??Праваабаронцы: «Вызваленне палітычных зняволеных – неабходны, але недастатковы крок»

Абсерваторыя па абароне праваабаронцаў (FIDH-OMCT) і шэраг праваабарончых арганізацый з розных краін выступілі з заявай з нагоды вызвалення палітвязняў Беларусі 13 снежня. Адзначаецца, што рэжым Лукашэнкі вызваліў больш за сто палітзняволеных пасля дамоўленасцяў са ЗША аб зняцці санкцый з беларускага калію.

Сярод вызваленых – вядомыя праваабаронцы і сябры «Вясны» Алесь Бяляцкі і Уладзімір Лабковіч, а таксама ключавыя фігуры апазіцыі, такія як Марыя Калеснікава, Віктар Бабарыка і адвакат Максім Знак.

Абсерваторыя па абароне праваабаронцаў і арганізацыі-падпісанты вітаюць гэтае вызваленне, якое з'яўляецца неабходным, але недастатковым крокам, паколькі ўсе адвольна затрыманыя праваабаронцы, уключаючы былога віцэ-прэзідэнта FIDH і калегу па «Вясне» Валянціна Стэфановіча, супрацоўніцу «Вясны» Марфу Рабкову і праваабаронцу Насту Лойку, павінны быць вызваленыя неадкладна.

Заява цалкам ?? https://spring96.org/be/news/119283