Prezident faoliyati: Samarqand sammitida muhim tashabbuslar ilgari surildi

Bugun, 4-may kuni Prezident Shavkat Mirziyoyev Samarqand shahrida oʻtayotgan Osiyo taraqqiyot banki Boshqaruvchilar kengashi 59-yillik yigʻilishining ochilish marosimida ishtirok etdi.

“Taraqqiyot chorrahalari: mintaqaning oʻzaro bogʻliq kelajagini ilgari surish” shiori ostidagi forumda 100 dan ortiq mamlakatdan 4 mingdan ziyod ishtirokchi qatnashmoqda.

Prezidentimiz oʻz nutqida Yangi Oʻzbekistonda amalga oshirilayotgan islohotlar natijalariga toʻxtalib, iqtisodiy oʻsish, investitsiyalar hajmi va kambagʻallikni qisqartirish borasidagi yutuqlarni qayd etdi.

Shuningdek, davlatimiz rahbari qator muhim tashabbuslarni ilgari surdi:

Sun’iy intellektni rivojlantirish bo‘yicha alohida dastur ishlab chiqish;
“Osiyo uchun raqamli magistral” tashabbusi doirasida Toshkentda mintaqaviy markaz tashkil etish;
CAREC doirasida “Raqamli bojxona va logistika alyansi”ni yo‘lga qo‘yish;
“Kritik mineraldan – ishlab chiqarishga” dasturida ishtirok etish;
“Markaziy Osiyo yashil belbog‘i” loyihasini amalga oshirish;
“Markaziy Osiyo turizm halqasi”ni yaratish.

Yakunda Prezidentimiz ilgari surilgan tashabbuslar aniq loyihalarga aylanib, mintaqa taraqqiyotiga xizmat qilishiga ishonch bildirdi.

Rasmiy sahifalarimiz

O‘zbekiston va OTB — yangi imkoniyatlar sari yirik qadam

O‘zbekiston va OTB o‘rtasidagi strategik sheriklikda tarixiy bosqich: 12,5 milliard dollarlik yangi hamkorlik dasturi imzolandi.

Rasmiy sahifalarimiz

Yoshlar parlamentining Hafta dayjesti

 O‘tgan hafta davomida Yoshlar parlamenti a‘zolari tomonidan yoshlar bilan bevosita muloqotlar tashkil etildi, xalqaro hamkorlik masalalari muhokama qilindi, shuningdek yoshlarning huquqiy savodxonligini oshirish va ularni turli tahdidlardan himoya qilish masalalariga alohida e’tibor qaratildi.

Ko‘proq bilmoqchimisiz? Unda shu voqealarga bag‘ishlab tayyorlangan haftalik dayjestni tomosha qiling.

Rasmiy sahifalarimiz

Kitobga mehr – kelajak poydevori

Surxondaryo viloyati Sariosiyo tumanidagi 2-sonli umumta’lim maktabida “Bir bolaga – uch kitob” aksiyasi doirasida “Kitob marafoni” tadbiri yuqori kayfiyatda tashkil etildi.

Unda Oliy Majlis Qonunchilik palatasi deputati Go‘zal Samiyeva hamda Yoshlar parlamenti a’zosi Laylo Nurullayeva, shuningdek, mahalla faollari, ota-onalar va o‘quvchilar faol ishtirok etdi.

Mazkur tadbir yoshlarning kitobga bo‘lgan qiziqishini oshirish, ularning ma’naviy dunyosini boyitish va mutolaa madaniyatini rivojlantirishga xizmat qildi.

Tadbir davomida kitobning inson hayotidagi o‘rni va yosh avlod tarbiyasidagi ahamiyati haqida fikr almashildi.

Rasmiy sahifalarimiz