??У зняволенні працягваюць заставацца яшчэ двое праваабаронцаў «Вясны»

13 снежня па памілаванні былі вызваленыя адразу 123 палітвязні, сярод якіх — кіраўнік і заснавальнік «Вясны», лаўрэат Нобелеўскай прэміі міру Алесь Бяляцкі, а таксама юрыст «Вясны» і каардынатар кампаніі «Праваабаронцы за свабодныя выбары» Уладзь Лабковіч.

Нягледзячы на добрыя навіны і вызваленне Алеся і Уладзя, за кратамі працягваюць заставацца каардынатарка Валанцёрскай службы «Вясны» Марфа Рабкова і сябра Рады «Вясны» Валянцін Стэфановіч.

Марфа была затрымана яшчэ ў верасні 2020-га году, а пазней асуджаная да 14 гадоў і 9 месяцаў зняволення. Валянціна затрымалі ў ліпені 2021-га году — яму прызначылі 9 гадоў пазбаўлення волі.