Qonunlar qanday qabul qilinadi?

Qonun loyihasi Qonunchilik palatasiga qanday kelib tushadi? U qanday bosqichlardan o‘tadi? Muhokamalar qanday tashkil etiladi va qachon qonunga aylanadi?

Ushbu videoda qonun loyihasining Qonunchilik palatasiga kiritilishidan boshlab, qonun sifatida qabul qilinishigacha bo‘lgan barcha asosiy jarayonlar sodda va tushunarli tarzda yoritilgan.

Jarayon bilan videoda batafsil tanishing.

️ Rasmiy sahifalarimiz

Yo‘l madaniyati – xavfsiz hayot sari muhim qadam

Oliy Majlis Qonunchilik palatasi huzuridagi Yoshlar parlamenti a’zosi Zuxriddin Amonov “Yo‘l madaniyati – xavfsiz hayot kafolati” shiori ostida Toshkent shahrining Uchtepa va Yakkasaroy tumanlarida aholi bilan ochiq muloqotlar o‘tkazdi.

Muloqotlar davomida yo‘l harakati madaniyatini yuksaltirish, piyodalar va haydovchilar, ayniqsa yoshlarning yo‘l harakati qoidalariga mas’uliyatli munosabatini shakllantirish, yo‘l-transport hodisalarining oldini olish masalalari muhokama qilindi.

Shuningdek, fuqarolarning bu boradagi taklif va tashabbuslari tinglanib, yo‘l harakati xavfsizligini ta’minlash yuzasidan fikr almashildi.

Rasmiy sahifalarimiz

Parlament nazorati: budjet ijrosi va rivojlantirish dasturlari muhokama qilindi

Oliy Majlis Qonunchilik palatasining Fan, ta’lim, madaniyat, sport va yoshlar masalalari qo‘mitasining navbatdagi majlisi bo‘lib o‘tdi.

Mazkur qo‘mita majlisida Oliy Majlis Qonunchilik palatasi huzuridagi Yoshlar parlamenti a’zolari ham ishtirok etib, o’z fikr va mulohazalarini bildirdi.

Majlisda Maktabgacha va maktab ta’limi, Oliy ta’lim, fan va innovatsiyalar, Madaniyat hamda Sport vazirliklari, shuningdek, Turizm qo‘mitasining 2026-yil birinchi yarim yilligidagi budjet mablag‘laridan foydalanish va rivojlantirish dasturlari ijrosi yuzasidan hisobotlari ko‘rib chiqildi.

Muhokamalar davomida budjet mablag‘laridan samarali foydalanish, belgilangan ko‘rsatkichlar ijrosi hamda sohalardagi mavjud muammolar yuzasidan fikr almashilib, mas’ul idoralarga tegishli taklif va tavsiyalar bildirildi.

Rasmiy sahifalarimiz

O'zbekiston Respublikasi Oliy Majlisi Qonunchilik palatasining navbatdagi yalpi majlisida ko'plab yangi qonunlar ko'rib chiqildi.

Majlis jarayoni haqida ko‘proq bilmoqchimisiz? Unda shu voqealarga bag‘ishlab tayyorlangan videoni tomosha qiling.

Jarayonni kuzatib boring, faol bo‘ling, qonunchilikka oid bilimlaringizni oshiring!

Rasmiy sahifalarimiz

Toshkentda boshlangan yosh parlamentariylar muloqoti Issiqko‘lda davom etadi

Joriy yilning 10–12-avgust kunlari Qirg‘iziston Respublikasining Issiqko‘l viloyatida O‘zbekiston va Qirg‘iziston yosh parlamentariylari ikkinchi forumi bo‘lib o‘tadi.

Ma’lumot uchun, mazkur hamkorlik platformasining ilk forumi joriy yil 14–16-may kunlari Toshkent shahrida Konrad Adenauer jamgʻarmasining Markaziy Osiyo boʻyicha mintaqaviy vakolatxonasi ko'magida muvaffaqiyatli tashkil etilgan edi.

Forum davomida delegatlar tajriba almashadi, dolzarb masalalar yuzasidan fikr-mulohazalar bildiradi hamda “Yoshlar — umumiy taraqqiyot va tinchlik sari!” shiori ostida yangi hamkorlik istiqbollarini muhokama qiladi.

Rasmiy sahifalarimiz

O‘zbekiston Prezidentining global tashabbusi BMTda qo‘llab-quvvatlandi

BMT Bosh Assambleyasi “Ijtimoiy rivojlanishni jadallashtirishda parlamentlarning rolini kuchaytirish to‘g‘risida”gi rezolyusiyani mutlaq ko‘pchilik ovozi bilan qabul qildi.

Mazkur tashabbus ilk bor Prezidentimiz Shavkat Mirziyoyev tomonidan 2020-yilda BMT Bosh Assambleyasining 75-sessiyasida ilgari surilgan edi.

Rezolyutsiyada Toshkentda o‘tkazilgan Parlamentlararo Ittifoqning 150-Assambleyasi va Toshkent deklaratsiyasi alohida e’tirof etildi. Hujjat parlamentlarda ayollar va yoshlar ishtirokini kengaytirish hamda ijtimoiy rivojlanish bo‘yicha xalqaro hamkorlikni mustahkamlashga qaratilgan.

Rezolyutsiyani 167 ta davlat qo‘llab-quvvatladi, 61 ta davlat esa O‘zbekiston tashabbusining hammuallifi bo‘ldi.

Bu O‘zbekistonning ochiq va konstruktiv tashqi siyosati hamda Prezidentimizning global tashabbuslari xalqaro maydonda yuksak e’tirof etilayotganining yana bir yorqin tasdig‘idir.

Rasmiy sahifalarimiz