Qardosh mamlakatlar yoshlarining hamkorlik va do‘stlik aloqalari kengaymoqda!

Ayni kunlarda O‘zbekiston va Tojikiston yoshlar tashkilotlarining nufuzli forumi bo‘lib o‘tmoqda. Bugun ushbu forumning tantanali ochilish marosimi poytaxtimizdagi Yoshlar ijod saroyida o‘tkazilib, qator sessiyalarda ikki davlat yoshlar tashkilotlari vakillari o‘zlarining qiziqarli taqdimotlari bilan ishtirok etdilar.

Xususan, sessiyalar davomida quyidagi tashkilotlar o‘z faoliyati va istiqbolli takliflari yuzasidan taqdimotlar o‘tkazdi:

“O‘zbekiston yoshlar ittifoqi” hamda “Tojikiston yoshlar ittifoqi”;
“O‘zbekiston yoshlari umumjahon assotsiatsiyasi”;
“IT Park Uzbekistan” va “IT Park Dushanbe”;
“Yoshlar ventures” jamg‘armasi;
Tojikistonning “Tengdosh-tengdoshga” kabi tashkilotlar.

Forumdagi eng muhim voqealardan biri — ikki mamlakat o‘rtasida 2026–2027-yillarga mo‘ljallangan yoshlar tashkilotlari tashabbuslari va loyihalarini hamkorlikda amalga oshirish bo‘yicha maxsus “Yo‘l xaritasi” imzolandi.

Eslatib o‘tamiz, qardoshlik va do‘stlik rishtalarini yanada mustahkamlovchi ushbu forum joriy yilning 27-mart kuniga qadar davom etadi.

�Telegram �Instagram �YouTube � Linkedin �Veb sayt