Faxriylarga ehtirom ko‘rsatildi

Mamlakatimizda 9-may — Xotira va qadrlash kuni munosabati bilan urush va mehnat faxriylari, nuroniylar holidan xabar olish, ularga e’tibor va g‘amxo‘rlik ko‘rsatish ezgu an’anaga aylangan.

Mazkur sana munosabati bilan O‘simliklar karantini va himoyasi agentligi vakillari tomonidan Markaziy fitosanitariya laboratoriyasida uzoq yillar xizmat qilib, zahmatli mehnati bilan laboratoriya faoliyatini yangi bosqichga ko‘tarishga hissa qo‘shgan, hozirgi vaqtda nafaqada bo‘lgan faxriylar – Viktor Podarov va Lyudmila Salnikovalar xonadonlarida bo'lib, holidan xabar olindi hamda ularga bayram sovg‘alari ulashildi.

Samimiy muloqot davomida faxriylar o‘zlariga ko‘rsatilayotgan yuksak e’tibor, ehtirom va g‘amxo‘rlik uchun minnatdorchilik bildirib, yurtimizda tinchlik va barqarorlik, xalqimiz farovonligi hamda Agentlik faoliyatiga ulkan muvaffaqiyatlar tiladilar.

gov.uz/oz/karantin 
Telegram
Facebook* Instagram*
Youtube ✖️Twitter