‘tkazish jarayonida oliy ta’lim muassasalari mas’ullarining vazifalari, ish beruvchilar bilan hamkorlikni yo‘lga qo‘yish hamda olingan natijalarni tahlil qilish masalalariga alohida e’tibor qaratildi.

©️Urganch davlat pedagogika instituti matbuot xizmati
SaytTelegramFacebook*Instagram*YouTube