«Умовы там [у калоніі] былі жудасныя, вельмі моцна падарвалася здароўе. Праблемы з зубамі, са спінай, развітая экзэма.

У верасні я пакінуў краіну. Ужо праз тры дні быў у Варшаве, дзе ўпершыню за доўгі час адчуў сябе свабодным. Я падаў дакументы на атрыманне міжнароднай абароны, але пакуль не магу афіцыйна працаваць. Зберажэнні ўжо скончыліся, але трэба аплачваць арэнду, рахункі і купляць ежу і прадметы першай неабходнасці.

Да таго ж, я адзін у незнаёмай краіне, шмат чаго незразумела. Унутры сядзіць страх, што нешта можа не атрымацца. Мая гісторыя падобная да многіх іншых, але я стараюся рухацца наперад. І мне патрэбна дапамога для пачатку новага жыцця».