💡G‘oyangiz bor, uni amalga oshirish uchun imkoniyat izlayapsizmi?

Endi 30 yoshgacha bo‘lgan yoshlar tadbirkorlik va startap yo‘nalishlaridagi g‘oya va tashabbuslarini "Yoshlar yagona elektron platformasi" orqali taqdim etib, loyihalarini rivojlantirish uchun zarur bo'lgan ko'maklardan foydalanishi mumkin.

Buning uchun platformaga OneID orqali kirib, g‘oyangiz yoki loyihangiz haqida ma’lumot qoldirasiz. Shundan so‘ng uni amalga oshirish uchun moliyaviy imkoniyatlardan foydalanishga ariza yuboriladi.

Platformaga hali to‘liq shakllanmagan g‘oyangiz, yangi tashabbusingiz yoki rivojlantirmoqchi bo‘lgan startap loyihangiz haqida ham ma’lumot qoldirish imkoni yaratilgan.

Ariza topshirishga havola 👈

Telegram Instagram* YouTube Linkedin Vebsayt

🌍 Kasbiy mahorat — xalqaro maydonga yo‘l

Toshkent shahridagi “Humo Arena” majmuasida O‘zbekiston Respublikasi Prezidenti sovrini uchun o‘tkazilgan “Yangi O‘zbekiston bunyodkorlari” kasbiy mahorat milliy tanlovining Respublika bosqichi g‘olib va sovrindorlarini tantanali taqdirlash marosimi bo‘lib o‘tdi.

Marosimda O‘zbekiston Respublikasi Prezidenti Shavkat Mirziyoyevning tanlov g‘oliblariga yo‘llagan tabrigi o‘qib eshittirildi.

Kasbiy ta’lim agentligi tomonidan tashkil etilgan tanlovda bosqich g‘oliblari va ularga biriktirilgan amaliyot ustozlari pul mukofotlari bilan taqdirlandi.

Respublika bosqichi g‘oliblari endilikda WorldSkills xalqaro musobaqasida O‘zbekiston sharafini himoya qiladi.

WorldSkills musobaqasida g‘olib bo‘lgan o‘quvchiga 2 500 BHM — 1 milliard 30 million so‘m, uning ustoziga esa 450 BHM — 185 million 400 ming so‘m miqdorida pul mukofoti beriladi.

Yoshlarimizga xalqaro maydonda munosib ishtirok etib, yuqori natijalarni qo‘lga kiritishlarini tilaymiz!

Telegram Instagram* YouTube Linkedin Vebsayt

⚡️ Dunyoning eng iqtidorli yosh dasturchilari Toshkentda jam bo‘ldi

O‘zbekiston tarixida ilk bor o‘tkazilayotgan 38-Xalqaro informatika olimpiadasi — "International Olympiad in Informatics 2026" ning tantanali ochilish marosimi kecha Toshkent shahrida bo‘lib o‘tdi.

Olimpiadada dunyoning turli mamlakatlaridan kelgan iqtidorli yosh dasturchilar ishtirok etmoqda va ular dasturlash bo‘yicha bilimlarini sinovdan o‘tkazadi.

Ochilish marosimida olimpiadada ishtirok etayotgan mamlakatlar delegatsiyalari tantanali kutib olindi.

Barcha ishtirokchilarga olimpiada davomida omad va yuqori natijalar tilaymiz!

Telegram Instagram* YouTube Linkedin Vebsayt

Yoshlar hayotidagi muhim voqealar dayjesti

O‘tgan hafta yoshlarimizning xalqaro yutuqlari, ta’lim, tadbirkorlik, kasbiy rivojlanish va yangi imkoniyatlar yo‘nalishida qator muhim voqealar amalga oshirildi.

Hafta davomida ro‘y bergan asosiy voqealarni qisqacha yodga olamiz:

• Yoshlar ishlari agentligi va AQShning O’zbekistondagi elchixonasi hamkorligida yangi loyihalar amalga oshiriladi;

• O‘zbekistonlik yosh robototexniklar Xitoy, AQSh va Ozarbayjonda o‘tkazilgan nufuzli xalqaro musobaqalarda qator sovrinli o‘rinlarni qo‘lga kiritdi;

• “Yoshlar Tinchlik Uchun” BMT Modeli 2026 uchun arizalar qabul qilinmoqda;

• 100 nafar yosh tadbirkor “Yale School of Management” intensiv ta’lim dasturini tamomladi;

• Dunyoning yana bir nufuzli Cornell universiteti O‘zbekistonda;

• “Humo Arena”da “Yangi O‘zbekiston bunyodkorlari” kasbiy mahorat milliy tanlovi g‘oliblari taqdirlandi;

• Yoshlarning ekologik loyihalariga 1 milliard 140 million so‘m grant ajratildi;

• O‘zbekistonning “Ibrat Debate” jamoasi ilk bor WSDC jahon chempionatida ishtirok etib, 8 ta bahsning 4 tasida g‘alaba qozondi.

• “Xorijdagi vatandoshlar” moduli ishga tushirilib, xorijda faoliyat yuritayotgan o‘zbekistonliklarga kasbiy ingliz tilini bepul o‘rganish imkoniyati yaratildi;

• “Yoshlar Ventures” jamg‘armasi O‘zbekiston bo‘ylab agro yo‘nalishidagi startaplarni qabul qilishni boshladi;

• “Yosh fermerlar chempionati”ga start berildi;

• TechnoCamp 2026 yozgi oromgohiga qabul boshlandi;

• “StartupFest” yangi mavsumining “Catalyst” dasturiga qabul ochildi;

• Yoshlar ijod saroyida Favqulodda vaziyatlar vaziri hamda Yoshlar ishlari Agentligi direktori yoshlar bilan uchrashdi;

• Haftaning muhim yangiliklari jamlangan navbatdagi “Yoshlar ovozi” gazetasi soni e’lon qilindi.

#Dayjest #YoshlarYangiliklari

Telegram Instagram* YouTube Linkedin Vebsayt

“Yoshlar Tinchlik Uchun” BMT Modeli 2026 uchun arizalar qabul qilinmoqda!

O‘z fikringizni bildirishga tayyormisiz? Unda biz sizni kutamiz.

O‘zbekiston Respublikasi Prezidentining BMT Bosh Assambleyasining 80-sessiyasida ilgari surgan tashabbusi doirasida tashkil etilayotgan “Yoshlar Tinchlik Uchun” BMT Modeli 2026 mamlakatimizning turli hududlaridan 200 nafar iqtidorli yoshni bir maydonda jamlaydi.

Loyiha yoshlarning diplomatiya, muzokara olib borish, xalqaro hamkorlik va omma oldida nutq so‘zlash ko‘nikmalarini rivojlantirish, shuningdek, kelajakda xalqaro maydonda O‘zbekiston manfaatlarini munosib ifoda eta oladigan yosh liderlar va diplomatlarni aniqlashga xizmat qiladi.

• Ishtirok etish bepul

Yoshlar ishlari agentligi, BMT vakolatxonalari hamda xalqaro miqyosda faol yosh liderlar bilan yaqindan hamkorlik qilish imkoniyatiga ega bo’ling.

Eng yaxshi delegatlar xalqaro imkoniyatlarga tavsiya etiladi, jumladan BMTning ECOSOC Yoshlar Forumida ishtirok etish imkoniyatiga ega bo‘ladilar.

🗓️ 17–18-avgust, 2026-yil

📍 Toshkent shahri, Central Asian University (CAU)

👉 Ro'yxatdan o'ting

Telegram Instagram* YouTube Linkedin Vebsayt

🏗Qurilish xodimlari kuni muborak bo‘lsin!

Bugun yurtimiz bunyodkorligiga hissa qo‘shayotgan, yangi binolar va inshootlar barpo etayotgan qurilish sohasi vakillarining kasb bayrami.

Bunyod etilayotgan har bir inshoot ertangi kun uchun yaratilayotgan imkoniyatlardan biridir. Bu jarayonda yoshlar uchun zamonaviy ta’lim, mehnat va rivojlanish muhitini yaratish ham muhim ahamiyatga ega.

💐 Barcha qurilish sohasi xodimlarini Yoshlar ishlari agentligi jamoasi nomidan muborakbod etamiz!

Telegram Instagram* YouTube Linkedin Vebsayt

🇺🇿 “Humo Arena”da “Yangi O‘zbekiston bunyodkorlari” kasbiy mahorat milliy tanlovi g‘oliblari taqdirlandi

Poytaxtimizdagi “Humo Arena” majmuasida mamlakatimizda ilk bor o‘tkazilgan Prezident sovrini uchun “Yangi O‘zbekiston bunyodkorlari” kasbiy mahorat milliy tanlovining tantanali taqdirlash marosimi bo‘lib o‘tdi.

Tadbirda O‘zbekiston Respublikasi Prezidenti Shavkat Mirziyoyevning tanlov g‘olib va sovrindorlariga yo‘llagan tabrigi o‘qib eshittirildi.

Tanlov sarhisoblari va amaliy natijalar:
• 124 mingdan ziyod yoshlar tuman va shahar bosqichlarida o‘z mahoratini namoyon etdi;
• 22 ming nafar yigit-qiz uchun tanlov doirasida bandlik, ta’lim olish va mehnat bozorida o‘z o‘rnini topish imkoniyati yaratildi;
• 120 nafar eng iqtidorli yoshlar 10 ta kasb yo‘nalishi bo‘yicha g‘olib va sovrindor deb topildi.

Davlatimiz rahbari o‘z qutlovida tanlov g‘oliblari va yuqori natija ko‘rsatgan ishtirokchilaridan O‘zbekiston terma jamoasini shakllantirib, ularni “WorldSkills International” xalqaro kasbiy mahorat musobaqasiga tayyorlash vazifasini belgilab berdilar.

Prezidentimizning yoshlarga murojaati:

“Men butun O‘zbekiston yoshlariga murojaat qilib aytmoqchiman: xalqimizning sizlarga bo‘lgan yuksak ishonchini oqlash uchun doimo izlaning, yangi bilim hamda texnologiyalarni egallang, xorijiy tillarni o‘rganing va kasbingiz bo‘yicha eng ilg‘or mutaxassis bo‘lib yetishing!”

Davlatimiz rahbarining ushbu da’vati har bir yosh uchun doimiy harakat va o‘z ustida tinimsiz ishlashda katta kuch-g‘ayrat va chorlovdir.

Telegram Instagram* YouTube Linkedin Vebsayt

⚡️ Yoshlar ijod saroyida Favqulodda vaziyatlar vaziri hamda Yoshlar ishlari Agentligi direktori yoshlar bilan uchrashdi

An’anaviy har haftaning payshanba — “Yoshlar kuni” munosabati bilan Yoshlar ijod saroyida Favqulodda vaziyatlar vaziri general-mayor Azizbek Ikramov va Yoshlar ishlari agentligi direktori Alisher Sa’dullayev tizimdagi yosh harbiy xizmatchilar, qutqaruvchilar, volontyorlar hamda mahalla yoshlari bilan uchrashdi.

Uchrashuvda yoshlarning sun’iy intellekt, raqamlashtirish va volontyorlikka oid loyihalari eshitilib, ularni amaliyotga joriy etish belgilab olindi. Yakunda sohada alohida ajralib turgan yosh qutqaruvchilar, ularning ota-onalari hamda faol volontyorlarga tashkilotchilarning esdalik sovg‘alari topshirildi.

Telegram Instagram* YouTube Linkedin Veb sayt