Global paxta bozori: 2026/27-yil mavsumi uchun dastlabki prognozlar

2026-yil aprel oyidagi ma’lumotlarga ko‘ra, 2026/27-yilgi mavsumda jahon paxta tolasi ishlab chiqarish 4 foizga kamayib, 24,9 million tonnani tashkil etishi prognoz qilinmoqda. Shu bilan birga, dunyo bo‘yicha paxta iste’moli deyarli o‘zgarmay, 25 million tonna atrofida qoladi.

Prognozlarga ko‘ra, paxta ishlab chiqarishda Xitoy yetakchilikni saqlab qoladi. Undan keyingi o‘rinlarda Hindiston, Braziliya va AQSh qayd etiladi.

Mutaxassislar fikricha, global paxta savdosi ham 2,5 foizga qisqarib, 9,6 million tonnani tashkil etadi. Bu ishlab chiqarish hajmining kamayishi va talabdagi o‘zgarishlar bilan izohlanmoqda.

Shuningdek, savdo oqimlari tariflar, savdo kelishuvlari va geosiyosiy vaziyatga bog‘liq holda shakllanishda davom etadi. Global yuk tashish yo‘nalishlaridagi uzilishlar ham bozordagi holatga ta’sir ko‘rsatishi mumkin.

Import bozorida Bangladesh 1,8 million tonna bilan eng yirik xaridor bo‘lib qoladi. Vetnam, Xitoy, Pokiston, Turkiya va Hindiston esa asosiy importyorlar qatoridan joy oladi. Bu davlatlar jami global importning qariyb 80 foizini tashkil

etadi.

Manba: https://www.linkedin.com/posts/cottonthismonth-74459

Website Telegram Facebook* YouTube Instagram*