Seyalka sozligi va ilmiy yondashuv — yuqori hosil omili

Qoraqalpog‘iston Respublikasiga ishchi tashrif doirasida qishloq xo‘jaligi vaziri Ibrohim Abdurahmonov Beruniy tumanida joylashgan “N Otabek” fermer xo‘jaligida ham bo‘lib, dalaga urug‘lik chigit ekish ishlari bilan tanishdi.

Jami 50 gektar yer maydoniga ega mazkur xo‘jalikda bu yil 15 gektar maydonga plyonka ostiga chigit ekish rejalashtirilgan. Hozirgi kunda ekish ishlari jadal sur’atlarda olib borilmoqda.

O‘rganishlar chog‘ida vazir tomonidan amaliy yordam va tavsiyalarga alohida urg‘u berildi. Jumladan, seyalkalarni to‘g‘ri sozlash, ekish jarayonida qo‘shqator orasiga ortiqcha tuproq tashlamaslik kabi muhim jihatlar amalda ko‘rsatib berildi.

Bundan tashqari, vazir fermerlarga chigit ekishda agregatlarni aniq va to‘g‘ri ishlatish, qatorlar orasidagi masofani me’yorda saqlash hamda har bir agrotexnik tadbirni ilmiy asosda tashkil etish muhimligini ta’kidladi. Bu tavsiyalar hosildorlikni oshirishda hal qiluvchi ahamiyat kasb etishi qayd eti

ldi.

Bu kabi amaliy ko‘rsatmalar fermerlar uchun katta ahamiyatga ega bo‘lib, agrotexnik tadbirlarni to‘g‘ri tashkil etish orqali hosildorlikni oshirishga xizmat qiladi. Beruniy tumanida olib borilayotgan bu ishlar esa zamonaviy paxtachilik madaniyati shakllanayotganidan dalolat beradi.

Website Telegram Facebook* YouTube Instagram*