22-mart — Mahalla tizimi xodimlari kuni!

Mahalla — xalqimizning azaliy qadriyatlari, mehr-oqibat va o‘zaro ahillikni o‘zida mujassam etgan eng yaqin ijtimoiy maskandir. Yurtimizdagi tinchlik-totuvlikni mustahkamlash hamda aholi farovonligini ta’minlashda mahalla tizimi xodimlarining o‘rni beqiyos.

Bugungi kunda Yoshlar ishlari agentligi jamoasi va mahallalardagi yoshlar yetakchilari O‘zbekiston mahallalari uyushmasi fidoyilari bilan yelkama-yelka faoliyat olib bormoqda. Mahallabay ishlash tizimini samarali yo‘lga qo‘yish, yigit-qizlarimizning bandligini ta’minlash, iqtidorlarini qo‘llab-quvvatlash va yirik loyihalarni quyi bo‘g‘inda muvaffaqiyatli amalga oshirishda ularning hissasi kattadir.

Fursatdan foydalanib, barcha mahalla raislari, hokim yordamchilari, xotin-qizlar faollari, profilaktika inspektorlari hamda yoshlar yetakchilarini bugungi kasb bayrami bilan samimiy muborakbod etamiz!

�� Kasb bayramingiz muborak bo‘lsin!

Hurmat bilan, Yoshlar ishlari agentligi jamoasi! #MahallaKuni