Ko‘katlar uchun yangi turdagi qadoqlash usuli yaratildi

"PeelON.inc" kompaniyasi bargli ko‘katlar kabi tez buziluvchan mahsulotlarning yaroqlilik muddatini uzaytirishga qaratilgan innovatsion qadoqlash texnologiyasini sinovdan o‘tkazmoqda.

Loyiha an’anaviy qadoqlardan farqli o‘laroq, qadoq ichida faol mikroiqlim yaratishga asoslangan. Tizim namlik darajasini, gaz almashinuvini hamda mikroblar rivojlanishini nazorat qilish orqali mahsulotning xona haroratida ham qo‘shimcha 2-3 kungacha saqlab bera oladi.

Eng muhimi, yangi qadoq materiali ekologik jihatdan xavfsiz bo‘lib, uy sharoitida kompost bo‘lish (chirindi holiga kelish) xususiyatiga ega. Mavjud qadoqlash tizimlariga oson integratsiya qilinadigan ushbu yechim nafaqat plastik chiqindilarini kamaytirishga, balki logistika samaradorligini oshirishga ham xizmat qiladi. Hozirda turli ekin turlari bo‘yicha kengaytirilgan sinovlar davom etmoqda.

gov.uz/oz/karantin 
Telegram
Facebook* Instagram*
Youtube ✖️Twitter