— Magistratura uchun universitet tanlashda quyidagi mezonlarga e’tibor berish:
• sohangiz bo‘yicha rivojlangan davlat ekani
• fakultetda kuchli professor va tadqiqotchilar jamlangani
• universitetda chop etiladigan ilmiy ishlar soni va sifati
• amalga oshirilayotgan ilmiy loyihalar
• bitiruvchilarning ishga joylashish ko‘rsatkichi
• dunyodagi mashhur universitetlar bilan almashinuv dasturlari mavjudligi
• stipendiya va grant imkoniyatlari borligi

— Xorijda ta’lim uchun til sertifikatlarini oldindan rejalashtirish:
• ingliz tili
• rus tili
• turk tili
• yoki tanlangan davlat tili

— Professor, ustozlar bilan yaxshi chiqishish hamda kerakli boʻlgan loyihalarda universitetda faol boʻlish.

— O‘qimoqchi bo‘lgan fanlarni aniq belgilash va nima uchun aynan shu yo‘nalish tanlanganini tushunish.

— Sohada muayyan tadqiqot yo‘nalishini tanlab, shu bo‘yicha chuqur mutaxassislik qilish.

— GPA va akademik ko‘rsatkichlarni yuqori darajaga olib chiqish.

— Stipendiya va grant dasturlari ro‘yxatini shakllantirish hamda ularning talablarini oldindan o‘rganish.

— Ilmiy konferensiyalarda qatnashish va maqolalar yozish:
• konferensiya nomi
• o‘tkazilgan sanasi
• nashriyot yoki jurnal nomi
• maqola chop etilgan manba
kabi ma’lumotlarni yig‘ib borish.

— Amaliyot o‘talgan joydan o‘zbek va ingliz tillarida tavsiyanoma olish.

— Tanlangan universitet professorlarining ilmiy maqolalarini o‘qish va tahlil qilish.

— Shaxsiy kutubxona shakllantirish:
• sohangizga oid kitoblar
• monografiyalar
• ilmiy maqolalar
• tor mutaxassislikka oid tadqiqotlar
ni muntazam o‘qib borish.

— Uylanmasdan xorijda magistratura oʻqish.


Kitobdan olgan eng muhim xulosam: xorijda magistratura bu faqat hujjat topshirish emas, balki uzoq muddatli va tizimli tayyorgarlik jarayoni ekan. Shu bilan birga kitobda men aytamagan koʻplab maʼlumotlar bor, bular – magistraturaga kirgandan keyin nimalar qilish kerakligi, magistratura tamomlab xorijda ish topish, dissertatsiya yozish jarayonlari va PhD qilishga tavsiyalar hamda bir qator amaliy tajribaga asoslangan maʼlumotlar berilgan. Bular menga hozir zarur boʻlmagani uchun note qilmay, oʻqib ketdim. Bu kitobni 2-kursga oʻtgan talaba albatta oʻqishi kerak, kamida 3-kursga oʻtayotgan talaba oʻqib, kitobdagi maʼlumotlarni bilish kerak. 4-kurs va bitiruvchilar uje pishgan!)

Albatta oʻqib chiqing!

Kitobni bepulga, 30 kunga, uyingizga @mehr_kutubxonasi dan olishingiz mumkin.

Taqrizchi : klub prezidenti Jaxongir Xakimov

@tydclub