Latviyada ilk bor o‘zbekistonlik yoshlar uchun “UzHack” xalqaro texnologik xakatoni bo‘lib o‘tdi!

Ushbu yirik loyiha “Vatandoshlar” jamoat fondi hamda “O‘zbekiston yoshlari umumjahon assotsiatsiyasi” hamkorligida, mamlakatimiz elchixonasi ko‘magida tashkil etildi.

Loyihaning asosiy maqsadi — Boltiqbo‘yi davlatlarida tahsil olayotgan va faoliyat yuritayotgan o‘zbekistonlik yoshlarni bir g‘oya atrofida birlashtirish, ularning innovatsion va texnologik salohiyatini ro‘yobga chiqarish hamda xalqaro axborot-kommunikatsiya texnologiyalari hamjamiyati bilan aloqalarni mustahkamlashdan iborat.

Xakaton davomida ishtirokchi yoshlar o‘zlarining innovatsion g‘oyalari va texnologik yechimlarini ishlab chiqib, istiqbolli startap tashabbuslarini ilgari surdilar. Eng muhimi, turli mamlakatlarda tajriba orttirayotgan yosh mutaxassislar o‘rtasida mustahkam kasbiy aloqalar yo‘lga qo‘yildi.

�Telegram �Instagram �YouTube � Linkedin �Veb sayt