«Сёння мы выказваем непахісную салідарнасць з больш чым 800 палітычнымі зняволенымі і ўсімі, хто пераследуецца па палітычных матывах і застаецца за кратамі ў Беларусі. Хоць нядаўняе вызваленне шэрагу зняволеных стала пазітыўным і важным крокам, які прынёс палёгку многім сем’ям, гэта не сведчыць пра сістэмныя змены ў рэпрэсіўнай палітыцы рэжыму. Палітычна матываваныя арышты, судовыя пераследы і прысуды працягваюцца штодня».

«Мы асуджаем нечалавечыя ўмовы ўтрымання, жорсткае абыходжанне і катаванні, пра якія нядаўна паведаміла Група незалежных экспертаў ААН па сітуацыі з правамі чалавека ў Беларусі. У сваім дакладзе эксперты прыйшлі да высновы, што беларускія ўлады працягваюць сістэматычна парушаць міжнароднае права ў сферы правоў чалавека і што адказнасць за гэтыя злачынствы па-ранейшаму адсутнічае.

Наша салідарнасць з усімі, хто падвяргаецца палітычным і адміністрацыйным рэпрэсіям у Беларусі і ў выгнанні, застаецца непахіснай».

«Сёння мы крычым ад імя ўсіх галасоў, зняволеных у турмах Беларусі: за вызваленне і спыненне пераследу, за ўвагу міжнароднай супольнасці, за падтрымку ахвяраў рэжыму. Салідарнасць — гэта не злачынства.

Маўчанне, наадварот, робіць магчымымі новыя рэпрэсіі».

«Мы памятаем тых, хто страціў жыццё ў выніку пераследу або ў зняволенні — сярод іх Вітольд Ашурак — і не забываем пра больш за 800 беларусаў, якія ўсё яшчэ знаходзяцца ў турмах за свае палітычныя погляды».

«Палітычныя зняволеныя па ўсім свеце заслугоўваюць нашай увагі. Сёння Інстытут Буша адзначае Міжнародны дзень салідарнасці з палітычнымі зняволенымі ў Беларусі.

Дэвід Дж. Крамер, выканаўчы дырэктар Інстытута Буша, тлумачыць, чаму мы павінны імкнуцца да роўнасці ва ўсім свеце і падтрымліваць прыхільнікаў дэмакратыі, такіх як Святлана Ціханоўская.

Даведайцеся больш пра палітычных зняволеных у Беларусі сёння».