Беларускія дэмакратычныя сілы абмеркавалі ў Вільнюсе падтрымку беларусаў з прадстаўніком Рады Еўропы

У Вільнюсе адбылася сустрэча дэмакратычных сілаў Беларусі з Генеральным сакратаром Кангрэса мясцовых і рэгіянальных уладаў Рады Еўропы Мэцью Моры.

У сустрэчы ўзялі ўдзел прадстаўнікі Офіса Святланы Ціханоўскай (Дзяніс Кучынскі, Анатоль Лябедзька, Павел Церашковіч), Аб’яднанага Пераходнага Кабінета (Вольга Зазулінская, Юлія Міцкевіч) і грамадскай ініцыятывы «Вольныя» (Вераніка Станкевіч).

Дырэктар Офіса ў Літве Дзяніс Кучынскі ад імя Святланы Ціханоўскай падзякаваў Мэцью Моры за паслядоўную падтрымку і супрацоўніцтва з беларускімі дэмакратычнымі сіламі.

«Гэтая сустрэча стала важным крокам у распрацоўцы стратэгіі таго, як мясцовыя і рэгіянальныя ўлады могуць стаць надзейным тылам для беларусаў у вымушанай эміграцыі і партнёрамі ў будаўніцтве будучай дэмакратычнай сістэмы самакіравання»,

— Дзяніс Кучынскі.

Падрабязнасці пра вынікі сустрэчы чытайце на сайце.